Sugar Lava (已結業)

去觀塘為左買隻game，經過口痕見到這家店！又是梳乎厘pancake！！！即刻停下來看一看！店鋪小小的，不只賣pancake，還有果茶，很特別的小店！他們嚴選日本製麵粉，日本高級雞蛋，還用了北海道3.6牛奶！註明絕無添加化學物質或膨脹劑！而且他們非常支持環保，歡迎客人自携餐具朱古力梳乎厘 ＄58 加＄10雜果兩大件剛好同男友一同吃用！店員說如我們選外賣的話，就不建議用忌廉，要改用蜜糖做topping！由於我們即場食用，所以還是用了忌廉！賣相吸引！朱古力味道不會太濃，令人容易涸喉，軟綿綿既pancake，入口即溶冷泡生果茶 跟pancake 只加＄18他們用的都係紙杯紙叉，非常環保呢！味道較淡，但內有多種水果，還給了叉子方便吃用！剛好吃完了朱古力味的pancake清清味蕾

近來觀塘開源道和巧明街交界，接連開了幾間甜品或飲品店，令這一帶忽然熱鬧起來。當中>>>Sugar Lava<<<最吸引冰的注意，其梳乎厘班戟是觀塘區較為罕見的小食，所以趁下班路過，買了一件日式原味梳乎厘班戟(HKD48)。 梳乎厘班戟共有五款味道，除了原味，還有紫薯、朱古力、抹茶和竹炭；每日供應的味道會在其>>>Facebook Fan Page<<<公佈。梳乎厘班戟的配料，可以選擇士多啤梨醬、朱古力醬、忌廉、楓糖漿、蜜糖、雜果、蘋果醬、oreo碎、杏仁粒和朱古力粒，相信各款配搭會帶來不同火花。由於食品即叫即製，需等候約15至20分鐘。為節省等候時間，食客可以使用whatsapp或電話落單，那就不需要站在店舖外乾等了。 食店也很著意顧及環境負擔，如果食客自攜餐具，包括杯、碟、碗、叉或羹，全單即可扣減HKD2。 店家提供的餐具，不使用塑膠，可以見到對保護環境的堅持。 如果即時食用的話，店員還會為梳乎厘班戟加上忌廉，讓綿密口感額外加添柔滑；然而忌廉溶化速度極高。若要拍照的話，可要把握時間喲。

梳孚厘pancake熱潮似乎勢不可擋，除了外來的店舖，也該試試本地薑。上次經過Sugar Lava的時候店舖還在裝修，今次終於正式營業。是日口味有原味、朱古力、黑炭味道，一場來到，先試一試原味，另加18蚊要了個冷泡水果茶。杯子和飲管都是紙製，合乎走塑潮流，只是熱愛咬飲管的朋友要注意了紙飲管咬得多可是會爛的。茶底是伯爵茶，冷泡茶少了熱茶的苦澀味，只留茶香，水果茶用料頗豐富，有檸檬、西柚、橙等，已去果皮方便食用，惜冷泡令水果味難以融入茶中，建議加入鮮果汁。原味pancake質地介乎梳孚厘和多糕之間，比梳孚厘結實，比蛋糕多了一份濕潤，非常鬆軟又不至只吃了一陣風，配上楓糖醬和忌廉，香甜可口，有水準！

日式原味梳乎厘班戟配朱古力醬HK $48梳乎厘班戟有原味、紫薯、朱古力、抹茶同竹炭五款口味。每日嘅口味除左會有原味外，另一款會每日五同，根據每日原材料而定。梳乎厘班戟即叫即整，大概等左 10 - 15 分鐘左右。如果五想等嘅話，可以選擇 WhatsApp 落單，只要講底要咩口味同幾時會到店舖拎就可以。原味梳乎厘班戟幾香蛋味，質感都算鬆軟，不過偏向蛋糕質感。配上朱古力醬五會太甜。

周日下午茶特意選擇近屋企既梳乎厘pancake. 最近呢個area開左好多新既小店，包括呢間。 小食店一眼望曬，店內只有可容納3-4人立食位置。 店內裝修簡約，一眼望埋去餐牌清楚可見。我地去既當日，只提供原味，朱古力味及紫薯味既pancake. 每款pancake可配不同既dressing. 我地點左個朱古力味配朱古力醬同紫薯味配cream同楓糖漿。 紫薯十分有驚喜，個pancake即叫即整，熱辣辣，有淡淡紫薯既香甜咪， 配以滑溜既cream同楓糖漿，齒甲留香。 朱古力味相對下略為普通，配朱古力醬略嫌甜了一點。

