SUKIYA すき家 (亞皆老街)

營業中

休息中

今日落雨，外賣左個牛飯返屋企食，食到最後幾啖先發現有曱甴......啊啊啊啊...有額外蛋白質呀喂，而家諗緊報唔報食環好，不過報完都係一樣，算啦咁留個食評算，祝各位食客好運。仲要200字先可以負評，食完要作文，唔係無人睇到，都最辛苦啦咁，而家先130字，唉，講返個飯先，味道無咩特別，係有曱甴啫，係無特別好食仲有曱甴呀，其實唔食都食左，大可以唔洗留言或者負評佢，但為左其他食客都見到，唔好步我後塵，我唯有打多D字啦，因為報食環除左食店知和受害者知外，無人會知係咪發覺我人幾好呢？小意思啦，最緊要大家都身體健康。弊，個肚開始陰痛喇，時辰到喇，祝各位好運。

吃了半不多半個月的早餐昨天去了別餐廳今天再回來怎麼味道變得不一樣🤔應該是換了師傅啊鯖魚像沒沒加上調味去燒讓魚的不鮮味道盡現漬物變了做泡菜 哈哈那今天走運 不Order也有泡菜吃味噌湯今天終於不再咸可以喝得完了之前的總是因為太咸 只能喝到一半所以 除了魚的味道不太好之外其他的對在下而言也變好了過去的一年兩年這家店都是保持著大排長龍的每每坐車經過看到那條人龍都心感不可思議從來就沒有打算過要進店用餐直到最近早餐需要吃飯的在下來這裡頻頻光顧服務…怎麼說長工態度不錯的可是鴨仔質素就不太好了人們該敬業樂業呢只要你在這公司工作不管是什麼職位都是代表著公司🙏🏻

SUKIYA すき家地址:旺角亞皆老街31號地舖今日專門去試下呢間自開業以來都大排長龍嘅牛肉飯😂。今日就試咗個熱溶三色芝士燒肉丼🥩$55，雖然燒肉唔算話係特別出色，但味道甜甜鹹鹹，再配上爆醬芝士係面頭，份量&口感都十足😋大眾化，性價都算不錯。#nicefoodie旺角—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef #hk  #香港 #香港美食 #美食 #旺角美食 #打卡  #旺角 #香港口味  #隱世美食 #隱世小店 #半價優惠 #人氣餐廳 #人氣美食 #香港好去處 #牛肉飯

牛丼（$45/L）平時見佢好多人排隊，難得今日唔洗排長龍，做完成日野又好肚餓，諗住快快脆食完飯返屋企。牛肉飯味道唔錯，同期望嘅差唔多，大size嘅牛肉份量合適，肉質唔鞋，落單嗰陣可以叫佢加牛肉汁，啲汁撈飯好好味。細食啲嘅人可以叫中size，只係$29，同食快餐店嘅漢堡飽差唔多。唔洗$50就可以食到飽真係糧尾欣物！

經過今次之後應該唔會想再食？我接近食完成餐飯想話食埋個菜就走食到一半見到黑色物體？！甘咪睇下咩嚟🤔點知….係蟲蟲其實都明白理解佢哋一日洗甘多菜睇唔到都可以原諒如事者同咗店員講有蟲佢就講咗句唔好意思，收咗我成個餐（雖然我都就食完）咁我自己攞住咗杯嘢飲佢就冇收到之後我係個位飲晒成杯嘢再飲埋杯茶😌個店員就一直忙佢架工作我最後決定俾錢走希望舖頭關注下呢件事？員工嘅處理手法真係好有問題佢真係就咁講咗句，唔好意思就咩都冇🤣真係要重新考慮吓，仲會唔會食

返工忙到無時間食野，去旺角探個客之前就拿拿臨食個快餐～呢間應該都出名又平又快靚正 🤪 餐廳 20 張枱左右，下午茶唔駛等位，坐底拎餐牌睇完就可以按鐘/舉手搵樓面同事落單～簡單快捷，同埋唔駛5分鐘就有野食，啱曬我呢啲掛住做野然後餓到暈嘅人 😵‍💫🌪點咗一份M熱溶三色芝士燒肉丼飯$55，另加$20炸雞套餐連特製冰紅茶～同我一樣鐘意芝士嘅朋友仔一定要揀呢款三色芝士，好濃郁，用黎撈飯一流 😋 (但麻麻地芝士可能都覺得有啲「漏」) 而炸雞就麻麻地，炸粉好厚同埋只係微暖，感覺好唔新鮮 ❌ 未飲杯紅茶前以為係無糖，但飲落去有啲似檸檬茶，有點喜出望外 😳總括黎講快餐算唔錯，而且大多數客人都係自己聽住歌睇住電話，單拖食飯完全無壓力～

