Shop9 Restaurant & Lounge (已結業)

上個星期日去英華台吃酸菜魚麵，食完後四處逛逛，回程時路經第三街，留意到近薄扶道路口有間叫「Shop 9 Restaurant & Lounge」嘅餐廳。靠近細看，外牆滿佈舊式紅磚，帶英國古堡 feel，配上以黑色為主調的門面，風格獨特，裝潢充滿外國氣息，所以已經即時將餐廳名字記下來，趁今個周末有空，一於打鐵趁熱，立即行動，兩口子過嚟吃頓午餐。到埗後先跓足一看放於門外餐牌，原來店子的精選午餐，價錢十分經濟，由 $78-$98 不等，已經包是日餐湯、主菜、咖啡或茶，如果想轉特飲，亦只需 +$15，配埋甜品就 +$28。沿著梯級往內進，餐廳設計很有特色，天花吊滿橙黃色燈泡，驟眼看如天上繁星。環顧四周，座位擺放得一點也不密麻，中間設有水吧，地方非常闊落，感覺舒適自在，而且用餐區旁邊更附設大型戶外座位，適合客人預訂用作舉辦派對活動及宴會等。精選午餐共有 6 款選擇，有漢堡、沙律、意粉、葡國雞飯、螺絲粉等，揀左一口牛燴意粉同法式紙包焗海鮮，點完餐後，店員會隨即送上牛油及暖笠笠的餐前麵包。是日餐湯係粟米忌廉湯，忌廉湯用新鮮粟米炮製，面頭以忌廉劃紋作裝飾，趁熱呷一口，湯身濃稠度適中，唔算好 cream

離開繁忙的中環來到西營盤、沿著第二街走到第三街，來到Shop9。餐廳走黑色格調、播放著強勁的西方流行音樂。被安排坐在靠窗位置、陽光透進來、看著街景、行人都放慢腳步、格外悠然自得。是日餐湯是紅菜頭忌廉湯。紅菜頭湯味道沒有草青味、卻帶點清新奶滑。蒜蓉包烘得香脆可口。吉列豬扒鮮茄螺絲粉 $88看上去像平時吃到的焗豬。新鮮烤焗的吉列豬扒脆口、茄醬挺多、足以覆蓋所有螺絲粉。友人點的黑松露北海道帶子意粉送上時香氣撲鼻、上面還手磨了片片芝士、拌勻意粉後芝士味香濃幼滑。帶子大粒新鮮爽口、很不錯👍🏻午餐價錢合理、質素不錯、難怪有不少街坊、學生都來光顧了。

近年西環開左好多間好野食，同朋友黎開呢頭附近就梗係唔會浪費機會，試下D餐廳。花多眼亂，我地就揀左係轉角位的呢間餐廳。餐廳有戶外位，呢排天氣未係好悶熱，所以我地揀左坐戶外，雖然面向住條馬路，但晚飯時間無咩車，唔會覺得好嘈，不時會有風吹過，都幾舒服。戶外一班人傾計又幾好。店員好nice，主動同我地介紹返有咩受歡迎菜式同飲品，最後我地揀左下面幾樣黎食︰Apple cider $78呢度出名手工啤，朋友首先就話要飲返杯先。佢揀左apple cider，飲左佢幾啖，有淡淡蘋果香，飲落好清新，易入口，好啱女仔飲。Fruit punch $40而自己就嗌左杯fruit punch，好夠果味，無俾水溝到好淡。叫左酒，點會唔少得要叫埋薯條呢D香口野呢~我地叫左個黑松露薯條配芝士醬。黑松露薯條配芝士醬$68薯條熱辣辣炸好就上枱，仲有一大碟黑松露醬，好香，仲有濃厚嘅芝士醬，配埋薯條食，食完一條又一條，停唔到口。小食拼盤 $128有齊炸魚柳、雞翼、肉丸、炸洋蔥圈，入面仲有舊叫比堅尼嘅野食，店員話係西班牙式toastie。Toastie烤得好鬆脆，唔會好乾，中間夾住一塊ham，食落有咸香，好食。可惜炸魚柳比較多

