SUN HARU (順寧道) (已搬遷) 新店位置

路過長沙灣見到一間幅牆畫咗好靚嘅壁畫嘅一間紅色餐廳就衝入去試試佢首先叫咗一個腩肉泡菜湯飯如果齋食飯嘅話，飯粒會有啲硬所以放咗落去湯入邊口感非常好剛剛好湯底味道煮得好好入面主要係洋蔥泡菜滑豆腐同五花腩份量非常之多 豆腐超級嫩滑五花腩爽口彈牙跟住叫咗一份炸雞個汁好特別 係酸酸地嘅芥辣咁但係一啲都唔辣嘅 配合熱辣辣嘅炸雞，好開胃雞肉爆汁又滑嫩好好味最後一份泡菜煎餅個樣望落去平平無奇，有啲單調但係食落係最有驚喜質地有啲似中式薄餐，煙煙韌韌加咗黑胡椒調味味道10分好

-SUN HARU🍽-甜辣年糕 $78炒年糕雖然望落個色水唔算好深色但其實個味道都唔錯但年糕再林d就仲好🤣不過入面冇魚糕所以就扣少少分🥲-傳統豬肉泡菜湯 $78五花腩肥瘦均勻配埋個泡菜湯好開胃😋入面仲有嫩豆腐同泡菜湯係最夾👍另外仲有白飯可以連泡菜湯一齊食😉-蜜糖芥末炸雞 $98炸雞可以揀半隻或者一隻如果想食多d其他野叫半隻就夠因為其實佢份量好多下🤣蜜糖芥末醬個味好出雖然同平時d韓國炸雞既調味唔同但其實都唔錯既🤣-藍色多惱河/柚子梳打 $38食韓國野通常都配梳打🍹藍色多惱河打卡就靚靚-🌟評分:🏅🏅🏅🏅📍地址: 長沙灣順寧道65號地舖-

📍#SUN HARU (長沙灣)長沙灣順寧道65號地舖♡人均消費: $328 @ 2🔺🔺🔺🔺🔺🔺🔺🔺🔺🔺🔺🔺🔺SUN HARU係以家庭式經營嘅韓式小店～店內充滿塗鴉藝術，甚具特色食物選擇上都好親民 好似韓國嘅家常便飯咁一般熱門少少嘅韓國菜都可以見到😝❣️#無骨炸雞(半隻)💰$98呢度既無骨炸雞有4款醬汁可以揀，甜辣、蜜糖芥末、牛油蜜糖、芝士二重奏～我哋當日就揀咗甜辣，炸雞上枱夠熱，雞皮脆到卜卜聲❣#韓國特色蛋卷💰$88舖頭有兩種口味嘅蛋卷可以選擇，包括：紫菜明太子、芝士二重奏，我哋就揀咗芝士明太子蛋卷～蛋卷上枱嘅時候熱辣辣～兩個人share食嘅話都算幾大份～蛋卷裏面有少許蘿蔔絲，上面有層明太子醬亦有紫菜、芝麻同蘿蔔絲喺蛋捲上面，非常足料❣️#傳統豬肉泡菜湯跟飯💰$78材料非常簡單嘅泡菜湯飯～上枱時熱辣辣咁凍嘅天氣見到一鍋湯飯真係好吸引😋泡菜帶有少許微辣，加埋豬肉 每一啖都好開胃❣#藍天乳酸💰$26波子汽水味嘅乳酸😆 味道不錯❣️#士多啤梨沙冰💰$38天寒地凍之下，朋友竟然order咗個沙冰😆士多啤梨味唔算好甜😆 賣相都幾靚～ 🔺🔺🔺🔺🔺🔺🔺🔺🔺🔺🔺🔺🔺

Sun Haru 未入門口已經比佢哋嘅裝修吸引左，打卡一流嘅餐廳😍！門口有個大大嘅公仔，影完相先再入去食🤭～ 餐廳入面嘅裝修亦都非常色彩，牆上佈滿左塗鴉主題，亦都有唔同嘅小裝飾，感覺非常地道！位於長沙灣嘅佢哋，由地鐵站行過去都尚算方便！雖然係小店，但位置亦都坐得舒服～牛肉醬湯跟飯 $78佢哋嘅牛肉醬湯非常入味，但唔會好鹹，啱啱好🤭豆腐係其中一個配料，d 豆腐超滑🥹 想無限encore！ 一啖飯一啖湯咁樣食，熱辣辣喺冬天食真係一流，食完之後暖笠笠！ 而佢哋亦都有泡菜同埋蘿蔔無限添加，配埋飯食就更上一層樓！韓國特色蛋卷（芝士二重奏） $88佢地既芝士二重奏真係冇改錯名，超級cheesy 🥺 同埋個蛋捲有少少流心嘅效果，口感非常之唔錯！泡菜煎餅 $78佢哋嘅煎餅香香辣辣，泡菜味亦都頗重，韓式街頭味重，有去咗韓國嘅感覺😍佢哋嘅職員亦都好有禮貌，會推介一啲受歡迎嘅菜式俾我哋😍！

