SupBurwich (已結業)

話說今日上午要上堂，所以好早起左身，上完堂見唔係好肚餓，所以就再訓左陣，點知1訓就已經下午5點了(睇黎我好累😪)，所以今日可以食得heavy d (幾好既藉口🤣)😎😎諗左好耐食咩好，路人甲就話大角咀有關食Burger外賣店好好食，於是就渣車🚗去喇🤭去到就不停睇有咩食，因為太多野都想食，所以最後我地叫左：1. 岩漿芝士熱狗🌭️2. 松露蘑菇芝士牛堡🍔3. 吉列炸蠔🦪4. 魷魚圈🦑等左20分鐘到就有得拎，之後就拿拿臨渣車返屋企開餐😋返去開到d盒超香，首先唔理三七廿一，食左個蠔🦪先，雖然唔係大隻，但係炸得好脆，我都食到成枱係，真係好鍾意食蠔🦪既我，連食左3隻 (因為有5隻，路人甲係有既)😎之後就食左松露蘑菇芝士牛堡🍔，食落去個蘑菇已經好爽，另外個松露都超香🤭值得1提係，佢地既菜🥬好新鮮，食落去就知唔係擺左係雪櫃好耐既菜，值得1讚👍而路人甲既岩漿芝士熱狗🌭️亦相關出色，超多芝士兼比我地想像中大隻，所以食完已經好飽🤭最後勉強食埋個魷魚圈🦑，都好大圈，點醬食1流，如果大家鍾意食既不妨1試😋總結：價錢唔算貴，份量多，配料新鮮有驚喜，小店黎講值得去試，不過鋪頭比較早收，如果要試的話，就要早d去買喇😎

以前黎到奧運搵食淨係會去奧海城食，唸唔到C5出口果邊咁多野食，今次黎到 @supburwich 食burger 😜,叫左兩個漢堡餐一個芝士手打牛堡配炸啤酒薯條$103/ Set ，同埋叫咗一個海灣雙層魚柳包配魷魚圈 $88/ Set，佢哋嘅包內亂外脆同埋即叫即整，溫度啱啱好，食落去勁有口感，入面配菜都十分之新鮮。值得一讚係香嘅薯條食落去有啤酒味，同埋魷魚圈都好脆好好食，同埋凍檸茶都係可以值得一試因為係店家自己自製檸檬茶，小糖有少少苦澀但係呢個先係檸檬茶嘅真味道。

厚切豬扒桑多，餐廳好貼心，已經預先幫我切開咗一半，咁食嘅時候就唔洗咁狼狽🤗 賣相仲好靚仔添，望落層次分明，未食已經令人食慾大增😝 吉列豬扒酥脆鬆化，夾喺包入面整體口感豐富～配搭清新嘅秘製醬汁，食落爽脆唔膩👍🏻👍🏻蒙特納菠蘿雞堡，個包烘到少少脆身，咬落唔會太軟腍或者太乾硬👏🏻👏🏻 好怕啲炸雞一係就未熟透，一係就又老又柴😣 呢度完全冇呢個問題，仲好juicy添😍 配上大大片菠蘿超fresh！啖啖滋味令人欲罷不能🤤🤤魷魚圈，份量大方口感鬆脆，魷魚彈牙爽口啖啖肉😋 睇嚟呢度嘅炸嘢相當唔錯，師傅炸功一流。另外欣賞佢哋個外賣盒🥡有疏氣位，唔怕會有倒汗水氣同焗到淋晒🥰👏🏻

今日同幾個朋友嚟到大角咀，奧海城啲餐廳食到好厭😫 其中一個朋友就搵到呢間SupBurwich，一於發掘新嘢試試佢～我哋四個都嗌咗熱狗，神同步🤣🤣 只係唔同口味，我就食咗呢個黑松露蘑菇真蟹肉熱狗🌭️ 重口之選‼️望落好似好多醬好heavy咁，但係食落都唔會話好膩～個包熱辣辣唔硬掘掘，食到有新鮮出爐嘅感覺。面頭啲蟹肉、蘑菇同黑松露香濃到不得了，creamy又鮮味，食到好滿足🙆🏻‍♀️❤️我都試咗少少佢哋幾個嘅熱狗🌭️😆 經典熱狗：三款醬汁份量一啲都唔吝嗇，味蕾喺度開party😜 俄勒岡肉醬熱狗：肉醬份量頗多，配上芝士同香草鹹香十足又唔漏！蒙特納田園熱狗：呢個相對就比較輕盈啲，食落冇咁濕潤，滋味又健康🥗我哋全部人都好滿意，表示會再嚟encore🥰