同阿媽去西環搞啲手續經過呢間餐廳見到有個露台好似幾又feel就入咗去食佢都有七個lunch set店員同我地講原來Lunch嘅餐牌兩星期轉一次我就叫咗個意大利黑醋一口牛燴意粉個意粉好好食 好有質感 唔會太淋而且都食得出啲牛肉唔係cheap野而我就叫咗鮮茄芝士吉列豚肉焗螺絲粉勁好食 吉列豚肉同茄汁好夾 芝士又正我就加＄15叫咗杯榛子咖啡絕對係值回票價 唔會太甜而且佢刻着呢個咁chill嘅環境 真係勁嘆最後我仲加咗個甜品有三款俾你揀 我就揀咗牛乳奶凍好滑好正

遊走到西營盤的第三街街角進入了一家英倫風的餐館被安排坐在露枱上初春的晚風吹送清爽怡人點了一杯英國手工杏桃啤酒甜味掩蓋了啤酒的苦澀味另一杯是無酒精的士多啤梨黑茶清新解喝感覺暢快先要點小吃吧西班牙肉丸是自家制多了一份手工的粗糙感有辛辣味之餘更帶點酒香這裡的招牌菜的德國烤豬手份量巨大絕對可供二人享用豬皮香脆烤得像中式乳豬般酥香肉質竟能保持細緻幼嫩有酸菜和馬鈴薯墊底吸收肉汁是吃過最美味的德式烤乳豬之一日落黃昏後鎢絲燈泡徐徐亮起泛黃燈光下我們互相凝視著享受沒有說話的美好時光

西環地膽帶路，我地三人行被引領到呢間西餐廳。餐廳氣氛唔錯，位置唔會好逼，都幾舒服！Outdoor環境很有格調，地方寬敞，適合大班人包埸開P。呢度有好多特色手工啤酒，happy hour仲買一送一。Soup of the day ($48) 甘筍龍蝦湯加左cream和olive oil係面，Lobster 味道濃郁，其實齋飲lobster soup可能幾溜，加左甘筍可以平衡返個味，令到湯的味道更豐富。附新鮮麵包牛油，熱的，很鬆軟。銀魚柳田園沙律，Mixed leaf 、橄欖、蕃茄很新鮮，沙律醋味道唔錯，唔會太酸，銀魚幾特別，比較salty，要夾住菜食。油甘魚刺身、蟹肉、牛油果他他配山葵油醋($108)很豐盛的組合，大顆魚子係面，入面有大量油甘魚粒、crab meat、牛油果，爽青紅椒粒，味道很juicy，口感很rich，配wasabi sauce幾creative，唔會好嗆，又能提升味道。附上紅菜頭沙律和藜麥，口感很清爽。烤原條豬肋骨伴洋蔥圈($148 set dinner incl drink, salad/ soup)，Ribs好大份，最好兩三個人share食，骨肉分佈均勻，唔會多骨