有個好鍾意韓國嘅朋友話我知發掘到間幾地道嘅韓國餐廳 仲要入邊係塗鴉風裝修 彷彿好似係韓國街頭咁款❣️韓國特色蛋卷 - 芝士二重奏 $88成板咁大條嚟到都嚇親 面頭放左紫菜碎同吱左蕃茄醬 中間夾心佈滿芝士粒同埋紅蘿蔔絲🥕卷蛋煎得好綿好細緻 溫度令芝士融化 每食一啖都滲出流心芝士 仲有紅蘿蔔爽脆嘅口感 多層次嘅體驗❣️無骨炸雞 - 芝士二重奏 $98芝士控當然開行turbo點都要試埋 食韓國炸雞最爽就係無骨啖啖肉🍻外脆內軟嘅雞肉依然保留肉汁 相當嫩滑 特製芝士醬比傳統芝士醬輕盈得多 有種yogurt嘅感覺 食多幾舊都唔見濟❣️軟滑豆腐海鮮湯跟飯 $88冬天飲呢啲微辣嘅熱湯啱晒 連埋青口魷魚🦑一齊煮海鮮相當入味 滑捋捋嘅豆腐切成細細舊方便入口 好彩辣度唔算好高 啱晒食唔到辣嘅我哋 倒埋個飯落去整返個海鮮湯泡飯超正❣️藍天乳酸 $26藍白色嘅造型好吸引 平時嘢飲最驚甜到漏 店家利用本身乳酸嘅甜度製作 並無額外添加糖份 酸酸甜甜減低成餐嘅罪惡感左手炸雞右手嘢飲幾爽❣️蜂蜜檸檬茶 $26採用蜂蜜製作而並非一般糖水 呢個配搭都幾有誠意 同樣低甜一樣解濟

見呢度裝修得咁得意，有魷魚遊戲嘅塗鴉牆，好有心思，所以就決定入嚟試一試～一入來就聽到bigbang d出道歌，即刻好多美好回憶haha食韓國野梗係要食炸雞啦！試左個冇骨炸雞， 醬汁可以選甜辣，蜜糖芥末，牛油蜜糖同芝士二重奏，我哋揀咗蜜糖芥末，好香口，好好味！雞肉都滑身，但外面keep到鬆脆，肯定有double fry！另外叫咗個傳統豬肉泡菜湯羹飯，好大碗，湯底甜甜辣辣好好味，洋蔥同豬肉都夠鮮甜，最緊要keep住好熱！最後叫多咗個海鮮煎餅，份量好大，加埋有蝦，魷魚，好足料。

裝修好韓式塗鴉風~食物味道正常冇伏無骨炸雞 $98揀咗最經典嘅韓式甜辣醬，冇骨炸雞最啱懶人，啖啖肉✨雞件都幾Juicy魷魚鬚 $88 揀咗蜜糖芥末醬，炸得香脆，魷魚本身都好彈牙五花腩泡菜炒飯 $78有隻好靚嘅煎蛋撈飯食，炒得幾香水冷麵 好冰涼開胃，麵條煙韌藍天乳酸 $26韓式飲品好興呢種藍色，類似波子汽水嘅味，酸酸地甜甜地幾fresh薄荷青檸梳打 $26 朋友一飲就話有朝早嘅味道，笑死我🤣🤣我試咗啖但原來係牙膏味😂不過都係幾Fresh嘅

