SJ Burger (已結業)

由於呢間店仔貼左告示，營業到本月31號就同大家暫別了，所以今早食完，而家嗱嗱聲出文🙈其實人地係主打漢堡架🍔不過我呢個華田控，逢係見到華田乜乜乜都係要食既，又點會放過呢個心太軟呢😝華田心太軟配雪糕（$30）製作需時10-15分鐘，我仲正午時分走去食😂熱死寶寶啦～好明顯真係好為食啦🤭曲奇雪糕大大一球，絕不吝嗇👍🏻👍🏻心太軟上面的脆脆令到佢口感變得豐富，內餡係滿滿既華田漿，我咁中意華田，你問我我一定係話好好食好中意架😝價錢好抵好實惠，事關我學生時代去元朗當時某小店食心太軟，size比這裡小，但已不只$30！希望你只係暫別，然後嗱嗱聲另覓地方再同大家（例如我）見面啦🤤🙏🏻🙏🏻🙏🏻

行過見到個賣相幾靚又抵食，$28蚊有一件pancake 一球雪糕加生果。選左曲奇味的雪糕，口味不錯。Pancake即整，好香雲呢拿味，入口鬆化之余甜度適中。值得大熱天時30度等十零分鐘！推介

🍔傳統燒烤醬牛肉漢堡($55)荃灣除咗路德圍可以掃街之外，另一邊喺鱟地坊都有幾間小店係令人眼前一亮！今次首先要講下呢一間 @SJ.burger #SJburger ，雖然店舖細細，基本上係外賣為主，但佢哋絕唔馬虎，所有食物都係即叫即整。呢個burger大概等左10分鐘至有得食，burger好大個，包身微暖鬆軟，入面有蛋、芝士、蕃茄同漢堡，3oz既漢堡都算厚身，仲要係手打牛肉漢堡，肉質鮮嫩好juicy，配埋BBQ醬同焦糖洋蔥，非常好食！賣呢個價錢性價比高，絕對好食過好多賣成百幾二百蚊嘅burger，睇得出小店好用心去製作食物，食物質素證明一切，值得支持 ☺️💪🏻👍🏻

SJ BURGER 🎈荃灣性價比高。高質素soufflé pancakes又忍唔住試soufflé pancakes🤣，今次去咗荃灣嘅小巷，一心要試pancakes，下次先試吓佢地主打burger。-店舖主要係一間外賣店，有一張圓形小枱立食。等左10分鐘左右就有得食，一邊等候甜品嘅時候，一邊細閱牆上的報道，先知道原來甜品師傅曾經係君悅酒店做餅廚八年，立即充滿期待。🙈-📍梳乎厘班戟拼Mocha 奶凍💰 $28賣點: 燒過pancake 底部及邊位，比一般soufflé pancake 表面多了一份香脆表面。📍外型：高度差唔多有一吋半，直徑約3cm，比想像中大件。-📍搖晃度:可能只得一件嘅關係，不算太搖晃。-📍口感:-整件soufflé pancake，鬆軟度好平均。-蛋糕整體唔乾身，帶點濕潤，但唔會有一種中間濕，外圍乾身的唔熟嘅感覺。-由於不會太乾身，所以口感軟綿綿，介乎蛋糕與空氣感soufflé pancakes 的中間，煎焗的時間拿捏得非常好，食落口唔會有一陣風嘅感覺，各方面都取得平衡，做得出色。 -雖然mocha 布甸，唔係今次嘅重點，但係呢一個布甸都相當滑溜，甜度適中，值得一試。

係一條唔多起眼既行仔入面竟然有間CP值好高既小店雖然無得坐係到慢慢食 不過有張小桌可以企係到食漢堡包OK, 我地叫左最貴個個牛肉漢堡 係半生熟 食左半個都好飽 最好2個人黎食 不過算貴左小小 佢仲好好幫你分開一半 因為企係到食 有D辛苦 加上天氣咁熱買返去食會好好多另外梳乎厘班戟好好食 同埋只係$28 呢個價錢咁既質素 CP值真係好高 好驚喜佢係蛋味同空氣感都岩岩好 個人認為比起其他賣到好貴既店呢間真係抵食好多仲叫左個芝士薯條 不過不失 好多芝士 梳乎厘班戟好值得試下

呢間小店除左burger出色之外，甜品亦都可謂蔗渣既價錢，燒鵝既味道。食過牛burger，五十幾蚊好食過burxxxman之流，認真抵食，不過其實只係食過一次，之後每次都係為左佢既甜品而來，畢竟在荃灣正餐選擇太多了甜品真係抵食，無論係焦糖燉蛋，抑或係梳乎厘班戟都係中上級數，梳乎厘班戟只係$28，抵到爛，而家每次去荃灣，飯後甜點都一定係佢。$28仲包一球雪糕（曲奇/綠茶味）或者可以轉椰奶布甸。即叫即製既梳乎厘熱辣辣配上凍既忌廉/雪糕，一熱一凍溝埋食真係好正！

小弟第一次寫食評，寫得唔好勿見怪😃某日晚上下班，一個人在荃灣街頭尋找美食去好好獎勵一下辛勞工作既自己😋走着走着來到呢間位於小巷的漢堡甜品店，本身是買旁邊店的手抓餅但見到呢間漢堡店都好吸引就試下了。今次試的係安格斯牛堡安格斯牛配合芝士同醬汁出奇地match👍包身夠軟熟，成件事配合得好好。食落好juicy,回味無窮！總括黎講，食品水準令人驚喜。令我有動力寫第一篇食評既原因都係因為想推廣下呢d有心經營既小店，大學有機會經過就支持下啦😃

