SUKIYA すき家 (樂富廣場)

營業中

休息中

之前網上有好多人介紹呢間日本過江龍店，不過旺角個間大排長龍，唔鐘意等位嘅我就無去，去開樂富時發現有呢間分店，見只係排2個人就決定入去試吓！價錢都真係幾平，入到去座位唔係好多，但有種去咗日本嘅feel，廣播都講日文😂溫泉蛋燒牛肉丼 M size，跟餐加$9，total $53，轉餐有凍紅茶同前菜跟。前菜我就無食，望落去好似唔太乾淨。凍紅茶幾好飲。溫泉蛋自己打落去，切開流心幾治癒！牛肉燒過會香啲，不過有啲燒濃咗，有啲黑色一少片嘅鑊焦…

牛丼招牌料理，經濃郁醇香的秘製醬汁煮製而成的薄切肥牛，配上新鮮熱騰騰的白飯，為每位顧客提供無窮滋味。香蔥溫泉蛋牛丼：以日本產雞蛋所製成的溫泉蛋，是配合牛丼的推薦配菜。每次我都食得好開心😀

之前在日本食過一次，印象唔錯，知道在香港旺角，都開了一間一段時間，但每次路過都見好多人排隊，近期知道樂富都開了，今早（21/3/2024）十點多路過，見唔駛等位，又試下。早上十點三進入食店，早餐唔啱食，選了全日餐的二個丼。燒肉丼及熱溶芝士牛丼，兩個丼都配上炸雞套餐及凍紅茶，都好食。燒肉好夠味，配上醬汁及熟洋蔥，好食，芝士牛肉都唔錯，味好夾，朋友選了走洋蔥，但都有少許洋蔥，炸雞好滑接近十一點已有人排隊

隔了一陣子再光顧sukiya,第一次見如此冷清的sukiya,其他分店都經常排長龍,一入內立即知出事..其服務態度令人大開眼界,按服務鈴幾次也沒有人應,當時只有一兩台客,後來終於有人出來也是忙於執台..執完都沒有人來下單..到埋單時,平時都會見員工把收據放於台上的圓桶內.但這間卻不見有放,因趕時間不想再按幾次鈴,所以走到付款台想埋單時,又被一位啊姐叫走回台上按鈴.職員把折起放在碗底的收據拿起時卻怪客人要勞煩她這種自己忘了規矩還要她去找.真的很搞笑..第一次見職員沒按規矩做事還怪客人的.要不是官網有說這是它分店我都以為是冒牌的.難怪之前留言有人說走錯門口要重走一次.相信可能是同一位啊姐..如此冷清不是沒有道理的.打著日本連鎖店名義配上高於澳牛的態度..實在令人倍感失望.

樂富廣場的SUKIYA すき家SUKIYA すき家以其親民的價格和豐盛的份量而聞名。以下是我的食物評價：🥚 溫蛋炙燒豚丼這份溫蛋炙燒豚丼絕對是份量十足。蛋的溫度剛剛好，燒烤的豬肉配上蛋汁，口感濕潤，肉質鮮嫩。整體而言，這道菜的味道令人滿意，而且份量十分大，絕對能讓你吃得飽飽的。🥗 青菜套餐青菜套餐同樣份量十足。新鮮的蔬菜搭配米飯，營養均衡，適合想要吃得健康的人。這份套餐不僅美味，而且能夠滿足你對蔬菜的需求。🍲 味噌湯味噌湯的味道普通，沒有特別突出的地方，但作為一道陪餐，還是能夠提供一些滿足感。總結來說，SUKIYA すき家以其親民的價格和大份量吸引了不少食客。雖然味噌湯普通，但溫蛋炙燒豚丼和青菜套餐的美味和豐盛份量絕對值得一試。📍 地址：樂富聯合道198號樂富廣場1樓1103號舖

第一次黎食就平日2個人，人都齊晒，排第一個，但係一直唔比入座。因為得一人位，就放左後面果個人入去同人搭枱坐。好啦，都明白既。又等左一段時間，終於有員工出黎叫人入座，點知又係叫一個人既，到底點解連續放一個人既入去食（呢間鋪得2人枱），2個人食就抵你排咁耐？最搞笑既係，一個人前腳坐低落完餐無耐，對面果一個人就食完埋單走人。perfect arrangment! 換句話講，完美Loop黎，食牛角buffet可以用金卡打尖，sukiya唔洗金卡，一個人去食就得，入座速度快過牛角金卡友！個員工第3次出黎叫人入座，又係打算叫一個人既，起手第一句係「唔好意思，….」，但對眼係望後面排隊既人。呢個時候已經係等左接近半個鐘。唔知係察覺到黑面定係後面無一個人既，終於識得等人走，放2人入座。第二次黎食呢間分店，2個人未到齊唔比入。呢點我就好奇啦！驚食得耐既點解唔限入座時間？個員工直接比後面既入先，完全無解釋/講唔好意思。呢間鋪既安排十分友善真係食餐飯搵氣受，唔會再幫襯呢間，恭喜大家又少左個爭食飯友

知道樂富有開，快啲去食， 地方不算是大， 排隊嘅人流都算多食嘅人都算快，我哋不嬲鍾意食牛肉飯㗎啦， 平靚正，牛肉飯M碼 $29 超級超級超級抵食。 溫泉蛋又不得了⋯⋯呢間嘢其實都會時常幫襯。👍👍👍