前菜會比泡菜同醃蘿蔔，不過我無特別喜好～部隊鍋 $98好耐無食過，今日轉凍食部隊鍋就啱晒喇，食唔到辣嘅我都食咗好多！石鍋拌飯 $88份量多到食唔晒！不過記得要快啲攪下個底，掛住傾計搞到個飯最後有少少燶🤣韓式餃子 $28呢個十分推薦！好抵食之餘咬開係韭菜同粉絲，外皮又夠脆，勁鐘意！菠蘿沙冰 $38一上枱嚇親，整到勁高🤣 記得要快啲飲，唔係就會融到跌落嚟，好足料！藍天乳酸 $26呢款飲品都唔錯，個人覺得甜甜哋好啱小朋友飲。而且店主熱情～裝修都唔錯，下次屋企無煮飯都會繼續嚟食👍🏼

SUN HARU今日經開長沙灣見到一間食韓國菜嘅餐廳，門口仲有「無眼睇」你嘅公仔。雖然呢間又係門口有一級，但斜板已經喺我生活嘅一部份，日日帶住，想食邊間就入去邊間食，唔洗再諗點入去！入到去比兩邊塗鴉壁畫吸引住，個畫畫得好鬼靚，呢個用嚟係打卡簡直一流！1.軟滑豆腐海鮮湯飲+前菜+白飯$62（8/10）呢個海鮮湯好好飲，好濃海鮮味，超鮮甜！入面海鮮有蜆肉、青口同魷魚，仲有2隻煎好嘅蛋同2大舊超滑嘅豆腐，海鮮湯撈飯一流，食完碗飯純飲湯先開始覺得辣！😅前菜係芽菜同泡菜！2.無骨炸雞（半隻）$98（8/10）呢個炸雞係冇骨嘅，份量好多，足足有9舊，配上蜜糖芥辣醬令到每件雞有少少甜。平時鍾意噒骨嘅我今日揀咗無骨，食得好方便，一咬完即吞，唔洗煩！3.韓國特色蛋卷$88（8/10）呢碟蛋卷份量比其他韓國餐廳多，價錢又平，足足有9舊，可以足夠3-4人食，而且蛋味非常濃，蛋卷面頭仲有紫菜同加咗茄汁，入面仲有紅蘿蔔絲，口感非常豐富！2人總共價錢$248個人口味總評分：8/10@sun_haru1地址：長沙灣順寧道65號地舖#長沙灣美食 #SUNHARU #韓國菜 #hkfoodie #hkfoodblogg

📍#老屎忽係長沙灣#oldszefood #老屎忽 #老屎忽食飯 #老屎忽搵食 #老屎忽都要OT #旺角🐔無骨炸雞 $98醬汁可選：甜辣/蜜糖芥末/牛油蜜糖/芝士二重奏，我地就揀咗蜜糖芥末。外皮炸得好脆口，雞肉食落好juicy好多汁🤤半份量嘅份量都相當多🤟🏻🐔人蔘雞湯 $138好重人蔘味嘅雞湯，有成隻雞入邊，相當足料。另外雞入邊仲有糯米湯飯，最啱2個人share黎食👍🏻🐷傳統豬肉泡菜湯跟飯 $78十分傳統嘅一道韓國料理，入邊仲有豆腐做碗料。可以用湯去撈埋白飯一齊食🤤超級好送飯。薄荷靑檸梳打 $26薄荷味夾埋青檸，成杯飲品嘅感覺都好清新😌藍天乳酸 $26打卡必備🤣杯飲品嘅顏色好夢幻😍杯野甜甜酸酸咁好好飲SUN HARU (長沙灣)📍長沙灣順寧道65號地舖

Sun Haru長沙灣順寧道65號地舖老友推介，長沙灣站附近有一間高汁的韓式餐廳，又真係幾掂喎！😎無骨炸雞芝士二重奏🧀大廚即叫即炸，外脆內軟，無骨雞肉處理得很好，雞肉新鮮，肉汁豐富，沒有雪味，沒有味精，芝士二重奏醬汁調教得剛剛好，不會過鹹和油膩。必食！👏😍泡菜腩肉湯跟飯🌶湯底夠香，辣度控制得好好，不會辣到灌水，新鮮配料的精華滲入湯中，我飲哂啲湯。🤣腩肉口感煙韌，層次分明，好味道！我好怕就咁啪泡菜，今次試咗泡菜湯飯，又幾惹味喎！😋韓國特色蛋捲🥚這次試了紫菜明太子蛋捲，份量十足，咸香味為主，餸飯一流。大廚處理得恰到好處，蛋夠香滑，加了葱花和芝麻提升層次，大人細路都鍾意。藍天乳酸🍹食完炸雞飲，真係幾爽，不會太甜，記得搞吓底飲，味道更佳。Sun Haru 環境舒適，食品高汁，還可以包場舉辦生日派對，回頭率高。😉👍🏻

