SupBurwich (已結業)

再三到訪哩間小店，今次想食主食又想食熱氣野，小鳥胃佼佼者又食唔曬一份熱狗加小食可以點？一於試下哩款炸雞熱狗蒙特納炸雞熱狗無腸仔嘅熱狗我都喺第一次試，之前都有食過哩間既炸嘢，印象中都唔錯，哩款熱狗入面嘅炸雞亦無令我失望💕首先炸雞並唔係八成炸粉兩成肉嗰啲厚粉雞，哩度係相對薄粉再包住厚厚嘅雞肉。炸雞外面炸到焦黃焦黃咁，到我食嘅時候都喺脆卜卜👅雞肉肉質都仍然係嫩嘅，而且哩度做到鎖住肉汁，一咬咇晒出黎（差少少辣親我條脷😣啖啖肉加上酸酸甜甜嘅醬汁同菜，食落唔好太油膩😙一份熱狗滿足我兩個願望

突然間好想食burger就去左屋企附近間小店買外賣番去同細佬一齊食，平時經過都見有人系外面等梗外賣，我地都已經食過幾次😋通常我地食都系encore番佢個菠蘿手撕豬漢堡🍔同豬扒三文治🥪💁🏻‍♀️三文治佢會好細心甘對切兩份，塊厚切豬扒食落好嫩好juicy個隻，加埋d紫椰菜同紅蘿蔔絲，食落個感覺系會健康清新d！💁🏻‍♀️burger必須有菠蘿❗️菠蘿酸酸甜甜又多汁，系超級解膩既配料。甘d手撕豬系已經同d 紫椰菜紅蘿蔔絲mix埋左，口感一致。調味都做得好好咖，夾係包入面都夠晒味💯同埋最值得讚既系就算外賣番到屋企d食物都吾會走晒樣淋晒咁‼️

呢度嘅吉列豬扒三文治🥪真係超級高質！個方包烘到脆卜卜 入面塊吉列豬扒真係超級厚切 炸到勁香脆🐷再配埋椰菜沙律🥗酸酸甜甜 完全冇油膩感 食落仲好清爽😍成個三文治分量十足！

最近幫襯哩間小店好幾次哩次就試吓最classic款嘅burger一直都覺得佢啲麵包好好食😍烘到暖笠笠而且外脆內軟用嘅喺自家手打嘅安格斯漢堡肉menu寫到明喺足3兩㗎拎到上手都真喺幾墜手漢堡肉都幾厚身下不過唔會煎到過火食落喺好香牛味又有肉汁芝士唔會仲成塊凍冰冰咁擺面喺已經完美同肉合二為一咗🤤burger都有夾埋啲生菜蕃茄等等都新鮮嘅爽脆唔會用啲霉咗嘅菜另外加咗塊薯餅外賣盒有開窿唔會焗到啲炸野淋哂💯薯餅炸到金黃酥脆唔洗點茄汁已經好正個包裝拎上手仲唔會成手油女仔嚟講咁樣一份都幾飽下😻

呢間餐廳雖然細細間，但係估唔到可以咁好食‼️確實係令我另眼相看🙊你唔好睇佢啲面細細啊，雖然得幾個員工喺度工作但係佢哋超級快手㗎😌由於佢哋所有嘅食物都係新鮮即叫即整，保證熱辣辣送到客人嘅手上，如果太多人客嘅話佢哋就要加快腳步快手啲整💪🏻同時我又覺得佢哋嘅態度非常之好，沒有不禮貌嘅情況💓反而仲逐一為我哋介紹店舖嘅精選😆👧🏻+👦🏻=👇🏻黑松露蘑菇真蟹肉熱狗 $73馬來西亞香蕉脆配椰汁 $39英式薯餅 $18我哋二人份量其實都只係叫咗一個熱狗，我哋本身諗住叫兩個㗎但係見到前面嗰個客人嘅熱狗原來好大份，我哋驚食唔晒所以保守啲嗌一個就算👅首先呢個黑松露蘑菇熱狗有蟹肉！啲蟹肉仲要勁多，食肉腸嘅同時，可以夾雜着食埋蟹肉😳簡直就係人生極樂！香蕉脆同埋薯餅就真係揸得金黃香脆，非常可口，香蕉脆食完之後仍然頰齒留香🤭吹薯餅就好過麥當勞10,000倍😏兩樣嘢都係脆卜卜夠晒邪惡🤩

最近好中意食熱狗漢堡類既野食今次就同老公仔試下大角咀一間小店。我地兩個分別要咗一個海灣雙層魚柳包同一個黑松露蘑菇真蟹肉熱狗😋同為一個炸魚控當然要試下佢個魚柳包。哩到既包包都真係幾巨下。本人係超級唔鍾意沙律醬千島醬之類既野，咁所以我係走咗醬（店主都好好人咁配合番我既喜好🥰）雖然走咗醬，但係一啲都唔會食到口乾乾！！因為佢啲炸魚係仲會有肉汁㗎🤤（唔似平時去快餐店走醬會乾崢崢咁）另外個松露熱狗係老公仔食既（松露又係我唔食😵）一打開都幾大陣松露味飄出黎，望落蟹肉份量都爆多，老公仔激讚🤭🤩

近哩個星期已經第三次幫襯嘅SupBurwich，必點一定喺哩個厚切豬扒桑多（$48）😚小鳥胃如我其實一份飽足感十分之高。到手嘅時候已經喺對半切開咗，三文治嘅橫切面顏值相當唔錯，兩塊麵包夾住份量十足嘅蔬菜，中間塊吉烈豬扒成本字典咁厚，只能講哩份三文治用料真喺十分實在🤤豬扒炸過好香脆，幾次食都唔會炸過火，肉質依然喺好軟嫩，而且食落都仲會喺有肉汁既感覺😋內餡嘅蔬菜感覺都幾新鮮，配搭上嚟亦都有解膩既效果，食起黎相對清新啲健康啲🤣哩個價錢值得一試，係可以多多支持嘅小店👍🏻

小妹身為一位專業熱狗控🌭，一發現附近有新的熱狗小店，立馬去嘗個鮮！掃視了一遍菜單，決定先試一下店家的「必食」項目。點餐到取餐等侯時間合理，一打開盒子便傳來陣陣松露香氣。熱狗的顏值相當高，滿滿的蟹肉鋪滿整條熱狗，面頭撒上香草碎🤭，中間的松露分量亦相當慷慨。味道方面，長長的熱狗外皮香脆，咬下去亦有肉汁，處理得很剛好。麵包有經過烘烤，外脆內軟。蟹肉蘑菇醬調味很對我口味，不會太淡或過濃味。整體口感濕潤，味道豐富有層次，是值得回頭的小店！菜單上其他品項都很吸引，超級推薦👍🏻

作為一個日常飲食控制既港女 偶然都要放鬆下既🫣 今次揀左公司附近一間小店幫襯 買左田園熱狗($44) 加埋洋蔥圈 ($40)雖然話放縱 都系要左個田園熱狗自欺欺人一下 先講個包 烘過有少許脆口 蕃茄生菜都吾少 個醬汁都恰到好處 而條熱狗腸都幾好 外皮好脆 咬落系有汁咇出黎個種 整體而言都幾清新 幾好食㗎！洋蔥圈數量都吾少架 叫做對得住個價錢 炸野都幾不錯 平時好驚會食到成口油又厚炸粉 有次試過空心到以為得個炸粉皮🤢 哩度就吾會🫶🏻都炸得乾又脆 想食香口野真係要叫哩個試下💖下次一定會再嚟🫶🏻實在太抵食了

我住喺附近，成日都會嚟呢度買熱狗做夜晚😋，除咗因為近屋企之外，最主要嘅係因為呢度嘅熱狗好好食🤤。除咗熱狗之外，仲有一啲漢堡包或者炸嘢食。靜雞雞話你聽，我試過連續食10日都5會厭，因為有好多款我揀，日日食5同都冇問題🤭今次我就用咗OpenRice黎嗌外賣自取，嗌完之後再喺屋企慢慢換衫，然後行過去攞。去到嘅時候個外賣啱啱好有，重要5係凍！係熱辣辣嫁😚😚蒙特納炸雞熱狗 $58好多時都會食呢個熱狗，5好以為得個樣大大件，啲炸雞爆哂出黎，用黎呃like，就5好食！啲炸雞5會炸到乾晒，仲保留到雞嘅肉汁，炸皮仲好簿。酸甜味道嘅醬汁同炸雞配合得非常好，可以令全個熱狗層次提升。

唔知大角咀嘅街坊們有冇留意富貴大廈嘅嗰間買bagel 可能因為第五波疫情嚴重，所以已經結業了。原來唔聲唔聲開咗一間小食店，主打買漢堡包、小食、同埋巨型三文治🥪〰︎✍🏻💭 經典熱狗🌭️首先要喺呢度提醒大家佢哋嘅熱狗係即叫即整，唔會預先做起。所以大家要預留時間喺門外等待⌛️佢哋嘅熱狗其實都真係幾吸引㗎，有好多唔同嘅款式，我自己竟然比佢呢個經典款式吸引咗，因為我見到佢好多醬汁😆我自己比較鍾意嗰種酸酸甜甜嘅醬汁配埋熱狗腸一齊食好正㗎💓佢哋嘅熱狗腸肉汁好多，而且好大條。根本冇可能一啖食得晒🤭成個熱狗份量好巨型🖖🏻💪🏻 ̖́比佢哋嘅熱誠打動了，本身都唔覺得漢堡包可以咁好食，佢真係打破咗我固有嘅思想👍🏻佢可以稱得上係大角咀數一數二嘅高質小食店❣️

我同我男朋友都勁鍾意食香蕉㗎，今日行過大角咀見到有一個宣傳單張寫住炸香蕉脆$39有三件，除翻開只係$13蚊1件😏我哋見咁平就諗住拎呢一個當作小食👅另一款小食我哋就叫咗炸雞翼，見前面有好幾台客都叫咗呢款炸雞翼我諗應該係熱門之選，見啲雞翼都幾大隻炸粉唔會太厚所以我哋都叫咗一份💓最緊要梗係個主角啦💁🏻‍♀️松露蘑菇芝士牛堡。麵包皮有輕輕烘烤過，香脆之餘仲要牛肉好Juice好多汁，好有咬口㗎。成個包由頭食到落尾都依然係漏汁漏腳趾尾🤣即叫即整大概等咗15至20分鐘左右，保證熱辣辣。呢間外賣店嘅價格我認為唔算太貴，始終食物較為高質素，下次會再嚟💋

我終於隔離完畢啦，可以去食好西了😏老老實實其實已經有好多日冇食過煎炸嘢😆我聽阿妹講話屋企樓下新開左一間漢堡包外賣專門店🙊今日就去試吓伏唔伏😏🔅芝士手打牛堡、松露蘑菇芝士牛堡、奶茶咖啡首先講下芝士手打牛堡同松露蘑菇芝士牛堡先💁🏻‍♀️🤍價格方面:其實呢兩款牛肉漢堡只係相差$10 ，分別就係一個就多咗黑松露蘑菇汁。唔知係咪我心理作用呢我自己覺得有黑松露嘅嗰個蘑菇比較大份一啲🤣🤍味道方面:我認為招牌芝士手打牛肉漢堡更加能夠食得出牛肉嘅香味，可能係因為只係用咗簡單嘅調味料。而另一款嘅牛堡相對上黑松露蘑菇味比較重一啲，但係口感就比較多層次相對上有咬口。💁🏻‍♀️總括而言，我覺得各有特色我自己就比較鍾意食招牌芝士手打牛堡多啲。因為牛肉味比較濃郁‼️

👉🏻厚切豬扒桑多👈🏻厚豬扒肉質嫩滑之餘仲有彈性👍🏻，非常之有口感，外層炸粉薄薄的，肉汁滿滿，唔會覺得太油膩😌👉🏻炸甜番薯條👈🏻聽說高手就在民間，之前食過好多唔同地方嘅炸番薯條，都冇話邊一款特別好食，直至我今日試過呢一間supburwish嘅番薯條‼️新鮮熱烘烘出爐的炸番薯，肉質綿密，味道香甜，番薯身上「炸」到出少許糖膠，令到番薯條更加香甜，不過冷卻了便有點失色，提議大家盡快食用，咁先係最好味😋💮呢間餐廳可以再次到訪‼️希望佢哋第時越來越多人幫襯嘅時候仍然都係可以做到即叫即整，唔會預先整定👍🏻即叫即整熱辣辣食落肚真係好食好多🤭

超級推介大家去👉🏻Supburwich👈🏻服務❤️去到嘅時候，店員好好，幾細心咁同我地講餐牌裏面邊一款食物最多人揀、佢哋嘅特色產品係啲咩、仲有話俾我知邊幾款佢自己覺得最好食。環境❤️環境都好整潔，完全唔會覺得好污糟。店舖嘅位置唔會黐立立，門面冇垃圾👍🏻食物❤️🦑魷魚圈 $40，呢個價錢算幾抵，除翻開都好抵！仲有咁大個圈，而且炸得金黃香脆💓🦪吉列炸蠔 $50，肥美的蠔炮製成外脆內鮮嫩多汁的吉列生蠔，炸完之後出嚟冇縮細👍🏻入面仲要係勁多汁🤭🐷Supbur 手撕豬堡 $48，同手撕雞一樣嘅原理，將豬肉手撕，然後放喺漢堡包嘅中間👍🏻海量嘅份量，食落啖啖肉🤩。🍍蒙特納菠蘿雞堡 $63，菠蘿嘅鮮甜味再配埋炸雞塊，竟然好開胃三五啖就食晒😁