今日係大角咀附近做嘢，途經呢間舖比佢啲相吸引住🤩 啲漢堡望落好似好好味咁😋 又見到幾個人排緊隊，心諗應該都唔差就排埋一份😝佢哋每樣野食都係即叫即整 不過唔使等好耐就有得攞，但係當拎到上手你就會覺得值回票價。今次我就揀咗佢哋個黑松露蘑菇.真.蟹肉熱狗🌭️嚟試吓，原來松露加蟹肉既味係咁夾嘅👍🏽再加埋有好多蘑菇，食起上嚟個層次又再提升多幾級😍😍😍冇熱狗腸嘅熱狗我都係第一次食，但係個感覺比熱狗腸仲清新好多，可能係有真蟹肉嘅關係，好Flash再加上松露蘑菇感覺完全唔一樣，我覺得呢個熱狗好啱女仔食🥰🥰因為佢冇熱狗腸咁Heavy另外蟹肉相對地輕盈好多🤩

黑松露蘑菇真蟹肉熱狗成個熱狗包都鋪上滿滿嘅蟹肉蘑菇蓉，中間仲要有一大撮黑松露添呀！未打開個盒都已經聞到陣陣香氣，令人垂涎欲滴🤤 一入口濃烈芳香滿佈口腔，一啖一滋味😋 黑松露醬同蟹肉蘑菇蓉嘅比例調配得好好，仲有保留咬口唔會太碎👍🏻👍🏻呢度就連小食嘅選擇都非常之多，都唔知要邊個好～見到前面有好幾個食客都叫咗炸雞翼，相信係人氣之選，於是我哋都叫咗份🤗 睇個色水都知冇炸過龍不特止，炸粉仲非常之薄👍🏻 可以炸到咁樣嘅水平真係唔簡單🙌🏻 雞翼大大隻，鮮嫩滑溜有肉汁😋😋 難怪咁多人食！

成日行過屋企附近呢間小店都見有人等緊外賣，今日早收工行過見冇乜人，於是乎就試吓佢，之前上網都見有人介紹過佢哋啲漢堡同埋熱狗，有兩樣嘢我覺得係幾特別既，就係佢嘅岩漿芝士熱狗同埋厚切豬扒桑多，喺出邊暫時好少地方有得食，另外每次經過佢哋舖頭嘅時候都會聞到廚房裏面傳出嚟嘅陣陣香味，所以今日就決定買呢兩樣嘢返屋企同老公試吓。岩漿芝士熱狗啲芝士鋪滿晒喺個熱狗上邊，勁邪惡😈，個麵包睇得出係有烘過，暖暖哋又有少少脆，味道溫度啱啱好，再講吓條熱狗腸，皮脆肉嫩勁多汁👍🏽勁Juicy🥰個厚切豬扒桑多真係不得之了，我從未見過豬扒同麵包嘅比例係九比一，豬扒炸得好脆，但係裏便啲肉出奇地咁嫩，同埋好多肉汁，咬落去嘅時候啲汁差啲飛晒出嚟，唔得啦，食到停唔到口😋

作為一個成日都要控制飲食嘅港女，間唔中都要放鬆一吓自己，見到公司附近開咗間小店，有同事食過話幾好味同埋唔係太Heavy，所以今日就諗住去試吓，呢間小店淨係做外賣，喺舖頭外面就可以睇到晒佢哋嘅所有Menu，佢哋有好多唔同種類嘅漢堡🍔同埋熱狗🌭️，我就揀咗相對係比較輕量嘅熱狗再加個英式薯餅。先講下個熱狗，個包有少少烘過暖暖地有啲脆，裏面有啲好新鮮嘅配料同埋生菜🥬，個醬汁嘅味道啱啱好唔係太濃，至於條熱狗腸🌭️整得外脆內軟，口感豐富又多汁，幾好味😋而且食完都唔會膩，成個感覺都覺得好清新😍英式薯餅即刻炸起，好脆但係裏面又唔係好乾，好好味😋下次一定要約埋朋友一齊再試埋其他😄

今日去大角咀見完個客突然之間好想食熱狗🌭️，於是即刻上OpenRice search一下，竟然比我發現喺附近有一間漢堡外賣專門店，裏面除咗有漢堡仲有好多唔同特色嘅熱狗同埋小食，於是即刻去排隊買😍😍我揀咗蒙特納田園熱狗，呢個熱狗🌭️相對輕盈健康好多，餡料包括有生菜🥬、蕃茄片 🍅、椰菜同蘿蔔絲🥕當然仲有佢既靈魂人物熱狗腸啦，包外脆內軟😋咬落去層次豐富又Juicy😋 食到停唔到口雖然一隻熱狗看似好簡單，但一試便知龍與鳳，食完就感受到小店既用心製作🤩

今天放工經開大角咀，見到間小店好多人排隊，於是好奇心走過去望一望，原來係一間特色的漢堡包外賣專門店，咁啱我有啲肚餓，好想食嘢，於是過去買番屋企試吓，結果出乎預料的好食😋我就買咗厚切豬扒桑多同松露Double鵝肝堡返去同老公撐枱腳。我老公是鵝肝愛好者，他一眼就被松露Double鵝肝堡吸引，啲鵝肝真係好厚仲要打孖上，煎到好香，外面係脆既而裏面就好淋，一咬落去爆曬汁好Yummy😋😋最特別係加埋個松露醬，松露醬嘅香味令到成個漢堡提升到另一個層次🥰🥰🥰至於個厚切豬扒桑多，兩塊麵包加埋都唔夠一塊豬扒厚👍🏽雖然豬扒厚，但肉質咬落去好淋，唔會好鞋好靭，果然係拿捏得好好👍🏽裏面夾住紫椰菜同菜絲既配料食落冇咁漏，仲有個醬汁好特別😍😍今餐同老公真係食得飽又滿足呀🥰

