影片
以上資料只供參考, 請與餐廳確認詳情
餐廳位於旺角鬧市嘅商業大廈地下，雖然門面唔算好大但好有泰國風情～入面裝修係泰國大排檔風格，播住泰文歌，一入去就覺得好有旅行feel✈️！當日坐咗tuktuk卡位，好闊落好得意~1️⃣ 大蝦Pad Thai $88金邊粉炒得乾身唔油膩，蝦肉爽口彈牙🍤酸甜度平衡得啱啱好，必點！2️⃣ 蟹肉炒飯 $138飯粒分明夠乾身，蟹肉份量多，惹味可口🤭3️⃣ 沙嗲雞串$48炭烤香氣撲鼻🔥，雞肉醃得入味又嫩滑，沙嗲醬濃郁帶花生香🥜4️⃣ 泰式炒通菜（少辣）$68鑊氣滿分！蒜香同蝦醬味好突出🧄，通菜脆嫩無渣，少辣版本好啱唔食得辣嘅朋友～5️⃣ 泰式牛肉片$148牛肉外焦內嫩，醬汁甜中帶辣，熟度剛剛好🤗6️⃣ 泰式辣醬炒蜆 $88蜆肉飽滿無沙，辣醬汁超級惹味，有九層塔香味😍7️⃣ 新鮮椰青 $38/個清甜解渴🥥，椰肉超厚可以刮嚟食，食辣嘢必配~8️⃣ 芒果糯米飯 $58（後上）**完美結尾！芒果超甜🥭，糯米飯暖粒粒，椰漿香濃唔會過甜～"後上"安排好貼心❤️回頭指數：★★★★★（5/5）推薦俾想食高質泰菜嘅朋友，食物質素對得住價錢，店員服務勤快，上菜速度合理⏱️💡小貼士🔸 晚市建議好滿座，要早啲去排隊呀~
繼續閱讀
旺角通菜街呢間「Tamarind」真係泰迷必掃！🚦由油麻地站行幾分鐘就到，超方便 。舖頭雖然唔大但勝在好地道，泰國風味✨，播住輕快歌🎶，枱凳排得闊落，坐得舒服無壓迫感！最吸睛係門口永遠排長龍👫👬👭，但翻枱快，等10分鐘就有位～餐牌選擇多到眼花繚亂📜，由街邊小食到經典主食樣樣齊，味道仲正宗到爆燈💥！ 🍖 泰國街邊豬手飯｜軟糯膠質大爆發！呢個豬手飯絕對係「骨膠原炸彈」💣！豬手燉到皮肉分離，入口即化🐷💫，膠質多到黏嘴唇～滷汁滲入每粒泰國香米🍚，甜中帶淡淡香料味🌿，配上酸菜同辣醬🌶️，解膩又惹味！分量足到兩個女仔share都得👯♀️，旁邊仲有溏心蛋🍳同青瓜片🥒，平衡感滿分！ 🍝 泰式牛肉炒河粉｜鑊氣直沖天花板！一上枱就聞到「火辣辣的鑊氣」🔥！河粉炒到每條都沾滿金黃油光✨，牛肉片嫩過BB肌🐂💖，最正係醬汁，酸甜辣三味轟炸舌尖💣！河粉煙韌有米香，同港式炒牛河完全兩個層次～食到最尾碟底都零油漬🥢，師傅功力深厚啊👨🍳！ 🔥 泰式燒豬頸肉｜燒得香脆邊邪惡度爆表！點了醬汁，香氣未上枱已先攻鼻👃💨！豬頸肉切到厚薄剛好，外皮脆到「咔嚓」聲🔊，內裡juicy到爆汁💦～蘸埋秘製酸辣醬🌶️🍯，甜辣交織超上癮！一碟滿足晒「肉獸+清爽控」雙重慾望😈❤️！
繼續閱讀
今日收工約咗老Best食飯醒起呢間泰菜之前收工時間經過見好多人排隊所以同佢試吓 😏一入舖頭已經feel到鑊氣十足 好香嘅炒菜味再加埋啲啲泰文歌 勁似置身於泰國啲夜市排檔🤣令我驚喜嘅係店員安排咗篤篤車樣嘅位置俾我哋 架篤篤車 好正呀 好驚喜🤩Menu方面 菜式選擇都多 而且價錢都好抵 2個人食飯 成日都有肚窄硬闊嘅問題..🙂↔️一唔小心又叫多咗嘢食 好彩都食得晒啲嘢🙋🏻♀️ꔛ招牌蟹肉炒飯👍🏻超級推薦 蟹肉份量好多!!個飯炒得好香好乾身夠味 食落真係啖啖蟹肉 美中不足係..