Smile Yogurt & Dessert Bar (已結業)

相約了位友人在九龍城相見，大家見面前已經吃過晚飯，唯有選擇一間可以坐久一點的甜品店談談話。店內堂食座位不多，而且有最低消費$70，再加上是平日晚上，只有我跟友人在玻璃牆內的堂食位置，我們點了2款甜品和1杯飲品。綠茶紅豆雪糕圈伴乳酪雪糕 $68Smiles的乳酪雪糕不用介紹也知道質素有保證，但那3片蛋糕就比想像中差很多。蛋糕有點硬，不夠鬆軟，而且吃不出緑茶紅豆的味道，中間是正常的雲尼拿雪糕。由於蛋糕的口感怪怪，最後只好放棄那3個圈圈，只吃了中間的雪糕和乳酪雪糕。 焦糖墩蛋(原味) $42焦糖面不會太甜，但下面蛋凍的質感有點兒硬身，不夠香滑。 經典伯爵紅茶 $36普通茶包紅茶，沒什麼特別，不過不失。結論是乳酪雪糕店還是吃乳酪雪糕比較好吧。

星期日又經過九龍城，吃完小食就要吃甜品，這就是吃貨人生！ 已經數不清第幾次到smile yogurt了，但今次到訪竟然又有新口味！ 連餐牌都未能找到今次要吃的frozen yogurt! 登登！ 就是它喇！ Must Smile $73• 酸甜輕爽的新口味，頂頭的圓形裝飾是橙味朱古力，睇得又食得！• 然後見到淡黃色的小方塊是芒果熱情果棉花糖，口感綿密如海綿。• 粉紅色草莓味百力滋表面綴以紅莓脆脆，紅莓味濃烈，一支唔夠喉！• 杯中間一層黃色的啫喱是白酒芒果啫喱，味道有一陣清幽，原來白酒跟芒果可以這麼匹配！要永遠在一起！• 之後再吃下去就是與frozen yogurt最相襯的餅乾脆脆，一個軟滑，一個鬆脆；一個酸甜醒胃，一個麥香敦厚。• 吃到最底層就是乳酪鮮果沙津，吃到有青蘋果及草莓，是這杯Must Smile的完美結束。Smile Yogurt強調希望為每一位客人帶來笑容，但老實說，店內職員真的是「唧都唔笑」⋯對住客人時黑面，對住同事時就會笑到出聲。希望餐廳能夠做到表裡如一，將創辦時的理念繼續延伸開去。

想當年yogurt雪糕既熱潮真係非常誇張，周圍都開唔同既舖頭，而家好多都執左，但smile返而愈做愈好。佢既雪糕比其他鋪既yogurt好味，雪糕結實啲，酸酸甜甜咁好開胃，就算食完飯先食都唔會濟。而且融得慢，坐底慢慢食都可以。今次尼款係酸甜雪糕配朱古力，出奇地又夾喎！

九龍城一向甜品舖多到暈，簡直可以話係兵家必爭之地。而今日黎到嘅喱一間，一直都係人氣高企，評價好高嘅。等我黎試下佢，究竟係龍係鳯。門口裝修簡約但不失大氣，一入去就係一個大櫃 display 哂所有產品，想食啲咩？一眼就望得哂啦我叫左一份 chocolate lover同一份 cone cone 先講個雪糕，好香好流，yogurt 嘅酸味同甜味配合得好好，值得一鑽。Cone Cone上面有一個應該係士多啤梨味雪芭嘅cone，幾酸嘅，不過我鐘意 而chocolate lover 上面嘅配料好重朱古力味，唔會太甜，食落唔會覺得too much。雖然貴左少少，不過份量夠大，而且質素高，所以都算得上物超所值嫁。

繼小風波之後…又再次見到你笑…感到一點點既安慰…活潑既人馬座只係想帶比人歡樂…而唔係憂傷...睇到呢間Smile...相信大概既含義亦係一樣…~Your Smile ...My Happiness~望見七彩繽紛既顏色…心情又點會唔好起來…如果食埋落肚…可會不得了？？！！呢度有cake有tart…但相信大多數既人黎呢度既目的…都係為左呢杯層層疊既雪糕…款款都異常引人呢！！想要有尊貴既廂座…就要最低消費50…兼加一服務費…但其實無咩service可言...所以都寂寂無人…至於等位有十個左右…人人自律…食完就執拾走人…所以都唔會等得太耐…反而係花多眼亂…唔知選咩味道好…拖慢左時間呢！！有創意既話…仲可以自選配搭添！！呢杯雪糕真係好大杯…係兩杯Madondon既雪糕新地份量…結果吱吱咗咗左一輪之後…先決定到要fruity fruity同埋banana split...雪糕係yogurt黎…比較細軟…話唔會肥喎…朋友既fruity fruity...紅色既士多啤梨雪芭帶點酸味…但有柚子汁中和…其餘水果有蜜瓜，藍莓，芒果…都幾新鮮…而我呢杯banana split...添加左濃度唔會苦既朱古力..

