Sky House (已結業)

我為此餐廳，特意開account 寫評語。因實在太離譜！今晚和先生路經 Sky house 門口，覺得裝修不錯，就一去試試。先生要了 Prime steak, 七成熟，而我要了燒春雞。牛扒來到，有點驚訝，未見過如茶餐廳的雜扒般薄的 Prime steak, 不要緊。切下去，看不到幾成熟，因實在太薄！再嚐嚐，全無肉味！若這扒餐是$80,還接受，但$198一個餐，只有餐湯，餐包和餐飲也沒有，而牛扒質素如大x樂早餐扒一樣，那實在太過份！至於我的燒春雞，無肉汁、無雞味，將雞放在小木板上，加幾塊Doritos就像高级些，其實質素如茶餐廳，茶餐廳也有黑椒汁，我連汁都無, 這樣做餐飲，不做得長，至少我無下次！真想老板去New York Cafe 試試他們食物的質素，再檢討吓自己的定位！

見到荃灣區朋友仔LUNCH去左呢度食，仲力讚喎！咁岩我地過愉景新城 SHOPPING，就黎食下午茶啦！我叫左雜菜拿破崙意粉，有驚喜！裡面的雜菜是翠肉瓜，甘筍和磨菇！感覺有誠意，一般餐廳食雜菜好少這種食材配搭。食落好鮮甜！勁健康！甘筍難得煮到好軟身，而翠肉瓜感覺爽口。配上茄汁底，味道特別Match。朋友叫了芝士火腿蘑菇Pizza，我吃了一塊，熱辣辣，個底幾脆！芝士煙UN一流！Pizza吃落甜甜的，不會好乾的感覺，下午茶份量剛剛好。 

今日三母女去行街，係行之前當然要醫下肚先啦！本身諗住食隔離間韓國餐廳，但見到要等位，咁啱就見到呢到唔使等位，就拿拿聲入左去先叫左3個lunch set，本來想叫多個拼盤，但怕食唔哂，所以拼盤就留番下次lu~ 跟set既南瓜湯：淡左d，要加番d鹽先飲到d味 夏威夷pizza：估唔到個pizza最先上，薄批，個批底外脆內軟，而且都幾多芝士下，仲有菠蘿蜜桃同火腿，唔錯！ 泰式紅酒燒汁牛肋肉飯：個汁幾特別，有d香茅味，配埋落個燒汁到幾夾幾惹味，牛肋肉我食到有一舊幾un，但其餘個d都淋既 牛扒：呢個雖然$138，係lunch黎講算貴左少少，但呢塊牛扒真心推介！我地叫左5成熟，黎到啱啱好，好淋身，外層仲有少少焦香，脂肪亦都好平均，淡淡都食到油香，而且成塊都無筋，薯角啱啱炸起，加埋哂好正！呢到lunch都算滿座，但就唔會食到好趕好急，坐得都幾舒服，加埋d裝修感覺都幾悠閒，食物質素亦唔錯，得閒黎呢到食番個lunch都係個唔錯既選擇

揸車經過呢一間餐廳幾次, 被佢既高樓底吸引, 前一排fb group有人推介, 趁細仔尋日生日決定一試.比起隔離餐廳, 呢間既招牌的確唔起眼, 同埋燈光昏暗兼少人, 容易俾人覺得間野無開, 踏入門口果一刻都有D心大心細.幫兩個小朋友點左份兒童餐, 有湯, 主菜, 餐飲同甜品. 份量足夠兩個2-3歲小朋友食飽肚, 肉醬意粉用既蕃茄好鮮甜, 粟米落左牛油煮好香口, 阿仔食得好滿意, 收貨.我地三個大人揀左一份二人餐+一份set dinner餐湯略嫌淡味, 其他都有水準黑毛豬扒肉質好林, 沾埋D 汁話咁快已經俾我地掃清哂, 配菜既薯仔好正, 大仔食完猛指住要encore.虎蝦意粉用既白汁好香好開胃, 意粉煮到al dente, 由於我少食海鮮, 淨係食左隻虎蝦, OK 幾彈口.Set dinner 點左孜然燒春雞, 隻雞好入味, 味道幾特別不過我都係鐘意傳統煮法多D.最後上餐飲, 大大杯唔似得市面好多餐廳加勁多冰/細杯.食埋杯雪糕, 大滿足. 值得推介同埋再幫襯.

