Sweets House Cha Cha

營業中

休息中

依間一向出名抹茶，但我鍾情佢地既牛奶雪糕~但今日就試下新推出既士多啤梨啦雪糕都幾重奶味~配上假甜味既士多啤梨粉雖然唔係特別出色，士多啤梨味都無乜…但成杯野粉嫩粉嫩，見到都開心~好唔好食都唔重要啦

生活很不容易. 要甜一下, 為自己加加油. 路過Sweets House Cha Cha, 見這客士多啤梨北海道牛奶軟雪糕挺吸引的, 就試試看.士多啤梨北海道牛奶軟雪糕 $40: 8.5分, 是期間限定的出品, 以法國士多啤梨蓉, 再加上日本士多啤梨粉.北海道牛奶軟雪糕還是高水準, 質感很香滑, 很重奶香, 沒有冰感, 內裡帶法國士多啤梨蓉, 很甜美, 為軟雪糕添上甜美. 面層的是日本士多啤梨粉, 帶來兩種不同的層次. 那究竟法國跟日本的出品, 那個比較優勝? 我還是喜歡日本士多啤梨呢.Sweets House Cha Cha期間限定的士多啤梨北海道牛奶軟雪糕, 是法國士多啤梨蓉, 日本士多啤梨粉, 加上北海道牛奶軟雪糕, 帶鮮甜的士多啤梨味道, 是甜美的配搭. 路是難走, 吃甜過後, 繼續走吧.

$38講到濃郁嘅抹茶雪糕 唔係Via Tokyo就係Sweets House Cha Cha 💁🏻‍♀️呢個雪糕一入口就食到好濃嘅抹茶味 之後仲會有回甘 作為一個抹茶控 對呢個雪糕係非常滿意 另外佢嘅質感好厚實同creamy 雖然個人嚟講比較鍾意啲帶有冰感嘅雪糕 整體嚟講我覺得呢個雪糕係物超所值的 鍾意抹茶嘅朋友記得試下 👅

❤️Winter Sweet Treat🍵🍦❤️回歸我的top 3 ‼️Sweet house Cha Cha 🍵🍦😍等朋友間緊係食返一杯頂癮先🤤🤤👉🏻雪糕🍦回復水準了‼️👍🏻👍🏻🈵㊗️👉🏻睇個紐紋都完全感到好厚實🤤一食落去就好感動了❣️「好正呀！」💕so rich matcha 👉🏻真抹茶味，奶味、抹茶比例、甜度亦好，今次抹茶🍵味重出左‼️🤩👉🏻個cone 都夠脆，不過就好似甜左點🤦🏻‍♀️🤦🏻‍♀️結論：果然是我心中的Top 3 ❣️❣️🍵🍦叫我如何可以戒掉它😭😭😭------👉🏻💰$38一杯+ 大判燒就$49🉐Of course 加啦‼️背景就是🤣🤣咁樣性價比更高❣️

在寒冷天氣下，早上當然想吃個熱騰騰的早餐中，而我也不例外吧，所以去了sweets house cha cha買個新鮮即製的大判燒，今次我也買到一直想吃的蕃薯口味，之前每次去買也賣光光，所以嚐不到呢。臨近新年的關係，大判燒也換上新裝，換上蓋有大吉，金元寶和炮杖的圖案，滿有節日的氣息。我所期待的蕃薯大判燒果然沒令我失望，鬆軟的外層包覆香甜綿密的蕃薯蓉，全是天然的甜美，能在天寒地凍下吃上暖烘烘的大判燒真幸福。

草莓🍓季節Cha Cha 又有限定喇！士多啤梨北海道牛奶軟雪糕，加上士多啤梨粉及法國士多啤梨蓉，香香甜甜，好味。其實Cha Cha 係每個不同季節都有不同水果口味，我記得上次係食桃味軟雪糕，桃🍑味香，雪糕滑，好味

以為過左Halloween會冇左南瓜雪糕點知仲有喎 就決定放棄抺茶啦😏係幾好味既 不過唔似南瓜我覺得似栗子多啲點解有個燒餅呢🤔因為個cashier話加$1可以買一個唔係唔食下化 抹茶吉士好食👍🏻可惜個皮有啲濕 漿漿地😅

The matcha soft serve and smoothie has a very strong matcha flavour and results in a more bitter taste than I am used to. It may be best paired with the oobanyaki or the cream puffs.

