SUKIYA すき家 (亞皆老街)

營業中

休息中

今早9點就黎到位於旺角Sukiya ，其實呢間日式連鎖店我都去過好幾次，主要都係幫襯早餐，原因有兩個，一係日式早餐黎計平過去茶記，二就係早餐基本上都不用排隊。對上個次去都有二個月前，今次既早餐有新口味，我就試試佢先牛肉元氣蜆肉味噌湯早湯一黎就先搞左個秋葵溫泉蛋淋上飯面加上少少豉油正宗日本米每粒都充滿飯香，牛肉我就覺得偏咸，但送白飯就一流，今次主角就當然是蜆肉味噌湯，味噌配上蜆肉非常鮮甜，每隻蜆肉都非常飽滿而且都有成10隻都算係有誠意，而且34蚊既日式早餐性比值真係冇得輸。唯一美中不足是個天花板，搞搞佢啦！

行到熱辣辣又想食牛肉飯方便又快捷揀左呢間餐廳都多人排不過staff見我地有bb車仲比我地喺入面等👍🏻.雖然啲位有啲逼，但staff&隔離枱嘅人都好好預位比bb車.我地嗌左兩個set，如圖嚟餐嚟得好快佢有唔同份量揀我地兩個女仔揀‘中’都仲食剩比我地想像中大碗.兩個set分別揀左菜&唐揚炸雞 ，味道唔錯嗰杯凍飲簡直係救命水大熱天時飲真係爽到爆又唔會太甜👍🏻👍🏻.兩個餐total九十零蚊真係好抵食！

Sukiya係一間好出名日式便當嘅輕食店,所以今次就去sukiya一試佢最熱門嘅燒牛肉。為左試真d,我揀左一個蔬菜+溫泉蛋燒牛肉飯+炸雞。首先蔬菜係蒜蓉生菜,好啱啱一d蒜味愛好者。至於唐揚雞嘅質量唔錯, 做到皮脆肉嫩。主打就係個燒牛飯。個溫泉蛋嘅唔會太熟,足可以啱啱好襯托到成個飯嘅鮮味。牛肉方面,佢嘅份量係中上,size L嘅飯會比足牛肉食客,因此飯嘅平衡做得唔錯。肉質唔容易入口, 又有牛肉鮮味,好適合一班牛肉愛好者一試。另外飯嘅質量都唔錯, 容易入口。簡單黎講,Sukiya係好啱午餐或者輕食嘅人try try。

呢家係抵食美味既速食餐廳，價錢合理都是$50-80左右，要食貴d都有一人火鍋選擇。一個飯既套餐，有主食飯，仲有蔬菜同飲品，唔駛擔心唔夠蔬菜食。但係略嫌要排長龍。

呢間牛肉飯自開業以來都長期大排長龍，今日出去旺角買完野見條隊唔係咁長就排下🤓自從無食_野家之後好耐都無食呢類型日式牛肉飯😭😭非繁忙時間其實排一陣都入得，叫左個牛肉飯加兩隻蛋。牛肉飯係日本既味道😋沾著生蛋一齊食一流🤤但佢既牛肉汁唔算係好濃味，岩岩好，洋蔥煮得咁淋而且沾滿牛肉汁既香味。白飯係圓碌碌既日本米，黏口鬆軟，燈粒分明。普通版份量唔多，三爬兩撥就食晒，有衝動encore多碗，不過都係留返下次再試啦😝

✿ W 溫泉蛋牛丼 M $3838蚊已經食到個牛肉飯，仲要有2粒溫泉蛋，真係對佢冇要求，好平好抵食，同埋啲肥牛都好淋好好食。✿ 牛肉炙燒豚雙拼丼 L $66啲燒肉甜甜地好好食！叫左L size，外賣盒係比M size個闊度大啲，但個高度又比M size矮左，懷疑其實係咪真係有大size到。。。✿ 10件炸雞 $45雖然叫做炸雞，但不太脆，可能日式嘅炸雞都係咁