LL級牛肉飯 方便又快捷 多人幫襯樂富商場有間房我最鍾意食嘅牛肉飯嗌咗一個超級加大牛肉飯LL 69$牛肉丼是日本一道經典的料理，也是我最喜歡的料理之一。這道料理的主要食材是嫩滑的牛肉片，搭配上糯米飯和煮熟的蔬菜。牛肉片經過煮熟後，保持了鮮嫩的口感，搭配上醬汁的滋味更是美味。醬汁使用的是味醂、醬油和糖等調味料調成的，使得整個料理的味道更具豐富性。而糯米飯的軟硬適中，給人一種口感上的滿足感。牛肉丼的味道讓我回味無窮，每一口都能感受到牛肉的鮮嫩和醬汁的香氣。而且，這道料理的準備時間也相對較短，非常適合快速享用的時候。無論是忙碌的工作日還是悠閒的週末，牛肉丼都是我的首選之一。

想食牛肉飯嘅時候，就諗到去Sukiya 👍記得之前Sukiya 係好似無套餐，但依家多左套餐，有沙律、炸雞、青菜揀！飲品方面，可以揀紅茶、味噌湯！另外，要讚嘅位係有吾同size揀，適合大胃同細胃人士

我係外賣個入口入去，個收銀阿姐勁西咁話下次你要係堂食個入口入黎架，咁你要我果個入口入，我咪諗住照足你指示行返出去再入返黎囉，跟住仲要勁西話：而家唔駛啦，你入去啦，心諗個入口都係隔離姐，又無指示，出面又無人，點知邊個入口呀，已經嬲嬲地架啦跟住坐低無幾耐，個收銀阿姐又老點個細既叫我地調位，心諗乜料..果陣咁多空位，無啦啦又要我地調位，咁點解又唔叫隔離兩枱人調，要我地調，問點解又答唔出，係其他分店都唔會咁既，最後掉低menu唔食，有寶咩

好失望 成班員工趕住收工唔憂做21:27分到餐廳 禁極佢個落單掣都冇反應之後出去收銀處度問仲有冇堂食 嗰時21:28員工就覆我 仲有一分鐘截單 話會落吾切 建議外賣我就好奇其實未截單點解吾肯落單 到底係公司決定 定員工自己吾想做而出口術吾比人落單一個啱啱收工嘅人想快快趣趣爬完碗飯就番屋企 平時出餐都吾洗5分鐘 嗰時9點幾成場都係人 有冇咁驚人阻住佢提早休息可能真係得個殼係日本餐廳 公司政策 員工上下嘅質素同心態真係有待改善

工作關係，小編今日又經過樂富。小編留意到樂富廣場開左SUKIYA！餐廳新開張，人流都幾多，lunch hour堂食排哂隊呀！不過比長期排隊嘅旺角分店嚟講，都已經算少人。由於堂食位置只有大約25個，小編今日就揀左外賣。香蔥溫泉蛋牛丼 $38牛丼有4個size可以揀，小編今日就試左個M size。由於外賣關係，溫泉蛋要自己打落飯到，但冇影響到個美味程度。牛丼有滿滿嘅香蔥，配埋甜甜嘅洋蔥同牛肉溫泉蛋，已經一絕。再加埋溫泉蛋撈飯，日本珍珠米除左索滿晒牛肉汁，仲即刻更滑身，正！

終於開咗，平日晚上要排隊，不過唔係太多人，排10分鐘左右就入得。叫咗燒肉飯，唔知點解個汁好重燶味。額外叫咗牛肉汁嚟撈嚟食，好味好多🤣 加咗$20 食炸雞同加$5要蜆肉麵豉湯。有少少沙不過都幾多蜆仔。

【日本牛丼專門店🇯🇵抵食經典日式快餐︳進駐樂富】#MC帶你去樂富.🍛香蔥溫泉蛋燒肉丼 (LL Size) $78最熱門之一就喺燒牛肉，今次就嗌左LL Size，喺兩倍肉量+大白飯。 鋪滿厚厚一層嘅香蔥，然後係大量嘅燒牛肉啦，仲額外有一勺燒肉汁或者喺略為濃稠嘅醬汁，溫泉蛋喺分開另上。️🌱青蔥一開蓋，好濃嘅香蔥味🤤有少少似青草味，喺好新鮮嘅蔥味。其實，辣味就喺來自啲青蔥🌶️未煮熟嘅青蔥，辣味濃厚、爽口，伴飯一齊食，食落口感幾豐富。🥚日本量雞蛋—溫泉蛋日本量嘅白雞蛋，蛋殼相對較厚身，外賣的話都幾放心，起碼無咁爛。剝開後見到蛋白半透明色、蛋黃半熟嘅「水汪汪」狀態，溫泉蛋嚟講，完全滿分💯 口感十分滑順，蛋味香濃，送飯一流👍🏻.🥓燒牛肉唔會太韌，幾易咬開，起碼唔係柴皮咁。燒牛肉有個好處喺有燒肉汁撈埋一齊，食起上嚟，一黎唔會太乾，二黎仲可以撈飯。LL Size 比咗兩倍肉量，喺食到尾都仲有牛肉送到飯🤤男仔嘅話，推薦LL Size。注意燒肉丼L Size 喺125%飯，肉量喺唔會增加❗❗⚡️ 外賣有獨立一條隊，打包速度幾快，Lunch 繁忙時間比完錢到拎得外賣，前後都只喺5、6分鐘，但唯一有個唔好處喺人手嗌