Soul Cafe

營業中

休息中

秋高氣爽是行山的好時機, 加上今日天氣晴朗, 當然不可浪費, 跟兩位朋友選擇了行元荃古道, 由深井出發，先吃早餐, 之前朋友推介這裡的咖啡，而且這裡是位於街市內的一間Cafe, 確實有點新意, 那試試又如何。早上的深井街市人流不多，只有幾個檔口有開, 大部份都是來吃早餐的食客, 找了個四人位，跟朋友們坐下來，看看餐牌, 這裡供應幾款西式早餐, 也有一款港式早餐, 最讚就是其中有一款素食早餐。我就來一個西式早餐煙肉野菌炒蛋英式鬆餅, 內容有煙肉、炒蛋、野菌、鬆餅、蕃茄及青瓜, 蛋炒得嫩滑配合野菌的香味, 效果唔錯; 煙肉鹹香可口,有小許肥膩感; 鬆餅烘得熱熱的; 蕃茄鮮甜多汁; 青瓜也新鮮爽脆; 整個早餐都做得不錯。咖啡也有相當水準, 夠香濃和夠滑, 一點都不苦澀。 大家吃得飽飽，行山去也。

結婚紀念日第二站， 等侄仔女放學， 然後帶他們一起下午茶， 因為他們在深井住， 所以在深井搵嘢食， 今次姑仔介紹了深井街市入面的隱蔽小店， 街市給我的感覺是“濕立立“，行到街市熟食市場入面，見到兩張西式木枱和木椅，再行前一些，竟然有一間滲住歐陸式裝潢現在眼前，真的令人眼前一亮，我們坐下小朋友當然要點“鮮果窩夫配朱古力雪糕“配可樂，大人就要叫個“西班牙火腿班尼迪蛋“，再配杯“Latte"。因我和老公仲要留肚食晚飯，所以都沒再叫什麼了，我們杯Latte等了很久，問一問驚漏了單，店員禮貌地回應因奶未夠滑，要耐小小時間真的不好意思，雖然試了小小的下午茶，但給我的感覺是“回味“。這碟班尼迪蛋其實唔需要我形容，只見到張相已經令人想食的感覺，食落口有牛油香再配西班牙火腿，香濃醬汁令人回味至於鮮果窩夫配朱古力雪糕，又係不用多講，差點連相都影不到小朋友就要搶食，我偷偷地吃了一口，外脆內軟的感覺，再配朱古力雪糕，難怪小朋友的瘋狂講到呢杯咖啡，雖然不是本人的至愛，但是老公的至愛，他喜歡得的一定唔講得笑，兼店舖認真地去沖製，令人信心有增冇減

荃灣揸車入深井小店 , 陳記燒鵝附近好易搵。小店入面都滿晒人，要坐出黎。野食比市區平質素唔錯。本身我地3人叫一個黑松露意粉+ 即磨咖啡, 一個叫 窩夫加雪糕+奶茶, 再另要一杯大latte 。店員很好，本身我地都冇留意但後黎主動張帳單改成其中一個餐+ Latte, 另叫奶茶，計平左幾蚊事小，有心幾抵讚! 黑松露意粉(冇影到)好香, 我要既waffle +雪糕味道中上同好大份, 奶茶較重奶味幾香滑。小店值得 encore+ 好小開post既我比個like

大食男友今日同我操車, 操到入去深井, 初時男友話間cafe係街市, 我以為係濕濕淋同埋好大油煙味,但大食男友話無咩油煙味同他已經黎過幾次😊；我今日早餐都未食, 一望餐牌咩都想食😝;兩個人叫左3樣野(All day breakfast, Eggs Benedict and 松露白忌廉意粉), 大食男友幫我叫左熱朱古力, 因為我好喜愛Hershey’s , 而呢間cafe既朱古力係用Hershey’s整既😋；呢到既all day breakfast and Eggs Benedict, 以佢既價錢係十分抵食因為份量偏大, 而我最喜歡是呢到既意粉, 意粉軟硬適中, 而且汁既奶油同松露份量適中配合得很好👍🏻

