Tasty HK (已結業)

成日行過灣仔北的海港中心，都俾這一間名叫《Tasty HK》的食店吸引住，可是，我並沒有提起過任何心機去食去試這間摩登茶仔。這一天，尋午餐來到了，我終於決定了一試。其實，這餐廳的格局令我感覺到快餐店多過茶餐廳，因為是先付款後有專人送餐的。當日點好了餐，找好位置，不一會，就有專人把我所點的燒味飯套餐送到。首先，是一個例湯，是一個老火的例湯，味道又濃又甜，不錯的。而當日的飯，我點了一客叉雞飯，叉燒的味道算是不錯，不過分配給我的叉燒就非常之瘦。而雞肉，表面上不錯，入口的感覺也不錯，但期待的雞油味，雞肉味，就沒有了。奶茶，算是好啦，評語就是，夠滑，但未夠濃。算係咁啦，一般水準。

今日係美食節最後的一日，去完搶購之後真係攰得要死，於是就去食下午茶抖抖。經過海港中心，見到呢間餐廳，就即刻走去食下午茶喇！20多元一個下午茶，睇相簡直流曬口水。但見到實物就絕對唔係嗰回事，件多士凍冰冰，花生醬又稀又冇料。黑椒蒜蓉雞槌，味道都唔錯，不過超肥膩，咬落成口油。檸水俾咗八分一個檸檬，篤極都冇味，同淨飲滾水味道一樣。咖啡味道好奇怪，又苦又澀 ，一啖都飲唔落。呢間餐廳食物價錢平，但質素麻麻，以後都唔敢再幫襯。

書展第一日開鑼，血拼前後找地方醫肚，盲鐘鐘入咗呢間嘢。佢個故宮小炒真係少到好可憐，章魚雞柳木桶飯就咸到苦咁滯，大家別要上當喔⋯⋯！唯一是服務態度還可，所以都唔會太嬲嘅。

小弟係鷹君中心番工, 番左差唔多一年, 但一直都未試過幫襯呢間餐廳,次次經過都唔少人排隊,呢排封路,都廢事行咁遠,於是今日一於試下唔駛等好耐,坐低左,餐牌選擇係好多, 茶記有既佢都有, 咁我就揀左叉燒滑蛋河, 同事就揀左個青咖哩吉列雞扒飯等左陣,主角就黎啦叉燒算係咁, 唔會太肥, 但係個滑蛋好普通, 冇咩蛋味, 淨係感覺到好清淡 , 但以普通茶記價錢黎講, 不過不失既至於個青咖哩...其實味道係正常既, 但個青咖哩真係有D 反胃, 首先佢睇落好似固體咁...違反我對咖哩既認知, 不過好彩食落都算正常, 只係個賣相有少少奇怪咁OVERALL黎講, 不過不失,對得住個價錢既,但有得揀可以去遠D 食~

呢個垃圾下午茶，真係當人乞衣咁，收人$40 一個歺？離曬大譜，我覺得呢個餐值＄28 囉！我個仔完全唔夠食，我仲要分我份比佢先，變相既＄80個下午茶餐。超嬲，發誓下次唔會再嚟！

位於灣仔會展旁，海港中心的Tasty HK，下午茶十分抵食，最便宜的25元便可，不用收加一服務費。亦有提供一些迷你炒粉麵飯，價錢約三十多元。當中選了黑椒蒜蓉雞槌和醬油多，套裝配熱飲不用加錢。熱華田很大杯，而且水的比例平均，很濃郁很夠熱。黑椒雞槌有四隻，份量頗多，用小籃子來到很可愛，即叫即製熱辣辣，很惹味。花生醬牛油多味道則正常飽肚。這餐廳位置尚算闊落，感覺舒適。下午茶供應時間為兩時半至四時半左右，要把握時間喔。

是日到灣仔會展替友人將舉行的展覽會給意見，早上像很多上班族一樣，逼車趕早餐。地鐵站沿路來的茶記，大記，麥記都逼到爆哂，行行下就到了一家竟然沒有太多客人，頂多只有半滿的餐廳。看看外邊的餐牌價錢又不算過份，正宗港式早餐。也沒有深究下，就入來邊吃邊等朋友。坐低看OR，才發覺伏味甚濃，近乎一面倒的差評。但既然都坐下了，侍應生又好快的給了餐牌，也就怎樣也叫一個早餐試試。早餐款式算多，豐儉由人，價錢很合理。不消一會兒，早餐就送上，而且賣相不錯。多士微暖，牛油足夠溶化，而且多士是厚的，並不差。香腸來貨問題，超鹹，反而是炒蛋太油，碟底是足夠一茶匙的油漏了出來，加上沒有餐桌鹽關係，太淡。結果變成了香腸鹹，蛋淡而無味的情況。焗豆就算很好。很久沒吃罐頭午餐肉，這兒的午餐肉算厚，用的是出前一丁，不是麵餅也不糊。雖然未去到剛剛好的地步，但是可接受範圍。最後奶茶夠熱，也沒有怪味。不知餐廳是易手了還是真的有心做好。侍應服務，上菜速度和出品都是合格以上的。幸運地沒有遇上其他食評所說的情況。唯一要留意的，就是鑊燶很多，由多士，炒蛋到杯奶茶(應該是茶葉碎?)都附送很多黑色點點。$38一個早餐，在這兒應算是抵食吧？