今日同男朋友行經大角咀，見到門口有好多人排隊，人既好奇心嚟喇，點解會有咁多人係呢度排隊呢？對我哋呢啲胃食👻第一時間諗到就係唔通排隊買嘢食？過去望吓見到有漢堡🍔同熱狗🌭️，我哋就決定買嚟試吓反正我哋都未食晏晝。因為我哋兩個都係芝士控，所以叫咗兩隻岩漿芝士熱狗，呢隻熱狗最特別既地方係流心芝士，當咬落去嘅時候芝士🧀由熱狗中心湧出黎令到一隻簡簡單單嘅熱狗變得相當邪惡😈每啖都充滿濃郁咸香😋呢個熱狗係我食開同最鍾意食嘅一款口味😋😋個包烘得外脆內軟加埋條juicy既熱狗腸肉，每咬落去一啖都有汁爆出嚟好滋味😍同埋烤到濃濃地嘅芝士鋪係面。呢個熱狗絕對係高分之作🥰🥰🥰

今日行經大角咀，聽D朋友講依家大角咀開咗好多特色小店，行過見到呢間新開嘅舖頭，見佢啲嘢食都好似幾有特色，呢間小店主打外賣漢堡🍔同熱狗🌭️，另外仲有好多唔同款嘅小食，佢哋啲嘢食全部都係即叫即整，我企喺門口睇餐牌嗰陣時候已經聞到好香好香嘅味道😋我比佢既厚切豬扒桑多吸引住，所以二話不說就點咗呢個嚟試吓，咁嘅價錢估唔到咁足料👍🏽👍🏽塊豬扒竟然仲厚過塊麵包，夾住嘅配料有紫椰菜同菜絲仲有個好特別既醬汁，豬扒雖然厚但食落唔會話乾爭爭鞋颯颯，好Juicy，咬落去嘅時候仲有少少肉汁滲出嚟😋如果未試過第一次食我認為呢一個係必試之選👍🏽👍🏽👍🏽，想食豬扒但係又唔想食豬扒飯咁飽嘅話～～呢個係唔錯嘅選擇😂

轉咗工嚟大角咀呢邊做嘢，晏晝都好少出去食飯，多數都係叫外賣，食嚟食去都係粥粉麵飯，今日就想試吓新野，係公司附近開左間漢堡包外賣專門店，而且仲係好出名添，一於試試佢😆我嗌左個俄勒岡肉醬熱狗～肉醬份量頗多，面頭既芝士同香草鋪滿係熱狗🌭️仲加埋半溶芝士🤤望落已經好邪惡😈熱狗腸大大條，煎得脆卜卜，口感鬆軟多汁。而且調味控制得岩岩好，唔會太咸或太乾硬，非常惹味😋😋 魷魚圈～炸得夠火喉又唔油膩，而且肉質爽口彈牙，唔會似出面某d炸粉咁，拿捏得好好值得讚👍👍

因為喺附近工作，唔知有乜好食😥 於是乎就上網搵到呢間SupBurwich，見到都幾高評價，一試便知龍與鳳！😎個松露Double鵝肝堡真係叫人難忘🤤 首先要讚一讚個包，烘得好香，口感酥軟得嚟又唔會乾崢崢👍🏻 鵝肝兩件都非常之厚！我對鵝肝都有啲要求㗎，唔係厚就代表好味，食過有啲入口實得得又好似冇煎香過咁。呢度嘅鵝肝超掂👍🏻 表面微焦唔會過燶，油潤又肥美🙌🏻 松露醬濃香爆棚，中間仲有比較貴價同健康嘅羽衣甘藍減卻油膩感，唔覺唔覺就食完😅 點解可以咁正㗎😱出菜都幾快手，方便打工仔grab&go。即使係外賣，個賣相都好整潔，唔會求求其砌到亂七八糟。地理位置亦非常方便，就喺奧運站C1出口對出😌 我之後應該都會成日嚟食㗎喇😆😆

之前已經聽朋友講過大角咀呢一間外賣專門店啲熱狗🌭️好好味，想來試好耐，今日終於試到啦🥰🥰🥰呢間漢堡包外賣專門店舖頭細細，但係漢堡，熱狗，同小食嘅選擇都好多元化，睇完個餐牌就決定要嗌個蒙特納田園熱狗🌭️首先個包烘得好香，口感鬆脆得黎又唔會乾爭爭，熱狗腸夾埋一大塊生菜、椰菜絲蕃茄片同蘿蔔沙律，分量夠大，有咬勁得黎又唔會韌，超爆汁💦而且蔬菜🥬好爽脆新鮮，超有驚喜呢個價錢食到咁輕盈健康嘅漢堡，超級推薦😚下次會叫埋姊妹一齊黎食👍🏽👍🏽