Sweets House Cha Cha

營業中

休息中

呢幾年香港多咗好幾間呢類型既綠茶甜品店。而我，綠茶控，試過咁多間，我都係最鍾意呢間。可能我個人唔鍾意脆脆/紅豆等等既配料。每次我黎到呢間，見到好多人買燒餅，但我都係非常專一。每次都叫綠茶雪糕配mochi 同埋綠茶jello。個雪糕好滑，好rich，好夠綠茶味。一點都唔苦唔「gip」。個mochi同埋個jello撈埋啲雪糕，簡直係絕配！

一講海港城最出名綠茶，我諗大部份人都會諗起呢一間嘅雪糕同大判燒。其實佢哋開咗好耐啦，都食過無數次。一心癮起呢就會去食。今日行行吓，對腳又自動走埋去。一向都只係食綠茶或者扭紋嘅今日見到又Hallowed special芝麻味但係我唔識芝麻嘅，同埋行到埋去有個啱啱買咗嘅顧客一擰轉面，我見到果pat芝麻醬流緊落黎好核突😅即刻轉食培茶綠茶扭紋雪糕算喇🙄但我朋友就仲想食個芝麻大判燒，我好驚佢一咬落去啲黑芝麻流心咇晒出黎⋯諗清楚一陣間去食好野喎，成口黑色會好失禮。佢猶豫之際去俾錢，原來賣晒好嘢😂個買嘢嘅姐姐好細心咁介紹，原來我哋咁樣可以叫餐仲可以慳返啲錢，真係好喇😁咁都係食呢個綠茶紅豆大判😛培茶雪糕完全俾綠茶雪糕嘅味道蓋過晒，當然兩邊味嘅雪糕都係好滑既呵呵，好大杯，不過易溶左咁多既😅商場唔熱都係咁漏，可能太好賣未打得起🙄綠茶拜拜玩笑呢就其實我個人覺得個皮有啲厚，第一啖係食唔到紅豆餡嘅，淨係食到面頭嗰浸皮，冇味嘅⋯⋯要第二啖紅豆餡帶返出啲味，中間實淨冇偷工減料。

秋天就是栗子既季節sweets house cha cha 除左出名佢既綠茶雪糕產品，仲有佢好多口味既大判燒！係香港真係好難食到好好味既大判燒，而且味道選擇好少，通常都得吉士紅豆之類，所以今次見到栗子咁特別既味道即刻要試啦！$22其實定價都幾高，平時街邊食都係幾蚊有交易，不過一分錢一分貨，裏面既栗子粒粒量多，微甜而不漏，軟硬適中，配搭埋紅豆蓉令口感同味覺層次提升，但紅豆蓉太甜令淡淡既栗子香被蓋過左，有種喧賓奪主既感覺。另一個問題係老毛病，就係一早整定搞到涷哂又稔哂，扣左分了！

身為抺茶控既我 每逢返工經過cha cha都要買一個抺茶吉士大判燒食抺茶吉士大判燒 $16抹茶同吉士呢個組合無違和感之餘 仲係好夾加入大判燒做餡料 絕對係天作之合好多唔鐘意抹茶既人都會話抹茶有種腥味但呢個正正係抹茶既特色cha cha既抺茶大判燒正好有呢個獨特既味道 深深咁吸引住我每次行過都要食大判燒既餡唔算特別多 通常要咬第二淡先食到吉士吉士餡夠滑夠厚 整體黎講$16一個係值得俾既

之前買咗抹茶泡芙同抹茶吉士大判燒來試抹茶泡芙個餡好正，凍凍地，好滑，抹茶味與奶味平衡，份量岩岩好（食完唔會太飽），甜味適中，抹茶控值得一試至於抹茶吉士大判燒 ，個餡唔流心，但都幾多餡，餅皮有少少咸味，總之成舊野都冇咩抹茶味~

抺茶癮發作，又要幫襯雪糕店！Sweet House Cha Cha落單有好多配搭，如配大判燒會平D。但我一心只為雪糕而落，今次就唔試其他了。叫咗 ，等咗5分鐘就有。配料除咗冇味的白玉，仲有淡淡抺茶味的啫喱。抺茶軟雪糕濃度適中，但因為夾咗牛奶雪糕，甜咗D。另外，雪糕比較易溶，影完相要快D食。

行開海港城次次都會想食呢間嘅甜品，特別佢個大判燒，因為真係好好味，而今次行過當然唔少得食多次啦。而佢個雪糕套餐特別抵食，當然叫呢個啦。北海道牛乳抺茶雪糕雪糕滑溜而且唔會過甜，而抺茶茶香非常濃郁，但蓋過牛乳味，但都好正。抺茶吉士紅豆大判燒就到萬聖節，佢表面都整咗個萬聖節圖案，而大判燒真係好好味，煙煙韌韌之內裡吉士味道非常之夾。

慕名而來呢度想一試個個都讚既抺茶雪糕一黎到已經見到有堆人向度買雪糕, 果然係人氣食店!店舖仲有大判燒 , 見到新鮮熱辣既樣就好想試返個我地叫左一個COMBO套餐 : 抺茶雪糕加大判燒 (HK$43) , 一次過滿足2 個願望雪糕可以轉杯裝, 不另收費滿滿的一大杯, 質地偏硬但好滑, FEEL 到密度好高~ 抺茶味好濃郁!大判燒可以自選口味 , 我地揀了蕃薯 , 比較甜, 搶了些蕃薯的味道, 不過都好好食~剛好十月, 大判燒也添上萬聖節氣氛

