Sole Mio

營業中

休息中

中環情調意大利菜周末諗住去放鬆吓，網上見到中環蘇豪有間酒吧環境幾吸引，掛滿藝術畫作，餐廳老闆非常熱情，職員以外國人為主，用英文溝通。意大利餐廳有$258 和 $298 dinner set 好抵食，套餐有前菜、主食和甜品，食物即叫即做，製作需時，9pm 開始happy hour，適合飲酒🍻消遣餐廳好chill 座位舒適，深木色座位、吧枱座位，燈光昏暗有情調，播放音樂好有氣氛。晚上10點開始非常熱鬧，還有blue social 大家一起跳舞，星期六晚上人多，記得提早預約，另收加一服務費Salmone Affumicato E Avocado煙三文魚配牛油果沙律🥗，加入爽甜洋蔥和檸檬汁牛油，這個配搭不錯Insalata Caprese新鮮番茄和水牛芝士配上香香的羅勒🌿醬，加入橄欖油和黑橄欖🫒，感覺清新A Pizza of Your Choice $298選了帕馬火腿薄餅 🍕去到意大利餐廳梗係要食薄餅，香脆如餅乾，芝士🧀好香，推介Grilled US CAB Angus Rib-eye Steak 80z 薄切美國安格斯肋眼牛排🥩點了五成熟，有咬口，炸至焦味，還有焗番薯和蔬菜伴碟甜品🍮超濃郁

喺中環區居然搵到呢個價位brunch 實在係難以至信 😍😍 Sole Mio Brunch Set $238Lunch Set $122 因為性價比實在太高，急不及待介紹俾吓。老闆talkable 仲超好人，請我哋飲白酒 、Moscato ，前者吾算dry, 後者麝香葡萄實在太適合女仔口味。Brunch Set $238 頭盤、湯、主菜、甜品、飲品甘筍湯 濃郁香甜，溫度也足夠，份量吾會太多，可以留返多啲空間勁刷一餐。Cold cut and cheese platter （Brunch)大家冇睇錯，依個係一人份量😍Cold cut ，Parma Ham, 烤蔬菜、芝士等絕對是交足功課。另一款是cold cut with salad (lunch)Filetto di Branzino Alla Griglia 海鱸魚食得多，但廚師切到咁厚身就小有，尤其喜歡魚皮部份煎得十分香脆，魚肉亦相當油潤；橄欖油和魚脂混和在一起，令口感Double up。配菜是烤薯仔、甘荀仔、豆角，當然冇食薯條咁香口，但感覺有比較健康。Lunch Set $122 （包飲品）Linguine Alla Vongol

 -Hong Kong Italian Feast at Sole Mio! 🇮🇹Had an amazing dinner at Sole Mio, the longest-running Italian restaurant in Soho Hong Kong!  The atmosphere was fantastic - bustling and full of energy, with a fun crowd that got up for some dancing later in the night.For appetizers, we shared the Cozze Alla Marinara - the mussels were incredibly tiny and tender, swimming in a delicious (you can choose marinara or white wine) sauce.- We also went classic with the Prosciutto e Melone - the perfect pairing

食野要講mood，我今日個mood話比我知，我想chill得黎又有d氣氛，有氣氛得黎有杯酒嗒下，係港島返工第一時間，畫面一轉就係中環soho區，呢間意大利菜「Sole Mio」絕對係我今晚number one首選！👇🏻📌DINNER · SET - $258▪️ Garlic · Bread -▪️ Bruschetta - ▫️ 一個Dinner set勁抵食，一個set包左一個前菜、一個主食、一個甜品，只係200幾蚊，而家係中環係買少見少，先黎個welcome bread「蒜蓉包」、「意式烤法包」，每樣2件，即時烤製，夠哂脆口，好食。▪️ Salmone Affumicato E Avocado - ▪️ Prosciutto e Melone -▫️ 前菜分別試左「煙三文魚·牛油果沙律」、「巴馬火腿沙律·蜜瓜」，牛油果相當新鮮，入口香甜軟腍，煙三文魚肥美爽彈；後者parma ham肉質柔軟，夠哂甘香，包住蜜瓜一齊食做到味道細緻，口感balance，好食。▪️ Margherita -▫️ 主食方面先試左個「瑪格麗塔薄餅」，pizza新鮮滾熱辣，餅底做到相當脆口，面頭既芝士軟腍同時做到流心狀態，連