SUKIYA すき家啱啱開時，條隊非常之長，阿妹知道我喺香港未嚟過食呢間，就買咗一份比我食！🤗🤗香蔥溫泉蛋牛丼LL $55（8/10）買咗返屋企仲係熱辣辣，整體份量都幾多，LL嘅牛係雙倍份量，加埋惹味嘅香蔥，再加埋隻溫泉蛋撈住飯嚟食，實在非常飽！😋😋😋地址：旺角亞皆老街31號地舖#SUKIYAすき家 #牛肉飯 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

放工攰想搵個快靚正嘅野食食完可以快啲返家就見到佢 二話不說就揀佢！😀唔似以前一開頭咁多人（外賣都係好撚多人）等咗十分鐘都無就入咗餐廳佢有餐牌 不過按鈴落單服務都好快手又有禮貌👍🏻我今次選擇左呢個套餐香葱溫泉蛋牛肉丼飯配炸雞連野飲都係$58 真係抵食😚炸雞一般 唔係脆卜卜果啲但雞算嫩 肉唔柴牛飯還好 汁唔夠多但勝在配溫泉蛋好夾有美味升級🍴另外有嗌到多一條鯖魚不過略嫌有少少腥贈送嘅凍茶有少少甜味幾特別🤣諗唔到食乜 都會再食平民餐🤣👍🏻👍🏻

食牛肉飯嚟講都有好多小店可以揀，今次就想試下正宗啲嘅日本風味～香蔥溫泉蛋牛丼🍚 $38 M size 最好嘅地方就係可以揀size,女仔食m size 已經好夠飽🙆🏻‍♀️ 肉嘅分量正常，牛味香濃，肉質都唔會太過韌，調味啱啱好。蔥嘅味道好濃，有啲搶晒其他食材嘅味道，下次應該唔會揀香蔥🤣 加埋溫泉蛋之後覺得飯有啲偏濕，但整體嚟講都係可以過口癮嘅牛丼，食完唔會失望！3.8/5😋宇治抹茶牛奶🥛$25上枱嗰陣係漸變色幾靚😍一定要攪勻先飲如果唔係飲到最後會唔甜🤣飲落唔會太甜，而且抹茶味好香，但口感有啲唔係咁好，飲到抹茶粉嗰啲粉粉地嘅口感。3.5/5😋整體嚟講一定好食過第二間喺香港已經好耐嘅連鎖牛肉飯，而且勝在款式好多。但感覺店入面好趕好繁忙，如果想舒服慢慢食飯就唔太合適🤣

收工好餓，拿拿聲落旺角食個快飯～要快就要揀快餐店啦！😅すき家係一個好嘅選擇吧！唔好諗，就揀佢！先前見到佢個咖哩雞髀飯好似幾正，今次順便試試！嫩滑雞髀咖哩 M size+青菜、冰紅茶$63一黎到堅係嗅到一陣幾香嘅日式咖哩！咖哩算係辣，係惹味個種！雞髀都比我想像中好，少許滑！咖哩飯+雞髀+飯一齊食嘅感覺很不錯！青菜好似係有啲蒜味嘅炒油麥菜？！味道OK！冰紅茶比起上次嘅蘋果茶就爭得遠🤪整體評分：⭐️⭐️⭐️⭐️P.S. 大家除咗食牛肉丼，可以試下佢啲咖哩喔！

收工落旺角諗唔到食咩，就想試吓呢間燒牛肉飯，因為冇得幫襯另外一間，所以就試一試佢，7:30左右，個天仲未落雨，諗住快快排隊，快快有得食，點知排到一半傾盆大雨，好多人都會離開，咁我哋選擇繼續等大概等多15分鐘左右就安排入座，店員好細心俾咗個膠袋我裝住把濕嘅啫仲提示我如果需要落order的話，記住撳枱面個中仔，我哋揀咗兩個餐加咗消息，你都賣相唔錯，但係可能大雨影響咗心情，又或者我期望太高，並唔係我想像中咁好好食，所以有啲失望！我叫咗個三重芝士燒牛肉飯，飯OK，夠熱，但係比較鹹，燒肉唔係話特別出色，普通貨色，而我另一伴，叫咗個燒牛肉飯加溫泉蛋，都係一般正常發揮，小食方面另一半叫咗一條鯖魚，我就叫咗炸雞，都係一般般，不過呢個價錢算對得住大家

