SMACK

營業中

休息中

麵包望落好吸引，試過2款，但外皮硬過我條命，美心都好食過佢。肉醬意粉幾好食，份量大，可惜唔熱。咖啡最攞命，得個香字，但無論nutty定fruity豆都係難飲。Cafe空間擺位設計最失敗，cashier前只要排咗幾個人，間店已迫到入唔到去坐低，蛇餅伸咗出店外，但其實入面分分鐘仲有位。行過見到門口咁多人，會令你唔想入去。玻璃櫃又太高，都唔知點拎起個盤返埋位坐。遇著又嘢飲又重嘅食物，生得矮嘅可能要掂起雙腳先拎到。呢間嘢似新手開，唯有講句祝佢好運。價錢喺科學園算平嘅，但如果講咖啡好，還是對面Sensory Zero，永遠唔會令人失望。