Shop9 Restaurant & Lounge (已結業)

坐係室外，環境感覺幾好！但啲野食就麻麻了！叫左水牛城雞翼，黑松露芝士薯條，set dinner的帶子意粉和牛扒。雞翼炸得耐左，有點乾，雞翼的本身都冇味，而且只有兩兜醬點，味道完全欠奉。芝士薯條幾好，熱辣辣岩岩炸起，真係勁多黑松露醬，多啲芝士會好啲。帶子意粉的帶子冇味又唔香，意粉個味就正常。牛扒好薄，而且有筋，係多配菜既，個汁既味都可以。野食係大份，但唔好食就再大份都冇意思......黎坐低飲野好，啲野食就不了

港島綫西延開通後，過黎呢頭好方便，Shop9位於西營盤的第三街，紅磚既外牆，英式風格，餐廳設有outdoor位，夜晚係室外用餐感覺格外寫意，望住薄扶林道街景🌃 ⭐澳洲安格斯牛扒配紅酒汁🥩🍴，肉味濃厚，加上紅酒汁，令味道提升，食到牛扒既肉香，伴碟配有焗薯&BB露筍😋🌟最值得推介係串燒拼盤（雞翼2串， 雞軟骨2串，大排菇2串， 牛柳粒2串，豬頸肉2串）好豐富，只係$128🍺英國Samuel Smith Organic Pale Ale啤酒，使用有機Hallertau酒花，飲落口先有奶油糖味，後有藥草苦韻，配串燒好夾❣️未試過朋友黎到呢度可以品嚐下英國啤，唔係好多餐廳有🍻🍽️食物有質素👍氣氛唔錯，服務幾好，會再encore💖

西環一代開咗好多西餐廳已經唔係咩新聞，不過搵食就要行少少斜路～今次去呢間餐廳都係o係斜路上面～  成間餐廳都係用紅磚砌成，仲有室外位～  好適合 happy hour 飲返杯～晚餐包餐湯/沙律 + 主菜 + 飲品餐湯係味增豬骨湯，估佢唔到～竟然唔系西湯沙律唔hea， 菜新鮮，又有麵包脆脆+煙肉碎Mint Chocolate唔會太甜，夠滑油甘魚+蟹肉+牛油果他他配山葵油醋 $108清新之選～ 好適合夏天食，開胃餐前小食～ 覺得點中間d醬撈埋一齊食澳洲安格斯肉眼配紅酒汁 $238份量十足～ 憑佢牛扒上面有新鮮香草 + 旁邊伴碟蔬菜就知道有誠意牛扒唔醋德國咸豬手配蜜糖芥末 $198好大呀～ 遠處已經聞到香味，仲要係鐵pan上，滋滋聲～　皮燒到好脆！ 肉質唔會太乾，睇到好多骨膠原～ 正～有我超愛的薯仔蜜糖芥末醬～ 一定要點醬食！豬手下面 有酸椰菜～ 我覺得唔夠酸～ 朋友就話ok菠蘿汁嘆多杯咖啡～ 好飽的一餐～

首先 呢個跟set dinner既餐湯：粟米忌廉湯 已經十分impress到我 超級香濃、幼滑、豐富主角出場了：安格斯牛扒 好大塊 未食過紅酒汁 一試愛上 同牛扒好夾 牛扒叫5成真係剛剛5-6成 非常有水準 絕對對得起$238dinnerset呢個價錢呢個薯條亦係十分impressive 點解呢佢個芝士醬係用佢個煲仔煮熔 比客人自己點 仲有提醒我地唔好店到煲仔 因為好熱黑松露一啲都唔吝嗇 大大pat用薯條先沾芝士、再痴下啲黑松露簡直係100/100分呢個串燒真係不得了每樣野有兩串：大啡菇、豬頸肉、牛肉粒、雞翼、雞軟骨即係有10串 平均$12.8一串 講真 旺角都未必食得到啦 佢仲係配個酸酸咸咸既汁架 好味仲叫左杯啤酒送薯條🍟食環境好舒服我下次會再帶朋友同家人黎食！