我唔食蔥 唔記得咗叫走蔥🤣ꔛ泰式虎蝦金邊粉呢個Pad Thai非常正宗 蝦肉大隻爽口彈牙味道幾好 而且呢個價錢咁大份 抵食🫣配咗嘅花生粒&辣椒粉撈埋食 Jeng 😋ꔛ炭燒牛小扒👍🏻👍🏻又係一個非常推薦嘅菜式鍾意食牛嘅一定要嗌😍😍😍 炭燒過嘅牛 表面香氣十足 內裏軟腍唔會韌 餐廳切到細細舊 一啖食一嚿🤤食落牛香味十足 唔會成口油 油脂分佈平均 我同老best 都覺得好好食😻ꔛ金不換辣椒糕炒蜆🌶️蜆肉大大粒 食落冇沙 啖啖肉 好肥美🙀調味非常夠 不過對我嚟講有少少辣🫣ꔛ沙嗲雞串燒 $48有三串好抵食 沙嗲醬味好香雞肉厚身而且嫩滑👅小食嚟講..我會比滿分☝🏻😳ꔛ飛天炒通菜🌶️平時出街食飯叫菜都係純粹諗住食少少菜好似健康啲咁🤣不過呢個通菜好嫩又脆配料方面 辣辣地配炸蒜 清淡嘅味道😋我哋清曬!! 正呀😗ꔛ芒果糯米飯每次去泰國餐廳10次有9次都會叫個芒果糯米飯做甜品 而今次都唔例外😆不過呢個芒果飯味道就中規中矩啦 雖然唔會有太大嘅驚喜 不過都算幾好食 ꔛ 椰青x2店舖太好生意冇晒冰凍嘅椰青 店員話雪唔切 得返常溫我哋鍾意飲 所以照嗌咗～～清甜可口🫣總括一下： 絕對係一間會encore嘅餐廳🤩不過建議叫多啲朋友去食 咁就可以試多啲嘢因為2個人實在食唔到太多 其實食物嘅單價唔算太貴 只不過我哋2個人叫得太多嘢食🤣🤣埋單人均消費300幾..其實仲有好多嘢想試.. 唯有留返下次再試啦🍴
繼續閱讀
今日約了朋友到旺角逛街～行到攰見到這間泰國餐廳人頭湧湧，而且看過餐牌除了有泰式粉麵飯之外，仲有很多有特色的泰國小食，所以我跟朋友決定到餐廳內食一點小食，飲返杯嘢，唞一唞再出發購物。餐廳座位非常之多，我們點了兩款串燒。豬肉串燒，豬肉啖啖肉非常惹味，燒得相當出色，點上了獨特汁非常惹味。而且串燒有三串的，而且每一串都相當多肉！另外點了雞肉串燒，是配上了沙嗲汁，沙嗲雞串相當美味！啖啖肉而且雞肉較為嫩滑的質感。串燒相當有風味，而且肉類份量十分足料。吃泰國食物，當然少不了芒果糯米飯，這間餐廳的芒果糯米飯超級好味， 十分推薦！芒果又甜又多汁，而且啖啖芒果肉配上了煙靭無比的糯米飯，非常出色，仲可以淋上椰汁，椰汁芒果糯米飯冇得頂！又香又甜又惹味！泰國特色飲品～鮮椰青～清涼解暑！啱晒炎炎夏日！泰國龍眼水，甜甜的，而且龍眼味清甜無比，非常滋潤，冰冰凍凍十分解暑！入邊仲有龍眼果肉的。下次再來一定要試試這裏的泰式粉麵飯！看到其他食客的食物都相當香噴噴。
繼續閱讀
呢間位於旺角小巷內嘅人氣泰菜，每次經過都大排長龍！因為呢到嘅食物價錢親民，味道地道正宗，裝修亦非常之有氣氛！唔怪之得長期都人氣爆棚啦～✨泰式牛肉炒河粉牛肉柔軟又帶有香濃嘅肉香！泰式寛河粉滑嫩軟糯，仲有雞蛋絲同埋多款蔬菜去增添整體嘅口感！有鑊氣得來又比人一種油而不膩嘅感覺～✨泰式牛肉船麵泰式牛肉份量十足！除咗有生牛肉之外，仲有牛丸、炸豬皮同埋芽菜等！湯底濃厚鮮甜！麵底叫咗河粉，冇諗過都係泰式嘅寛河粉，掛汁能力高，咬落去爽滑又美味～✨飛天炒通菜通菜鮮嫩爽口，味道微辣，夠晒地道正宗～✨芒果沙冰表層有粒粒芒果果肉！沙冰入口順滑，啖啖都散發住芒果嘅果香～
繼續閱讀