出到黎啲炸雞係常溫我叫店員幫忙可唔可以叮熱佢點知佢好好人比左碟新嘅我但仍然係常溫…其實真係幾好食佢地都唔係唔處理，但就唔係我想要嘅野…😅希望啲店員睇到呢篇文章一係就等一批單先炸，我相信好多客都肯等新鮮炸雞一係就叮一叮先出貨，反正呢個價錢，大家都唔會要求你獨立每個落單先炸。最後我決定帶返屋企叮黎食。因為我驚佢又比過碟新嘅我…😅

唔講唔知原來要按鐘落單仲以為直接出去買添開左咁多年去食真係第一次可能亦係最後一次因為無咩都唔會特登返轉頭食價錢唔係特別平質素都唔係特別好我個溫泉蛋牛丼um…個飯嘅醬汁無咩味啲牛肉唔孩口嘅但都唔會嫩滑囉同樣唔太入味啲青菜一啲日式feel都無同屋企蒜蓉炒菜無分別芝士牛肉丼就幾好拉到絲加埋Tabasco個味特別咗但個炸雞真心好差似放咗好耐個表面一啲都唔脆入面嘅肉質好差食落雞皮同雞肉都好霉好彩無異味啫如果無特別應該唔會再幫襯了

🕖時段-星期日中午12:30pm見幾個人排緊 原來等緊人齊才入得 我2人等幾分鐘就可入座, 好彩都幾快(排隊無冷氣🤭) 走個時見有十幾人排_▫️溫泉蛋牛丼-M $34本身諗緊要M定L(相差$10) 侍應建議女仔M份量已足夠👧🏻 真係啱啱好👍🏻一碗都算多牛 肉肥瘦適中 配牛汁+溫泉蛋 撈埋食💯! 比起燒肉丼更食到牛原本個味 我覺得呢個已經好好食(清哂成碗😂😂)價錢仲好親民💰_▫️W(double)溫泉蛋燒肉丼-L $51同M size相差$3 only! size對比圖拉到最底👦🏻 男仔食到中段表示M都夠 但佢最後係食哂成碗🙃燒肉比普通牛好似厚少少(?) 同埋更香燒肉醬汁味 適合鐘意香口/重口味人士😋_▫️青菜套餐 +$10 & 炸雞套餐 +$20飲品只可選冰紅茶/汽水 其他特飲要單點(有啲特飲都好似幾正😛下次有機會再試) 兩杯飲品都要左冰紅茶 無得揀甜度 但唔算好甜👍🏻 啱我少甜人士😂 唔錯！菜份量比想像中多 好香蒜蓉味😋不油膩 抵食炸雞有3舊 上餐時溫熱 唔算好脆口 小食來講ok😗_落完單唔夠一分鐘已上菜 神速💨💨整體好滿意！好味又抵食🤩_ 🍽環境快餐店setting 乾淨企理我地坐窗邊位

無得去日本旅行，唯有食個牛丼頂住先～呢間小妹堂食外賣都食過唔少次🐷因為價錢合理得嚟🤪又可以根據個人飯量選擇份量！普遍燒牛丼比牛丼貴$10主要分別在於佢啲牛會有陣炭烤味同埋有燒汁，所以食起上嚟更加惹味😗不過普通牛丼都唔錯🥰！牛肉夠嫩，味道唔會好鹹，仲有微微甜味添！炸雞就中規中矩，略嫌唔夠香口同埋唔脆但勝在冇炸到太乾，而且肉都算大舊☺️！另外溫泉蛋就要自己打落去～以下係小妹試過嘅牛丼排名！🧀 熱熔三式芝士燒牛丼（M） $55🫑 香蒜溫泉蛋燒牛丼（M）$48🍖 牛肉燒肉雙拼丼（M）$58🥚 溫泉蛋燒牛丼（M）$44🍗 牛肉燒雞雙拼丼（M）$63🥩 燒牛丼（M）$39⭐️ CP值：🐘🐘🐘.5⭐️ 打卡able：🐘🐘🐘⭐️ 舒適度：🐘🐘.5⭐️ 再食指數：🐘🐘🐘.5（5 星為滿分）