生活其實好簡單,一杯雪糕就可以好滿足,一杯大大大雪糕就更加開心,呢到有多款不同組合的乳酪雪糕,我地選了健康的fruity fruity同banana split,banana 感覺上朱古力多d,同甜一點fruity 就有藍莓,蜜瓜,梅子雪糕,但就酸了一點,乳酪雪糕好滑也好味,但全自助式,服務就冇咩,如果想舒服一點比多10%服務費就有雅座總結大杯,健康但不便宜

Cone Cone - Frozen Yogurt司令一向非常欣賞Smile Yogurt嘅出品，除咗有精緻嘅外表，味道好呢就唔再講啦，價錢屬於中上，又唔算話真係好貴。司令一向食開杯裝嘅Frozen yogurt，今次就試吓佢甜筒裝嘅。尼款甜筒上面有一個迷你士多啤梨羅勒雪葩甜筒，配其名「cone-cone」，味道偏酸，不過就好岩司令胃口，幾特別。上面有十數粒紅桑莓脆糖，比起個士多啤梨雪葩更酸，食落口感一般。食到一半，有堆荔枝爆爆珠，同一般糖水舖貨色一樣，不過不失。乳酪雪糕同杯裝嘅一樣，非常出色。整體維持高水準，價錢係frozen yogurt 界黎講唔算太貴，司令覺得值得推介！

唔知點解今年的秋天可以熱成這個樣子~ 完全沒有秋意。只好去食返杯雪糕退下燒。今日就選中左九龍城的Smile，門口很吸引，但其實佢主打的Yogurt雪榚對我唔係太吸引。因為身為一個男士...才不會喜歡Yogurt的酸味，最後我點左一杯Very Healthy Mix來試試食落去，真係同雪榚有9成似，令到我可以接受到佢。首層係蜜糖配以健康的脆脆，呢層味道偏甜一點點，不過正好幫我淡化Yogurt本身的味道。到中層係以生果為主，味道果然清新，怪不得女士們都喜歡用Yogurt配生果食~到了最底層係熱情果香蕉醬，對我黎講完全沒有吸引力，再加上佢杯雪榚真係好大杯，我見到樓下D食評都有人覺佢大杯...男士都食唔完啦，女士我覺得更受不了，完全認同可以出細杯D，價錢平呢個建議。很抱歉地我浪費左3分1杯。同我一樣唔Like Yogurt又想試下的男士，真係可以幫襯下。本身無加1，店內有專享坐位，每人消費50以上同有加1，同女朋友仔去Hightea可以選擇坐呢種，看落裏面d位都舒服d。下次再搵日試下佢的朱古力味@@

知道Smile 新推出綠茶口味已急不及待想試，I Love Green Tea $72 價錢算是有點昂貴。而第一口是綠茶芝麻脆片，重芝麻味沒有綠茶味，我不好芝麻味所以不喜歡。之後是綠茶麻糬，質感煙韌但綠茶味有點人工。底下中層是綠茶布甸也是沒有綠茶味，加上質地不夠滑，感覺怪怪的。其實我吃了幾口已停手，其他由朋友代勞。朱古力brownie質感不脆又不硬，朋友說很普通。至於乳酪算保持水準，最美味反而是最底下的鮮芒果粒。走的時候聽到其他人問這款好似有些配料沒有了，我對回相片跟實物，原來沒有了綠茶朱古力 Melty kiss。今次相當失望，不滿意味道之餘，而店員沒告知缺少某配料又是一個問題。上次在此分店嚐過限定咖啡味Mountain Smile 很不錯，而在尖沙咀店嚐Smile Coffee很差，質素相當不穩定。本來朋友生日打算想訂蛋糕，不過我怕蛋糕某些配料又沒有了。

