SMACK

營業中

休息中

麵包望落好吸引，試過2款，但外皮硬過我條命，美心都好食過佢。肉醬意粉幾好食，份量大，可惜唔熱。咖啡最攞命，得個香字，但無論nutty定fruity豆都係難飲。Cafe空間擺位設計最失敗，cashier前只要排咗幾個人，間店已迫到入唔到去坐低，蛇餅伸咗出店外，但其實入面分分鐘仲有位。行過見到門口咁多人，會令你唔想入去。玻璃櫃又太高，都唔知點拎起個盤返埋位坐。遇著又嘢飲又重嘅食物，生得矮嘅可能要掂起雙腳先拎到。呢間嘢似新手開，唯有講句祝佢好運。價錢喺科學園算平嘅，但如果講咖啡好，還是對面Sensory Zero，永遠唔會令人失望。

【SMACK】勁好食既黑松露雲吞😳😳 平日仲有lunch set優恵😆Tortellini Mushroom Truffle 💰$108佢呢個係意大利雲吞🤪 大家應該平時都比較少食到👀👀 個人覺得會比意大利粉更加有口感 而且會有小小芝士既味道 同個黑松露味係勁match 😻 朋友第一次試都覺得勁好食 呢個真係一定要試！Hawaiian Pizza 🍕 💰$108佢地既pizza都係薄批底 個人就比較鍾意厚底多啲 會有口感啲😖 都幾足料Americano ☕️ 💰$ 38佢地咖啡真心性價比勁高😳😳飲過咁多間Cafe未見過一間比咁大杯啡😂😂有Fruity同 Nutty既咖啡豆選擇 個人偏向nutty 多啲😆😆Mocha 💰$ 38一樣價錢但都係咁大杯！自己揀咗oat milk 感覺同朱古力個味再match d🤩Ps佢地平日仲有lunch set 優惠😜五十幾蚊已經可以食到個意粉或者三文治 仲包埋野飲😆 性價比真心好高🥳🥳

早幾日發現科學園有間新cafe，店內裝修都幾有格調，價錢都好吸引，即刻買黎試吓😋～Spaghetti Alla Carbonara 🍝+ Iced Cold Brew Oolong Tea 🧉($58)以科學園餐廳價錢黎講，呢間餐廳嘅lunch set性價比幾高👍🏻，估唔到$58食到餐廳質素嘅carbonara，仲要連外賣個賣相都咁靚仔😍，如果多少少汁會更好～跟餐仲有一大杯飲品，邊食意粉🍝，邊飲Iced Cold Brew Oolong Tea🧉解膩～（12點幾黎到，見到間店超多人👀，抱著「買外賣應該半鐘點都拎到嘅」嘅心態去照排隊買外賣😂，估唔到結果等左超過一粒鐘🫣，下次要預啲時間同埋試吓佢哋嘅咖啡☕️）