呢篇食評黎得有啲遲。同事們經常都推介呢間雪糕店，難得有日偷得浮生半日閒，就試同朋友試左。無影到個order list, 如果雪糕黎計係大約三十零蚊左右。當然期間限定就會貴啲。焙茶賣曬，所以我叫左一個原味～北海道牛奶雪糕望落去相當普通，好似同雪糕車賣既樣差唔多。 但其實食落都唔錯，好重牛奶味亦都好滑，份量都充足，但就無得揀杯定筒。唔錯唔錯另外，叫左個期間限定蜜瓜味，蜜瓜味好夾個牛奶，都好滑，但個價錢就貴十蚊。總括黎講，性價比一般 久唔久食下就夠喇

今日同同事行尖沙咀時覺得餓餓地既時候就發現左City Super入面有間賣大判燒嘅鋪頭，咁我哋兩個就二話不說即刻揀翻件黎買，因為佢哋而家做緊＄32兩件嘅優惠。咁其實呢間鋪頭唔係淨係賣大判燒，佢哋仲有賣泡芙架！我同事就揀咗件原味吉士大判燒，而我就揀咗抹茶紅豆大判燒！當我買完之後，拎上手件大判燒仲係熱辣辣嘅，食落超級軟綿綿，雖然佢嘅抹茶味唔係好出，但係你都會食到淡淡的抹茶味道，配埋入面甜甜地既紅豆餡，真係非常好食，簡直令我停唔到口呀！

個人覺得比via tokyo雪糕份量更多更有茶味，38蚊大大杯食到飽雪糕唔太甜有回甘，抹茶味雖然唔係超級濃但都算唔錯叫杯係因為唔想食cone食到飽哂下次會試下南瓜味

今日行過海港城，經過港威商場係citySuper個food court 食完野之後，係隔離就有呢間cha cha 食綠茶雪糕。女仔食完野就當然想食少少甜品滿足下自己嘅甜品胃。所以就即刻買咗個超軟綠茶軟雪糕沙冰試吓。其實價錢都唔平，配埋大判燒＄48一set。綠茶軟雪糕真係好滑，好香濃，好creamy奶香味嘅感覺。沙冰就正正常常，冇咩大特別。如果下次再試，我會淨係食佢個軟雪糕就足夠了。另外個吉士大判燒味道都唔錯，好鬆軟。蛋香味都幾重，如果平時行過商場，以佢作為一個小食都幾好。

下晝同客開完個會，好肚餓，又未夠鐘晚飯，食少少嘢醫肚先... 好彩附近有個food court，食少少至啱...未入到food court 已經見到泡芙店，仲有雪糕同燒餅賣添...因為以行前試過啲太甜嘅燒餅，已經好耐無食過喇...但見呢個燒餅，有原粒栗子做餡料，仲印有中秋白兔公仔，就試下啦... 嘩... 一啖咬落去，皮脆內軟，紅豆餡淡淡少甜，包住原粒栗子，食出4個層次來... yummy~有我響日本福岡街頭食過嘅櫻花燒餅嘅感受，超回味～

見到網上介紹新出左蜜瓜味軟雪糕，咁岩去尖沙咀食飯就順便去試埋～～餐牌平時食開既綠茶味只係$38，呢款蜜瓜軟雪糕要$48，如果揀雪糕窩夫更要$75，太貴了～～思前想後淨係要一個雪糕筒日本赤肉蜜瓜軟雪糕  $48蜜瓜味 幾香濃，質感軟滑細膩，冰感唔重，而且都好大杯，可能因為價錢關係，見到好多人都係揀番綠茶味～ 正當我一味點頭話好食時，朋友話：「同我細個食一大筒蜜瓜味雀巢雪糕有咩分別~~」但我覺得真係係滑啲同香啲架囉

星期日去左尖沙咀行街，由中午行到夜晚，又攰又熱，經過citysuper見到好多人食雪糕，即刻過去睇睇先。有綠茶雪糕、牛奶雪糕，仲有好多唔同款式，又有飲品，沙冰等等，款款都想試，好難揀呀！見到身邊唔少人揀綠茶雪糕，既然第一次試，一於就叫最多人食既綠茶雪糕啦！買完飛之後，職員會即刻準備，話咁快就食得喇！即刻試下先，綠茶味好濃，雪糕又香又滑，而且味道唔會太甜，好好食呀！$38唔算好平，但又唔係好貴，值得一試