同B仔去工業區逛outlet，沒什麼收穫！點知臨走見到空氣pancake，即刻買兩份安慰一下自己～想不到觀塘也有媲美日本梳乎厘的pancake店家用日本免費、日本雞蛋、日本3.6牛奶，餐具用紙盒和環保竹叉！讚很喜歡朱古力的可以跟我一樣，叫朱古力pancake配朱古力醬，很濃！很鬆軟！熱烘烘！正呀！B仔要了餐廳推薦的紫薯味，誰知到更能帶出pancake牛油香味！遠遠就問到幸福的味道！限定士多啤梨大大顆，又香又甜！新鮮cream厚厚的，跟pancke一齊吃，口感很滑！聽取餐廳意見配上楓糖醬，真的非常香，兩個人一次過食兩份即係四件都很鬆容～ 因為好吃嗎！餐廳雖然沒什麼位置可以坐/企，但相比日本餐廳食，動軋過$100一份，這裡性價比超高！支持小店！P.s. 餐廳派發試喝水果茶，都不錯！茶味挺濃！可以去掉甜膩感！下次加錢再喝

觀塘呢邊最近好多小店，今日同朋友經過巧明街，見到有間好多人排的甜品店，個名已經好sweet,叫Sugar Lava, 原來係食日式梳乎里的。我同朋友酷愛甜品，當然要試一試啦。餐牌有寫晒店有做的口味，有原味，紫薯，朱古力，抹茶，竹炭等，除咗原味係$48,其他都係$58,仲可以加價加配料等，仲有冷熱茶等。今日的精選口味係原味和朱古力味，想食其他味就要第二日再來啦。我同朋友就各叫咗一份一齊食。即叫即整，落完單等10分鐘就有得食。原味日式梳乎里，加忌廉和楓糖。一上拎手十分熱辣辣，剛出爐，份量都大，厚厚的，入面就好富空氣感，軟線線的，食落唔會滯，點上香滑的忌廉同香濃的楓糖醬食好好味朱古力味梳乎里，再另加朱古力醬，朱古力味就無原味咁浮咁厚身，結實少少，但朱古力味香滑，帶出面粉的香甜味。

觀塘區都有梳乎厘班戟食啦！😍想食新鮮熱辣好味的班戟要到這間位於觀塘工廠區，apm 附近的班戟店！容我先在此聲明：梳乎厘班戟一定要即食、一定要即食、一定要即食！店面小小，日式簡約風格，環境很衛生企理這店的班戟食材全採用日本原料有北海道3.6牛乳、日本雞蛋和日清班戟粉，誠意十足啊！自己做過班戟也知道日本產雞蛋蛋味最香濃，換了韓國產或美國產也不是同樣味道～聽說店主曾4次親自到日本最有名的班戟店學師其認真程度已令我十分期待～除了必吃的原味外，另有四款口味提供：日式紫薯、朱古力、抹茶和竹炭芝麻味每款梳乎厘班戟可選一款配料，忌廉、朱古力醬、士多啤利醬、楓糖醬和蜜糖❤️新張期間買一份班戟可加$18換一杯冷泡茶或$10換熱茶～是日口味是日式紫薯、朱古力和原味，就外賣了原味和紫薯口味各一份！店主卻說即製即做的梳乎厘班戟才是最好吃的，她說我帶回家後無論口感或是熱度都會差很遠因爲已約了朋友去她家吃飯，只好外賣吧！就在等候期間，店主送了一件新鮮即製的原味班戟給我上面還有新鮮忌廉、糖霜和士多啤梨醬啊一拿上手班戟已知很有彈性新鮮熱辣的班戟蛋味很香濃真正的食蛋有蛋味質感很鬆軟！再配上酸酸甜甜的士多啤梨茸果醬，口感清爽

有日收到朋友whatsapp，佢試食咗紫薯pancake...望見賣相幾好...朋友又話味道OK...好啦，又去試吓先...食店只得外賣，口味有竹炭、紫薯、抺茶、朱古力 & 原味...。。每日有2隻味提供，原味一定有，另加一種其他口味...又係食原味呀我...一份$48，唔平㗎...不過價錢同質素唔成正比。呢份pancake應該係走矮仔路線...甚麼空氣感呀、蛋香呀、濕潤度呀...通通欠奉～除咗甜味就乜都無... 伏物是也...

話說最近觀塘開源道附近開左好多正野食，又有東喜茶，又有梳乎里pancake，又有千層蛋糕，之前食過一次好食既梳乎里，搞到念念不忘，買左喜茶好想試一下呢間梳乎里。因為係新店既關係，都有啲人排隊，我前面有3定4張單，所以比左錢之後都等左20分鐘。佢有一張細枱比你，但無位坐，你可以買完食係到食。一份兩件梳乎里58蚊，呢個價錢其實唔平，同埋佢一日最多得2隻味，原味+是日精選，我呢日食係朱古力，其實我更想食紫薯味，但無辦法啦。等左20分鐘，終於到我，個樣其實唔錯！好期待呀！...食一啖落口，嗯...我應該係期望過高，梳乎里一啲空氣感都無，係一pat粉漿，無乜朱古力味，要靠朱古力醬帶味，同之前食既差太遠，食左一個之後，已經膩到唔想再食，太粉既關係，佢都令到你好飽。好辛苦食左1.5個，真係食唔落，唯有放棄，而我都唔會再食呢間梳乎里pancake。

