Soul Good (已搬遷) 新店位置

知道小店九月份即將結業即刻衝來試埋最後一次大約7:30左右去到舖頭點知得四個客人難怪佢就嚟支持唔住要結業今次試咗3樣嘢1. 黑啤雞翼外皮炸到脆卜卜,入面仍然好Juicy值得一試2. 檸檬牛油蒜香大蝦意粉檸檬汁好驚喜，可以中和到忌廉牛油嘅油膩感3.白酒青口配蒜蓉法包青口數量都有八隻，法包點埋啲白酒汁好惹味總括來講小店食物高質素，價錢親民雖然出餐時間可能比較慢，因為眼見舖頭好似得一兩位同事，但食物質素絕對值得等待！

呢日去開屯門想試下啲商場以外嘅小店上網搵搵下就搵到呢間💛店我weekend夜晚八點左右去到舖頭都唔係太多人搞到我都有少少擔心會唔會唔好食不過一場黎到 都係照入啦好彩 係好味嘅🤤🤤我地兩個人 嗌左個豬手同雞翼 都夠飽🤣1) 酥炸鹹豬包配酸椰菜及薯條 ($178)豬手好好味！個皮好脆 但肉又唔會好乾皮同肉仲有層油脂 好香🙊配埋個mustard好好食 薯條新鮮炸 再加少少沙律中和返啲肥膩不過份量都幾多 兩個人食完個豬手都飽左七成2) 黑糖啤啤雞翼 ($68)雞翼有五隻 都係新鮮整嘅 熱辣辣正正常常啦 ok ge但唔係特別驚喜所以都無影到相🙈整體來講 餐廳性價比都唔錯去開屯門嘅話可以去支持下💛

今日黎左食屯門輕鐵何福堂站既soulgood🍝 好耐無黎呢頭喇 中學成日黎食打冷🥶鋪頭細細，二人主理，煮野食需時，最好預番多啲時間先去食🤣 「意式番茄大蝦扁意粉$108」覺得呢個最好味！大蝦爽彈，有成5-6隻，個汁酸甜度岩岩好又夠濃郁，每啖意粉都掛到啲蕃茄汁，一啖接一啖食唔停😬「香煎帆立貝蘆筍扁意粉配忌廉海膽汁$138」個名同賣相都好吸引！帆立貝好大粒又彈牙～ 意粉軟硬度適中，蘆筍份量好多，個汁似忌廉白汁多啲，無海膽味，不過都幾好食既😙「小食拼盤 $158」有齊炸雞翼、炸洋蔥圈、炸芝士、忌廉蟹餅、豬肉雞肉腸、薄餅～ 滿足哂食炸野既口癮🤩「香草燒原隻無骨春雞配薯蓉$148」無骨春雞有啲啲失望，唔係好夠味，同埋似普通雞扒多啲，有改善空間🙂 反而配菜就唔錯，沙津酸酸甜甜好開胃，薯蓉都夠香滑～野食份量都幾大份，價錢合理，又坐得幾舒服，會推薦大家食意粉❣️

夜晚7點鐘黎到試一試呢間soul good睇下good唔good呢😆今日31度好彩入面冷氣好夠涼🥰睇下有咩食先啦😏最後叫左燒汁牛舌漢堡同埋鹹豬手😋😋🤭無叫野飲呀…戒甜呀盡量啦我😆怕肥飲水為生🙈大家都可以睇下有咩啱飲呢話說叫主菜呀漢堡呀嗰啲可以加錢要埋湯同野飲自己望望menu upgrade部份😆together we fight💪💪一齊努力食食食😆仲有好多手信小精品架😊牛舌漢堡認真唔錯😋豬手好正味道唔會太鹹個人認為個黃醬偏酸左少少其實我就覺得就咁食都好好味😋2個人食飽左少少豬手都幾大份😆盛惠286蚊👍