今日和太太往西營盤shop9 食晚餐, 我們點了挪威三文魚白酒忌廉天使面, 小食拼盤、黑松露海鮮荷葉蒸意大利飯配銀魚柳田園沙律和凍焦糖咖啡。挪威三文魚白酒忌廉天使面三文魚食落惹味, 味道鮮甜美味美, 白酒味道好香醇, 配菜藏紅花辣度適中, 三色椒食落爽口,忌廉汁香濃和天使面爽口, 整份挪威三文魚白酒忌廉天使面份量十足, 十分美味；小食拼盤份量十足, 有雞翼, 雞軟骨、大啡菇、牛柳粒和朱頸肉各2串, 雞翼燒得香脆美味, 肉質鮮嫩；雞軟骨調味粉適中,食落彈牙惹味；大啡菇菇食落鮮甜爽口；牛柳粒食落好腍, 肉質鮮甜；最後朱頸肉食落彈牙, 配上孜然粉好惹味；整份小食拼盤食落美味,配上特製醬汁, 帶出串燒的美味, 佐酒一流；黑松露海鮮荷葉蒸意大利飯賣相一流,黑松露好香濃, 薄荷和檸檬葉能帶出海鮮的鮮味,海鮮材料豐富有魚, 蝦、青口和蜆, 魚肉肉質鮮甜, 蝦爽口彈牙、青口和蜆新鮮鮮甜, 意大利飯有飯香, 每一粒皆晶瑩剔透, 青豆食落美味, 整個黑松露海鮮荷葉蒸意大利飯口感十足, 食落惹味；銀魚柳田園沙律食落新鮮開胃, 銀魚柳食落鮮甜美味, 沙律菜新鮮鮮甜, 洋蔥辣度適中, 車厘茄食落爽甜, 食落醒胃

今晚同朋友搵吃搵到黎西營盤，大家都係港島返工，就搵個特別d既餐廳啦！呢間shop9 就係第三街， 經過一堆住宅後，就見到喇！門外同門內都好特別呀！入面仲好有情調添呀！入到去可以揀室內定室外，室外格調、環境真係幾好嫁！不過吸引區，我地都係揀返室內啦！我地兩個人點左好多野食呀,因為樣樣都好吸引囉點左1份 set dinner, 所以有餐湯我地叫左烤原條豬肋骨伴洋蔥圈雖然係set, 份量好多呀，洋蔥圈好脆，點沙律醬仲好味，豬肋骨都好好味呀，汁正！肉又唔會煮過火！我地仲叫左menu food, 鐵板蒜片牛肉粒 $108, 一上台，已經👃🏻到好香喇！食落仲正呀，牛肉仲好腍，蒜汁好入面呀！仲叫多一個pasta, 香煎北海道帶子黑松露扁意粉。正到暈呀！松露汁好香好濃，意粉軟硬度剛好仲好入味添，帶子都新鮮嫁，煎到金黃色！Set 仲可以加$28有甜品，拿破倫睇賣相都知正啦！加$18 仲有朱古力咖啡再叫多杯 lemon ginger tea今晚食得好滿足呀！值得一讚就係侍應既服務態度都好好呀！

西營盤有好多餐廳同酒吧，其實只不過係中環同上環隔離，所以都好方便。餐廳好闊落，有室外座位，如果無咁大風個時坐出面應該好chill。食物選擇好多，唔只西餐，仲會有泰式同中式fushion,亦經常轉lunch/dinner menu。另外一個特色就係有賣多款手工啤酒，不過我就無咩研究。餐湯係冬蔭公，太咸太濃味，同餐包唔太夾。餐包係微暖嘅。油甘魚刺身,蟹肉，牛油果他他配山葵油醋 $108 Fusion 嘅關係加左山葵，帶出刺身嘅鮮味。食落好清新,加上creamy嘅牛油果，口感豐富。烤原條豬肋骨配薯條 $148份量好足，豬肋骨肉質彈牙，配上惹味bbq醬汁，味道較濃，送酒一流。配嘅薯條新鮮炸起好香脆，而菜沙律有紅菜頭汁，食落清爽香甜。北海道帶子黑松露扁意粉 $128帶子唔會過熟，口感鮮嫩，可惜調味重手左啲。扁意粉口感煙韌有彈性，黑松露味道濃郁，令味道更有層次。Straffe Hendrik Tripel $78有9%酒精，帶少許苦澀，啱男士飲Tiramisu $28Tiramisu夠香滑，咖啡味同酒味可以更濃。碟上嘅裝飾醬汁令我諗起謝霆鋒不過都幾有心思，仲有berries拌碟。最後用一大杯檸檬水

