Simply Bread (已結業)

第一次到simply bread買飽食, 見到佢o地的確幾多賣相古靈精怪的可愛麵飽, 又豬仔, 又狗仔, 真係無奇不有! 見到有一款o岩o岩新鮮出爐, 叫"朱古力星球" 的物體, 見佢熱辣辣咁新鮮, 就拎o左佢試吓啦, 一邊行Trendyland一邊食, 個飽外型咖啡色, 成個太空館咁!裡面朱古力唔太多, 所以不太甜, 都幾好味! 最值得一讚就係佢的staff好有禮貌.

昨日經過尖沙咀~ 又唔想出街食飯~ 就諗住o係度買兩個包當飯食~~~1.蕃薯包~~~ 味道普通,沒有什麼特別~唯外形都幾特別~2.白汁吞拿魚酥皮包~~~ 味道都是一般,酥皮不太脆,個饀無咩特別~ 都係delifrance好食d~總括來講,貴未必一定係好食~

麵包以前試過好多，而家好少辦襯，今次次下啲slice cake，叫咗個最貴個件，$23既「小雪山」點知一試即舐嘢，完全唔掂

繼英式提子包後, 尋日再試左兩款提子包, 分別係:1)黑糖紅莓金提包($15): 包身較乾, 無黑糖味, 有好多櫻桃同金提, 不過係酸o既2)葡萄園($7): 好香肉桂味, 黑提係甜o既, 但係包身都係較乾.我覺得呢兩個都無英式提子包咁出色, 下次都係會翻炒英式提子包!

唔抵食，遠不如想像中好...鹽水芝士，食落只有只有少少咸味，no good...番薯王，個樣好靚，食落都係咁啦，冇咩特別！麵包食落其實好普通，係個樣靚囉，賣咁既價錢我認為唔值...

今日又黎買蛋糕食啦! 今次買芒果芝士慕思撻. 唔係好覺有芝士味, 但係芒果味好香濃, 似食芒果布甸咁, 下面有一層脆餅, 似脆版shortbread, 鹹鹹地. 兩樣一齊食, 好好味呀!另外買左個家庭裝麵包-- 英式提子包. 似軟身版o既意大利聖誕麵包咁, 好好味呀! hehe!迄今為止, 試過simply bread o既甜麵包每個都好有水準, 但係鹹o既就唔係好好...

昨晚去好時沙爹前,途經simply bread,於是入去行了一轉,購買了以下包款:千層朱古力飽,小魚鬆,芝忌芝皮,鵝肝醬批,超長腸仔飽和蕃薯包,除了後兩款飽點外,其餘的,與家人分享了,本人認為非常普通,甚至可以說是不好吃~~千層朱古力飽~~中間夾有朱古力餡,但就完全吃不到有朱古力味,只是略帶一點點甜美而已芝忌芝皮~~本身十分喜歡芝士的,但對於外國人喜愛的發酵芝士,仍然不懂欣賞它的美味所在,實在是不敢恭維~~此飽點,必是當中混合了發酵芝士,(相信藍芝士,就是其中一員吧),一啖咬下,像是吃下一個已經發臭了的麵包那樣,立即狂灌水,把那濃烈味道沖走,差點令我從此討厭芝士呢,幸好理智告訴我,只是我不懂賞識另類芝士的優點吧!鵝肝醬批~外層穌皮也不錯,不過那些鵝肝醬,家人和我也認為,似吞拿魚醬多一點小魚鬆~~這個反而較為好吃,相信是由鎮店之寶--皇甘鬆,改變了造型而演變出來的;飽身切割成魚形,面層鋪滿了肉鬆,鹹鹹香香的,是此次麵包之旅,唯一叫做,好吃一點的款式說實在的,此店其實只是美心西餅升級版,用港式麵包演變成日式麵包,再把價錢提高而已,如果以為,將飽點的賣相做靚一點,便已可和日式麵包同日而語的話

食過一次, 都係覺得佢得個樣. 味道認真麻麻我都係鍾意菠蘿油蟲蟲多d

今日又經過simply bread, 忍唔住入去逛下, 見到有個龍蝦湯包, 個樣幾吸引, 就買左試下.個包其實係將圓法包挖空, 裝住茄汁什菜, 再加三隻小龍蝦, 似杰版o既麵包湯. 老實講, 我覺得個包味道認真麻麻, 無咩味, d什菜煮到糊晒, 食到口都"wer"埋. 小龍蝦無味又鞋烚烚!一句講晒, 唔好味!

今日買左件藍莓芝士慕思蛋糕refresh下, 好好味呀! 白朱古力mousse裡面有藍莓mascarpone, 蛋糕底仲有層好好味o既朱古力脆底! size的的式式, 食左唔怕肥!仲食左個藍莓蘋果酥, 個酥唔油又脆身, 有質素!

雖然自己好鍾意食包包,但唔捨得食佢,因為比起一般包鋪,佢比人貴囉.無可否認個賣相係好靚.食過栗子包,酥皮上面有d糖,裏而包左d栗子蓉.好食,唔太甜,略嫌唔多夠栗子.蕃薯包,幾得意.但甜左d.而且有玉桂,唔鍾意個味.間中食下都可以, 成日食就好奢侈

有很多外表頗特別的包，三文魚魚鬆包味道不俗，其他的則一般．服務幾好．

家姐好好咁o係simply bread買左兩個繽紛吉士酥返屋企同我一齊食. 呢個吉士酥係一個圓形o既泡夫籃, 籃內最底有薄薄一層白朱古力, 中間係蛋糕同吉士, 上面鋪滿什果, 好靚, 未食已經流晒口水. 食落果然好味, 吉士好滑, 白朱古力有畫龍點晴o既效果!

見個樣好可愛既晴天公仔, 8蚊一個都忍唔住買左,食左先後悔, 佢完全係得個樣,有4隻腳仔既包包, 裡面係芝士,個頭就係奶黃,又細又通"lone", 餡又少, 唉大家千萬唔好比個樣騙倒呀!

相信有唔少人食過佢地既芝忌芝皮,昨日行經就買左個即刻食...食到"戲玉" --- 即係中間最多芝士既地方~果塊芝士竟然係超硬的, 係隔左夜既芝士既口感.唉, 好失望~另外想講下d sales其實好好人的, 不過真係好人到有d煩, 我隻眼望到邊佢就講一大輪野講個包係咩...唉~有時人佢講左咁多唔夾又唔好意思...