Sweet 19

營業中

休息中

本人當日去食个set lunch, 原隻比目魚配薯角，薯角好味，不過唔夠脆。我選嘅餐湯是羅宋湯，太酸，个廚應該加糖落去，然後再試味至啱。有些客人比較怕酸。蒜蓉包好好味，可惜烘得唔夠火喉！！至於條比目魚太油膩，應該用少油去煎會好D。 个套餐都算ok啦！

招呼很好，環境很寧靜，喜歡小店感覺，食物好吃，不愛喝湯我也覺得湯好味，麵包也很好吃，我們兩個叫了一份豬扒和一個意粉兩樣都好好味，可能路程比較不方便不會太多人，就是喜歡這種氛圍

10年不寫食評一次誤打誤撞 試食這間餐廳！事後才知餐廳歷史悠久，幾個朋友都認識！希望小店繼續做下去！寫個食評 支持一下！🙏🏻餐廳在何文田街，民居樓下，靜中帶旺！點了兩個晚餐，一份黑毛豬鞍，一份白汁海鮮意粉🍝黑毛豬鞍 好味，肉腍，配菜炸薯角小朋友最喜歡！白汁海鮮意粉，有蝦青口蜆同一塊煎墨魚餅，白汁好濃，意粉煙韌！好好食！除了食物幾好！侍應服務友善，侍應叔叔會逗小朋友傾計，仲幫我們搬個大公仔一齊坐😆 侍應姐姐都中好好人，幫我們影相留念！臨走，侍應叔叔送了我們兩個代幣 扭蛋❣️連路過的廚房叔叔都笑面迎人！難得的人情味💯💯進餐不足一小時，全餐廳只有我們三個客人！真希望小店可以做得住💪🏻💪🏻

下雨天订了附近餐廳吃午餐，沿著何文田街行，四周静悄悄，如果不是街坊也不知道此店藏身民居中。我們點了煎豬扒、牛脷和卡邦尼意粉。餐湯選了什菜湯，配蜜糖餐包。個人覺得加牛油更好吃。整體份量足，配菜係Super food羽雨甘藍和炸薯，最後有餐飲和甜點作完美句號。用餐中途，店內突然好大油煙味，幸好店員把大門打開通風，否則我們一身油煙味。

Sweet19位於何文田何文田街19號地下，隱世於鬧市內的一間浪漫西餐廳，油麻地站行去要10分鍾，隱蔽於何文田私人住宅內街，店外環境清優。裝潢充滿家庭式情懷，有粉嫩精品公仔擺設，給你種家的感覺。服務員熱情周到💕精選午餐：每日中午至5pm供應套餐有是日餐湯、蒜蓉包、主菜、咖啡或茶(價錢由$89-148，另加一服務費)主菜有沙律、豬、牛、雞、魚肉等選擇可選配有飯、意粉或薯菜前菜+餐湯：雜菜羅宋湯忌廉餐湯香濃蒜蓉包香脆可口我們點了一份豬扒配飯和一份龍利柳配薯菜，食物烹調健康新鮮，蔬菜和肉營養比例均稱，豬肉淋滑外脆內嫩，龍利柳清淡鮮味，主菜沒有重口味或過於油膩，有屋企住家飯的感覺!🤗

時間飛逝……轉眼間十多年冇黎過呢度舊地重遊，畫面歷歷在目今晚weekday既夜晚未到8:00竟然得我一個人🫢⋯⋯🍂心情欠佳既我其實只想每件甜品黎一件以前既朱古力金字塔冇左…可惜餐廳有個熱情介紹menu既叔叔最終叫左個豬鞍配忌廉湯南瓜忌廉湯配黑糖餐飽面包鬆軟淡淡甜味豬鞍賣相靚仔肉質軟淋然後order 左個藍苺芝士蛋糕口感綿滑，見到糕身有粒粒既雲尼拿籽唔會太甜…另外既Oreo 芝士蛋糕同提子霖酒相比下較普通失色….如果有得再食朱古力金字塔，我會爲左佢返黎

