45
3
1
| 餐廳: | TEAHOUSE/BARHOUSE @wellwellwell |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
電話號碼
28037881
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
有關餐廳
907 瀏覽
大食會約咗去金鐘名酒店度食福建菜，蕃薯Uncle例牌飯前要尋歡，為怕大雨喺室外走黎走去，結果就喺連接著酒店嘅太古廣場搵咗間「井」。面積寬廣開揚嘅餐廳分開茶室及酒館兩個區域。酒鬼當然係坐近酒吧啦！半露出商場嘅散座未必人人啱坐，因為路過嘅人都鍾意望幾望，講真俾咁多人望真係唔係咁自在。此外，部份梳化櫈係冇椅背嘅，飲大咗兩杯絕對有危險，幸好經驗老道嘅長輩攞位時見狀即指明要求全部要坐厚墊絨櫈。兩頁飲品牌簡單易明。歡樂時光設為每日下午三點至八點，限定酒品可享特價優惠。三口子各自點選心頭好，小肥杯意大利氣泡酒係新樽斟出，夠凍又夠氣。商場餐店「井」地方企理衛生，服務生好有效率。指定酒酒嘅歡樂價雖則唔算特別平，但因屬美心集團，埋單可用盡Eatizen儲下嘅分數，仲可以撈埋太古會籍啲積分當錢洗，經理哥哥即使要轉機都完全冇兼煩，嘻嘻，抵細佬加分俾個笑臉佢！
繼續閱讀
太古廣場裏面，貴價高級食材嘅茶餐廳。地段嚟講價錢算合理，套餐埋單唔駛$200蚊。平日中午12點正都仲有位，12點半後完全滿座。但唔會趕客或限時食幾耐，環境舒適《蜜汁西班牙叉燒煎蛋飯（套餐）》隻蛋好靚好濃下面啲叉燒我認為太肥，有一半以上都係肥膏叉燒汁另上，但非常鹹，可以唔落都得。套餐跟一小杯南瓜湯，味道ok，唔會太濃。我認為性價比比較低⋯《馬來海南雞飯》都係隻雞比較肥，肉質算滑。個飯同醬嘅味道唔錯。
繼續閱讀
係太古廣場入面簡單地同閨密食下茶一餐簡單的下午茶滿足香草蕃茄意粉🍝香草蕃茄意粉，蕃茄醬汁酸甜適中，配上香草的清香，簡單卻令人胃口大開。意粉煮得軟硬適中，口感很好。烤24個月巴拿馬腿三文治巴拿馬腿肉質香濃，烤得外脆內軟，配上香脆的麵包，每一口都充滿著滿足感。做三文治口感一流！阿華田西多士阿華田西多士，香脆的麵包沾滿了濃郁的阿華田粉同朱古力醬，甜蜜的味道為這餐飯畫上完美的句號。雖然這只是一頓簡單的下午茶，但卻充溫暖和美味。完全岩哂三個女仔的食量，個個都撐住個肚仔。
繼續閱讀
約了朋友試試呢間高級茶記，午市套餐點了大蝦喇沙米線，套餐包餐湯及餐飲。餐湯十分咸。餐飲的齋啡，中規中矩，飲得出果味。至於主食的大蝦喇沙米線，真的算是差中之差，𧎚爽口，可惜完全冇味可言，喇沙味淡，微溫湯底，米線淋哂，實在好似唔係喺香港食亞洲菜。如果要食茶餐廳食物，真係唔應該嚟呢度，選店錯誤，食客的錯。
繼續閱讀
同屋企人成日經過金鐘而間餐廳，但都冇入過去食。今日係附近行街諗住搵下下午茶食啦，見到原來佢地都有下午茶食嫁喎，但價錢黎講都偏唔親民，不過都膽粗粗入去試試佢咩料！！成個鋪個格調俾人個感覺都好清幽好放鬆嘅感覺。個menu都好靚。下午茶時段佢都有好多款式同選擇，每樣野望落都令人流晒口水，有選擇困難症嘅我真係揀左好耐先揀到落手～最後我揀左我最鍾意嘅芝士系列，配而個吉列黑豚豬柳。佢就特別在於佢係用菠蘿包做base，係入面放滿晒濃濃嘅芝士醬，內咸外甜，成件事夾得幾好。一上枱成個賣相已經好吸引，岩晒我而啲港女打卡，佢仲跟埋薯條同少少嘅沙津菜。吉列黑豚豬柳炸得非常香脆，本身個豬柳肉質已經好夠厚，佢層炸粉非常薄，唔會影響左咬落去嘅質感同時入面亦非常juicy。再將個豬柳點落啲芝士醬一齊食，成個感覺超滿足，超邪惡！！ 雖然知道食完可能會肥幾kg，但都阻擋唔到我想一個人食晒成份餐嘅衝動。我屋企人就叫左個沙爹和牛公仔麵伴炒蛋多士，成件事好有出面食常餐嘅感覺，之但係佢係用左比較高級嘅食材去整咁解，佢就特別在用左和牛去做，同埋個炒蛋炒得好滑水份充足，配埋多士一齊食唔會令到你好口乾。沙爹和牛個方面就同出面食嘅沙爹牛味差不多，但係佢嘅牛肉感覺比較新鮮煙韌啲。佢下午茶係跟一杯野飲嘅，我地就叫左熱奶茶同熱齋啡，味道就冇乜特別，同外面飲嘅差不多。
繼續閱讀