Table 18 Bar & Restaurant (已結業)

Lunch 齋食沙律吧都夠飽，$90 加一，包餐湯同野飲沙律吧唔算大，大概8-10款食物選擇，值得一讚既係refill速度好快，有時會有新的食物款式。老實講個餐湯就真係麻麻地，湯本身好稀但入面有啲一粒粒既固體，個湯無乜味道，飲完都唔太知飲緊咩湯

APM呢間嘅西餐廳 都屹立咗喺商場好多年 不過今次係第一次嚟食lunch嘅semi buffet🙈趁着餐廳做緊brunch買四送一嘅優惠 就帶埋屋企人嚟食大餐 我哋每人揀咗一個brunch套餐 出面嘅自助吧係可以任食嘅 仲包咗一杯飲品😎自助沙律吧沙律吧有唔少選擇 有好多沙律款式 特別鍾意吞拿魚薯仔沙律💛 番茄仔 菠蘿 粟米都有 仲有冷盤 芝士 凍蝦 青口 真係幾豐富嘅頭盤😌除咗沙律仲有少少熱食都係任食 好似忌廉湯 雞翼 餐包 腸仔酥 同斑蘭布甸 味道都唔錯 不過如果可以保溫好啲會更好🙊安格斯芝士牛肉漢堡包配薯條牛肉味幾重 食得出用咗唔錯嘅漢堡扒 而漢堡嘅醬汁都幾多 食到後期有少少過鹹嘅感覺😂 店員話下次可以叫佢幫我哋開半英式全日早餐每樣食物都正正常常 比較特別嘅係芝士焗啡菇 賣相都唔錯🥗燒美國豬肋骨配薯條及燒烤汁最喜歡呢個 燒烤汁好入味 豬肋骨都有足足四條骨 食落都有少少肉汁 唔會太乾🥰燒豬腩蘆筍番茄意大利飯燒豬腩好香口 不過食得多會有啲heavy 意大利飯嘅乾濕程度都適中 不過份量就少咗啲😮 呢個意大利飯蘆筍味都幾重甜品吧食完主菜 仲有好多甜品等緊我 有生果同蛋糕 蛋糕味道麻麻地 不

Table 18 位於觀塘 APM，係觀塘區比較小見嘅 Semi buffet，如果平日 lunch 想食好d 值得考慮下。Table 18 要預早去book枱會較好，餐牌有唔同主菜去選擇，價錢包埋salad bar d野食，餐牌選擇都多，有淨沙律，意粉或扒類，岩哂一大班人/同事去慶祝。值得提下，如果有會員仲有折扣

Apm呢間西餐環境暗暗地，我覺得都算好坐，食物份量大，質素中上。無花果芒果藜麥沙律夠清新又開胃， 水果夠晒甜，蒜蓉包好濃味有蒜粒又烘到好香脆。德國肉腸拼盤有五款腸，除左一款牛肉腸比較咸，其他都可以，配左酸菜仲好食。巴馬火腿火箭菜Pizza批邊夠晒脆，餅底唔厚，唔會太飽，落足料芝士可以拉絲，仲有火腿夠咸香，有香草醬中和左芝士嘅滯，唔錯。

原本諗住我們仨出巡，唔知係點解今年新年一早揾好既pet friendly 既餐廳都無開，唯有要等等新年後開番工先去得，今次去一間喺apm歷史您久既餐廳南瓜無花果藜麥沙律食材夠新鮮就做好沙律既本份，有菇少少特別烤肉拼盤牛小排: Medium剛剛好，切開粉紅色，肉質鬆軟，脂肪比例好，少筋豬鞍扒：厚肉結實，鹽香焦香，口感豐腴雞槌：原來係雞下肶，濃郁香草味，質地軟滑，烤至完全逼出油份，形成外脆大蝦：蝦頭內藏豐富軟滑蝦膏，肉質爽口彈牙牛小排蘑菇飯鐵板令飯有飯焦，辣辣黑椒汁香噴噴，牛小排厚切較軟糯Peach delight Gin, triple sec.,peach liqueur, peach syrup,lemon juice, soda甜甜地易入口，少少桃香甜味SmeraldoWhite rum, Myer's rum, pineapple juice, mango syrup, blue curacao,sprite,soda酒味突出，顏色好靚，宜搞勻飲

自從離開咗觀塘做嘢，好耐無光顧Table 18，以前一放工三五知己就去Happy hours，好懷念以前嘅日子。講返Table18, 唔使我多講，食物種類多元化，而且仲好好味添！特別是德國豬手，外脆內軟，仲有Pizza真係好好味㗎。推介推介