一般人吃牛和羊都不會全熟，但因為信仰，下單時和侍應共識，要求把羊鞍扒煮最少9成熟或以上，侍應向我確認兩次，但沒勸阻我，可能佢都覺得我怪，結果全熟的羊肉都不會韌，夠羊味道又好，又不會太咸；連薯仔角都炸得薄薄地夠脆，薯仔內裏又有味不乾；我對家叫了一客香煎三文魚扒，佢都密密食無嘢彈，有誠意地備足靚料。因為網上訂位時註明慶祝結婚週年紀念，還送贈兩杯紅石榴椰果粒特飲，夠酸夠果味，無沖得太淡，略嫌果粒較少，但細細粒方便飲管可通過，都有細心考慮過，始終係送嘅大大杯，應該感恩。另有端出甜品蛋糕時，碟上用朱古力醬寫上大大的祝賀字，件朱古力慕絲蛋糕稍粗1-2cm價錢會比較合理。疫情以來少外出，幾乎忘記食肆會免費精心製造這些貼心意外驚喜，仲主動替我倆公婆影相，咁有誠意又親切友善的服務態度，決定再約朋友閒時再去午餐和下午茶，享受當中的美食和自在氣氛。

好多年前呢個地方真係唔錯氣氛又好，啲嘢食都過得去真係幾啱過嚟拍拖嗰日經過開，諗住重溫舖頭冇乜人，諗住俾下面去試吓點知就中伏……其實真係好可惜睇過勢都應該氣數已盡😔都叫咗好幾款嘢食全部都唔得🤪羊扒咬都咬唔入😞牛扒乾爭爭😖湯好似飲水咁😩睇啲色水都知道唔得啦金寶罐頭湯都好喎佢食落去嘅感覺就好似冇心機去做啲嘢整得好求其怪唔得知間舖頭冇乜人我諗好多人都應該有同感都冇乜嘢可以再補充希望佢哋會改善一個咁特別嘅地方希望佢哋可以做好啲

相約朋友呢度聚聚，地點係旺中帶靜嘅何文田路差不多最入，私人大廈地下嘅店舖，因係大閘內，唔太明顯，要留心望。晚飯時段都唔多人，餐廳服務員熱誠有禮，真係一個舒服hea食地方。7點到，都未有客人，內裝係有好好公仔點綴，天花布令環境感覺高貴，枱與枱之間寬敝。我哋3個女人仔叫2個餐加大併盆都足夠食，之前openrice訂枱仲送特飲添。服務真的很好，知我哋分享用餐，幫我哋分3碗湯，餐包都比3個，佢個餐包有蜜糖味好好味我哋3個女人仔叫2個餐加大併盆都好夠食，之前openrice訂枱仲送特飲添。頭盆沙律，菜都好新鮮小食併盤嘅炸雞翼真係好脆同唔會乾，薯條上都比咗唔少黑松露醬，份量剛好每款3件，太啱我地啦😁主菜大蝦牛扒，就是經典英式餐廳嘅味道(要有返咁上下年資會明😂)，大蝦肉好多，如果一人食呢個蝦會更滿足，因為個香草蒜真係好味 牛扒係有點外脆内軟過種煎香牛扒，我幾欣賞佢個醬汁，點薯角同牛扒會想追食，我本身唔太喜歡薯角，但佢呢度嘅薯角唔同出面過啲好粉，仲有點薯仔味另一主食係黑松露意大利飯，之前嘅食物味道太出色，呢個飯就相對較淡味，未夠黑松露同忌廉味，加上我自己唔太好意大利飯質感，個飯就友人包底😁甜點都係幫我

