Soul Good (已搬遷) 新店位置

上一手鋪位係做德國菜，諗住再食，點知已經轉左手，睇落都幾岩食，咁就照食。加錢有既餐湯，南瓜湯，入面有啲一粒粒，幾有口感，不過太重奶油味，飲唔到有南瓜味。Ribs$168肉好淋，調味好重手，肉味都唔太食到。薯條份量個人覺得幾多，夠脆👍🏻Chicken burger $98估唔到咁大份，好正，burger大大個先爽。雞扒勁大塊，粉炸得好硬，咬到上顎都損。雞肉幾滑，有肉汁，不過都係好重味。食完好口渴，味精好嚴重😓

聖誕夜無心插柳找到一間小店食晚餐，地方雖然不大，但食物味道超乎想像。我們二人叫了一個小食拼盤、燒烤風味豬仔骨配薯條、香草烤原隻無骨春雞配薯蓉，另加配餐湯和啤酒。我們決定下次再去光顧，會試牛扒和羊架。

位置真的不是隨便行過就會發現的小店，大概客人都是專程來光顧這小店的。感覺餐廳經營得很有心思，中午會提供午市套餐。店子充滿舒適寫意的氣氛，播放著輕鬆的音樂而最吸引的就是在旁邊的粉筆畫也非常討好店舖面積不大，是開放式廚房，只有1張6人枱、2 張4人枱和露天的2人座位小食首推雞翼和魷魚圈，薯條。薯條有三款醬汁，很有誠意。主食推介牛扒熟度亦拿捏得啱啱好，肉質嫩滑。雖然我平時唔鍾意食牛，但佢嘅牛烤到肉汁四溢。配菜炸蒜，誠意十足！二推豬肋骨，厚度、誠意十足。性價比極高。吃上一碟好吃的意大利粉絕不容易，有時麵煮得太淋、醬汁亦太膩太濃，這店意粉拿捏剛好！味道相當不錯，而且那些雜菌非常鹹香。它的位置於內街，非常不顯眼，若不是聽其他同事介紹的話未必知悉那裡有間餐廳，非常適合好姊妹聚會，三五知己一起。

晚餐來到這小店，店唔大，但勝在坐得不迫，而且裝修有心思😊叫了不少菜式，每款都好抵食小食：薯條配松露蛋黃醬，薯條真係好好食，真係可以講話外脆內軟，而個醬真係好出色，令到我停唔到口😋（$48）再叫多款小食就係炸魷魚（$58），一盤都有好多，佢唔只齋炸，而炸佢個個炸粉位都有調味過，又係脆卜卜，再加上佢比既醬，又係一個唔錯既小食蘋果蕎麥羽衣甘藍沙律配自家製油醋汁，($88), 其實我之前未食過咩羽衣甘藍，見佢自家制又幾特別所以試下，點知又係有驚喜，個汁酸酸地真係好夠味同開胃，另外配啲乾果，又有多一個口感，真係唔錯。輪到主菜了，首先叫左美國安格斯肉眼（$248）五乘熟，真係煎得好好，好淋，咬落去又有好多汁出黎真係正，另外配兩個汁比你選擇，其實我食唔出啲汁點整，但同平時既汁好唔同，一款望落去好似燒汁咁，但食落去又唔同，多左份酒味，而另一款就係香草汁咁，兩款都好味，但有唔同既感覺，一款扒就有三種感覺再叫多款酥炸鹹豬手 （$158）又係很大碟再配薯條，炸得很皮很脆，而且食落一啲都唔「漏」，加上幫你起曬啲肉，十分方便🙃🙃總括黎講依間小店真係好有誠意，而且又唔貴，服務亦都好好加上我叫左幾款食物，故唔到佢可