一個Dinner set 都係258，要有肉例如pork rib / rib eye 等嘅係298❣️ 真係好抵食又親民！唔好以為質素會麻麻和~絕對係性價比超高又可以體驗下係自己處身係意大利當地餐廳個個vibe ✌🏻 連意大利朋友都特登黎幫襯！ 仲要有個咁nice and friendly 嘅老闆，食都食得開心🥳𝗪𝗛𝗔𝗧 𝗪𝗘 𝗢𝗥𝗗𝗘𝗥✨ Prosciutto Di Parma e Parmigiano 158Parma ham & parmigiano cheese platters除左叫咗set之外仲叫咗platters。我自己係好中意配埋 red 🍷 所以就叫老細選 😎 之後仲叫咗杯 gin tonic hahaha 😝 Dinner Set 258One Appetizers And Dessert or Tea/CoffeeAppetiser ✨ Insalata CapreseFresh tomato and buffalo mozzarella served with fresh basil, extra virgin olive oil and black 🫒 ✨ S

這間位於中環的【Sole Mio】，主打意大利菜，晚市有套餐供應，包了三道菜式，有頭盤、主菜及甜品或茶，都是二百多元起，中環區來說性價比高。另外happy hour由12:00-21:00，多款紅白酒、啤酒都由$39，平絕全港。店員先送上餐包，番茄多士及焗原個蒜茸多士。Salmone Affumicato E Avocado煙三文魚配牛油果，酸豆咸香感較重，送酒一流。Funghetti TrifolatiParma ham沙律清新開胃，還有炒香的蘑菇。Grilled US CAB Angus Rib-eye Steak牛扒要了五成熟，比較薄身，以炭燒烤至表面焦香，但肉質保持嫩腍多汁。Linguine Al Pesto Con Gamberi每條意粉都沾滿了青醬，蝦仁新鮮彈牙，十分爽口，充滿青醬清新香味。Sole Mio pizza薄餅餅底是羅馬式做法，又薄又脆，食完都不會滯，表面的莎樂美腸及芝士，咸香味十足，又是送酒佳品。最後飲返個酒味濃郁的Tiramisu，十分滿足的一餐。餐廳還送上解膩的Lemon Liqueur。

復活節早上到穌豪區附近逛逛，在伊利近街發現這間意大利餐廳有Brunch 供應，便上去試試。這間餐廳的裝飾很有歐陸feel ,適合喜愛懷舊情境的人。可能我們是當天第一批顧客，老闆Mr 谷非常熱情招待，送了一杯白酒及一杯香檳給我們，並且介紹我們認識餐廳的歷史，原來開業已經24年了，餐廳每晚還有不同主題的dancing party，對喜歡跳舞的人是個佳音。Brunch set的頭盤是意式cold cut 配芝士。頭盤非常豐富，包括意式巴馬火腿、沙樂美腸、煙三文魚及莎拉菜，還有我最喜歡的橄欖伴碟。Brunch set選了Grilled US CAB Angus Rib-eye steak，5成熟，肉眼扒的肉質鮮嫩可口。Lunch set選了Grilled Seabrass fillet with a lemon butter sauce. 同樣是肉質鮮美可口。甜品是Tiramisu蛋糕，同樣非常美味，而且不太甜，適合熱愛甜品但又注重健康的人士。

復活節🐣 假期我已過了幾日， 時間真快呢，我便選擇留港消費， 昨日來到間氣氛濃厚的意大利🇮🇹西餐廳， 好有有西式文化，牆上有羅馬建築的磚塊設計好可愛，而外國人店長超有禮貌好客，介紹不同美食！聽店員說餐廳已札根中環區好多年了！！Prosciutto e Melone - All-time classic Parma ham and melon意大利🇮🇹風乾火腿配蜜瓜是意大利🇮🇹地道風味的餐前小食，火腿鹹香味俱全，配上清甜的哈蜜瓜，配搭最襯！Baked US Pork Ribs 9oz- With blackpepper sauce, vegetables, and potatoes厚厚的豬肋骨滿有濃郁醬汁惹味十足，肉質鮮美多汁！還有品嚐了特色甜點 🍮 ， 近來大熱的 gelato 升級版 ： affogato ！ 將濃縮咖啡☕️倒在一勺冰淇淋上 口感一流！