返工經過見間野新開張左無耐就去買黎試下，加上比佢門口張圖吸引左。佢有原味、朱古力味、綠茶味、紫薯味、同埋竹炭味。我第一次食咁就先試下個原味先啦。簡完味可以簡醬，有忌廉、蜜糖、士多啤梨。一盒有兩件，我就選左忌廉同埋士多啤梨味。佢係即叫即整所以都等左10分鐘，等既時候店員好好人請左我飲杯水果茶都幾好飲又有生果粒食，呢下要加分比佢。我覺得原味食落同普通蛋卡無咩分別，但佢既價錢係貴過蛋卡好多。賣相實物無相咁靚，下次可以試下第二隻味，女仔應該可能會鍾意。

o係香港食過咁多間soufle pancake,說實話就算o個D米芝連推薦我都覺得唔好食,今次聽到係紫薯pancake,一黎好少真係個pancake本身係紫薯,二黎紫薯D味道真係好弱好難帶出,所以我又去試~~呢度每日出品都唔一樣,仲有好多特別味道,所以都好驚去到發現係其他味,check完fb知道係紫薯就趕o係佢收工前,飯都未食就去試~~除左基本配料,你都可以加$放多幾種上去~order之後要等10零分鐘,行去睇其他小店返來剛剛好~見到完美gei紫色真係心花怒放!!叫基本楓糖漿配搭果然無錯,因為咁樣最能夠帶出紫薯淡淡gei清香~~趁熱食一切開見到裡面分布均勻Gei空氣層,所以咬落去特別鬆軟,蛋味都好濃郁.雖然話有空氣但佢又唔會好似食左陣風咁,我第一次食soufle pancake真係感受到紫薯味,下次一定要食綠茶~~~

又系班戟店啦！今次位於觀塘！見到小店暫時有5款嘅班戟提供☺️採用日本雞蛋，麵粉同牛奶而成😊唔係有一日都有所有味道嘅疏乎厘供應,所以要食嘅話都好睇運氣!大家要撞彩先可以食到想食嘅口味梳乎厘班戟可選一款配料，士多啤梨醬，朱古力醬，忌廉，楓糖醬同蜜糖🙂揀咗忌廉，令落好似有啲乾身，原本仲以為忌廉系必有嘅配料，，，，紫薯班戟嘅紫薯味都幾足，不過質地偏似蛋糕，所以真系有啲失望呀，而且佢個面煎得燶左小小😅食落略帶空氣感，試一次就夠

日式梳乎厘班戟自從去年開始在香港帶起一陣熱潮，而到今年似乎這個熱潮還沒散去。梳乎厘班戟源於日本，這種軟綿綿的口感，介乎于蛋糕和班戟之間，卻又比梳乎厘厚實，主要以半蒸焗方式營造空氣感，一般以楓糖漿、忌廉、糖霜、水果伴碟。雖然說做法簡單，坊間也有不少教學甚至視頻教學，可惜動手做到空氣感十足的梳乎厘班戟頗有難度，要使烤出完美的班戟也非常考功夫，所以說有些錢真的不能省(誤)店裡旁邊有bar 檯可以容納2-3位客人站著吃班戟有好幾款口味，可選草莓、朱古力、忌廉、蜜糖 或者楓糖漿，另外也可以加錢選配料。(店裡使用的是日清的麵粉和北海道3.6牛乳)下單時，店員已經表明需要等候二十分鐘，到隔壁飲料店買了一杯飲品消磨時間，再回去就剛剛好可以拿到即製梳乎厘班戟。(如果你選擇的口味剛好是店裡正在製作的班戟，其實只需要幾分鐘便能享用)班戟灑上糖霜和楓糖漿，楓糖和班戟配搭起來竟然有某連鎖快餐店的班戟味道。班戟能做到「動L」的效果，而對比海報上來說厚度偏薄，能食到一點蛋香，可惜質感偏濕，有點像半熟。可能因為配合楓糖漿，吃到第二塊開始感覺有點甜膩，但單純以份量來說一個人也可以吃完。因為時間一長，班戟就會下塌，建議各

係時侯補番我嘅小食評..原來試食已是接近三個星期前🙈🙈當時仲係試業階段,價錢係試業價,所以比宜家嘅定價平$10話說果日係平日嘅四五點左右,所以冇大排長龍,我同朋友先後落左一個原味疏乎厘,一個紫薯味但好搞笑,我朋友落原味時,收銀果位小姐冇同佢講d乜,到我落單時,果位小姐話要等15-20mins.. 咁ok啦,我覺得正常,但搞笑個位係,turn out我個紫薯疏乎厘班戟係即刻有,而朋友反而等左接近20分鐘🤷🤷職員亦無解釋到點解之但係雖則我呢個好快就有得食,但唔熱,只有好微的微溫,都有dd紫薯味,但我覺得都係麻麻..反而我朋友呢個雖然等左好耐,但超！級！好！味！有空氣感之餘又熱辣辣, 我不禁思考自己果個究竟擺左幾耐呢.....呢間野其實可以整得好好食, 但廚房做野有點馬虎, 有時整衰左或者擺耐左都照賣出去我其實本身幾中意店嘅設計,由店名,店裡面嘅小陳設到d即棄餐具..但如果佢地可以好好把關食物質素,做到貫徹一d就好啦!!