每次下午行經Sky House, 總是只有寥寥可數的客人，所以沒有進入去食的衝動，今次小朋友提議去食下午茶，因為有他喜愛的意大利薄餅和意大利粉。餐廳的裝修其實也算清新可喜，樓底非常高，空間感十分闊落，不同的牆身下半部分以黑或灰為主調，上半部分就襯以白和粉紅，令空間感更加提高，淺木色的餐檯椅放在深木色地板上，平實的設計。下午茶有五款$38和五款$48的選擇，也算不錯。首先上檯是吞拿魚雜菌忌廉汁意粉，份量很足。意粉有al dante 的口感，蘑菇十分入味，小朋友不停要吃，加入了小量的洋蔥碎但不會辣，吞拿魚混合了雜菌汁後也變得好味。$48 CP 值真的高。同樣是$48的夏威夷意大利薄餅最啱小朋友，太約有六七吋大，上檯時已經切好六件，薄批的邊脆脆很香口，配料有菠蘿和火腿，普普通通啦。套餐熱飲可選咖啡茶或朱古力。下次一定要試下其他$38 的套餐，看見其他客人食的雙色多士，法色麵包上有很多料，令我這個麵包控口水流。感覺Sky House 是小本經營的餐廳，並非那些大財團的食店，食物質數也不差，應該多多支持！

嘴刁朋友曾經推介此西餐廳，於是來到荃灣特意品嚐，果然沒失望，值得encore😋！！餐廳樓底很高，即使客人爆滿也不感嘈吵吵耳，裝修簡約亦舒適……叫了二人套餐:蒜蓉包+羅宋湯 ---》足料羅宋湯配上香脆蒜蓉包，讚👍法式鵝肝多士伴蕃茄沙沙 ---》入口即溶鵝肝伴著萍果薄片+香脆多士，口感一流，yummy!燒虎蝦蟹肉忌廉汁意粉 ---》虎蝦肉質鮮美，蟹肉足料，吃得出餐廳用料很講究黑毛豬鞍扒配薯菜 ---》豬鞍扒很爽口，煮得剛剛好，配上獨特蜜糖萍果醬，很match!最後order了焦糖燉蛋為這頓美味晚餐畫上完美句號！！👍😋

喺FB見到有人提及這間Sky House同好友劉總提起原來他早已幫襯過評價係可以一試好是日便去試試看~訂價比附近餐廳高點點不過這兒午市,下午茶都不收加一可算抵銷返啦~店內裝修簡約坐位有點擠擁好彩樓底夠晒高將空間感加闊~ 店員講明食物即叫即做等候需時OK我最不趕時間的只要好吃絕不覺浪費時間,先來什菜湯酸甜適中什菜粒吃得出新鮮~好開始?? 另一個set要田園沙律為數不少的沙律菜配上偏甜陳醋怕醋的車爸爸也吃得下我就略嫌甜口了些,其實想要晒餐湯&沙律亦只須加$10便可以~煙三文魚田園沙律pizza 8"$58即叫即焗上檯時熱烘烘的簡單地只有蕃茄醬和沙律菜煙三文魚作伴嘅pizza味道好清新但係pizza餅底只做到邊位脆口其它位置比較濕身棋差一著~意式香草燒雞扒飯配牛肝菌汁$56講真個 presentation真係挑不起食慾份量亦太少一個正常男士絕不夠飽,飯亦比較硬身香草味不夠出雞扒亦overcook唯獨個牛肝菌汁好香濃希望小店能加以改善啦~飲品質素頗不錯車爸爸也很滿意那凍奶茶,凍檸檬也不賴~

