Smile Yogurt & Dessert Bar

營業中

休息中

Smile provides an amazing variety of frozen yogurt selections which took us a while to pick one. And we finally picked this, the Mango Fever. Mango fresh and the mango flavoured toppings are layered in between yogurt. It tasted good and wasnt overly sweet like some other fro yo places. Felt so satisfied after hving this .May be too much to finish alone so it’s gd to share .

I have been visiting this place since it first opened in Kowloon city..I would go time and time again while I was still a high school student (with no job).. and back then their stuff was already expensive! But that’s how good it was. I couldn’t resist and thought it was worth my pocket money. Fast forward 9 years later... I come to their CWB branch. The froyo is still very pretty and portion is big but I feel like the flavour of the froyo itself is not that good anymore. Used to be more sour /

行過hysan想食甜品所以喺openrice search左一輪最後揀左黎smile yogurt對smile yogury既印象係好大杯 配料多 價錢唔平🤣叫左杯chocolate lover同朋友share份量其實都好多froyo味道偏甜 我比較中意偏酸嗰種配料非常多 有mochi brownie crumbs etc.全部都幾好食 除左mochi真係太多我唔係好接受到😂😂😂下次會想試下wild summer 睇落都幾好食

銅鑼灣同男朋友食完飯，佢無拿拿話想食乳酪，咁拿拿臨搵左呢間店，整返個飯後甜品。其實頭先食得好飽，但我地都一人叫左一杯。好大杯佢仲要入面實的的，無乜空隙，好正。我叫左杯綠茶味，佢上面有啲麻薯咁既野，中間夾左好多種配料，真係...好飽😂但好好味，最後食唔曬自己個杯，下次咁飽都係叫生果味算啦。佢個杯無咁多野，都係得生果，感覺無咁飽，所以佢食得曬。下次再黎可能揀下就，咁就無咁頂胃喇

食完lunch想食下雪糕，經過希慎呢間yogurt人少少就入咗去叫咗個乳酪雪糕食，等左5分鐘左右就有得食，呢間嘅乳酪雪糕口感十分之滑，而且雪糕係偏酸，識落嘅口感好特別，而且雪糕上面有蜜糖，令到成個嘅雪糕嘅口感都好多層次，而且大大個真係有排食

Barbara: 雖然而家仲係冬天，不過行過見到咁靚嘅乳酪雪糕都忍唔住口添..Alisa: 尼杯 Wild Summer，裏面有好多荔枝果肉，口味超fresh , 食完心情即刻開心返晒！Barbara: 係呀..仲好有夏天嘅感覺。 《Keep Smile Everyday》Sweetybabies@Smile Yogurt & Dessert BarWild SummerWe ❤️ Yogurt ice-cream

每次出銅鑼灣都忍唔住要食的yogurt 酸酸甜甜特別開胃 ☺️ 今次點了The Garden 荔枝汁有果肉加強口感 而蛋白餅入口即溶又是另一種口感 層次豐富 而桂花果凍略嫌硬身冇桂花香味 🤔

最近的聖誕飯聚，食友好姊妹 A 送上 <Smile Yogurt & Dessert Bar> 的零食給大家當作聖誕禮物！好多謝她呀！自從多年前，我到尖沙咀 K11 分店嚐過乳酪之後，我自己都無幫襯嘞！意想不到！現時推出的美食更多元化呢！認真給我驚喜！黑白芝麻脆脆棒橙色的 packing，印上金色的店名 <Smile> 及 Logo！拉開盒子，見到印上Something delicious, Something funny, Something to make you smile! 令人會心微笑！打開包裝袋，內有5條黑白芝麻脆脆棒，散發牛油香及香甜，好似千層酥的質感，入口超鬆脆！表面鋪滿黑白芝麻，更加香脆！ 絕對是超水準高品質的零食！

乳酪係一種既健康又好味嘅甜品，食落好似雪糕，但比雪糕健康。銅鑼灣希慎廣場的Smile Yogurt 嘅乳酪不但賣相吸引，而且滋味無窮。Golden Smile呢杯乳酪賣相非常吸眼，感覺層次分明。乳酪最頂層是一塊風乾了的菠蘿脆片，因為風乾了，所以格外香甜，另放了一粒新鮮的士多啤梨點綴，相形見絀，周圍還有很多新鮮芒果粒粒和淋上芒果汁，一啖食落感覺複雜，卻非常好味。再食到中層就食到一片紅莓布甸，口感酸酸甜甜，咬口截然不同，再食落去就有一層自家製脆粒，有啲似餅乾碎，之後又食到啖啖超酸的檸檬雪芭，又凍又酸，成個人為之一震！整體而言，這個 Golden Smile 係一個驚喜！