今次介紹位於屯門何福堂嗰頭嘅西餐廳，細細間唔多位但啲嘢堅好食！佢哋平時淨係開夜晚，之前晚市禁堂食都搞到佢哋情況好艱難。除咗開埋午市，仲賣埋盆菜，有晚仲煲埋糖水😭 大家一定要多多支持同幫襯Soul Good😭😋 忌廉黑松露野菌扁意粉 $98黑松露味勁香呀！同出面其他黑松露野菌意粉唔同，呢個真係有嚿黑松露喺度🤣 呢個扁意粉嘅麵質比較煙韌，同埋幾掛汁，忌廉汁令到個意粉幾creamy，但都唔會太過濃味。野菌方面都有好多粒，仲要粒粒都索晒啲汁㗎😝😋 酥炸鹹豬手配酸椰菜及薯條 $178好大盤！原隻鹹豬手切開咗一件件，啱晒好懶嘅小編🤪 上菜嘅時候啱啱炸起熱辣辣，豬皮唔韌幾脆口，豬手肉實實地但唔韌，話明係鹹豬手就緊係有啲鹹啦，所以有啲酸菜伴碟中和返，唔係講笑都真係幾酸😂 份量好多，食完勁飽肚🥲

朋友多次推薦這家小店，終於有機會試試。喜歡這家店名，「soulgood」多好！不過當日是周末中午時分，等候時間都長。試左兩份午餐，一份小食。📍蜜蜜爆雞翼（小食）一定要立即食，雞皮沾滿了蜜糖，超脆！但重點係要熱食，先最好味！📍燒汁牛柳粒意粉（跟餐飲）牛柳整體火喉是好的，牛味幾出。意粉相當掛汁，菇味有提升作用，食落有少少似中式伊面。📍蘆筍大蝦炒意粉（跟餐飲）新鮮蝦，好大隻，爽口彈牙，蝦味濃。.整體樣樣都好食，但我和朋友都覺得杯咖啡不ok,下次都係叫檸檬茶安全點。

小店只有一位廚師，所以製作需時喔🙉等候時間會比較長喔🧑🏻‍🍳✨酥炸鹹豬手配酸椰菜及薯條（$178）豬手岩岩新鮮炸起，十分燙嘴🤪上枱時已經切好一件件，唔使自己切到咁狼狽🙊 一般出邊既豬手皮都好厚好韌，食到牙較軟😢呢到既豬皮竟然脆到食豬肉紙咁樣，好易咬開，肉質也不會被炸至乾柴。另外酸菜微酸開胃，仲有炸粗薯條同沙律🥗都咪話唔飽呀🙈✨忌廉青醬烤雞扁意粉🐔（$98）選用較少較少脂肪既雞胸，岩曬我地呢啲又要食又要減肥既Lady🙈表面煎得微脆，雖不算嫩滑但不粗嚡，是可以接受的😀硬度適中既意粉被適量既醬汁包圍，好有忌廉味但如果青醬味再出啲就更好Lu~~~

🌸#girlsfoodies屯門#girlsfoodies西式 🌸​【💛 #GF_List 】​🉑：外賣自取⭐評分: 8.5/10​———————————————​終於試到呢間喺何福堂嘅小店，舖仔細細得幾張枱，不過平日夜晚去都還好唔洗等位。食物價錢合理、份量偏大，仲唔洗加一，又係平靚正之選😚——————————————————​
▪️酥炸鹹豬手配酸椰菜及薯條 ($178)▪️忌廉黑松露野菌扁意粉($98)▪️加 $48轉套餐 (餐湯、330ml黑啤)​豬手超大份！夠2至3個人叫嚟share，再另外加啲嘢食。炸豬手即叫即整，上枱係噴煙熱辣辣，餐廳好貼心咁切好哂，我哋只係須要食就得🤣一咬落去，皮連肉食，不得了，個皮脆到好似食乳豬咁，皮下嘅膠質微微漿住個口；雖然成隻攞去炸，但肉質唔會韌，調味亦無過鹹，襯熱食世界級熱氣但好juicy好很正！不過放涼咗個肉質就稍為結實了，同埋有啲位皮較厚就會稍硬。豬手可以點餐廳秘制醬汁食，味道似芝麻醬mix千島，我自己就覺得麻麻哋夾，都係就咁食算😂另外仲配埋一碗粗薯條，外皮微脆，入面食到有薯蓉，鐘意淋薯嘅我幾like，但鐘意脆薯應用會略嫌炸嘅火喉唔夠。酸菜同沙律都係正