呢間茶餐廳勁，我從未因為難食+劣服務而要開acc 寫食評。星期日行過見到都多人所以同媽咪試一試，一入去好多都喺行完 BB 展覽會嘅家長，自己搵到位之後座低，因仍未執拾檯面所以搵員工幫忙，唔知係咪間餐廳特別，鍾意分工合作，第一次叫人執檯，佢應完走咗😐，第二次成功收完餐具但冇抹檯😟，第三次又係應完走咗😠，到第四次先成功完全清理完😡。 餐牌檯面冇，最後梗係要自動波自己去攞。我哋點咗星洲炒米+咖啡，下午茶雞扒撈丁+咖啡。 (同侍應講咗兩次要熱咖啡，但到最後佢再 confirm 時，話凍咖啡😅OMG) 隔離都點咗雞扒撈丁，上菜時候我哋係同一時間上，但份雞扒撈丁唔知係咪同隔離一開二，麵得一半+三件切件雞， maybe 係 tea set 因素。份撈丁麵未煮熟中間係硬，好似食麵餅咁，雞有少少怪味，好似唔新鮮。咖啡只嚟一杯，另外星洲炒米可以煮到有色冇味。超失望, 商業區食物同服務都可以咁差。

只想食過下午茶啫、點解要等40分鐘呢？至少比杯熱檸水先、三摧四請下、又等了20分鐘才來了。三層西多士、熱烘烘、餡料花生醬、麵飽軟熟、加了少許蜜糖和牛油、好滋味。什麼什果沙律、只不過蜜瓜加沙律醬、少少不符。不過要等40分鐘才有得食、點好食印象分扣到0啦！

下午茶時段來到灣仔吃下午茶，已沒有太大期望，tasty 的食物質素的確不值得再試。三重珍寶西多士，從外形看，不覺得有三塊麵包拼成，因每塊麵包都很薄。雖然中間部份夾有花生醬，但由於麵包太薄身，導致口感不足。所謂的雜果沙津只是哈蜜瓜碎上加點沙津醬，根本不能稱為雜果，有點被騙的感覺。

今日做野遲左食飯，見到有下午茶，e決定就入黎一試叫左個蝦多士拼水果沙律，飲好立克好立克度度都差唔多，無野講啦個餐份量都唔少，蝦多士有兩件，炸得都唔錯，咬落去都幾脆口至於水果沙律，出乎意料,水果幾清甜，食得出唔會係罐頭野，臨走仲見到佢成個密瓜拎黎切，都幾有誠意啊間餐廳算幾大，員工唔會話超好服務，但都幾好笑容，而且唔會十萬九唔應，整體黎講算中上啦，都有下次既

七點幾，成個灣仔碼頭居然無咩嘢食揀得呢間tasty ，就同老公試下。2個人叫左個2人餐有前菜有湯有小菜咁，$138 算唔少嘢食前菜：叫左個口水雞同拍青瓜2個都幾好食小菜就叫左個椒鹽豬扒，呢個幾香口唔知係咪我地大食…再叫多左個佢地話好多人叫嘅“水煮魚”結果係…好好食！最後個餐有個甜品咁囉但我同老公都係最鍾意個水煮魚同拍青瓜！

今天與hubby帶著寶寶去了BB展,自離開校園後, 真的很少到灣仔一帶進餐我們離開會展後, 來到這店吃下午茶我們各自叫了一份下午茶餐, 分別是干炒叉燒意和蝦仁菲王炒蛋飯說真的, 我們真的從來沒試過食這麼難食的茶餐干炒叉燒意和蝦仁菲王炒蛋飯都是只用了一種調味料 - 豉油鹹得要命, 炒飯和炒意都硬得不得了其實只可以用2個未形容 : 難食!!!!我在埋單時, 實在忍不住跟一位女店員(收銀)表達意見,她完全無視我的意見, 更對著我黑面.天呀..........怎麼會進了這間店............後悔到不得了

剛去完BB展，非常餓，過隔離搵嘢食。order 咗星洲炒米，撈麵。星洲炒米竟然連米粉都未浸好，超級硬，食咗都消化唔到。味道可以。個撈麵林到呢，直頭好似食粥咁，有無搞錯。唯有睇吓幾點，今晚早啲食晚飯啦。

上午11：00，附近除咗all day breakfast已經無早餐食嘅時候，呢間Tasty仲有，似乎做到11：30。動漫節開羅，外面人龍好長，要搵路口入都唔容易。呢個$34嘅早餐，係膽拖煙肉或午餐肉加一杯飲品。影相就幾好睇，但係其實個碗咁樣掂住隻煎蛋，我就唔鍾意。 唔知點解menu上寫蕃茄濃湯, 但唔濃, 應該無落茄膏, 不過有蕃碎喺湯入面 煎蛋我嗰隻流心, 但外子嗰隻唔係流心, 無特別叫, 係佢output唔穩定 焗豆都係意料之中啦 午餐肉我覺得OK, 外子就覺得唔夠香, 各人口味不同啦 外子杯好立克好稀好啖 (無影相)