Sweet 19

營業中

休息中

同個同事FAREWELL去左呢間食LUNCH，12點先開仲要得30幾個位，好彩都訂到位，一行6人12:35到達。佢SET LUNCH得兩款，一是腸仔煙肉意粉，另一是雞扒，我地全部叫雞扒，有D配薯角，我就跟意粉..(佢地無得跟飯)。餐湯得一款，好快來到，綠綠的我都唔知係咩湯，不過幾好飲，夠CREAMY。另有D法飽，好普通的貨色。之後主菜好快來，普通西餐一塊扒旁邊有D意粉，不過我同同事都好出奇，就係D意粉少到出奇，得一執仔，直頭兩啖食晒，卷都卷唔起(因太少)，講番塊扒，係雞骴扒，幾好味，OK滑但都幾薄下，碟野三扒兩撥已比我食晒，唔太夠呢。到野飲，呢個好好多，可叫特色野飲，我叫了MOCHA，同事叫了cappuccino，有D類似沙冰係入面，都好好味，另一位同事杯熱LATTE仲好大杯下，佢話好飲。就係咁傾下講下個LUNCH就食完啦。老實講成$60幾元一個LUNCH我會EXPECT再好食D，不過個環境係幾靚，坐得舒服，一班人傾計唔錯。不過D WAITERS就無咩笑容，同事D湯未飲完就想拿走。(係呢D算高級D的西餐廰，當侍應想拿走客人的東西前係咪應先問問？酒樓侍應都會啦)不過之後叫佢幫手影相都樂意

南瓜忌廉湯：淡淡的黄色，看不出有南瓜在內…喝一口…罐頭忌廉湯！？五成熟的紐新蘭肉眼，肉質不算鞋，但也不嫩口；肉汁亦不多。隨晚餐附送的檸檬蛋糕不好吃，加了十九塊錢的雲石芝士蛋糕尚算可口。記得多年前來這清休的店子，食物的味道比今次好得多，從櫥窗看見當年的名物：朱古力金字塔，實在有點失望…就像埃及的金字塔一樣，有很多剝落的地方…不禁令人猜想是否已存放了多曰…我想再來的機會很微了…

我係napoleon既超級fans!食過paris既作品~一試愛上..誓要尋找最好食既拿破崙!好食既宗旨係:新鮮既酥皮唔會有水氣~要crispy鬆化脆口+蛋香奶+牛油味既custard!而非cream+sponge cake!<~第24件要試食既拿破崙餅係sweet 19!既!見人地寫佢既napoleon唔錯...今次去何文田fd屋企..終於去左搵呢間shop!嘩..都ok遠..難又唔算太難搵..但完全睇唔出係cake cafe!門面都幾high class嫁!見佢件cake件件都唔同size~切得好唔平均囉!坐低,叫左件napoleon,佢問我飲咩..我話唔飲,佢話加埋野飲set只需50蚊..但單叫40幾,我話出邊寫住37啵!佢話take away價黎~咁nvm啦就takeaway!跟住佢就唔再serve我啦~都唔緊要..我映完相係附近食啦~一叉落去d酥皮實實地.有少少甜,,但又唔鬆又唔脆喎!而且d custard係難食!似cream仲要唔夠smooth.賣相唔得..好明顯冇用野唧出黎~!仲要收我37蚊一件..慶幸自己係takeaway!一地唔會再試囉~

大家前排都好忙, 檔期爆哂, 最後索性一次過賀哂五六月三位壽星女.沿街無甚商店, 位置隱蔽龜縮, 門前樹影婆娑, 配以落地玻璃, 清幽雅致, 心鄺神怡.室內裝潢舒適, 燈光柔和偏暗, 侍應禮貌周周, 彌漫浪漫氣息, 情侶談心, 溫馨倍增.奈何我等一行八人, 未受淨化, 我行我素, 以歡笑, 聲浪, 及更大的聲浪, 將這裡煉成街市大排檔, 一切視為無物, 侍應睇到眼突, 哈哈哈哈事前已知主菜份量細, 所以大家各自叫一份晚餐. 好奇怪, 大家都係點同一款餐湯-磨菇忌廉湯, 我第一個飲, 話”清水咁淡”, 立即加胡椒粉, 其他人跟我加胡椒粉先飲, 跟住就話”海水咁咸”, 以為我玩野. 我好認真咁表明我感覺, 佢地就好認真咁提議我去睇醫生, 我見大家意見一致, 在羊群心態下, 開始懷疑自己有問題, 都係時候去檢查下喇…. 此時, 女友同我交換碗湯黎試, 先發現我呢碗真係零舍唔同, 係大海中嘅一口清泉, 結果….佢飲哂囉! 佢用行動黎證明左我嘅清白! 唔使去檢查, 慳番一筆!主菜, 我點五成熟牛扒, 但到枱時已七成, 半隻腳掌大, 少老, 味道普通. 女友點海鮮扒, 石班唔錯, 蠔有蠔史味,