已經光顧了數次的西餐廳，但第一次假日午市前來。💁🏻‍♀️餐廳內的裝潢及擺設都充滿特色！.我以為假日都會比較多人，因餐廳內的位置較少，之前晚市都需要等位，因餐廳不設訂座。但這天大約一點多時間，餐廳只有我們這檯顧客。不過，我喜歡這寧靜時刻！😊.午市餐牌選擇不多，想試其他食物的可考慮晚市才來，推介豬手！😋餐廳很細心，每張檯都會擺放兩枝搓手液！.「忌廉青醬烤雞意粉」$78🍽：烤雞表面金黃色，內裡充滿肉汁，意粉的醬汁很足夠，整體都不錯！.「燒春雞配薯角沙律」$88🍽：份量很多，燒春雞的火候掌握得很好，切開時，雞肉的肉汁都流出來，很嫩滑，外皮則烤得金黃香脆，很好味😋值得推介！薯角更吃不停，沙律菜可減輕罪惡感！🤣.跟餐可配送一個飲品，不喝凍飲的朋友可主動提出熱飲，因餐牌上只有凍檸茶。😛

朋友極力推介呢間黃店，小店cafe~~支持黃色經濟圈🦾🦾店舖位置無想像中咁唔方便，由屯市行過去都唔係好耐！ 店舖裝修好靚，雖然細細間，座位唔多，但充滿住美感！用心製作食物！兩個人叫左個pasta同小食拼盤檸檬蒜香牛油大蝦🍤扁意粉 $108小食拼盤 $158主食+$32可以轉set，有餐湯同非酒精飲品！餐湯係南瓜濃湯，名乎其實有濃濃嘅南瓜香味，好甜好好味，飲到停唔到口呢~~!!小食拼盤份量一啲都唔少呀，食物大大舊，每款小食都好出色😋Pasta方面，🍤🍤份量都唔少，又大大隻，好新鮮，肉質彈牙，意粉口感軟硬程度適中，配搭呢個汁簡單一流！味道好清新好開胃！ 餐廳好多款食物都好吸引，一定會再嚟試！

小店室內和露天都設有雅座，店面不算大但坐得舒服，朋友聚餐、情人約會同樣適合。食物方面清一色是西餐，漢堡、牛扒、鹹豬手、意粉，款式選擇豐富。蘑菇餐湯• 隨餐附送的湯，蘑菇香味濃郁、口感稠杰，邊飲邊咀嚼到蘑菇碎碎。粒粒烤雞海藻雜菜沙律伴蕃茄香蒜汁• 很有驚喜的一款沙律菜，少有見到用海藻來伴沙律，味道十分匹佩、清新。• 另外香蒜汁亦是整個沙律的精髓，令沙律味道更加豐富又不會油膩，很適合成為頭盤。小食拼盤• 非常豐富的拼盤，附有炸雞翼、忌廉蟹餅、迷你香腸、薄餅、洋蔥圈、炸芝士，份量頗多。• 整體小食都炸得十分香脆滋味，其中我最喜愛的是忌廉蟹餅，酥脆的外層與內𥚃呈蓉狀的蟹蓉成了強烈對比。酥炸鹹豬手配酸椰菜及薯條• 極力推薦這道主食✨極之惹味的鹹豬手！外皮處理得非香脆，內𥚃肉質緊緻有嚼勁、肉味香濃。• 配上酸椰菜一齊進食，味道層次更加昇華！• 份量同樣頗多，如果三至四人的話非常建議叫一份。忌廉黑松露野菌扁意粉• 黑松露味到呈上時已經撲鼻而來，混合忌廉更加香濃creamy。• 切片的野菌均勻地分布在整碟扁意粉𥚃，充滿菇菌的香味和獨特的爽脆口感。奇亞籽蜜桃紅茶• 非常清新爽利的飲品，紅茶味清幽、略過點