如老闆所講一間餐廳應該係一個用餐體驗而唔係快餐般毫無交流開業20幾年仍然係咁有熱情咁有魄力, 衷心希望餐廳仲有更多既20年老闆有多年既餐廳管理經驗,深明除左樓面服務食物質素同樣重要頭盤有蒜蓉包&蕃茄莎莎包法包烘得夠乾夠脆, 中間既蒜泥先係重點經過3個幾鐘既烤焗, 蒜頭粒夾出黎之後已經可以輕易壓成蒜泥再加埋上多士上面食, 味道更加RICH~STARTERSalmone Affumicato E Avocado 檸檬牛油汁配牛油果煙三文魚牛油果同煙三文魚既口感都係比較油潤加檸檬味同埋紫洋蔥圈可以平衡到煙三文魚既厚度適中, 份量亦唔會太少凱撒沙律雞肉同芝士都好足料MAINGrilled Canadian Pork Chop 11oz肉質保持到濕潤同軟滑, 真係唔簡單呀!除左因為係Grill既, 最重要係肉質本身都要靚呢一味係會令人想再回頭既原因!!Gnocchi al Gorgonzola in marinara sauce非常鍾意食Gnocchi 馬鈴薯糰子咬落坶有少少既嚼勁, 表面掛有層次豐富既蕃茄醬仲可以按喜好加芝士老闆推介芝士口味既Gnocchi 都係佢地既signature, 已經

喺中環Soho屹立左24年嘅Sole Mio，餐廳環境極有歐洲異國風情，夜晚有好抵食嘅Dinner Set，可以揀$258或者$298，都係三個course，有多款前菜同主菜揀，仲有甜品/飲品🍴Happy hour有$55嘅cocktails🍸🍹好啱放工嚟chill下餐前嘅麵包好吸引，係蒜蓉法包同蕃茄莎莎法包，蒜蓉法包再加埋原隻蒜頭嘅蒜粒一齊食，對於蒜頭控嚟講係一個驚喜。蕃茄莎莎法包酸酸辣辣咁，好開胃1️⃣前菜煙三文魚配牛油果牛油果生熟度啱啱好，煙三文魚開胃雜菌芝士巴馬火腿沙律好豐富嘅沙律，炒雜菌好香，加埋芝士片同幾塊巴馬火腿食，口感同味道都好豐富，好足料2️⃣主菜青醬蝦意粉呢個青醬蝦意粉係我嘅推介，青醬嘅意粉平時比較少食到，意粉口感好順滑又掛汁，青醬又香，幾有驚喜香烤美國安格斯肉眼扒 8oz烤到Medium-rare，肉質軟嫩，望上去帶坑紋，食落去都有炭烤味3️⃣甜品Tiramisu呢度嘅tiramisu係偏向似一個蛋糕，咖啡味都夠Panna Cotta好重奶香，甜度比較高Mojito $55Aperol Spritz $55🍴Dinner Set A $258🍴Dinner Set B $29

約咗朋友去大館逛逛打吓卡…. 順便找個地方醫肚和聊聊天🥰🥰朋友話記得附近有間意大利餐廳…叫Sole Mio 已經開業20多年…環境不錯，於是就決定去「Sole Mio」Lunch Set 多選擇，而且也有Happy Hours 😙 老闆話晚上可以Dancing Time 😆😆蘑菇湯 ，好濃厚，蘑菇香味好香！Grilled Canadian Pork chop 11ozWith blackpepper sauce , vegetables and potatoes 塊豬扒看似好鞋口..但原來食落口好Juicy👍個燒汁都OK卡邦尼意粉，口感較軟腍，好濃郁蛋香！Panna Cotta 個奶凍奶香夠濃，不會太甜👍