去到銅鑼灣時代廣場，我一定要落地牢超級市場Sweets House Cha Cha買綠茶大判燒先滿足！大判燒抹茶味都幾濃郁，外層微脆，裡面抹茶餡有微微流心，非常幼滑，真係令人流晒口水， 一脆一嫩，熱辣辣，叫人怎能不心動呢？哈哈，我每次行過都會買一個來食，睇來我好快會變大肥婆。

晚上九時多來到海港城，很多食肆都關門了，唯獨Sweet House Cha Cha依然人頭湧湧。我只去過青衣城分店，必買又濃又滑的抹茶軟雪糕，想不到這裡選擇更多更豐富！有各種配搭的抹茶大判燒、泡芙、雪糕、沙冰，甚至有套餐，抹茶控看到一定會失控！！抹茶吉士紅豆大判燒 $15一心想吃抹茶吉士大判燒，看到餐牌上那一團鮮綠色的物體就覺得興奮，一定是抹茶味大衝擊！可惜已賣光了，只好退而求其次要抹茶紅豆大判燒。抹茶味很濃，非人工香精味，餅底軟糯，唯紅豆味過份突出，稍為蓋過了抹茶味。抹茶泡芙 $20意猶未盡，馬上再買一件抹茶泡芙。不得了！一咬開冰涼的抺茶忌廉便從泡芙內爆出來，抹茶味相當香濃，奶味同樣突出；忌廉質感幼滑，泡芙依然香脆，抹茶味充斥著口腔的感覺非常良好！很有衝動再買一件，可惜今晚已經吃過晚餐了，只吃得下這兩件甜品。難怪關門前半小時仍然人潮不絕，下次要試它的抹茶套餐！

個人對綠茶牛奶雪糕嘅要求都幾高，但係依一間雪糕真係令我非常非常之回味。自從第一次喺依度食過雪糕之後就真係返唔到轉頭，份量都幾多!雖然只係普通嘅綠茶牛奶味道但係呢兩種味道加埋一齊真係非常之特別，而且佢嘅牛奶係用咗北海道嘅牛奶，所以特別香滑，同埋綠茶亦都用左日本嘅宇治綠茶，所以味道非常之濃郁，兩種加埋就真係非常之推介亦都令我非常之回味!!!!!!!

北海道抹茶雪糕紅豆杯 $46.首先 我因為揀左純綠茶 所以係貴左$2蚊架😄哩個杯好豐富 有紅豆蓉 好好味既紅豆 好甜紅豆味但冇圖咁多囉😂綠茶啫喱 成個底都係 又係純綠茶味唔甜 幾爽下咬落😍😍😍白玉丸子 好煙un好大粒😌😌😌其實最重要係個雪糕 真係冇得輸 甜而香濃有牛奶香滑既綠茶雪糕先係我的最愛😁.雖然價錢係貴左少少 不過幾多料下 其實真係唔算貴 不過我都係覺得幾貴😂但份量都唔少既

成日經過chacha都心思思想食，今日飯後甜品就係抹茶！2人分享抹茶軟雪糕厥餅抹茶沙冰，抹茶紅荳大判燒，抹茶泡芙，完全係大滿足！軟雪糕和沙冰都戴有濃厚的抹茶味，配chewy厥餅好味道！泡芺皮脆，抹茶饀香滑。大判燒抹茶皮yummy配紅荳抹茶paste，好正喔！

今日行過CITY SUPER,當然會見到佢隔離既SWEET HOUSE CHA CHA啦,朋友就話想食綠茶雪糕,我當然捨命陪君子啦~排隊果時見到原來有哈密瓜味既雪糕喎,我就試下呢個啦~其實我之前食過呢度既抹茶雪糕,味道係唔錯,但我覺得食落好肥咁,因為質地好似一舊舊膏咁,果然今次再試都係....睇黎以後我都係唔再試呢間啦....不過其實哈密瓜味係幾夠既,唔太甜,但我真係唔係好鍾意佢既質地...

有時候會因為掛住一個地方而想食一樣野，每次經過海港城food court, 就好掛住日本嘅點心店好喜歡日本各種燒果子熱辣辣出爐拎上手嘅感覺，好溫暖哈哈新鮮出爐，綠色嘅係店舖主打嘅綠茶系列，內有吉士/紅豆，黃色皮就會包傳統口味，有芝麻紅豆蕃薯吉士可以揀個人喜歡傳統口味，可以試出一家點心店有無用心去做，通常最普通就係最難整咖嘛😌（扮專家）芝麻口味因為係整定左然後翻熱而唔係新鮮整嘅關係，外面暖入面凍，有少少扣分。個皮就太軟，可以乾身少少會鬆化d,不過加分位係外層嘅黑芝麻粒都好香口，咬落都一陣芝麻香。入面呢，黑蚊蚊，係紮實嘅芝麻碎，有啲似芝麻糊嘅粉再以1:50 清水開出黎嘅餡😂，都唔錯，因為唔會太甜，如果怕甜可以隨心剔走啲餡，既唔會太漏，又唔會太calorie heavy因為真係放工就餓嘅關係，第二日經過又心思思想試下其他味，今次試蕃薯。作為甜薯控，我好驚加左糖水嘅蕃薯餡，會有假假嘅甜味😐不過呢個蕃薯餡，濕潤度剛好，而且有蕃薯天然嘅甜味，好好食呀！值8/10, 如果你想試個無咁heavy 嘅味道，可以試下蕃薯味！