食完串燒，一轉角就見到呢間店既display好靚。入去有好多唔同款，叫左banana split因為上面有半塊蝴蝶酥，好似好好食。 面果塊朱古力係脆既，所以成杯應該一早整好。蝴蝶酥好甜好脆好好食。如果有得淨賣蝴蝶酥，我會買。乳酪夠酸夠味，I like it！但中間d醬唔好食。餐牌寫果d係香蕉熱情果醬，但係我淨係食得出香蕉味，而且好似爛香蕉既味。好大杯，食完好飽。

自問都算愛錫老婆，加上兩公婆都咁鐘意食野，每個週末都係我地搵食嘅時候！同老婆行開九龍城，佢推介我一定要食 Smile Yogurt ，講真我平時對甜品無乜研究，不過當老婆話佢係Tony Wong開既，我點都聽過既，即係整玫瑰花蛋糕整得出神入化個個嘛！哈哈！俾老婆話我未食過Smile Yogurt 係大鄉里。。。好！為左氹老婆開心，我獻出第一次！話事揀左Wild Summer，講真68蚊食杯 Yogart算係貴，但依杯野賣相真係一流，淨係個樣都值返哂，好似藝術品咁靚！估唔到入口仲咁滑，每樣配料都好配，士多啤梨同芒果加埋甜得黎又帶點酸，夏天食真係岩哂！難怪咁多女仔鐘意食喇！連我熊大大平時唔特別鐘意食 Frozen Yogurt 都食到津津有味！好味！下次再陪老婆試其他口味！ 

今日到了龍城逛逛，天氣實在熱得很！突然想食點冰涼的，所以就走到Smile 食杯Froyo 啦～Smile 的Froyo 款式配料多得令人眼花撩亂，喜歡的可以自選配料，但有選擇困難症的我們，還是選些Pre-mix 的口味好了～我們都喜歡生果口味，所以選了Fruity fruity ($61)~最頂的是一球甜甜酸酸的紅莓雪葩，清新帶有果香，底下的Froyo 乳酪味重，冰感十足，加上適量的桂花糖醬、藍莓、士多啤梨及哈蜜瓜，令Froyo 變得清新健康～另一杯是Wild Summer ($68)～ 這杯色彩豔麗，配料有荔枝、椰果、芒果、士多啤梨醬、自家製餅乾條以及一片蘋果乾～ 是一個很開胃的配搭，不過士多啤梨醬甜度頗高，相較起來，還是Fruity fruity 的清香桂花糖醬更得小妹心～四個人分食這兩杯，其實也很飽呀~~ 食飽飽，繼續出發~

我個人係Yogurt超級fans，之前去銅鑼灣行街就一定會去銅鑼灣分店食尼間既Yogurt，今次過左黎九龍城先知尼度都有分店，太好啦。銅鑼灣分店既店面都係有個大雪柜，有齊曬所有有賣既Yogurt樣本睇。尼點我覺得係做得幾好既，可以比我地顧客更加清楚每樣口味到底有D乜。我同FD叫左2杯唔同口味既食，Smile Coffee + Wild Summer。我就一直好鐘意食Wild Summer，呢次又係點左尼個。Yogurt嘅味道酸酸甜甜，而且好香滑，食落唔會話冰到會牙酸或者痛。

晚飯後，諗諗餐後去邊樹食甜品，天氣超熱，本想到甜品店坐底食甜品，但夏天榴連勁hit,一打開店門d榴連味衝住出來，差點想嘔⋯最後想起一定唔會有榴槤味道嘅smile Yogurt...平時九龍城嘅smile yogurt人唔多，但今次居然爆場，要排一陣隊買票，再要排著等乳酪雪糕⋯Golden Smile ～我最常選擇嘅口味愛Golden Smile嘅菠蘿片、草莓、芒果粒、紅桑子啫喱⋯菠蘿脆片經長時間烘焗，甜品更濃縮，好好味；頂頭嘅草莓閃亮亮好不美麗如果入舖後覺得花多眼亂唔知食乜？我慄手推介Golden Smile

在九龍城食完晚飯，行下行下就入左呢道門口有好大個logo ~眼都花埋～之前係希慎見到已經好想食今次終於食到！千挑萬選，終於㨂左golden smile~貪佢d料夠清新，始終食完飯好飽！我地兩個人食左一半其實已經夠了～粒士多啤梨好bling bling ) 成杯有yougurt 雪芭 消化餅 布甸飽～