自己一直都想衝出九龍，去港島食嘢，尤其係西環上環呢邊，終於有朋友肯同我過海，好滾動😭真心好少嚟呢邊，第二街再轉個彎先會見到第三街。平日夜晚唔多人，都有幾枱客坐outdoor。我好喜歡佢掛燈嘅設計，佢外牆磚頭，好夠raw。有啲似去咗歐洲，環境係幾好，重點係唔嘈。8點前happy hour，買一送一，呢樣絕對係抵。對於一個薯條怪，呢間有驚喜。薯條新炸，唔會過油，剛剛好。佢嘅醬係芝士，係小小結，超香口，要快啲食，好快就結哂。黑松露無慳，完全係一碟仔俾你點，超夠味，薯條即時昇華哂。西班牙海鮮飯，煮得好好食，而且每啖都一定有餸。佢都有啲人工啤係幾好飲呢個好啱女仔飲，酒精5%度，又帶啲麥味，而且佢地個杯好靚。氣氛唔錯，服務幾好，會繼續去搵好嘢食。

黎左台灣幾日 都開始有啲掛住香港嘅美食尤其是係呢餐係西環嘅Shop9好有氣氛 最岩一大班人黎Chill下🍻先黎一個串燒拼盤 ($128)雞軟骨同大啡菇 都好味啊 推薦🐣之後就來了個Fish & Chip ($98)魚魚炸得脆卜卜 薯條份量都好夠然後那個北京填鴨的薄餅 ($78)風味十足 稍為甜左少少🙈最後要左個Set dinner ($128)忌廉三文魚牛油果天使麵味道稍為清淡一點 可以一試喔最後mint chocolate ($18) 好味😍________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

一早忙碌處理雜事，錯過了午餐時間。在告一段落後，飢腸轆轆的我來到Shop 9吃頓午茶。店內環境氣氛好，也有室外露天座位! 座位頗舒適。英倫風的裝潢感覺有格調，輕鬆的氛圍讓人頓時忘卻繁雜事務，沉浸於此。簡單的下午茶套餐，種類精簡，卻也簡單挑選，我選擇了西多士，再搭配friut punch。西多士，外頭脆內心軟，份量適中。西多士裡夾有一塊Parma ham與香滑芝士，佐上煉奶，這種鹹甜滋味，真的好好吃。搭配清甜爽脆的沙律吃可解解油膩，也健康些。酸甜的friut punch喝上一口接一口，透心涼爽暢快無比，十分喜歡它的滋味

平日吃下午茶的機會不多，湊巧在西營盤附近閒逛，發現有著紅磚牆的門面是家餐館店名SHOP9，觀望了一會便決定在這家餐館吃下午茶。步入店內濃濃的英式格調，很喜歡這種樸實的異國情調，令人置身國外的錯覺!優雅舒適的氣氛，亦令人感到輕鬆自在。SHOP9也有室外露天座，晚上在戶外用餐，想必浪漫氣氛十足！平日吃下午茶的機會不多，湊巧在西營盤附近閒逛，發現有著紅磚牆的門面是家餐館店名SHOP9，觀望了一會便決定在這家餐館吃下午茶。步入店內濃濃的英式格調，很喜歡這種樸實的異國情調，令人置身國外的錯覺!優雅舒適的氣氛，亦令人感到輕鬆自在。SHOP9也有室外露天座，晚上在戶外用餐，想必浪漫氣氛十足！吉列豬鞍漢堡包伴薯條漢堡包，中間夾用了紅菜頭真令人訝異!這也是其特別的地方，第一次嚐到這樣的組合。紅菜頭酸甜滋味調和了炸豬肉的油膩感，豬肉炸得外酥內嫩與芝士的香濃真是好搭配。薯條亦是炸的酥脆，這樣的組合真的美味。apricot ale水果酒，淡淡水果香氣，冰涼飲用真是消暑解渴。吃完漢堡包已有七成飽的感覺，再喝下水果酒整個飽足感強烈。對於這餐十足滿意，有機會推薦同事友人們再一起來享受優閒午茶時光。