亞囝生日，一行6人搵左這間新店”Soul Good”試試小食：炸魷魚，烤得好軟，唔會好實，唔會咬唔開惹味翠香雞翼，好脆，好好味主菜：香蒜蜆肉辣椒扁意粉，蜆好新鮮，連殻上，意粉軟硬程度剛剛好安格斯西冷扒，7成熟，有牛味但油份不足，要咬多幾下香草烤無骨春雞，好柔軟肉質好滑，好juicy皮煎得好香好脆酥炸鹹豬手，皮烤得好脆，有點乾，但好味，粗薯條，沙律伴菜甜品：焦糖燉蛋（凍）蛋好實，可以唔試主菜可加$28選配沙律或是日餐湯（番茄忌廉湯）+飲品（改啤酒+$48）

雖然地方細左d, 不過勝在温馨同埋好relax~ 伙計同廚師都幾friendly傾到謁😂 今晚多謝店家咁好照顧，我地餐飯食得好開心！下次晏晝可以去飲杯生啤再傾過！講返野食，我地兩個人叫左炸魷魚同雞翼，都係香口野，配生啤好正，雞翼好惹味，都算脆卜卜，下次會再encore! 魷魚都好香，值得一試，不過下次想試下沙律，好似一次過唔食咁多炸野熱氣😍主菜叫左個牛油果蘑菇漢堡同埋rib-eye 牛排，蘑菇漢堡超香菇味，唔講都唔知自己原來食緊齋，好juicy 😂牛排真係好有驚喜，本身覺得有啲貴（好似$248），唔想係小店用呢個價錢鋸扒，無奈男友係肉食大王，店家又拍心口表示唔會失望，我唯有膽粗粗俾佢叫～ 果然有料到👍🏻牛扒好有驚喜，肉質好好，好有牛味😋食得出係靚野，對得起個價有餘！佢有跟兩款醬汁，但我超鍾意個阿根廷青醬，同牛味超夾！！！一定要試！Overall 來講d分量好足，個burger 好飽肚，不過我有個豬隊友，好彩都食得晒😂性價比過高，會再幫襯！希望店家記得我地啦😂剩係影得切牛排🥩😅

屋企附近有間新開張既小店，趁男朋友放假就同佢去撐枱腳，試試新餐廳～雖然店仔細細，坐位得幾個，但就幾舒服，可以靜靜地同男朋友談下心🤣🤪 🍴黑松露蘑菇意粉未放低就已經聞到陣陣黑松露香味，醬汁香濃又夠creamy，好好味👍🏻🍴德國鹹豬手呢個係我至愛，所以一坐低見到就話要食！果然！超香脆既豬皮配上鹹香既豬肉，正呀～而薯條係厚身，近似「摩斯漢堡店」個款，外脆內軟，食到停唔到口！我地倆個都食到舐舐脷，男朋友仲話下次再黎要試埋其他意粉同扒類先得喎！🤤🤤🤤

今日去左呢間Soul good 到食左一碟意粉同一份咸豬手。首先講講黑松露忌廉意大利粉，都只係88蚊，足料，好香黑松露味，鐘意食忌廉同黑松露既人應該都會鐘意食，食得出廚師用心既制作。到酥炸咸豬手啦，有一隻咸豬手，薯條夠晒脆，即叫即炸，新鮮既羽衣甘藍做沙律菜伴碟，唔錯唔錯，價錢都唔貴158蚊。環境都唔錯，但係坐位唔多，店內員工都十分熱情，好nice ，好難得仲有咁有熱情工作既年輕人，店入面既歌都好好聽，會再去食過。

路經見到應該係新開張嘅西餐廳，坐位唔算多，環境清靜，開放式廚房，感覺和諧係舒服嘅，服務員態度熱情有禮，連兩位廚師都能懂得微笑，年青人應有嘅態度，值得一讚。因為唔係太肚餓所以只係叫咗蒜香蜆肉意粉同一杯生啤。第二讚係啤酒仲要係生啤，涼快加爽，好飲。意粉賣相相當不錯，味道嘅調味拿捏得精準，蜆肉仲有陣陣嘅海水味，第三讚，用料新鮮，after taste好好，西餐嚟講以味道，價錢同服務質数合理不過，冇諗過屯門區加上只係小店一間都會咁有heart去做西餐，請多多支持呢類小店，值得再去！