Story Steak & Pasta (已結業)

元朗雞地覓食 溫馨小屋食西餐 平民價錢鋸扒撐枱腳 小店的味道【Story Steak & Pasta】‼️‼️元朗真系好多好多大大小小嘅西餐廳，想就腳又抵食，可以試下Story Steak & Pasta！店鋪吾算大，小小嘅屋仔但充滿好有心機嘅溫馨佈置～食物價錢合理，份量都算多！餐牌吾花巧，圖文並茂，大部分都系跟餐，有曬餐湯餐飲～餐湯同餐包好快就上咗枱😂好有速度！好快手！餐湯系南瓜湯同磨菇湯，兩款可以自由選擇！用嚟點餐包最啱😆洋蔥汁西冷牛扒配意粉牛扒揀咗5成熟，啱曬我口味，牛扒肉質鮮嫩，咬落有口感，成塊都系厚切，好Juicy!淋上洋蔥汁食更惹味，配菜沙律🥗同樣新鮮爽口，份量都吾少！煙三文魚雖然系小食，但一啲都吾少，一大碟上😮大大塊嘅煙三文魚好香口，上面嘅蛋黃醬同三文魚又幾夾喎👍🏻配埋飲品成個餐就好完整😆特飲同樣好快上枱，甜度適中吾算太甜，整體而言吾錯，價錢大眾化，平民西餐之選！

We went here for dinner. The environment is very comfortable in which it is suitable for catching-up with friend.This is a pumpkin soup, taste delicious👍🏻😋The main course we ordered: beef, chicken, egg, salad and French fries. I think the meat is using slow-cook technique as the texture is good chewing.煙三文魚pizza, cutter into 8 pieces but a bit big. We are so full to eat all芝士煙肉波菜，好好食👍🏻不會太流Green tea Milk with no sugar~ The sweetness is enough. The taste of green tea is strong 👍🏻Overall, the taste

元朗放工，老婆入來找我，無飯煮婦，當然順個靚便吃餐飯才回家，在鷄地走個圈，找一找，見到餐牌價錢不貴，餐廳門面整整齊齊，乾乾淨淨，有人在入面用餐，應該不錯，就試一試。餐湯和麵包不錯，我叫個磨菇湯，有香味，不會稀，用來點麵包是不錯的配搭。煙三文魚$32：煙三文魚很香，份量也足，啖啖肉，夠填滿一個大男人的口，配上蛋香醬，別有一翻風味。連不太喜歡煙三文魚的老婆都入到口。豬仔骨$118：大大份燒豬仔骨，數過有足足十條，平均一條11.8😸還没有計餐湯，麵包和餐飲。豬仔骨肉好香，像有經過合理時間醃制，調味有滲入到肉，停不了口。吃完肉，吃些沙律菜，剛好平衡返飲食，有些菜落肚。入到元朗，會想到中菜比較出名，其實西餐都不錯，就像這一間，平靚正😋👍💪

朋友介紹我嚟呢度食意粉，話免收+1好抵食蜜糖芥茉煙三文魚$3230幾蚊 三文魚大大塊 抵食！蜜糖芥茉醬令三文魚生色不少，好好味😋😋😋有我最鍾意嘅香蒜辣椒帶子意粉，以為會有少少辣點知一d都冇，如果蒜味同辣味可以更突出一點就好了！帶子有三粒，仲有菇同煙肉，意粉不算軟身，我自己就幾鍾意，如果重味一點更好！$98係包埋餐包餐湯同飲品，餐包係蒜蓉包係超級好味😱麵包外脆內軟，諗住唔食晒驚食唔落意粉，最後都食哂

貼錢都唔好食, 職員態度又差,又無服務,年三十中午去食,一入座安排坐六人枱,其實一開始根本聽唔到佢叫我坐埋一面或打對坐中間個排,跟住有另一組人入嚟,個職員態度勁差咁話一入嚟時咪同你講咗要坐埋一邊對對坐中間位囉,D面口勁衰,跟住叫2個餐,加餐湯,又漏湯,先嚟一個意粉,等咗十五分鐘,意粉都食埋,另一個餐都未到,中途問佢拎水,第一次聽到又無答,第二次再問又唔知佢答咗咩,最後都無比到,跟住有人問佢拎碟,佢答一句今日唔share食,唔派碟,嘩,d態度衰到........,跟住我再等都未嚟個餐,我話唔要啦要取消,佢即大大聲係餐廳咁話人地等咗15分鐘喎,唔要啦個餐,一個咁差態度既餐廳,再好食都唔會幫襯,仲要唔係叫好好食,職員既答案係人手唔夠,如果有一個客人要水要碟,咁到時個個問佢,佢咪好唔得閒,咁我想問一句,個個客人入嚟都要叫餐架啦,咁你都好唔得閒架,咁你不如叫d客人入嚟唔準叫嘢食啦,齋坐咪得囉..