同朋友行完中環街市同大館 決定係蘇豪區搵食 竟然俾我地發現一間性價比極高 必定會回訪既餐廳 沿住中環半山自動扶手電梯一直上到伊利近街就到餐廳係二樓 裝修雅緻舒服 燈光柔和好浪漫HAPPY HOUR 既酒類好多而且價錢好經濟我地先來一杯standard drinks – Moscato 同House RedBruschetta蒜蓉和蕃茄莎莎 中間原個蒜蓉香而不辣 前菜好出色Funghetti Trifolati salad炒雜菇加上param ham 同芝士 雜菇既香加上新鮮沙律菜 層次豐富Oven-Baked US Pork Ribs (9oz) 這個ribs 有好多肉 而且好嫩滑 醬汁是自家製的 甜甜酸酸好開胃Salmone Pasta 三文魚同自家製蕃茄醬融為一體 每條長通粉都沾有三文魚醬汁好正甜品有Panna Cotta 同Affogato 奶凍好嫩滑而且呍呢嗱味好突出 咖啡配Gelato係我至愛呢老闆好熱情 除左同我地傾計仲推一架裝滿酒既車過黎叫我地飲飯後酒仲同我地講佢地有跳舞環節邀請我地再去呢整個晚餐由食物 氣氛同招待都令人滿意 難怪我見到咁多枱客都似係熟客呢

Sole Mio (中環)中環蘇豪伊利近街51號伊利閣UG層。Soho嘅餐廳，自從讀書時去過第一次之後，就好鐘意係呢個地方食飯，因為我覺得性價比真心高，特別係而家講緊去工廈食飯都係差不多價錢，而味道又🤢。Sole Mio已經開左好多年，一間餐廳生存到咁耐一定有佢獨特之處，係soho扶手電梯上到伊利近街，左邊上1樓就係啦～ 。裝修充滿歐洲色彩，店員非常熱情好客，最平食個dinner set 都係$258 3 course，happy hour noon-9pm，飲杯house wine或者cocktail竟然可以$60有找，實在太抵！。當晚好肚餓叫左唔少食物，蒜蓉包係真係原個蒜頭焗到淋曬，再將蒜頭拎出放上包spread，真。蒜蓉包咁就誕生，係100分嘅美味！。Burrata cheese 配上ham，再飲一啖sparkling wine，真係太夾了～。我對食青口係好有要求，如果入面有堆草個種我係覺得好污糟唔食得的，呢度嘅青口乾乾淨淨夠新鮮，用上白酒去煮，鮮甜嘅汁唔好浪費要用包吸曬黎食呀 。如果你都係芝士控，千祈唔好放過意大利芝士雲吞 🧀 blue cheese嘅濃同香，不 得 了！🤤🤤。

同閨蜜食生日飯，約咗喺中環一間意大利餐廳，地點都好方便，就係中環半山自動扶手電梯側邊，我哋坐咗窗邊位感覺愉悅，店內播放輕鬆音氣氛好正。喺中環區二百零蚊個晚餐真係好抵食，每人叫一個晚餐之後，就上一碟兩款餐前麵包，蒜蓉包和蕃茄莎莎都香脆可口，最吸睛係中間原個蒜頭，蒜粒腍滑，香而不辣。Mojito飲落清爽，疲累盡去。閨蜜嘅前菜 ~巴拉火腿哈密瓜，香甜密瓜與鹹香嘅火腿確係絕配。我嘅前菜 ~ 蕃茄水牛芝士，醋汁欖油伴有羅勒香，好味。主菜燒鱸魚擺盤靚，外皮燒得香脆，肉質保持軟滑，最後重要係有魚味又唔腥。閨蜜嘅烤安格斯肉眼扒，據說表面烤得香脆而肉質仍然軟嫩。甜品選了提拉米蘇，十分有驚喜，微微咖啡酒香，口感滑軟，我哋都讚不絕口。我哋6：30入坐是第一枱客，後面陸續有客人到來，見一半以上都是熟客，可想確實是值得回頭的店。