轉下地區，去下西區食飯，試下自己未試過的，西餐見到「Shop 9」好評，所以試下。鍾意佢有得坐outdoor，係天氣未熱時，坐outdoor其實好舒服開揚。Set dinner 百幾蚊，好抵食。兩個人叫一個set，另外再散叫。首先送上餐包，好軟熟，配埋香濃creamy嘅南瓜忌廉湯，正！！澳洲黑安格斯牛西冷扒，肉眼扒燒至表面焦香，約七成熟，中間呈粉紅色，肉質嫩腍而且有肉汁，肉味濃郁，好味推介！！另外特別一提，旁邊有燒菠蘿做配搭，好香，中和食完肉嘅味蕾。香煎帶子扁意大利粉，帶子大大粒，鮮甜；意粉彈牙有口感。另外仲散叫左個串燒拼盤，好豐富，有鷄軟骨，牛肉，鷄翼，菇等，燒得好香。食物有質素好味，價錢仲要好抵食，個女侍應自己一腳踢都服務好好，推介，會再encore！！

寫意西餐@西環舊區西營盤老店林立，喺第三街轉角見到紅磚牆嘅建築物就顯得格外醒目～今日放假特登同朋友嚟食下午茶傾下計。入面裝修好cozy，令人不自覺都放鬆埋心情 😆 仲有 Outdoor Seating，可以飲返杯 chill 下！Tea Set 價錢都 ok，份量足而且有飲品，所以唔算太貴。兩款下午茶都配有新鮮沙律菜，食得清爽又健康 🥗 Egg Benedit with Bacon 賣相精緻，好吸引！Egg Benedict 整得好流心好好食，相當有驚喜！英式鬆餅+煎得香脆嘅煙肉+流心水煮蛋+酸甜荷蘭醬，我畀100分 💯Pork Chop Burger 都好足料，吉列豬鞍十分肥厚，但肉質嫩滑唔會好嚡口 👍🏻 配料有芝士蕃茄生菜同酸洋蔥，層次豐富，食落好清爽惹味！薯條炸到脆卜卜都好正，不知不覺就食晒～最後嘆返杯熱嘅檸檬薑蜜同薄荷朱古力，完美的句號 😌

去西營盤探新居入伙的朋友，晚飯時間，我呢位特別鍾意西餐的朋友，話帶我去附近一間非常唔錯嘅餐廳，咁當然跟住去試下啦！去到餐廳，原來有分室內室外，呢日天氣開始有啲熱，於是揀左室內，位置非常闊落舒服，真係好適合三五知己食下嘢，傾下計BBQ 豬肋骨 + 薯條 + 手工啤酒傾計就當然唔少得薯條，啤酒，呢 set 個啤酒係手工啤，倒出嚟顏色偏黑，飲落有好香嘅麥味，一啲都唔澀，好好飲，薯條係粗身㗎，我特別喜歡，主角豬肋骨當然毫不遜色啦，燒到邊位微焦，唔錯澳洲黑安格斯牛肉眼扒配紅酒燒汁叫左呢個牛扒晚餐，牛扒要 7成熟，嚟到切開，果然做到，唔會過熟，入口充滿肉汁，水準之作香辣水牛城雞翼呢款雞翼上枱會配埋兩款醬汁，一款係配辣醬，另一款係酸乳酪醬，兩款醬都令呢個水牛城雞翼更惹味

Sunday... of course to chill and enjoy the day!!朋友成日激讚呢間小店，果然係非常好。遠遠見到紅磚塊就認到shop9😻Font design + overall look of the shop gives me a very Londoner impression..環境好悠閒 一坐低已經覺得好舒服放鬆 Perfect vibe !!望一望Menu, 一d都唔貴，tea set $38-8x不等 有野飲 加十零蚊有coffee special / black tea 非常底食😝見到'西多士' 咁得意，叫左份；友人叫左egg Benedict + salmon等野食果陣周圍望周圍影...從裝潢到店內細節感覺到店家非常用心打造一間咁精緻有taste既餐廳..perfect iced coffee , not too sweet blending with great scent of caramel / mint chocolate 🤤🤤 cool down the start of summer OMG 🤤🤤🤤🤤🤤fit 120% Hong