今次叫左一個韓式無骨炸雞，但係實際上只係一個港式既普通炸雞，完全沒有無韓國味。醬汁同雞分開自己點，有期望落差。雖然炸雞都炸得幾脆，但係一啲韓風都無。似樓下啲普通炸雞多啲。泡菜薄餅冇泡菜，店員竟然提議另外俾一碟泡菜我哋就算😂😂最後，佢地都重新整過一次。但係麵粉味好重，食唔晒。最好食都係流心芝士蛋，成餐飯都食唔到韓味普普通通。如果係普通港式餐廳，啲炸雞都炸得幾好。下次就唔會再去，都唔知點解咁多好評。所以上嚟評論俾大家。

係長沙灣一間好隱蔽嘅地道韓式小店，餐廳地方唔係好大，不過牆上面嘅塗鴉就好有韓國feel而且仲好靚。泡菜煎餅 $78煎餅香香辣辣，十足十韓國街頭風味，入面有少少蘿蔔絲，而且超酥脆！芝士二重奏無骨炸雞 半隻$98炸到好香口嘅炸雞淋左芝士醬，再加灑埋芝士粉，好邪惡嘅配搭，而且仲要無骨，啖啖肉好爽。豬肉炒粉絲 $78粉絲食完都唔係好覺好油膩，加埋豬肉落去炒，望落份量唔算多，不過食下食下都飽。Overall黎講，小店地理位置唔算好方便，但係家庭式嘅打理有種好特別嘅味道，如果再夜小小食，套餐價錢有discount，CP值都幾高。

🍽️SUN HARU 📍地址：長沙灣順寧道65號地舖 咁啱經過長沙灣又肚餓 見到餐廳門口個公仔🧸咁別緻 就入去試下韓式親民餐廳 入邊個老板娘同員工都好友善 仲有提供解悶小朋友乙個 而且裝修風格都比較有特式 用左魷魚遊戲做主題😋👉🏻黃金帶子Gold ribbon $28新鮮熱辣超大粒炸帶子 完全超出我想像 就算你睇相都想像唔到佢咁大份之餘仲粒粒都咁大粒 一咬落去就食到好甜好滑好彈牙的味道 雖然凍左冇咁好食 但是太熱又會辣口 所以要把握熱同凍之間的黃金時間先好食呢 👉🏻韓式餃子Korean dumplings $289菜豬肉餃子🥟 韓式平民化料理👉🏻無骨炸雞Boneless Fried Chicken蜜糖芥末 半份$98值得推薦 芥末沒有想像中咁嗆鼻 唔會一食落口就要用口先勉強呼吸到 反而甜甜地 幾消新 仲同蜜糖的甜味相得益彰 增加味道的層次感 另外 雞都好滑好多肉👉🏻牛肉大醬湯跟飯Beef Miso Soup and Rice $78第一次食大醬湯跟飯 飯雖然睇落似硬硬地的珍珠米 但是當湯水淋落去就會令到佢軟硬適中 好似泡飯咁食都幾特別 而大醬湯就建議襯熱食同配飯食 因為佢凍左就冇咁好飲好

長沙灣出名多好嘢食，朋友介紹帶咗我嚟食韓國嘢，一入餐廳就覺得好有氣氛，好年輕，因為張相壁畫係魷魚🦑遊戲嗰個木頭公仔😂代表韓國，又有時代感。推介蜜糖芥末無骨炸雞🍗，即叫即炸熱辣辣，肉汁鮮嫩，份量較多，性價比極高。炸到金黃色，外脆內軟，唔多油，恰到好處。五花腩炸醬麵，呢個比較地道，佢嘅炸醬上碟嘅時候係擺開一邊，睇返個人口味，決定要唔要將全部炸醬撈在一起，喜歡濃味嘅朋友，可以全部撈炸醬，但如果怕太重口味嘅，建議淨係撈一半。唔錯嘅飽肚選擇。呢個韓國特色卷，芝士二重奏超好味😋，必叫！超大條好抵食，拉起蛋會有拉絲嘅芝士，暖入心，配上少量茄汁和紫菜，好夾！叫咗兩杯凍飲一杯乳酸，一杯梳打水，唔太甜又解渴，都可以👌🏼👌🏼