西營盤這地方對我來講一D都不陌生，因細個時是住係這區的。自從搬左屋已很少到此地啦！今天老公和我舊地重遊，回想起不少往事。亦感嘆兒時住的舊樓已被拆除，改建了私人屋苑。 不經不覺我們已行到中午係時候食晏， 剛巧前面有間餐廳佈置得頗有格調，一於入內幫襯。服務員禮貌地介紹當日的午市套餐，價格亦算合理;於是我們揀選了兩份餐一齊share。甘筍湯 + 餐包綿綿的湯帶有很濃郁的金筍香味，而餐包雖然細细個但買相似足macalone，很别緻。西班牙走地雞冬蔭公湯意粉濃烈的香茅味，酸酸辣辣的湯配合口感十足的扁意大利粉;甚有泰國風味。而廚師將雞燒烤得香口，夾雜在一起食得滋味。黑椒牛尾芝士雞蛋鐵板飯牛尾煮得很淋滑，帶有少許筋咬落煙韌。米飯中加入紅米比較健康，以鐵板盛載著;還有一隻窩蛋放在飯面，熱辣辣香噴噴未食已流哂口水。奶茶，熱檸檬茶從職員口中得知餐廳老闆喜愛搞fusion，約兩個星期便會更新食譜;好讓顧客能嘗試不同地方的美食和新鮮感。

放工後朋友帶我去第三街食西餐 呢間原來日日搭車都會經過又有有outdoor既西餐廳好有氣氛 好吊燈 有音樂 情侶拍拖一流 睇完Menu 見到啲手工酒好正呀 不過兩個女人仔唔係好飲得 所以冇叫最後全部叫哂野食首先一個串燒拼盤呢個真係要講講 超 香 好好味 特別係串雞軟骨 啲調味粉再加勁爽口勁脆既骨 好想再encore雞軟骨雞翼都唔錯 意外驚喜係個醬油 好香主食就叫左黑松露帶子忌廉扁意粉有三大粒帶子煎得岩岩好 唔太老 芝士碎條咸咸地 加埋忌廉汁好香 面既爽度都岩岩好 唔太林唔太軟 岩我口感之後黎個廚師推介-燒象拔蚌3隻原隻燒 啲調味料好重要未食都聞到好香 食落去好爽 仲有菇片做配菜同樣既整法叫左個燒吊桶仔4隻大大隻 桶仔入面滿哂調味料 好香咖哩味 不過比較咸 可以輕手小小 但係香既 好味既最後加一個甜品-蘋果批cheese cake 夠特別食落去好似食緊蘋果批咁 中間仲有蘋果肉 蘋果味既比例比芝士多 但都唔錯既冇咁漏總括黎講野食唔錯 重點係調味調得好好味埋單每人200幾 又食到海鮮又食到串燒 都唔錯

今日星期日，同好姊妹去西營盤一位好朋友屋企拜完年後被一間西餐吸引了Shop9裝潢充滿特色，令人忍不住要入去一試進店後店員有禮貌地問我們想坐外面定室內，我和好姊妹選擇了店外的位置，因為較有氣氛是的menu也有很多不同的菜式選擇，而且也有特定手工啤可選店員也十分有禮地提議我們一試原隻燒春雞，所以我們也選了春雞和安格斯前菜是紅菜頭藜麥沙律，蔬菜也是十分新鮮，酸酸甜甜十分醒胃，感覺清新。另一份前菜選了餐湯，店員有禮地說道餐湯每天不同。而今天的餐湯是雜菜湯。有別其他的雜菜湯，Shop9 的雜菜湯十分香濃，而且滿滿薯粒和蘿蔔主菜我們點了澳洲烤黑安格斯牛肉眼扒伴薯菜,紅酒燒汁(10oz) ($238)牛扒一上已油脂甘香！剛從澳洲回來的好姊妹不禁高呼牛扒滿滿澳洲牛的味道！牛扒肉質鮮美，點了七成剛好。而且滿滿牛油的香味！強烈推介！而且和好姊妹加配了House wine($50/glass)。而是次house wine是美國🇺🇸加州的Fox Brook Cabernet Sauvignon 2013。紅酒味道香醇，配上牛扒實屬一流！萬眾期待的啤酒烤原隻春雞伴薯菜配燒雞汁($168)啤酒雞原隻春雞放入去燒，