旺角すき家開左咁耐，其實一直都想試，但每次都見人龍，所以放棄左，以為要再次去到日本🇯🇵先有機會在免排隊下食到，點知🤩今日經過見到得10個人唔夠，終於拎出勇氣去排下好快好快，不用5分鐘已可入店，真的有種莫名興奮，睇睇menu最後選左泡菜牛肉飯M size ($38)再加($10)變餐選左青菜🥬和凍茶🍹。都係好快好快，3分鐘內上餐，見到個飯真的😍😍，但個青菜就唔知點解係個顏色😮‍💨，算吧，唔好要求咁多，可能好味道呢泡菜牛肉飯好味道呀當然無日本100%水準，但都可以啦，菜就老到咬唔開咁濟，唔緊要下次唔叫青菜囉，試過就得了。

以前去日本旅行都會去幫襯吓Sukiya,因為味道ok又抵食,尤其係喺趕行程嘅日子,簡簡單單一餐都好滿足！佢嚟到香港開, 當然都想去試吓,不過平日經過見到條人龍都真係冇心機排隊...早2日難得排隊人數唔多人就等吓原來一個人好快就有位等咗唔駛10分鐘, 第二張就到我~因為前面嗰啲都係未齊人 諗過食咖喱, 但最後叫咗個泡菜牛丼再加$10連個菜同杯凍紅茶味道都還可以, 不過牛肉唔算多呢個係M size, 我見隔離叫L size個碗係大啲但係望落啲牛肉量都係差不多我覺得牛汁真係比較少,喜歡用汁撈飯嘅朋友可能會比較失望以我食糧M都夠飽,佢個菜比我預期中好...蒜蓉炒通菜, 味道唔錯~至於有冇第二次...就好視乎佢排隊人數~價錢係平嘅, 但如果要等好耐,咁就未必會就覺得值啦

第一次寫食評 好多人都係嚟食牛 你地話好難食點點點我都想食牛 但個人冇得食sukiya 我食第三次都係食同一樣野個人真心專一 次次嚟都見到好多人排長隊其實我真係好唔明點解要曬住排外賣1-2分鐘就有 快到cljs(利申 我係食芝士豚肉乜差野 加5$溫泉蛋其實L真係食唔飽 我每次叫都係LL個人重口味 真係好鍾意成碗嘢都係結撻撻最唔伏係豚肉 認真 $93LL 抵🖕🏿😋中立冇食過日本嘅 sukiya 所以比較唔到希望有機會食到啦外賣成碗帶番屋企都係熱嘅 啱啱好住得遠嘅外賣就唔建議啦(啲芝士會凝固🙇🏿‍♀️ 要趁熱食😖冇食過堂食 梗係全部1星啦😉

幾年都未食過類似嘅丼，之前知道SUKIYA すき家 係香港開左分店一直都想試，但次次都見到條龍好長，就放棄左，今次去到條隊唔長，即排。要係收銀落單比錢，之後店員會拎野食比客人~我order左炙燒豚丼 M，朋友就叫左炸雞咖喱L (呢到可以揀丼嘅份量)。我地仲加左$10要菜同檸檬茶。炙燒豚丼 ($45)食完好似去左日本咁，好正。D豚肉好入味，好好食，連D米都好好食，我冇誇張。炸雞咖喱 ($63)我同朋友都唔食得辣，呢個咖哩對於我地黎講係辣嘅，但個咖哩汁真係好好食，我未試過係香港食到過呢隻咖哩汁，明知辣都不停偷朋友個D食。菜同檸檬茶個菜我麻麻，佢煮法冇問題，個味係幾好。但D菜本身有少少”梅”，唔太新鮮，檸檬茶係正常水平。Overall好唔好食? 好食會唔會再幫襯?會，想試哂其他丼。

