Super Potato (已結業)

好耐冇食過焗薯，咁岩見有只食焗薯就試下，但冇諗過呢間咁好食咁抵食，佢有餐有五至六款，我叫左燒烤醬豬肋骨配焗薯仲有沙律，$68，只配熱飲，感覺都唔貴啦，點知一見到個餐，好大份，豬肋骨都有八至九件咁多，平時食其他地方一定冇咁多，仲要切好一件件，唔駛西餐再成塊砌，剩係呢度都唔止$68啦，點知個焗薯，嘩大到呢，係平時街市買最大個種，咁多年食焗薯都見係拳頭咁大個之嘛，個燒烤醬汁仲超多，有個醋的沙律，點知仲有塊炸薯餅，仲要好脆好金黃好香，搞笑用個杯蓋載住，另外杯熱朱古力，隻味係細個飲那種朱古力，好驚喜，又好食又平添啦，現在物貴咁貴。

好耐無食過焗薯，趁而家有時間去open rice搵搵，見到有間super potato 食英國菜，唔知平時食既有咩分別，所以即刻用app訂餐我揀醬炒金沙骨+大焗薯，個餐包沙律及飲品位於地庫B2 food court 近門口揀醬炒金沙骨+大焗薯（包一大碗沙律）D沙律咬落十十聲，好生鮮，焗薯好大個，紅腰豆焗豆配上BBQ汁淋上焗薯到，令焗薯好野味，個皮薄個薯仔心都好軟又滑，好好味金沙骨好入味，D肉都有咬口，另外，包個蜜糖芥末醬，我用來再加落焗薯和金沙骨，可能之前太好味，後加的蜜糖芥末醬，無琴好味下次要揀脆炸薯條，到時點蜜糖芥末醬，應該會好D

係香港想食好味嘅焗薯好難，唔係D薯仔唔靚就係間鋪頭唔識焗（其實好多都只係烚熟曬之後係唔二焗吓）又係緣份比我遇到呢間小店🥹🥹通常係food court 入面嘅食店我都唔會抱乜嘢期望，但係呢間招牌菜係英式焗薯，即管試試🤔🤔先讚一下店員姐姐好nice咁同我介紹個set點叫，仲話除咗招牌焗薯，可以揀意粉沙律或炸薯條（香港人最緊要有得揀😎😎）。個set好足料：一個大焗薯淋滿焗豆紅腰豆汁，醬烤金沙骨都好多件，仲配埋車厘茄沙律菜同埋一塊小小嘅薯角，都只係$68（仲包罐裝汽水，飲其他嘢加$）個焗薯真係好有驚喜，皮薄肉好香軟（有糖心feel), 同個焗豆紅腰豆醬汁好夾，金沙骨正常（唔會太淋，骨肉分離），沙律菜好新鮮 ，值得encore👍👍我已經唸定我下次要試埋佢個燉辣肉醬super potato

今日黎到和富中心，見到開左間新鋪 d相都幾吸引就打算試下。個店員介紹我食左佢地既招牌金沙骨配大焗薯，仲有附送左side salad同埋飲品。焗薯好大個（好飽）😂😂、金沙骨好入味同埋唔柴 d肉咬一下就撕得開 好惹味😊😊😊 而且叫金沙骨原來仲有配埋焗豆用腰豆 同個薯仔都好夾 唔會乾 豆既汁同薯仔入面既牛油中和左 別有一番風味😍同埋原來可以額外加其他醬汁都ok 可以有唔同配搭 正！👍👍下次一定會再幫襯 試下佢地既coldslaw先😋😋

見新開左一間新嘢，就試下啦，點知一d都吳好食，以佢嘅食物，根本對吳住佢嘅價錢，無下次，炸魚柳粉超厚，直頭吳知食緊d咩，焗薯又無味，除左d菜新鮮d之外，其他都不予置評，失望。