途徑西環第三街有不同大街小巷，文青小店進駐此地，星期日經過此地有室內及室外之分，舒適度甚高。室內有Bar位不同種類的酒精類飲品，連手工啤都有相當多元化。餐牌內有Lunch Set..A-F餐，總有一款適合客人。凡惠顧Lunch set包餐茶飲品，只需要另加$28則有甜品，加多$18有特飲。我倆點了2個set lunch,各有特色不俗。豬柳荷蘭汁玉子漢堡配薯條 $68上桌後貌似大型連鎖店的漢堡，不過咬下來確實有點不同，包身鬆軟夾有兩塊豬柳滋味無比，玉子煎得呈流心，芝士的芝心滋味無比同吃非常美味。即叫即整的香脆薯條，帶點鹽份相當美味，旁邊配上沙律可減漢堡的膩度。日式咖哩吉列豚肉飯伴溏心蛋 $88你可能以想不到為何有日式食物？不過確實有所驚喜，吉列豚肉炸粉與肉質平均香脆。咖哩味道不算太辣與粒粒飯粒融為一體，咖喱汁美味如果添多少許飯會更好。溏心蛋呈現流心效果出色，$88相當有質素。最後普通一杯熱檸水，杯身以藍白色為主調滿帶悠閒感。下次到西環第三街可以再次光顧Shop 9 Restaurant也是不錯選擇。

在西營盤的第三街，有間已開了4年的 <Shop 9 Restaurant and Lounge>，喜歡其紅磚牆門面，擁有英式風格！3月頭的週末來到，原來這裡還有露天茶座，當日 20~25度，天氣和暖舒適，我們便決定坐在室外；除了方便吸煙食客之外，亦方便帶狗食客！兩位靚女店員很有禮，甜美的笑容給人良好印象！餐廳每兩星期轉一次 menu，也有廚師推介！午餐：先上餐包溫熱的餐包質感鬆軟而密度高，味帶微甜！蕃茄湯熱辣辣的蕃茄湯，酸香開胃！夾雜蕃茄粒及牛肉，口感豐富！大啡菇芝士漢堡配薯條 $78店方選用大啡落代替牛肉漢堡，就算是素食者及好像我不吃牛都可以食得到！加入大啡菇，整體口味不單調，配上淋上黑醋的沙律菜；即炸金黃色的炸薯條，我不禁食薯條先！挪威三文魚白酒忌廉天使麵 $88天使麵份量適中及帶有彈性，加入忌廉烹調，食落尚算夠味，熟透的三文魚細細粒，卻不會嚡口！配料還有芝士、彩椒及蘑菇！令賣相及口感也生色不少呀！熱薄荷朱古力 (轉特飲+$18)奶泡綿密豐厚，滲出薄荷獨特的清香，入口是朱古力的甜美，整體不算甜膩！

西環越來越多外國人居住，又有很多新屋苑，也因此多了很多特色餐廳。朋友有次行完山來過這裡食lunch，覺得好食又抵食，今天就與我來這裡食晚飯。Set Dinner由$108起，價錢合理。也許因該是星期三的關係，人不多，餐廳氣氛很好，員工的服務態度也很好，絕不似在西環的住宅區呢！我們二人各選了set dinner，頭盤我點了沙律，菜，新鮮，朋友點了餐湯，是日為洋蔥湯，份量屬於正常size。朋友點了烤原條豬肋骨配洋蔥圈，肋骨好好味，好大件，果然是原條上，我們還笑說這是一隻生得很高大的豬，所以肋骨長！黑豚豬扒漢堡很特別，平時吃牛肉漢堡吃得多，其實豬肉的也不錯，老實説，肉質真的與牛肉有所不同，但賣相精美而且感覺豬肉無牛肉那麼「毒」，不失為一個好選擇！不得不說，百多元的晚餐，絕對抵食，環境又舒適，我們覺得，就算在金鐘、中環放工後坐的士來吃也會抵食，又可避開人多的區域！果真有「西區soho」的感覺。