發覺香港呢一、兩年都興起 「英式全日早餐」All Day Breakfast！一般人流比較多嘅地區一個 All Day Breakfast 連咖啡.....閑閑哋都要百幾蚊個餐！呢排冇咁忙就趁放假周圍行吓！行吓行吓行左去深井！我知大家一定諗.....深井除咗出名食燒鵝之外，仲有乜嘢好食呀？今次真係好意外被我發現深井呢個人口吾多既地方竟然有一間隱世小Cafe！位置喺深井一個唔多人知嘅小街市裏面。大概中午12點半左右去到；排隊等位既人龍竟然有20幾人！真係誇張.....聽講呢間小Cafe開咗大約一年左右，屬於家庭式經營；佢位置唔大，Cafe裏面只得四、五張細枱。唔知係咪因為假日人多既關係，小Cafe裏面不但坐滿晒食客，仲發現佢哋佔用左街市熟食檔部份枱凳！好在啲食客大部份食完就走唔會坐喺度Hea...所以都好快有位！佢哋啲食客原來唔止本身住喺深井嘅人，仲有一啲去開行山嘅人都會去幫襯...小Cafe餐牌種類唔多；但係感受到佢哋既用心...而且做工特別精緻！連咖啡都係即磨👍呢個AllDayBreakfast包埋杯即磨咖啡都係$68冇加一

深井街市未必人人識去，更加好少人知佢有好嘢食！但深井人就一定識去搵好嘢食！呢間餐廳只做早餐及午餐，但經常座無虛席！家庭式經營，但睇得出非常用心嘅一間細小食店！服務一流，侍應及廚師都笑容滿面，禮貌十足！All day breakfast 用料靚，分量十足，賣相仲好得！佢杯咖啡簡直一流，但係好快飲完，唔記得影相添！另外個egg benedict 味道同質素同中環的餐廳不相伯仲，絕不輸蝕！仲有每次必食之選黑松露雜菌忌廉意粉好好味，記得叫加大，咁份量就好足夠！阿仔次次必定加一個牛角包，貪佢有果jam 呢間餐廳價錢經濟實惠，深井人個群組個個食完都讚賞！每次比錢，姨姨總會送一啲迪士尼嘅貼紙比小朋友，令小朋友好開心！

很久没到深井街市熟食中心的Soul Cafe了,因為座位不多經常滿座、今天好想食、過去試试是否可等到位 。 到達現場已見餐廳外的公眾坐位坐客了、幸好裹面剛有客人走、只足等了片刻就有位了。Menu上依然是那幾欵菜式、由於做得算唔錯、所以都唔介意再來食今次來見員工多咗、所以上餐都快咗!Order咗個 =班尼迪蛋配三文鱼餐= $ 58 + 6 Latte~拉花架啡賣相依然係靚、見到即刻食欲指數標升!!面層滑滑醬汁濃稠適中、煙三文魚甘香不會太咸配合底層脆軟面包一起吃口感層次豐富。蛋的成熟度拿揘得好準確、不太生也不太熟、流出滑滑蛋汁更令我的味蕾多重享受! 最後嘆番杯拉了花的濃濃Latte,真係大滿足,!這個位是值得等的!用心做的小餐廳繼續努力!為街坊製作更多的美食!

在深井臨時熟食中心的Soul Cafe，初時得知在臨時熟食中心有一間Cafe，感到有點驚訝當我和男朋友一起去到時，首先感到的也是驚訝！因為實在太過多人在用餐，我由等位到可以用餐，等了差不多50分鐘，雖然等了這麼久，但食物的質素都屬OK，特別是用那個價錢去吃到在尖沙咀區的質素！不過由於大部份的座位都沒有冷氣，在夏天去吃都頗辛苦，如果要等有冷氣的座位，相信可能等不止50分鐘。這裡有很多食客會帶寵物來用膳，見到很多大大小小的狗仔座在主人旁邊，感到很舒服！除了沒有冷氣設備外，有很多人在吸煙是另一個美中不足的地方！

Wanna go to have a cup of latte here for long time, the environment of this cafe is not so glamour and the texture of spaghetti is not really good. Nevertheless, tasty truffle with heavy creamy source makes the spaghetti yummy. But still have room for improvement. It is quite surprised me that (1) neighbourhood-alike atmosphere, (2) the cup of latte which impressed my food experience here. (3) economic prices of dishes. It is a small cafe shop located in the sham tseng market where is not so hyg