吃了安格斯漢堡餐個人覺得肉身不夠實, 漢堡的衝擊感不大。但吃完整個漢堡, 卻有一份柔和的滿足感。包有烤香但質感偏軟, 用了較林身的番茄, 炒軟的洋蔥, 漢堡肉偏鬆軟但烤到7至8成, 以致肉汁有充份的肉香, 芝士的量提供了充實感但不致影響整個漢堡的主題。整體而言就是一份溫柔的漢堡, 柔軟易入口, 香味十足, 而主顯清晰的作品。我個人喜愛具份量感的食物, 這作品大概會深受女性歡迎, 會係一份溝死女既作品吧。但對這種有心有主題的作品(美食), 我還是會再吃的。

喺香港值得翻兜既小店實在唔多，位於荃灣既SJ Burger就係其中之一。兩位廚師好似都係酒店出身，水準有返咁上下。試過醬汁豚肉漢堡，juicy又入味。甜品方面，心太軟同梳乎厘都食過，很不錯。兩樣都會配上雪糕，心太軟加雪糕特別好食。能夠做到流心效果，必定要控制得宜。一啖同時食到冰冷雪糕加上暖粒粒心太軟，感覺好正。另外重點是價錢非常親民，甜品三十蚊左右。所以偶爾都黎支持一下，始終喺香港經營唔係容易，希望多啲人可以支持下。

原本對burger冇乜大興趣, 但早前有報道講話呢間SJ burger好食, 於是去試一試,果然冇講錯, 真係好juicy好好食, 厚切嘅安格斯牛肉+洋蔥在內, 超厚亦好有牛肉味連帶有番茄+生菜+芝士, 太好味了薯條差不多吃完才記得拍照老闆亦有禮貌, 笑容親切, 感受到他的真誠, 絕對支持！

又有雪榚，又有生果，唔係食空氣，仲要係$28 咁抵，最緊要係好好味的梳乎厘班戟拼雪榚，食完之後，下次你會再想食。食完甜品，覺得佢黑松露芝士薯條好吸引，跟住買埋個慢煮豚肉漢堡餐試吓，慢煮嘢有各人喜好，食完半個包，半份薯條已好滿足 (因加埋之前甜品，同埋我係女仔，嘻！)

今日係fb某個page見到介紹呢間burger店，作為burger愛好者，當然要試下。同男友兩個人食。佢叫左安格斯牛肉漢堡，我叫安格斯牛肉蘑菇漢堡，但食食下發現男友食錯左我果個...牛肉真係好新鮮！好食！好juicy個湯都好飲！薯條就一般之後仲叫左雪糕心太軟。一切個心太軟，D朱古力汁流晒出黎，好正。呢間嘢食物質素唔錯，員工態度都幾好，唯一少少可惜就係無得坐，一定要take away。希望老闆賺多D，搬間大舖啦

荃灣掃街出晒名都有幾間會去食,但今次午餐揀左間算係新開左2個月左右既小店由兩名三十多歲既年輕老闆打理😎呢度有dessert 又有burger！價錢仲係親民價添！😙老闆見我地猶豫緊就細心介紹食品，最後揀左佢主打既安格斯牛肉漢堡同豚肉流心蛋burger！整緊Burger既時候傾左陣計，佢話而家係小店先做到呢個平民價,因為食材個本都已經好貴了!好啦!一試便知龍與鳳啦😛「安格斯牛肉漢堡」！是會切開一半放在紙兜裡並獨立包裝的！😄漢堡標榜是100%安格斯牛肉而且漢堡是手打製成，我覺得分量都挺重身,肉汁滿滿,鬆軟度都高！但牛肉味比想像中淡！整個包配上自製醬汁和焦糖洋葱,帶一點酸及甜挺開胃在吃得津津有味既時候「豚肉流心蛋Burger」黎啦！！豚肉肥瘦適中,喜歡個蛋是流心的！一咬ᴰ汁又ᴮᴵᵀ哂出黎😌店舖雖細細，但會對食物有一絲絲的執著所以會覺得挺高質！最令我驚喜是個甜品！這樣的質素這樣的價錢去那找？「脆脆華田心太軟」超級好食啊！脆脆啦增加口感，華田味不太甜心，蛋糕焗得剛好不會太熟！再加上雪糕，冷暖交替，真的好好好好食！推介😛😍😍😍

即叫即整所以新鮮熱辣辣Pancake好香蛋味不過冇咩動L感覺似一般梳乎厘雪糕係曲奇味生果係蜜桃，兩樣都普普通通不過加埋一齊就唔會得pancake一樣野咁單調28蚊有齊三樣野都幾抵食下次試burger

掃走Blue Monday一定要食甜品，荃灣呢間有漢堡有甜品既立食店，價錢唔太貴又幾大份，見到都幾多人係度等拎走食。個標誌下面係雪糕筒，上面係漢堡包，個設計都幾特別話左你知兩樣野都有得食，見到旁邊好得意既設計價錢又唔算貴。見到有個隱藏版既《朱古力咖啡梳乎里班戟》($35)，即叫即整等左十幾分鐘，熱辣辣一整開好軟綿，朱古力味好濃夾雜左啖啖既咖啡香，中間口感較有質感，雪糕轉左朱古力咖啡奶凍都十分香濃，不過食唔食到mocha味梳乎里真係睇你好唔好彩喇。店名：SJ Burger地址：荃灣鱟地坊80-84號華成樓B座地下B4號舖餐牌: