SupBurwich (已結業)

💖今日其實本身嚟大角咀係諗住買bagel😂發現原來已經結業咗好耐相信真係有好多小食店因為疫情問題無法繼續經營☹️💖原來呢間店舖已經轉咗手成為一間新嘅小食店，我相信呢間舖頭冇咩受疫情影響🤣因為實在太多人排隊了😋💖我仲偷聽到前面個阿姐講話佢哋呢度嘅三文治超好食，我初頭都未諗到食咩㗎既然佢話好食我就盡地一鋪試一試佢啦😝✨厚切豬扒桑多 $48‼️即使係人多但係仍然堅守信念，即叫即整從來冇因為太多人排隊而放棄，呢個係真係值得加分嘅位👍🏻想話俾你哋知你哋嘅辛苦係有人睇到的🤭豬扒竟然係咁大嚿，厚切啫我冇諗過可以咁大塊，桑多嘅意思就應該係類似多士咁解。呢一個桑多好大舊🤣其實我一個人根本冇可能食得晒。吉列豬扒調味調得幾好，旁邊仲有少量椰菜同埋豬扒醬。我覺得醬汁配搭剛剛好唔會太過鹹或者太搶味。

💁🏻‍♀️我同男朋友拍拖行過見到一間大排長龍嘅小食店就衝左埋去😆💁🏻‍♀️「SupBurwich」，供應各款漢堡包、熱狗和三文治🥪，我哋後來上網search先知道原來ufood都有介紹，我唔怪得知吸引咗咁多人嚟買啦😋原來佢哋呢間外賣小店嘅名已經寫到明，有咩食睇來我同我男朋友一開頭真係眼大睇過龍🤣❤️岩漿芝士熱狗 $58❤️即叫即整超級加分，有流心芝士😆真係同個名一樣係熔岩芝士熱狗🤣好似熔岩將咁多嘅芝士醬一咬落口就爆曬出嚟，食到我哋變咗污糟貓。仲要講吓中間個主角，肉腸勁大條伸出左個包出面🫢肉腸仍然係好多汁好香好好食💯下次我決定要試吓其他款式嘅嘢食先至得🫶🏻💯

身為大角咀地膽嘅我😤真係唔可以放過每一次嘅人氣推介，唔知大家有冇發現其實喺大角咀嘅嘢食真係唔算好多，做得出色嘅更加係少之又少☹️今日落街諗住幫阿媽買啲豆腐嘅時候行過發現呢間新餐廳🍴其實佢只係喺我屋企行前兩條街，唔知點解平時冇發現，今日無啦啦勁多人排隊我正在好奇有啲乜嘢好食嘅時候就撞到朋友佢同我講話一定要試吓好啦咁我就叫仲特別啲㗎啦😋-蒙特納炸雞熱狗 $58呢個熱狗係即叫即整熱辣辣，店員有提醒我哋小心焫親口，首先講吓上面嘅醬汁師奶一試嘅時候覺得幾特別㗎因為係酸酸甜甜😆好開胃好香好好味❤️然後我就見到係炸雞所以就嗌咗啦因為平時通常都係食腸好少夾舊炸雞係熱狗入邊所以見幾特別就嗌左‼️估唔到真係咁好食呀香脆嘅炸雞配埋外皮比較鬆軟嘅麵包🌭️，口感增加。我覺得超好食😋佢呢個醬汁真係好加分👍🏻

今日同佢男朋友黎開大角咀，行過富貴大廈嘅時候發現有一間新嘅小食店店，門口勁多人排隊🤭👦🏻：到底呢間嘢係食咩㗎 ？👧🏻：食漢堡包㗎！仲有啲好似齊xx嘅熱狗🌭️，不如我哋試吓好唔好食啦反正我哋都未食晏晝👍🏻如是者我哋就嗌左以下兩款熱狗試吓好唔好食👇🏻～經典熱狗 $44 vs 俄勒岡肉醬熱狗 $51～🔸經典熱狗就有茄汁千島醬同埋芝士醬係熱狗嘅上面，鹹鹹香香再加埋酸酸甜甜嘅味道🫶🏻條肉腸好多汁㗎，每咬落去一啖都會有汁爆出嚟👍🏻🔸俄勒岡肉醬熱狗就係佢哋熱賣推介，上面有白色嘅芝士醬汁，下面有肉醬式起上嚟嘅味道真係層次感比較豐富，香味比較濃郁❤️🏆我認為俄勒岡肉醬熱狗🌭️係比較好食一啲😆

🙈今日嚟到大角咀介紹一間即叫即整全新外賣小食店😝之前已經聽過同事介紹㗎啦‼️ 社交平台group亦都勁多人大讚，所以我都唔執輸決定黎試吓係咪真係咁好食😆🧸環境方面：雖然店面細細但係真係乾淨企理✨態度方面：店員雖然人手唔算太多但係有起急單起上嚟態度仍然非常之好超有禮貌❤️👅食物方面：今日我就叫左岩漿芝士熱狗🌭️，首先以份量來講其實佢真係幾大份，我自己一個食其實都飽到上心口。即叫即整熱辣辣，最緊要仲有流心嘅芝士漿😆邪惡到不得了‼️無論係口感定係味道都一級棒💯價錢方面：$58，我覺得50幾蚊買一個咁巨型嘅熱狗真係幾抵，午餐首選👍🏻平得來又好食😋

最初是下班經過有點餓，單買了一塊薯餅，即炸的！覺得幾好食再被menu吸引住。然後決定再擇日幫襯，買了今次的松露蘑菇芝士牛堡。雖然要等20分鐘也不過份。😂成日好怕外賣漢堡回家，一打開個包比薩斜塔似的。好彩紙盒硬淨，漢堡包也放得好好的👍。🥰麵包皮烘過，脆脆的。牛肉好juicy，又有咬口。個包由頭食到尾依然咁多汁👍88元，其實以現在物價來說不算好貴。也想下次試一下樽裝自家制的檸檬茶和別的包款。前後幫襯過兩次店員同老闆（？）也好友善👍。

呢間新開嘅餐廳我已經係第三次食 每次都有好多唔同嘅食物想試 而我通常食牛肉漢堡 推介必食今次第一次食炸雞熱狗 超多雞肉超Juicy 同個熱狗包好夾 之後估計會成日食呢間真心覺得係大角咀區我食過最好食嘅漢堡 同熱狗 大大份足料 又夠新鮮好味平時冇寫開食評 不過呢間真係好值得一試 而且幾驚訝OpenRice入面呢間唔算多review 所以都寫篇支持下 呢一頭人流唔多尤其疫情好多新開餐廳都做唔住 希望呢間餐廳多啲人幫襯 我就繼續可以有得食😂

我同家人已經第四次幫襯，試過幾間同區漢堡店，呢間會係我首選👍🏻今次用app提早45分鐘order，去到準時拎到，老闆話無論提早幾多都好，都會喺pickup 15分鐘前先煮👍🏻所以我拎返屋企係覺得熱度剛剛好😋3個人叫左3個套餐:🍔松露芝士牛肉漢堡（encore幾次😋）+啤酒薯條🍔菠蘿手撕豬漢堡+炸蕃薯條🌭炸雞熱狗+炸壕飲品必叫自家製凍檸茶burger夠juicy不在話下，我覺得麵包係好好食，外脆內軟，份量足夠！炸雞熱狗好有驚喜，唔想食熱狗腸可以一試，醬汁配得唔錯😋強烈推薦叫set（$25），啤酒薯條份量雖略少，但超級好食，如果可以加💰upgrade大薯條我一定加😂

見FB Group D人大讚呢間小店，所以lunch time就決左食呢間。係OpenRice落order，大約15-20分鐘拎得。個肉醬熱狗🌭️唔錯，但份薯條🍟收$25真係唔抵，個熱狗先$51😑，又唔係好食得出啤酒味，好一般，個人諗為麥記好食過佢😅。

上網睇到有人講HSBC獅子對開開咗間新burger，二話不說即刻閂舖之前幫襯下！叫咗個手打牛漢堡，原本想叫埋啤酒薯條，但係老闆話賣晒，所以轉左做番薯甜薯條，點知真係有驚喜！(因為不嬲都唔太好番薯，點知又真係幾好味。）而主菜最值得讚係個包嘅包皮，texture 食落有少少似”看過”脆脆哋，少少煙韌，口感唔錯。加埋佢哋自家製嘅檸檬茶，味道唔太甜唔太酸 👍🏻老細同店員都好有禮貌，加分。小弟食開 “Burgerman” 同”醬堡”，份量上”Supburwish”優勝 (希望可以keep住唔好愈嚟愈細)，下次一定會試吓佢哋嗰個厚切豬扒桑多，希望可以帶多次驚喜俾我

大角嘴新外賣小店 - 試業左一排，超級有心機，試過牛肉burger、炸雞hotdog和豬排sando，全部都好正！即叫即正，用料試得出用心嚴選，連醬汁都自己調較，絕對心機製作，邪惡少少都值得啊😂