食完覺得呢間餐廳有好有唔好啦，不過都接受到嘅，仲會encore嘅🤣好嘅地方係價錢比想像中平同抵食而且啲野真係幾好食😌但服務態度一般般，職員有啲串，同埋冇諗過望落幾high-class嘅餐廳都有呢啲低級錯誤🙂.🎃燒南瓜炒菌沙律 $85份量比想像中多，淨係呢個沙律兩個人share都飽飽地😂因為係南瓜，味道偏甜少少，清清甜甜幾好食，南瓜同無花果都夾🤪.🦐芝士蝦肉菠菜焗飯 $130當日最佳，食到停唔到口😻雖然有好多芝士，但一啲都唔覺得膩😚蝦肉大大隻，好彈牙😈同埋個價錢真係唔貴，平過好多cafe🥳.🦞酥皮龍蝦湯 $70故事主角就係呢個酥皮湯喇，大家見唔見到圖4，個湯係完全未焗好😂再對比下圖6(叫佢拎再焗過)🥲點解上菜個個睇到咁都仲拎過黎，話曬都係apm唯一一間似模似樣嘅西餐廳🧐不過味道就真係唔錯嘅，係搞笑咗啲囉😂.💰人均消費: ~$160.🍽味道: 3.5/5🏙環境: 4/5‍👨🏼‍🍳服務: 3/5💧衛生: 4/5💰價錢: 3/5

呢間餐廳其實我同朋友都試過幾次覺得佢裝潢風格唔錯 食物質素好▪️大蝦帶子墨汁意粉伴龍蝦汁＄155佢既墨汁唔係額外加落意粉一齊煮而係本身就係黑色的🤓🤓所以食落口唔會成嘴烏卒卒😈😈帶子同鮮蝦都算多 味道幾惹味雖然意粉偏咸 但整體口感都好彈牙▪️香草西班牙腸焗大菇釀田螺 $90田螺喺大啡菇入面 令隻菇多重口感諗唔到食啲咩唔熱氣既小食之下就決定翻佢牌😼食落味道都濃郁菇唔會整到過熟 保持到水份💦▪️生蠔🦪 $ 160/4隻價錢唔算最平 如果太平唔敢食🤣食落隻隻肥美😋好想再叫黎食▪️Keju strawberry🍓飲落都幾酸😂😂啲果肉又係好酸證明係新鮮果肉😂😂但上面一堆cream!!! 好肥呀因為唔鍾意飲酒既關係成日都要揀呢啲小朋友特飲🤣▪️Alouniva見到啲藍綠色既飲品都驚驚地試下無妨 不過不失🤣🤣味道都係偏酸 但無🍓咁酸🤣

星期日同老公黎到apm潮聖lulu豬，晚餐搵左間唔洗等位既Table 18 Bar & Restaurant😆 ❣️炸魷魚圈配龍蝦蛋黃醬 $88上枱時俾份量嚇親，因為真係好少😑 但魷魚圈口感好軟腍，唔似平時食既硬梆梆，配埋個蛋黃醬幾好食👍🏻 ❣️水牛城雞中翼 $85雞翼sauce好惹味，微酸帶辣，有少少芝士味😋 但我地好奇點解雞翼得7件…我地2個分唔勻🤣🤣❣️香草西班牙風腸焗大菇釀田螺 $90大啡菇向來係我既至愛item，今次配搭田螺，幾有口感！啡菇夠juicy，yummy❤️❣️芝士忌廉汁焗蝦肉菠菜蘑菇飯 $130呢個飯比想像中好味喎👍🏻 蝦肉彈牙，芝士忌廉汁夠多，啱晒老公呢個「汁神」，不過食完有啲膩。景樂集團旗下餐廳食物質素都唔差既，Table 18環境都算大，坐得舒服。平時同朋友傾下傾chill下都係唔錯既選擇！不過小食食物份量比想像中少，價錢相宜啲會更好。====================推介度：❤️❤️❤️❤️❤️CP值：👍🏻👍🏻👍🏻👍🏻好味指數：👅👅👅👅👅====================

以前多數嚟Table 18食晚餐，今日先知道原來星期六日有半自助brunch。餐牌有不同主菜選擇，你可以選擇主菜加沙律吧，或者只係食沙律吧都可以。我哋兩個人，選擇左沙律吧餐 $150和燒豬肋骨 $215。豬肋骨好大份，其實兩個人午餐真係夠食。豬肋骨烤得唔錯，薯條又熱又香脆👍🏻今次沙律吧最令我有驚喜就係海鮮，包括蝦同青口，我都食咗好多。仲有好多不同款式嘅沙律、火腿、麵包、水果、蛋糕甜品等，確實好豐富。餐廳有手套提供，會提醒食客出去攞自助吧嘅時候要佩戴口罩和手套，我覺得可以令食客食得好安心👍🏻xxxxxxxxxxxx

