Simply Live by Tin Box

營業中

休息中

來自新加坡的Simply Live by Tin Box 上個星期五在中環加州大廈登陸了。貪新鮮感的我忍不住捉個愛喝酒的朋友一起探店。未聽歌前先餵飽五臟六腑。Hk$88 Peroni Nastro Azzurro 泡沫與啤酒是黃金比例。大大一杯，炎熱天氣解清亮。HK$88SHIRLEY TEMPLE （雪莉蘭）由石榴糖漿, 檸檬及雪碧造成清新爽口MOCKTAILS,一點也不像藥水味。HK$168 GARLIC TOAST w. Parma Ham, Fig & Rocket (巴馬火腿配無花果伴火箭菜蒜蓉多士)~這裡的巴馬火腿完全是高質素，吃起來沒有「渣」肥肉分明再配上清甜無花果正另外蒜蓉多士帶點辣好開胃。HK$238 GRILLED ANGUS RIBEYE STEAK w. Potato Rosti (澳洲安格斯牛扒配瑞士薯仔)~牛扒味道濃郁又軟嫩，另外配菜瑞士薯仔好綿密轉眼間開show, 現場的音響效果猶如演唱會一樣。音樂質素實在遠遠超過附近的酒吧。每個歌手的表現都讓人嘆為觀止,聽出耳油。

適逢巴黎奧運，蘭桂坊久違的熱鬧。我都同朋友趁機去飲一杯。之前去開蘭桂坊Baci, 今次咁啱佢樓上新開左間「Simply Live」就決定去試下新野。呢間係新加坡過江龍酒吧，一入口就有Live band嘅介紹，靚女經理介紹逢星期二同六酒吧就有Live band 表演，主打廣東歌，8點半開始，一共有三個slot嘅表演，我地咁岩星期六黎，所以有幸可以欣賞現場表演。因為有Live band，成個場好熱鬧，入座率好高好有氣氛。有幾枱客係黎慶祝生日，成場人同隊band合唱生日歌，好有心思。食物方面都有質素，今次叫左松露薯條，脆炸魷，安格斯牛扒同黑松露芝士薄餅，全部都新鮮有質素。黎到酒吧當然要飲一杯，兩個人各飲左一杯COCKTAILS，兩杯MOCKTAILS，好飲又價錢唔貴，好滿足！總括黎講無論你係想飲一杯，定係想搞慶祝活動，呢度都不失過一個好選擇，有氣氛又價錢公道！

放假約朋友到蘭桂坊Happy吓，呢間餐廳最近新開，致力將最好嘅表演同美⻝帶俾客人，確保大家有一個難忘嘅夜晚。依家逢星期二至星期六都有現場演出，記得要預留時間啦！樂隊由新加坡進軍香港，本地選拔，主打華語歌曲，所有表演都係排練好嘅，唔係即場發揮，更強調採用演唱會級數音樂器材，難怪真係有去咗睇Show嘅感覺，好Chill好有Feel～ 聽住歌嘅同時可以叫嘢食，前菜有牛油果帶子杯，帶子鮮甜，搭配牛油果蓉同脆脆，口感豐富，打卡able又開胃。巴馬火腿配無花果伴火箭菜蒜蓉多士，將鹹香火腿、無花果同火箭菜放上脆脆嘅多士上，層次感十足。另外有四川辣子雞丁，見每台都有叫，果然有料，炸至金黃酥脆，香辣惹味，十分出色。主食有澳洲安格斯牛扒同西班牙黑毛豬豬肩肉，七成熟，軟嫩多汁，啖啖肉且調味適中。飽肚之選有煎帶子三文魚子椰香意大利飯，淡淡椰香氣，飯帶點口感、雜錦香腸拼盤有三款香腸，外皮偏厚但味道唔錯，旁邊附上薯餅，點埋芥末唔覺唔覺就清光。飲品方面有酒精/無酒精選擇，推介呢度嘅雞尾酒，相比起其他酒Bar，整體味道唔算好濃，唔怕飲完返唔到屋企。最印象深刻嘅係Singapore Sling，Paloma都唔錯，值得