今次係我同朋友第二次黎光顧小店，雖然餐廳唔算大，坐位都有少少逼。但都吸引到我再黎光顧係因為食物好味👍🏻不過等待時間有啲長，但我同朋友傾下計就ok😂值得推介去試吓👍🏻

南瓜濃湯 （加$28蚊轉餐，有湯有野飲）上次飲過好好飲既南瓜濃湯 必飲！今次叫埋朋友一齊嗌 好濃 濃到會掛匙羹 南瓜味好甜 超好飲 但份量比較少 唔夠喉啊！檸檬蒜香牛油大蝦扁意粉值得一讚啲蝦大隻 食得出新鮮 蝦肉爽口彈牙 好食個汁都唔錯 不過味道就比較啖 唔會好creamy 唔會食到膩安格斯牛扒配新薯 （medium)勁香 廚房一路煮已經聞到好香肉味 牛肉嫩度適中 唔會好難咬 食落唔算重牛味 同埋唔夠鹽味 但對得住呢個價錢 平平地就可以食到質素唔錯既扒薑味柚子蜜有驚喜 2個味好夾 唔好太甜 好暖胃好好飲打緊呢篇食評既時候已經去左食第三次啦哈哈😋

今日又黎到屯門懲罰黃店🥰🥰好好彩星期日晚walkin都有位😋店內裝修好有feel 而且有大大隻連豬🥰忌廉明太子海鮮扁意粉🦐🍝 ($108)佢個醬好重味 超級creamy 每啖都係滿滿的明太子🤣不過食得多就覺得有d咸🤭d海鮮都好新鮮😗有蝦同魚塊各兩舊同青口😗水牛城辣味炸雞芝士漢堡🍔 ($108)好大個漢堡包配埋薯條🍟 好fatfat🤣🤣個炸雞好juciy 🤪但個人覺得太多肥肉🤣薯條都炸得好香口🤪🤪yummy😋

星期日晚餐 訂座7:30食呢間餐廳 到左唔洗等 入座率8成左右 設有2張戶外坐位 幾chill1. 黑松露野菌扁意粉 $98加左$28 有餐湯同一杯無酒精野飲餐湯係忌廉南瓜🎃濃湯 超！好！飲！完全係自己整既味道 平時出街完全飲唔到咁濃咁好飲既南瓜湯 係我出街飲過最好飲既南瓜湯 湯夠甜夠濃 超正 飲到一滴不剩 一定要加錢轉套餐！意粉都唔錯但未到有驚喜 黑松露份量幾多但整體唔算好香濃既黑松露味2. 和風紫菜味薯條配明太子蛋黃醬 $58好脆好熱辣辣既薯條 粗身大條 每條都沾滿紫菜 個醬係淡味蛋黃醬加明太子 蛋黃醬既味唔會蓋過明太子 香口好味 令人係咁不停食既小食 讚👍🏻份量好多 好抵食3. 脆經典炸雞翼 5隻 $58同薯條一樣又係即叫即炸 雞翼大隻 咬落去仲有肉汁 正啊 就算無醬點都好夠味又係一間會再食既西餐 抵食 質素高 環境舒適 係張櫈唔算好坐 小店黎講 送餐速度算快 10分鐘左右就有野食 下次試試其他野食再報告比大家