Happy Friday 放工梗係要約朋友Chill一Chill 咁啱我地幾個都係觀塘返工一定約左去呢間係APM嘅Table 18 Grill and chill我地大約6點半左右去到 門口有少量人等位 好在我地都唔係等左好耐 10分鐘左右就入到去 （冇計啦 食好野要等係值得）果然 門口已經聞到淡淡烤肉味 證明我地冇去錯地方 我地幾個人叫左個意大利薄餅 （Antipesto Pizza)、雜錦烤肉拼盤同埋一個冷盤4個女仔share 我地4個人share 3個 dishes竟然食唔曬！可見份量有幾誇張果然烤肉拼盤冇令到我失望 炭燒西冷牛扒medium rare 燒得剛剛好 肉質鮮嫩 冇雪味 而且容易入口而且有炭燒獨有嘅BBQ味 非常好食 另外燒蝦都好好食 竟然連蝦殼都脆口 但蝦肉仍然可以保持彈牙口感 仲配上烤蒜頭 鐘意蒜頭朋友一定要試 意大利pizza 餅底香脆 唔會太厚太薄 而且保持乾身 配上火腿同新鮮火煎菜口感非常有層次 上層新鮮 中層甘香 餅底香脆份量都十足   冷盤有salami, parma ham 同埋配上水牛芝士同餅乾條火腿不太鹹又有果仁味 味道有層次 芝士更加係誠意之作 

Semi buffet lunch at Table 18 again!! 落雨唔想行出街最好留係商場食…Starter 沙律bar選擇不過不失勝在沙律菜新鮮..同埋鍾意佢地既salami 同ham!!款式都有三四款..另外Cheese都有3款選擇..不過今日既麵包就有啲硬🥲..Main叫左西冷牛扒..牛扒7成煎得剛好.. 朋友有會員..埋單都係$133..呢個價位有沙律有湯有main仲有飲品非常很可以🧡..位置都坐得舒服不過就有啲嘈

諗住睇完戲去hi個Tea就去反坐下一到門口問我想散嗌定食buffet我話要散嗌之後佢就話要你坐出邊仲態度好差，其實坐出邊又有乜所謂都唔係第一次以往過嚟都係貪佢出邊唔使俾人趕唔使限時間，所以我都會坐但佢態度真係超差其實呢間已幫襯多年，食物質素係OK，但服務態度真係超差，以前經常黎因為服務態度好覺得佢哋好窩心，所以我每年都會續會。呢兩年開始態度越嚟越差啲人一啲人情味都冇，黑口黑面好似覺得人哋食唔起。以前嘅服務員好有笑容，生日嘅時候會唱歌攞蛋糕，依家啲服務員一係就黑口黑面一係就冇反應叫極都冇人嚟寫單😡😡到每年續會電話就響過不停吹吹吹好似爭佢錢咁。試問咁嘅服務態度仲有邊個會去，唔好話續會Walk in都唔食。食嘢都係求開心，食物質素真係唔錯但服務態度真係講極都講唔完每一次黎都好受氣咁。。。我記得有一次因為續會所以有一張生日卡可以換酒或者兌換，嗰日我冇黎食嘢所以我淨係換支酒，但嗰服務員個態度就好唔耐煩好唔願意，諗起都嬲講真佢哋一啲都唔平但係咁嘅服務質素絕對零度零分

多次光顧Table 18既Lunch，食物質素我認為對得住個價錢。餐廳採用半自助形式，order一個main course，沙律Bar任食沙律Bar周不時都會轉下款，不過芝士同冷盤火腿就固定都有。我曾經試過只食沙律Bar，拿左三轉，飽到Dinner。沙律Bar有菜有水果，有肉（牛肉，火腿或者salami）,仲有三款小餐包（當中最推介黑色，好似好多穀物個款，最香麥味）營養搭配非常均衡上次去食左個西冷，朋友既七成熟仲生過我既五成熟好彩味道還是不錯比個小貼士大家，切開餐包，塗牛油，夾兩塊肉，兩塊芝士，大量沙律菜，淋D沙律醬就係一個雙層cheese雙層肉burger啦咁都諗到，我真係天才，哈哈哈。

餐廳面積都幾大，座位都尚算寬躺，你可以淨係要$150既salad and dessert buffet ，我哋當日三個人食，叫咗兩個set（第4張相有menu,價錢已包salad and buffet)，當日我哋2:30pm入座，食到3:30pm左右，餐廳已經冇乜再refill buffet 食物🤔🤔🌸Grilled US pork spare ribs $215味道：🐣🐣🐣🐣🥚🌸海鮮意大利粉伴龍蝦汁 $210味道：🐣🐣🐣🐣🥚總結：buffet入邊個湯好好飲，其實都算抵食，如果大家想試建議大家早少少嘅時段食，Buffet嘅種類會多啲👍🏻👍🏻