一間充滿浪漫典雅的意大利餐廳，主廚更是一位🤫隱世的［五星級酒店］級數嘅西餐大師傅。我非常欣賞呢喥嘅😋法式香草烤羊架（羊架百份百鮮嫩，廚師烹調時間把握得亦非常👍出色）另外，要一提嘅😳係兩位（主力）服務員Elton 同Andy，佢哋對客人嘅（殷勤親切）態度，令你感受到昔日🥹高尚西餐廳嘅溫馨情懷（e+就算你上半佬酒店😬Gad哋史，D（大學生）服務員都係🙄木口木面）邊識乜嘢叫做親切？唔親切吖！長編大論咁耐，最重要😳當然係（勝價比）啦！但如果以上嘅環境服務，呢喥食個高質Dinner Set(餐湯，Main Course &Coffee)再叫多件Cheese Cake 添。埋單都只係三佰多D😛如果咁都話唔筍的話（自來餐酒係免收開瓶）咁⋯⋯😅我都真係冇説話好講了（Whisky 很少寫食評，呢間真係例外）各位師兄師姐（或師妹🙏）不妨試試啊⋯⋯❤️

介紹咁多好西，當然都有唔少伏食，呢間隱世店就係其一😵😵😕🍔漢堡包好食嘅漢堡包應該：包夠脆、肉扒富肉味並多汁、有濃厚醬汁加乘😌可惜今次包無烘過嘅痕跡，肉扒一切即碎，既乾又有筋，仲要得微量醬汁，生菜及洋蔥。當價錢比較進取時，食物質素令我非常失望...

本來約咗幾個fd去另一間餐廳食，但嗰度難泊車，咁啱經過呢間附近有位泊，於是提議轉場嚟呢間。嚟到環境好舒服，食物亦多嘢揀，於是叫咗幾個餐share樣樣食物都好好味，以呢個價錢同環境嚟講，真係抵食個餐包湯包飲品，又無限時，我覺得真係一個gathering 嘅好選擇個人最喜歡條魚，外脆內嫩。個焗豬扒飯用上黑松露亦好惹味，豬扒分量亦多。牛扒略為薄咗少少，但生熟度控制得好好，味道唔錯。如果厚身多少少就完美最後因為太耐無聚，坐咗4個鐘都無催我哋走，我決定多啲幫襯佢

第26次寫食評來到何文田，友人帶我到一間西餐廳【Sweet 19】食午餐。這地方有點“偏僻“，不在大街，行過也可能唔太覺眼。餐廳環境清幽，一入門口就見到三隻傻豹“灘左响度“歡迎我們看完餐牌，我點了一個蒜蓉豬扒餐，有湯，有飯，有飲品。紅湯：味道可以，但較淡蓉豬扒餐飯：好清，沒有任何配菜，豬扒夠大件又夠稔，飯夠香軟 凍啡：味道可以，不算太淡埋單：80蚊

介紹一個香港食「正中」西餐的好去處，在香港九龍何文田街19號的超浪漫餐廳Sweet 19，享受媲美五星級酒店的名菜，聽住浪漫的法語歌曲，偷得浮生半日閒，重點可以自備酒水，免收開瓶費，不妨帶上另一半或約上三五知已一試PS:鍾意食甜品一定要來

整整一年多沒有寫食評，不單單是因為工作忙、生活事忙，和另一同名旅遊飲食Blog也忙，而是有些時候開始覺得寫本地食評中，那些多餘的句子，有點無謂，但單刀直入全部用80字+來談食物，又有點怪怪的。我想人家往往應是，既不想知你/我為什麼選在香港這間那間餐廳、cafe、酒店、酒樓，也不太特別想知你/我是慶生、慶功宴還是什麼特別慶祝日...或是路過隨意試試吧了！因此有點希望以後多以圖片及簡單文字，做個視覺敘述，分享一下親身試過的食物質素和味道，直接味「分」高下！2019 快要結束， 巧合地因為地利關係，在提早了開始的子夜彌撒後，到何文田街這間靜中帶旺的「Sweet 19 」來個group Christmas Feast。Sweet 19 不是第一次光顧，以地點來說，價錢算是合理，半家庭式作業，店主員工好像是一家人般，食物水準不過不失，而且樣樣都做得很有heart，日常似是做附近街坊熟客生意。店舖內放了一個香港電影金像獎的最佳歌曲獎作裝飾，工作關係知其並非贗品假貨，是店主家人朋友的獎項，還是熟客的贈物？