Tea time時間朋友帶我試新o野, 去到窩打老道近何文田橫街的sweet 19食, 附近的店舖好有西式氣息, 好似隔兩間舖間琴行, 裝修好似法國的舖頭咁 繞過小小的花園, 推門入去sweet 19, 覺得氣氛別具一格侍應用英文落單, 點了carbonari, 味道唔錯, size 比較細碟, 份量用嚟做下午茶都幾適合, 餐茶要了凍檸茶, 坐上一小時跟朋友聊天, 環境頗清靜, 坐得舒服, 下次會同自己另外的朋友再嚟

嗰日一心唸住同個 friend 慶祝生日，知佢鐘意食旦糕，咪帶佢嚟囉？！點知…佢好失望 ~_~我地食晚餐，嘢食係一向都一般般啦。最令我期待既，係佢既旦糕！我成十年前開始幫襯佢，間中都有去下既但呢一晚啲 cake, 真係普通過唔普通撞啱係星五，人又多，好嘈。以前就貪佢人少少，靜靜地，坐得耐，好 relax 咁啦。有酒個旦糕先難食（我本身唔鐘意飲酒）公道啲講句，都唔出奇既，鬼叫我 friend 叫咖喱雞飯咩？！去西餐廳食咖喱。但我叫個 rib eye 都唔得，超 over-cooked價錢唔係問題，但佢有個 waiter 啲服務態度真係差啲囉，都唔識同人講 thank you 既

今日難得係假期, 同男友去左sweet 19 high tea地點比較偏, 喺高尚住宅區附近開, 比較靜, 已經有先天條件做一間環境優雅既cafe了! 坐位幾舒服, 有梳化坐添叫左一杯latte飲, 味道只係一般, 咖啡味唔夠香濃, 四十幾蚊一杯都幾... 只係個環境實在唔錯, 作為同男友談情既地方還可以吧!服務算ok, 如果笑容多少少會更好!

環境絕對是一流的, 落地玻璃加上透入來的太陽光, 給人一種很舒服的感覺. 室內裝修實而不華, 配合柔和燈光, 在這裡消磨一個下午, 看看書, 喝柸 coffee, 是人生一大享受.第一次來, 試了 tea set. 有點貴. Hotdog or French bread w/ lettce or 一件cake, 再加一柸 drink , 要 $50 - 70 (未計加一). 食物質素一般啦. 絕對比 pizza hut / spaghetti house / 其他 coffee shop 如 "巴黎咖啡" 貴, 但地方真的很舒服, 而且我覺得這裡的客人都幾有修養, 說話音聲細氣, 不會大大聲.Lunch & Dinner 就未試過, 看 menu 的價格, 尚可以接受, 但就不知道食物質素如何.有一個地方要改善, 就是職員在前檯抹乾刀叉時, 發出聲浪過大, 有點破壞了現場的環境. 其實可以在廚房處理好, 才拿出來放進抽屜裡就好了.

有朋友同我講,何文田有間cafe環境好詩情畫意,要我去試試喺門口見到個蛋糕櫃, 有好多款選擇, 揀左 new york cheese cake 食, 件芝士餅個樣只係普通啦,多左幾件哈蜜瓜,味道ok, 不過我覺得芝士味唔夠,件餅可以再好食d嘅環境係個裝修真係唔錯,服務既侍應女仕用英語serve, 不過佢都會用番廣東話落order, 見店內幾枱客悠閒地談天,又真係幾寫意嘅

早年也曾到過Sweet 19,是香港大學內的一間,隱身在何文田住宅區的"甜蜜十九歲",說了也有好幾年,也仍然未來過.日前在附近上堂,順便來此吃個午飯.在地理環境之下,營造一點點避世之心態,雖然位置不算便利,也能吸引不少食客前往.好像這一類在中高尚住宅地區的西餐廳,在香港不多,來到這帶,有點點覺得自己來到台北的天母區.除餐廳之外,門外有個甜品counter,各種甜品蛋糕可供外賣,在午市時間,當然是吃午餐,這些留待下午茶時段,坐在店內慢慢享受吧.午餐有兩款主菜揀,是日有龍利柳同雞肉長通粉,選了後者,頭盤為南瓜湯.味道很淡,質感太稀.而主菜的雞肉長通粉是你我也能做到的貨色,用的茄醬是現成的意粉醬,雞肉沒有甚麼味道,而Penne的口感也有點點軟,是我們所說的"沒有咬口".成六十塊錢的一個午餐,相信有成超過四十五塊錢,是在環境方面.

好耐之前朋友已經同我介紹話呢到有間舖頭食cake好好食. 不過因為位置唔算就腳, 無論同旺角火車鐵或者地鐵站都有一定既腳程, 所以一路都只係得個講字從來都無黎過. 嗰日咁啱要同朋友去維景飲宴, 預左維景d野唔係特別好食, 反正順路就黎呢到試吓佢既cake.未出發之前朋友一路都係咁催我哋, 話要快d去如果唔係驚 "人哋唔比我哋食". 我嗰陣好奇怪, 邊有唔做生意既舖頭. 原來係因為佢哋舖頭細細, 通常夜晚都會full house, 朋友驚我哋去到太夜人哋要做夜場生意無得食.... 係油麻地地鐵站出左黎之後行左十五分鐘終於都到喇. 開頭我見唔到有餐廳, 原來佢係係一棟住宅大廈既地舖... 雖然無旺區餐廳既華麗裝修, 但係呢個咁閒既環境好有外國地舖feel. 入到去見到都仲有幾枱tea時間黎hea既人. 今晚呢個果然full house. 不過我哋promise係佢哋既人潮黎之前一定會走, 所以都可以坐吓. 出去佢個餅櫃到揀餅, 見到佢有幾款我都好想食. 朋友話已經比以前少左選擇. 最後我揀左我平時食雪糕一定揀既冧酒提子. 食雪糕食得多, cheese cake真係未試過. 一黎到我即刻唔客

五月十三‧雨天沙場征戰多年，也深明江湖規距，無論你有過幾多的豐功偉績，犯起錯來，從來是無情講。身心疲憊，在某一天的一個會議後，忽然想找一處地方躲一躲，卻想起這裡，就打的來。在何文田街的埋邊，隱藏在小樹叢後。平日的下午來到，原來人也不少的。選了近窗的位置坐下，和著微暖的陽光，享受一個人的寧靜。下午茶點有鹹或甜的選擇，但是日下午忽然想吃甜品，索性一來兩個，分別是朱古力金字塔及粟子慕絲蛋糕。朱古力金字塔是這裡的招牌甜品之一，內裡是兩層濃度不同的朱古力慕絲，加一層朱古力蛋糕做底。慕絲幼滑，味道也很香濃，而最上面的一層朱古力慕絲也很甜美，配合起來，很不錯，是朱古力迷不可以錯過的一個甜品；粟子慕絲蛋糕也很不錯，粟子慕絲很香甜，很濃烈的粟子味道。蛋糕鬆軟，伴著熱咖啡來吃，都很好；平常我會要特濃咖啡，是日就要了泡沬咖啡。盛在一個很大的杯子中，喝起來，感覺也特別悠閒的。侍應們招味也很有禮貌，不過也聽到其大大聲跟廚房在講粗口的，服務一欄，扣一點分。埋單一百一十多，看看﹝其實只是在掀﹞剛買來的雜誌，要回到現實去搏殺了。

如果唔係有熟人介紹，又或者住果頭的話，都幾難搵到這間餐廳。兩年前已經有來食，大概一年食 2, 3 次到。之前食過咁多次都無寫食評，今次就點都要寫少少 ^^以前 $ 68 一個 set lunch 現已加到 $ 73。不過凍飲唔需要加 $2 。carrot cream soup 好好味 ! 味道夠濃之餘唔會太杰 / 咸煎豬排，份量 ok。有兩片，薄身的大大片。可跟薯菜 / 意粉。我揀了薯菜╴薯條唔係麥記果 d ，而係薯角。味道唔錯。但略嫌 d 菜較少。跟野飲 and cake。是日精選的 cake 係 chocolate mousse。不過食完個 maindish 之後已經飽左，食唔得多。p.s 需要改善的係間舖仔唔夠冷氣。

7月6日我朋友生日, 訂了三張大枱, 合共差不多三十多人, 侍應要求到齊人才落單, 於是我們由7點半等至8點才可8點菜, 之蛋糕等了20分鐘才上了一人一片多士及牛油, 再過15分鐘再上湯, 食物一般, 我們大部份人都係叫148元套餐,內包一件朱古力蛋糕, 但當我們在餐廳買了一個生日蛋糕後, 我們要三至四人共食一件蛋糕, 而完本套餐內包的一件朱古力蛋糕就不見了, 服務已經唔好, 只得一個人落單, 現在還要扣起件朱古力蛋糕, 實在不知所謂, 我的生日朋友因此非棠不開心, 我們發誓已後都唔會再光顧這間餐廳

好隱蔽嘅一間餐廳,響住宅區裡面,又無招牌真係全靠口碑.午餐得兩款揀,仲要賣$73,以呢個價錢響旺角都算貴,夠竟係唔係咁正?先講個西蘭花忌廉湯,唔算濃,個人覺得咸咗D,蒜茸飽,凍嘅又硬而不脆.主菜方面,豬扒煎得好熟仲有D鞋,不過幾好肉味,吞那魚長通粉就幾好,但將吞那魚同通粉捞埋一碟又似乎無乜難度.甜品加咗$16轉New York Cheese Cake,最正都係呢件餅,好rich芝士味,至於杯咖啡都OK.水準唔差,價錢略貴,下午茶餐都要$6X,不過附近都無其他似樣嘅西餐廳,所以咁隱蔽都有生意.