由我出世開始👶手抱B, B時，第一坏雪糕🍦係爸爸👴教我食，他到這個年紀都喜愛食雪糕，出外旅遊🇨🇵都不忙去搵雪糕食🍧這是個遺傳，所以我去到每一個角落都要試盡所有乳酪及雪糕，Smile由尖沙咀舖，接著開銅鑼灣舖，現在銅鑼灣舖希慎從新裝修，同一層不過位置過幾間舖，有座位坐的，我真係好喜歡Smile 的乳酪，因為每次有節日，都會推出新款式，我覺得真係好有心思的乳酪公司，朋友生日大多數都會出嚟晚飯，所以我會推介Smile 既乳酪生日蛋糕，食到最後甜品上，就係Smile 既生日蛋糕，大部份既朋友口碑係話好特別，又唔會太膩，係唔會有剩餘，不會浪費，最大優點，蛋糕有 Size 分👍👍👍

no matter what, let's smile. 💛銅鑼灣這家分店搬舖後，還是第一次去吃。地方較以前光猛，在店中亦有數張枱給顧客，乾淨舒適。今次點選了Wild Summer，一來到就已經被它吸引了。很光鮮 很搶眼，未吃已經加分了。吃下去酸酸甜甜，很岩我的口味 很開胃呢。鮮莓味很出，還有不少荔枝果肉呢，盡是清新，真的有種Summer既感覺呀！其實這裡的Yogurt很多款式我都喜愛，下次還要繼續試試其他口味呢。而且不時會推出限定新口味，都是不能錯過喔！ ..

一個8號或10號風球，確實令市面上亂、亂、亂⋯Happylands早就訂好咗個mini cake，還擔心17晚取蛋糕有什麼阻礙，明白到各位上班都是亂，致電Hysan同事又未返到公司，於是打去K11店，佢地好好，將筆者訊息pass俾Hysan同事，甚至該店同事未返到公司都用自己私人手提同Happylands講不用擔心，該店有駐場師傅到晚上取餅時，果然沒有令我失望。與其說這Summer Tea是限定版倒不如說Smile的員工確實是「SMILE」待客讚咗咁耐，都係講返個cake。培茶chiffon 底，味唔太甜、有茶香，又夠鬆軟，好QQ，至緊要係唔「漏」，好味😋值得一提嘅係Hysan轉咗新位置，坐得比以前舒服多，涼涼冷氣或者響豆豆梳化位坐住咁歎yogurt，正哦😊

📍香港📍銅鑼灣📍Smile Yogurt & Dessert Bar📍銅鑼灣軒尼詩道500號希慎廣場5樓511B號鋪(銅鑼灣站F2岀口)📍星期一至日 13:00-22:30🦄 A : Vanilla Sky $56 (4塊杏仁脆片👉🏻原味乳酪mix雲呢拿汁👉🏻芒果mix自家製脆粒👉🏻藍莓)🦄評分: 暫時系我系香港食過最好食既yogurt😋雖然價錢唔平 但絕對值得 因為佢好大杯 一個女仔自己食真系會飽🤔 每杯yogurt都有好多唔同既配料！以前食系一食就愛上呢到既杏仁脆片 因為佢唔單只keep到個脆度 仲唔會過甜 整得好好食(雖然應該唔系自家製😹) 但系最近個次食有啲變淋 少失望 雲呢拿汁mix落啲yogurt到超好食！！其實雲呢拿汁係偏甜 我第一次食以為係煉奶 但因為yogurt本身唔太甜 所以混埋系中和左好好味😋😋 自家製脆粒好似餅碎 mix落乳酪到食好有口感👍🏻 整體而言，系值得多試😆😆太多唔同口味既選擇🤙🏼🤙🏼而且賣相好高質 打卡一流😜

原來我好耐都冇食過smile 了，原來佢搬左舖呀，而家又大左仲要有位坐添👍🏿👍🏿。叫左3杯都係7十幾蚊嘅 jelly 同奶凍😍再叫左個 banana 🍌 yogurt 🍦都係5十幾蚊，都算不錯😋😋😋

好久不吃，天氣熱，即刻衝入去買杯食，平時會買綠茶口味今天倒無買，改了買香蕉口味。誰知女店員態度好差，收銀櫃高，起初下單子時，一直無人理會，所以叫了三四次，女收銀忙check單吧，叫我等。。。。當時幸好只有我一個客等收錢，那長金髮女員工毫無表情，店內人客不算多，但她已零笑容，令人側目。雪糕我還是感到挺好的，朋友嫌太甜。巧克力醬凝結後味十分一般，整杯沒香蕉片岀現，在空心的雪糕下，入面有的只是香蕉醬，底層是水果，不如你給我乳酪雪糕好了，不要再將價就貨😂