星期日晚岀街食飯，經過呢間見有位就入咗去坐！估唔到有驚喜！嘢食唔差之余，價錢都抵！除咗嘢食第得耐咗d之外，算係不錯的選擇！餐湯有兩款，南瓜湯，蘑菇湯，個人中意南瓜湯多d，甜甜的，又唔漏！蘑菇湯都可以，中意creamy creamy 嘅朋友仔可以試試！主食揀咗燉飯，飯粒啱好，唔淋又唔會太硬，cp值好高，啱晒小編口味！牛扒薯條，唔好牛嘅小編覺得還好，同行朋友仔幾中意！牛扒熟得啱好！嘢飲，朱古力，抹茶latte, 都較普通，正常口味！總括黎講，cp值高嘅餐廳，嘢食都過得去，不過上菜速度真係有待提高！有機會會再幫襯！

叫左兩個餐豬扒 同 帶子意粉..... 係一般屋企都整到既水準南瓜湯稀到水咁...特別失望男友對味精特別敏感 食完之後覺得有點不舒服 食物味道總算還勉強可接受 但waitress既態度令我以後都唔會再來

2019年新年我同太太加BB下午到場打算用膳，一入去見無人招呼 又無人排隊 咁見有位就坐落去啦，我唔想太太要抱住BB食野 咪帶埋Car seat 入去放係張坐位上。 一黎個呀姐就 大聲話唔好意思 呢度唔比擺BB車！ 我就答佢 我呢個係BB坐黎，呀姐就單刀直入 你個BB坐位唔可以咁擺係度阻住，（再話D要位要留返比其他客）我地為人父母 點解要講到我小朋友 不是人咁樣呢 原全無權利坐下個位 ， 其實你好生意要番位比其他客 我絕對明白，但係有無需咁樣對待 一姐已經行左入黎坐低既客呢， 水都未有杯就受到貴餐廳咁既熱情招呼。有生之年都唔會再黎 ！！！！

今日是2019年的年三十晚,送狗迎豬,回顧過去一年,一切都好,心存感恩,希望豬年經濟繼續好轉，世界和平，人人健康, 賺得更多預計未來幾天會吃中國菜，所以今日午餐選西餐。這家餐廳“Story”已在元朗經營了一段時間,人氣很好, 顧客大多數是附近的上班族為了迎接新年，我選擇了紅色套餐, 希望帶來好運, 套餐包括湯和飲料。番茄辣腸長通心粉(macaroni)番茄醬很棒,有一點辣,通心粉al dente, 有嚼勁, 味道有點複雜，酸辣混合甜，好有層次,非常美味和清爽，推薦 薯泥牛扒沙拉還不錯, 牛排有點薄, 量有點小,如果女士，應該就夠了這家餐廳,服務快而有禮貌, 環境乾淨整潔，整體舒適,平均消費每人HK$60，合理, 鄰桌的漢堡包，看起來也很美味。下次有機會，我會試試他們的晚餐

星期二約咗個friend去yoho Mall，行街, 見肚餓 銀行去鳳攸南街好順意大廈附近， 嘅餐廳食晚飯😋因為甚少來這裏附近， 原來已經開咗很多有特色的餐廳，我哋揀咗story Steak and pasta就叫咗得蜜糖芥末 煙三文魚， 煙三文魚加埋芥末醬汁一齊食 真係好好味呀價錢又平我叫咗黑椒汁黑毛配意粉 嘩咁大塊豬扒入面係全熟，好容易切開 同埋好juicy ，138蚊一啲都唔貴總括嚟講， 每一個餐都大碟啲，好抵食😆😋 見隔離枱有杯朱古力 奶， 好吸引就叫咗你任 唔太甜啱曬我，蒜蓉包 脆卜卜😋忌廉蘑菇湯 熱辣辣好好味咁叫咗個特色雞扒包括 羊架 ，牛胛， 烤雞 紐倫 堡腸 煎蛋 加 配菜 羊架覺得啱啱好 大騷野味 牛胛肉好juicy， 烤雞嘅香草味 薯條都好好味 脆卜卜 又大條總括嚟講， 每一個餐都大碟啲，好抵食😆😋

元朗野食素來都係抵食夾大件，依間西餐廳全完可以話係其中一個例子。餐廳第一眼疑人既感覺係一間簡單既西餐，裝修係西海中海簡約風格，輕鬆自在。食物種類主要有扒，意粉，薄餅，意大利飯，十分多選擇。既然餐廳拿手係扒同意粉，今次我就叫左芝士焗波菜，豬肋骨同埋千層麵。餐湯有忌廉磨菇同忌廉南瓜，味道清甜加一塊多士做一個簡單既開頭。芝士焗波菜對於芝士既我都分吸引，芝士仲可以拉絲，波菜又冇澀味，又好食又可以呃like，芝士迷必食丫！而且一碟四十幾蚊夠兩個人食，抵！豬肋骨配左薯菜，而且係有沙律！原本想要薯蓉，不過細心既侍應指千層麵已經有薯蓉。薯條份量絕對完勝m記而且好厚好有咩感，豬肋骨亦都鬆軟入味，事前醃製很好。最後千層麵呢蕃茄味好濃好清甜，意粉硬度適中。雖然size比豬肋骨細，但食落份量絕對唔細啊！埋單二百幾，但好飽好味好抵！