沖咖啡並不是文青和成功人士的玩意，驚訝連（輕輕）上了年紀的女士也可以參與。偷偷看到了飲品櫃檯後面的女士拉花，如果她是為了開cafe學的話那很值得嘉許呢。英式早餐：配搭多樣，有蘑菇，炒飯，煙肉，早餐腸，煙三文魚等等，只是索價58元，實在是街坊生意。麵包可以選擇牛角包或多士，配果醬。端上桌溫度還算可以，煙肉和早餐腸也挺好吃，但是蘑菇因為炒得不熟和欠調味比較難進口，炒蛋也略嫌不夠滑。說實話其實早餐很難煮的難吃啊！這樣的價錢和配貼心服務都為整體加了不少分。窩夫配花生醬，配煙肉炒蛋：花生醬似乎不太配窩夫吧～不過暖暖的還有豐富的蛋香，這我收貨。英式鬆餅配炒蛋，蘑菇，煙肉：這是用餐體驗裡面最滿意的食物。鬆餅烘的香脆，而炒蛋和煙肉放上去剛好不會把鬆餅變潮濕，反而蘑菇和英式早餐的一樣比較淡口。拿鐵：咖啡奶的比例比較多，口感頗香滑。比起坊間的沒那麼香濃，但是質素是可以的。小店不走文青風格，還有其他即食麵，麥皮等港人愛吃的早餐。其實，與其是吃裝修和煮的不怎麼樣但是索價百多塊的“文青”地方，偶爾坐在這種港式但是有人情味咖啡店放空一下很不錯。總比在旺角聽那些裝腔作勢擠英文口音的咖啡師傅在大喊好啊哈哈

今天不用上班，走到去一間位於街士入面熟食檔裏的小餐廳裏享受了一頓早餐。發覺餐廳雖然不大，坐位不算太多但比我的感覺良好。有如置身在外國的小店舖享用早餐一樣。他們的特色的班尼迪蛋可配合煙三文魚或西班牙火腿及黑松露忌廉意粉。再嘆埋杯香滑拉花咖啡，醒神。價格由$25-$58 。不妨可試試。一定令你有驚喜。

放假落左屋企樓下街市熟食檔揾食，見到一間叫Soul Cafe，別樹一格。外面傳著香濃咖啡香，所以就決定入去試試。餐牌得幾款食物，三款主食另有窩夫甜品，選擇不多。我選擇係英國成日食既All Day breakfast ，份量不算多，但只是$68都合理既，$2可轉牛角包，整體尚可。老婆叫左黑松露雜菌意粉配hot latte 她話味道香濃惹味，帶少許cream。不會太溜，不錯。Hot Latte 有驚喜，想不到相當有水準，香濃奶滑有回甘，值得再番黎飲。

今天往深井探舊街坊, 朋友帶我到附近 街市熟食檔新開的一間西餐廳午膳。這間食店很小, 只可容納 4張台, 坐下之後覺得很迫,不算舒服。幸好點了的黑松露野菌忌廉意粉很有水準,黑松露香味很濃,配合菇菌味道更幽香,意粉略硬,但吸收了黑松露忌廉汁很,味道和口感卻剛好。這午餐還配有咖啡，只是45元,街坊價。

最近發現深井熟食街市開咗間新嘢!從外表已發現與衆不同的英国風!今次品嘗一吓個早歺!由$25至$58不等!主要英式為主但亦有港式出前一丁!我今次叫咗個窩夫/煎蛋/煙肉!味道可比美HK Club!服務態度亦一流!深井小見嘅美味餐廳!為一唔好係冇晩餐因街市條例六点後不能提供服務!

深井終於有新cafe啦！新餐廳越來越隱蔽，今回竟然開到街市後的熟食市場。十點多到，室外室內都坐滿了，留名再等一會就進室內就坐。小小的cafe，擠了5個工作人員，個個都很忙碌。服務員態度很好，可能人客眾多，總有一種應接不暇的感覺。嗯⋯食咩好呢？！一於試下窩夫同埋Benedict啦。英式窩夫伴花生醬配煙肉及炒蛋+伯爵茶（$30）窩夫熱飲很快送上，窩夫新鮮烘起，外皮微脆，配不太肥膩的煙肉，整個配搭很恰當，唯獨是炒蛋略嫌失色，做不出滑溜的效果，蛋就好淡口，要配上煙肉先剛剛好。三文魚班尼迪蛋 + Latte ($48+$6)落單時告知製作需時，需時20min。最後Latte 20min後送上，Benedict 30 min送上。還好不是很餓，只是同行個位已經食光光，我的咖啡及主餐仍然製作中⋯⋯Benedict 配煙三文魚不錯，麵包底稍脆，pouched egg一隻流心一隻不，可見時間控制有點差異，若果荷蘭汁多少許會更加好，可以稍微改變不流心蛋乾乾的口感。 下次會再試試其他食品。Latte 有拉花，入口很香很滑。以這個價位整體真係很不錯，期待下次用餐時餐廳有更多改進。