陪媽媽放假行吓食吓，平時幾中意去西營盤食野，好有soho feel。行吓小店經過呢間餐廳，就呢度食個lunch 坐吓啦。原來有outdoor,宜家18，9度既天氣啱哂吖~睇到街外既人來人往都幾寫意餐湯係甘筍湯，blend得香濃有d厚度,帶有少少洋蔥香味仲有微熱既餐包，加埋牛油，一啖湯一啖包，暖吓個胃先主菜叫左:挪威三文魚白酒 忌廉蘑菇汁燴天使麵好香既白酒忌廉味，有d黑椒洋蔥芝士提升左三文魚既鮮味，天使麵軟硬度適中另一份係紐西蘭牛西冷扒伴薯菜配紅酒燒汁，牛扒係薄切6oz，燒汁幾惹味。我地加左$15 upgrade 餐飲，Mint mocha 同埋Mint Latte，雖然要加錢，但係都抵既，大大杯 , 去連鎖cafe 一杯都要$40 啦2個埋單,人均$120 , 算唔錯吖 ~ 呢度都幾多手工啤酒，drink menu 都有介紹每一種既ABV(alcohol by volume)同味道特徵, 好讓客人按自己喜好揀中意既啤酒  , 下次夜晚黎會揀1~2款試吓反正set dinner 同à la carte 都唔錯, 仲有d  廚師推介可以揀~ 

新年過後，不想再食中餐，今曰轉換一下胃口食西式。平時搭車經過第三街街口己發現一間既係酒吧又係餐廳的食肆，遠處望去還見到有露天座位，今日就去試下。門口位置擺放了各式各樣的手工啤酒，原來happy hour買一送一添，可惜我對啤酒敏感，要不然我會試試味道。不想麻煩點了套餐，頭盤可選沙律或湯。今日是紅菜頭藜麥沙律 ，我是藜麥忠實fans，當然諗都唔使諗揀佢啦。醋汁恰到好處不會過多，整個沙律好清新好健康。烤安格斯肉眼扒，要求的六成熟剛好，軟腍又保持到肉汁，肉味香濃。靈魂莫過於醬汁，用了紅酒餚製，跟牛肉非常夾味，滋味喔！套餐只要加多$28就會有時曰甜品。紐約芝士蛋糕，質感是綿綿的不是硬的那種，芝味香濃，我最鐘意佢面層有部份混入藍莓茸、 味道醒胃另整體不會太甜膩。原以為酒吧只有各式酒是最了得，但原來咖啡也不錯噢！苦澀帶甘，香濃醇厚，讃！

平時都成日落西環食野，但多數都係去水街/ 屈地街個邊，好少行過去李昇小學呢邊。前排聽到朋友介紹呢間餐廳話好正又唔會勁貴，就想黎試下🤤餐廳位置都幾近地鐵站。入面既裝修一啲都唔馬虎，簡單得黎好歐式，仲有露天既座位，慶祝節日既話其實呢度都幾正。我同朋友今次黎叫佐佢招牌既豬手，一個ribs既dinner set（包一支手工啤），同埋一個黑松露意粉。豬手外皮好脆，肉質好林唔會難嚼，淋埋佢個sauce就更入味。Ribs既醬料好香又唔會太鹹，唯一係肉質有少少癡牙。手工啤我地叫佐一支朱古力味，飲落幾特別。帶子黑松露意粉好香，個醬唔會太溜，啲帶子好大粒👍🏾整體黎講，有呢個質素既話一啲都唔會太貴，加上原來佢個lunch set都唔會過$100，平日想食好啲都不妨黎試下！