外面裝飾幾靚，有塊大餐牌知道曬有咩野食，種類都算多選擇，價錢好親民。叫左兩個餐，一個ribs , 一個肉醬千層面同埋一個小食：芝士煙肉菠菜。兩個餐有跟湯同香草牛油包，南瓜湯同磨菇湯好快就已經上枱，磨菇湯偏咸但南瓜湯好甜好好味。 碟ribs黎到勁大份！有芝麻醬沙律、薯條同埋十幾條骨嘅ribs! 薯條炸完熱辣辣，ribs 的汁都幾好味！但全晚最驚喜嘅係芝士煙肉菠菜，佢用個鐵板上，上果時仲係熱辣辣，雖然層菠菜好似好薄咁，但其實因為個鐵板好大，所以其實都好飽，重點係芝士拉絲拉絲，落足料，38蚊真係性價比勁高！ 仲有個千層面，我最欣賞係側邊有薯蓉圍住，勁好味！仲有幾啖咬到薯仔粒勁有口感！同埋當然千層面都係無敵拉絲，又係食到勁有幸福感！ 個餐仲有野飲，不過冇乜特別。

  係元朗大商場行極都係連鎖餐廳 唔岩心水 行出附近搵下 見呢間餐廳價錢吸引 入面都唔少人 就試下門口望餐牌個陣已經揀左西冷牛扒，因為我同朋友都鐘意食牛，加上＄138係套餐價錢，夠晒實惠。朋友另外揀左香蒜辣椒帶子意粉，再加個忌廉芝士煙肉菠菜。當晚餐湯係蘑菇湯同南瓜湯，好味，特別鐘意佢跟湯個蒜蓉包主菜到啦 先黎意粉，份量足，帶子唔會煎到實晒，意粉又唔會淋晒，有咬口，重點係味道好好食，少辣又香口之後菠菜，以為＄38會細細碟，點知成個pizza盤咁大，加上熱辣辣鐵盤上，超推介到牛扒啦，嘩，一上檯，未食已經滿足，見到又沙律又薯蓉，而且牛扒都唔細塊牛味唔係超濃，但煎得岩岩好，肉質唔錯，完全對得住個價錢，性價比高。配菜薯蓉都非求其之作，食到細細薯仔碎粒但又軟滑。成餐都好滿足，最推介意粉，其實樣樣食物都好有質素，亂打亂撞試到好餐廳。

今日係由朋友帶路 係元朗食飯~佢話佢之前食過幾次 都覺得幾抵食 今日就帶我黎食啦依到好近元朗西鐵站 行過黎都係五至十分鐘既路程入面裝修都幾溫馨既感覺唔似一般西餐會昏昏暗暗咁~ 幾清新估唔到佢都有幾多唔同野食由小食~去到扒頖 意粉 pizza 仲有意大利飯都有所有野都可以配餐既 餐就有餐湯麵包仲有杯野飲~我地一行二人就嗌左兩個set 再加個小食~首先上左湯先~ 有磨菇湯同南瓜湯簡既 咁我地就嗌左各一感覺好足料呀~ 飲唔落唔係淨係水黎係有磨菇蓉係入面咖~連埋蒜蓉包一齊上 一人一舊跟住就係小食啦~串燒水牛城雞翼($48)雞翼係岩岩炸好既 仲有少少辣辣地 最緊要趁熱食下面仲有啲沙律菜加麻醬 有麻醬真係加曬分呀最尾連下面啲沙律菜都食曬haha之後就到main 啦~我就嗌左個香蒜辣椒蜆肉煙肉意粉($88)個意粉唔會太乾亦都唔會太濕岩岩好加上香蒜辣椒 個面真係勁香~ 聞到都流曬口水食落去蜆肉煙肉既味都出曬黎 啖啖意粉都有陣鮮味~正至於朋友就嗌左個bbq醬烤原條豬肋骨+薯蓉($118)一上枱既時間真係哇左一聲~ 因為超級大份而且仲有沙律同薯蓉 一定好夠飽haha豬肋骨整得好好 啲肉好淋 同埋唔會痴骨

個日係元朗同男朋友閒逛，行行下見倒呢間餐廳，望左眼餐牌，好似幾多選擇，所以就入左去試下😁我地叫左羊扒同燒豬肋骨兩個餐，選擇是典型的飯，意粉及薯菜。但當中，餐中的薯蓉卻令我喜岀望外，嘆為觀止。薯蓉並非普通即溶的薯蓉粉，而是加了黑松露作調味，令薯蓉的香味昇華不少，是這餐的其中一樣驚喜之作。同時，餐中的餐包亦非普通7 11的餐包，而是用蒜蓉烤過，有濃濃的蒜香。餐中亦備有是日濃湯。而我地揀了蘑菇濃湯，湯中有濃濃的蘑菇及rose mary味，味道不錯。而主菜羊架及燒肋骨味道亦不錯。羊架能自選生熟程度，而燒肋骨的醬料酸酸甜甜，讓人食慾大增，配上一杯香濃的朱古力或奶茶，令這頓晚餐更為滿足。總括而言，Story steak and pasta (元朗店)是一間不錯的餐廳。😁