Sky House (已結業)

本來美好嘅happy friday mood比sky house一個唔該破壞咗! 雙失的晚上, 失敗! 失望!先講泰汁燒魷魚沙津, 沙津菜濕漉漉又唔新鮮, 已經可以打落十八層地獄! 個汁得個辣字, 辣得嚟又唔香, 魷魚係熱嘅, 真係好奇怪!! 呢個沙律入面冇一樣嘢係好味嘅!! 扒虎蝦雜菇冬蔭汁墨魚意粉, 入邊得大蝦一隻咁大把! 加幾粒帶子仔, 最驚為天人係有東菇片, 感覺好九唔搭八, 唔係我接受能力差, 因為佢又做唔到西餐嘅精緻, 又去唔到泰式東蔭公嘅惹味, 我見到東菇都係覺得好騎尼! 蜜糖焗雞翼, 已經係最正正常常。sad friday!