見呢2日得閑，即刻把握機會同阿媽去提早慶祝母親節啦，唔使同人逼呀嘛！年年都食酒樓，打冷，今年搞搞新意思，朋友介紹左我去荃灣有間新開西餐，近愉景新城，門口可泊車，於是同於是同阿媽去左早場，7點就入座，時間尚早，預計中人不多食物看似普通但竟然味道出奇地好，普通的材料係廚師手中變得不普通，今次真是連阿媽都話好，我最欣賞的就是冬陰公係列，好香好好味，同其他餐廳的完全唔同，餐牌食物種類很多，pizza都有，不過阿媽無興趣下次一定要再來試其他

中午放假 LUNCH去食 等位不是太耐,等了約5-6分鐘左右..不知是不是太多人.門口沒有人照呼.門口很多人排隊..我都是入去問店員拎飛.門口設有專人派飛會較好..坐下叫食物後等了約3-4分鐘先來湯和沙律...意粉都是很快來到 不用等太耐,可能廚房很多師傅,食物質量很高..下次來會叫些甜品食..另發現有免費WIFI可用

本來美好嘅happy friday mood比sky house一個唔該破壞咗! 雙失的晚上, 失敗! 失望!先講泰汁燒魷魚沙津, 沙津菜濕漉漉又唔新鮮, 已經可以打落十八層地獄! 個汁得個辣字, 辣得嚟又唔香, 魷魚係熱嘅, 真係好奇怪!! 呢個沙律入面冇一樣嘢係好味嘅!! 扒虎蝦雜菇冬蔭汁墨魚意粉, 入邊得大蝦一隻咁大把! 加幾粒帶子仔, 最驚為天人係有東菇片, 感覺好九唔搭八, 唔係我接受能力差, 因為佢又做唔到西餐嘅精緻, 又去唔到泰式東蔭公嘅惹味, 我見到東菇都係覺得好騎尼! 蜜糖焗雞翼, 已經係最正正常常。sad friday!

行過聞說新開個多星期，即本試試。冇乜人，可能時間尚早，而且太新冇人識。樓底好高，坐落也舒服。叫了個二人餐，先嚟個南瓜忌廉湯，夠滑又有奶香味，相當不俗，對之後的食物自然有些期望。再來凱撤沙律，菜一般，但煙三文魚和煙肉粒好正，沙律醬的味道也很好，一讚！冬蔭功大蝦海鮮墨汁意粉，意粉不太淋又不太硬，剛剛好。蝦肉煎過，有一點焦香味，其他海鮮也有水準。起初覺得冬蔭功配意粉有些新奇，但食落確實不錯，有創意。黑豬扒煎得剛好，配搭的蘋果醬不太甜、很清新；配另一個蘑菇醬好有蘑菇香味，俾我食晒。檸檬茶有淡淡茶味，也是剛剛好。整体而言，個廚好得，食物比我預期中好，完全對得起他的價錢。這餐廳選擇不少，大眾化五六十元的晚餐也有，豐儉由人。荃灣區食物有水準的西餐廳不多（之前執了一間好好味但食唔飽的法國小廚），希望這間能有好發展。

公司附近開左間新西餐,裝修好似幾靚,平日午飯時間都好爆,所以決定夜晚約埋男朋友過來試下呢間餐廳樓底好高,同隔離左右形成好大對比另外呢度門口7PM後不是禁區,門口附近都可以停車;p

平時食荃灣廣場D連鎖餐廳閒閒地要平均$200+以上味道又一般，經過見到呢間新餐廳，套餐價$幾抵食就入去試下，味道不錯，店鋪職員介紹左蒜香芝士燒雞，同埋墨魚汁冬陰公意粉好正喎……

客人真係好少... 行入去心感不妙... 諗住新店都試下啦....又當幫下小店啦...結果...跟餐既湯同塊包都OK，甜品也好，可是主食和小食，包括PIZZA，確係唔掂。奉勸店主，快快改善食物質素，否則正常客人係唔會返轉頭幫襯的。