性價比超高嘅牛肉飯！如果約朋友記得叫做到嗰個排隊先～要齊人先入座菜式｜日式｜快餐菜式｜溫泉蛋牛丼｜三色芝士牛丼｜牛肉壽喜燒鍋 有唔同size揀都幾好～牛味幾濃 芝士好正！ 壽喜燒個湯幾正 仲有啲配料 烏冬好正！炸雞反而一般般 皮唔太脆環境｜3 較多人 坐得比較逼 食物｜4 好抵食 選擇又多服務｜4 正常 排隊落完單之後會有職員捧餐過嚟唔使自己拎整體｜4 性價比高 唔使食吉x家都食到牛肉飯 好抵食～❇️ SUKIYA すき家 旺角亞皆老街31號地舖

入黎見到空位準備坐低，一名帶黑框眼鏡女員工用呼渴形式命令我地企係度，等人抹左枱先，我望一望佢，該員工更用眼神啤住我。心諗我地有咩得罪你？我地坐低左你抹唔到枱？ 我地當時聽完直接離開。

以前每次係日本經過Sukiya都覺得係普通大家樂大快活之類既快餐店，去旅行無謂虧待自己食快餐，所以無食過，直至同朋友去東京，落機好夜附近又無乜選擇，所以抱住填飽個肚無期望咁試左人生第一次。😍嘩！真係好好食，食材勁新鮮，餐入面既每款食物都整得好有水準，充份感受到日本人一絲不苟既精神，自此，呢間餐廳都成為遊日check points既其中一個option👍🏻琴晚食左旺角呢間Sukiya，一路食心入面只有3個字「無下次」，自問本身對食真係唔算好高要求，賣單$100有找都唔會有d咩期望，亦無諗過要同日本Sukiya比較，但都真係立即後悔浪費左人生排隊幫襯😤首先，我係蔥怪，見到張相d蔥多到肉都見唔到，毫不猶豫就叫左碗香蔥溫泉蛋牛丼，實物只可以講佢地完美演繹左圖片只供參考既偽術，d蔥仲少過食牛腩麵係咁耳加係面個d，我問店員，佢話加蔥要加錢，我放棄🫠牛肉方面，我已經叫最大既LL size，聲稱係double肉量，但都真係唔多，碗飯就好大，但d牛少到送唔哂成碗飯，肉汁又俾得少，成個飯無乜咪，同印象中既牛肉飯好唔同🤔飯粒係用珍珠米，但落得太多水，爛飯伴牛肉，浪費哂d珍珠米🤦🏻‍♂️加左$25五件炸雞，外皮

Sukiya是經常要排隊的，特別是吃飯時間，所有分店都門庭若市，特別是家門口的旺角分店。很好吃的日式料理，又很親民的價格，很多不同的風味選擇，我很喜歡吃的是咖哩雞腿飯和香蔥燒肉溫泉飯，很好吃！食物非常入味，而且只要加10元就可以選擇一款沙拉或者蔬菜，再加5元就有飲品或者湯。非常的划算，深受年輕人喜愛，不怪得每天都多人排隊，等一個鐘的年輕人都一大把，如果避開高峰時期是更好的，好在這家營業時間非常的長可以彈性選擇。

日本牛肉飯專門店Sukiya すき家最近推出植物素牛肉飯，湊個熱鬧買碗食下。如果你好掛住日本，重溫下快餐牛肉飯都幾有風味既。Sukiya すき家在旺角、油麻地、黃埔和將軍澳都有分店，旺角店在朗豪坊對面非常就腳，周末仲24小時營業，全天候提供外賣服務。老老實實，我係從來都無食過這個品牌的，第一次行入日式牛肉飯專門店，新奇！使用植物肉片的素牛丼已經在餐牌上，感覺會長期供應，如果係的話都不失為一個方便唔使用腦之選。除了淨牛肉飯，也可以加溫泉蛋或三重芝士，我其實想兩樣都加。溫泉蛋素肉丼 HK$44 (外賣+HK$1)原來這裡買飯飯量可以揀中或大size，我揀左中Size都覺得太大碗，牛肉片看起來略少，鋪唔滿飯面，定我誤會了些甚麼？講返個非基因改造大豆製素牛肉，這款大豆味唔算太重，可能同個特製生薑醬汁有關，簡簡單單同價錢成正比，整體來說都nice嘅。這個素牛肉丼香港和台灣都有上市，對素食者或者彈性素食者來說都是好事，而且可以俾一眾掛住日式牛肉飯的素食者過下口癮，唔錯丫。