影片
港鐵香港站 C 出口, 步行約5分鐘
繼續閱讀
電話號碼
27808666
開飯介紹
由日籍主廚開設的廚師發辦天婦羅店，從挑選食材、調配天婦羅麵糊至控制油溫等均一絲不苟，帶來高質的江戶前風味天婦羅。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
呢間位於中環嘅神級天婦羅餐廳，真係每一口都充滿驚喜！以Lunch Omakase形式進行，$880一位，由師傅親手即席製作，完全唔知下一道菜會食到咩，帶嚟滿滿期待感。前菜包括四款，第一口係螺肉，胡麻春菊都正 。炸花竹蝦頭炸得亭亭玉立，酥脆到入口即散，濃濃蝦油香四溢；至於蝦身，師傅提供咗兩款脆漿選擇：薄漿炸，炸嘅時間較短，適合就咁點上海鹽，鮮甜原味；厚漿炸，炸得耐少少，更適合點天婦羅汁，增添濃郁層次。原本套餐只包括一種，追加都值炸野菜包括蕨菜同蜂斗菜，加入秘製麵豉醬，帶嚟前所未有嘅味蕾衝擊。北海道公魚魚肉細膩，配少少青檸汁更鮮美，連魚骨都香脆可口。炸茄子配高湯，茄子一半浸喺高湯入面，外層酥脆，內裡軟嫩，雙重口感完美融合。另外仲有兩款魚，沙錐魚肉質鮮嫩，連炸魚骨都特別美味。魚子天婦羅嘅紫菜炸到薄脆，魚子鋪滿面，一口食落，鮮味滿足感爆燈。炸蕃薯甜度剛剛好，簡單但難忘。師傅話當日海膽特別新鮮，雖然已經飽到唔行，但見到佢誠意推介，忍不住追加了，用紫蘇葉包住，香氣十足，勁鮮甜職員全程講解菜式嘅特色、食法同時令性，專業程度令人佩服。 四位師傅著黑白制服分工合作，兩位主廚全程掌控細節，每一道菜從準備到上枱，爭分奪秒，確保最熱辣嘅時候呈現俾客人。無論係食物質素、師傅技藝，定係服務水平，堪稱中環天婦羅界數一數二既店
繼續閱讀
聽講係一位難求嘅天婦羅廚師發辦果然係名不虛傳店內座位唔多L形席前設計讓食客們都可以欣賞到日籍大廚們專注製作嘅過程第一眼就被正中央嘅「金鐘罩」吸引原來係店內嘅靈魂 —— 炸爐耳聽著滋滋作響嘅聲音望住大廚從罩內撈起一件件炸物就好似變魔術咁，好有趣！枱上有松露鹽、綠茶鹽、海藻鹽、辣椒鹽同青檸先調好天婦羅汁，加上蘿蔔泥下一步就係靜待「好事來」～～～首先係開胃菜鹿兒島醬油漬吞拿魚赤身魚肉嘅鹹鮮出奇地有開胃作用第一道係花竹蝦呈上一隻薄漿一隻厚漿嘅組合炸漿火候控制得剛好前者爽脆，後者蘸點天婦羅汁餐廳嘅天婦羅汁味道較淡，略帶鮮香十分適合配搭海鮮最後再吃炸蝦頭似十足饞咀零食然後有松茸配銀杏、沙錐魚、栗子等當中要一讚個炸蕃薯外脆內軟，點上自己鍾意嘅鹽出嚟嘅效果味道鹹鹹甜甜，好正！另外牙帶魚同樣令我好難忘香嫩魚肉油脂飽滿配上酸汁蘿蔔蓉好解油膩亦體現到每道菜都有精心舖排巧思十足套餐唔夠喉可以選擇追加兩款招牌分別係海膽天婦羅同埋鮑魚天婦羅Lunch set 本身冇但可以加錢追加試咗個鮑魚好彈牙但又唔會太un配上鮑魚肝醬風味超濃郁作結滿滿嘅黑松露片底下係半熟流心蛋倒入醬油後將天婦羅蝦、松露同埋流心蛋拌勻呢個飯真係風味絕佳，入口香口無比飲埋個味噌湯後就可以食、甜、品！係抹菜栗子雪糕同室外嘅秋意好夾雪糕幾清爽亦唔會太甜係圓滿嘅句點
繼續閱讀
在香港要食正宗優質日式天婦羅選擇並不多，位於中環士丹利街的「Tempura Jiro 」必定滿足到有要求嘅朋友，這家由全日藉師傅主理的日式天婦羅專門店，午市和晚市都以廚師發辦為主，就是你必定會食到師傅推介最新鮮之選👍這裏連沾醬亦非常講究，分別有松露鹽、綠茶鹽、海藻鹽、梅鹽、檸檬、蘿蔔蓉、天婦羅醬汁，配合不同的食材達至最佳味道，另外不得不盛讃這裏的天婦羅脆槳，透薄得來好有口感，師傅仲會因應不同食材調校厚薄，而且係一啲都唔油膩，配合任何食材都一樣美味🌟Omakase Special Course ▪️鹿兒島新鮮吞拿魚赤身赤身用了醬油漬的方法，令魚肉更加鮮味，師傅添加了少少Wasabi，味蕾瞬間打開▪️熊本天草花竹蝦師傅特別用了兩款炸漿的方法，厚少少的炸漿可以沾上天婦羅醬汁，蝦肉超級爽口彈牙，而薄嘅一款可以沾上海藻鹽，另外炸蝦腳部份脆卜卜，充滿蝦的香氣▪️季節秋葵花時令蔬菜，入口甘甜又Juicy ▪️日本海苔魷魚魷魚厚身，中間部份仍然保持刺身級的狀態，脆漿再包住海苔和魷魚，香脆然後帶煙靭，極其鮮味▪️香魚小香魚主要在製作過程非常繁複，要去骨和去內臟，炸得非常香口，整條魚任何部位都可以食▪️北海道真蠔天婦羅炸蠔時間需要掌握得好好才達致外層香脆，中間保持半熟狀態，睇相就知道有多美味▪️沖繩苦瓜配金山寺麥味噌苦瓜甘香又Juicy 配合超級濃郁嘅麵豉味噌醬，這個組合非常好食▪️金目鯛魚配酸汁蘿蔔蓉魚肉剛剛熟，香嫩無比，配合師傅特製的酸汁蘿蔔蓉，味道酸酸咪咪更加開胃▪️新鮮海苔蒸蛋中段時間會食一個蒸蛋清清味蕾，蒸蛋極其香滑鮮味，配合清香嘅新鮮海苔，美味得越食越想食▪️海苔三文魚籽香脆可口嘅天婦羅海苔，配上大粒鮮味既三文魚籽，鮮味無窮▪️炸北海道馬糞海膽平時食生海膽就食得多，炸海膽都係第一次，外層香脆，海膽口感特別cream柔潤，味道甘香▪️炸海鰻海鰻啖啖肉，而且一啲腥味和細骨都冇，沾上松露海鹽，味道絕佳，仲有香脆的鰻魚骨，香口無比▪️炸番薯一口咬下去就是軟糯又清甜，師傅教落其中一件沾上海鹽鹹甜滋味在心頭▪️天婦羅丼飯這個飯幾飽都係可以食得落，天婦羅餅有鮮蝦和帶子，就是香脆和新鮮的味道，配上日本香飯和特調微甜的柚子拌飯醬汁，真係好味道難以形容▪️大和蜆湯用了無數咁多大和蜆肉熬製嘅濃湯，鮮甜到不得了▪️芝士士多啤梨雪糕最後奉上奶味和士多啤梨特別香濃嘅雪糕，非常完美的體驗
繼續閱讀
在繁忙的中環，Tempura Jiro如同一間穩世的美食殿堂，門口低調，但一走進去便能感受到其獨特的魅力。這裡的天婦羅不僅是一道菜，客人可以邊食邊睇師傅的精湛製作過程，真是一場視覺與味覺的盛宴。食材的新鮮度是Tempura Jiro的一大亮點。每一道海鮮天婦羅，如大蜆、蝦、魚和海膽等，都呈現出金黃酥脆的外皮，裡面卻保留了海鮮的多汁鮮嫩。特別是海膽的天婦羅，利用紫蘇葉包住，香氣四溢。另外，來自京都的野菜天婦羅同樣出色，外脆內軟的口感與清新的風味，原來經過天婦羅的菜可以咁好食😆，讓人回味無窮。服務方面，餐廳的服務人員態度親切，細心地為我們介紹每一道菜品的特色。整體來說，Tempura Jiro不僅提供了美味的天婦羅，也營造了一個舒適且令人放鬆的用餐環境，絕對值得一試。
繼續閱讀
真係好期待，因為今次係廚師發辦嘅天婦羅餐，完全不知會食咩前菜:有四款Jelly fish 漬物好爽脆唔好睇小嗰兩粒黑豆 前菜嚟講係最好食😆炸花竹蝦頭🦐炸到亭亭玉立食入口脆卜卜😍🍤花竹蝦身有分兩個脆漿炸-師傅話薄漿炸炸嘅時間就快啲適合就咁點海鹽食-厚漿炸嘅時間就耐啲適合點天婦羅汁食本身餐得一隻炸嘅選擇我最後加錢試哂兩款✌️🥦🥬炸野菜有兩款其中一款加咗秘製麵豉醬味道從來未試過咁衝擊🤭🐟北海道弓魚師傅話適合唧少少青檸汁連骨去食🍆炸茄子配高湯高湯浸住茄子一半夾起食嘅時候茄子一半係脆一半係腍身嘅雙重口感 ～～好食🐠仲有另外兩款魚都係好好食，肉質鮮嫩骨仲好食😹🍲肉丸湯，好清新🧡魚子天婦羅紫菜炸到好脆，魚子放上面一口食哂，好滿足😍🍠炸蕃薯，甜度剛剛好❣️🖤黑松露流心蛋天婦羅飯流心蛋都係炸過嘅入邊仲有啲蝦天婦羅加埋佢建議嘅汁（味道有啲似壽喜燒汁）撈埋一齊食連我平時唔係好食飯嘅人好味道到我成碗食晒😍😍海膽，師傅話今日好新鮮不過都係要另加錢的見師傅咁推介所以就算飽我最後都有加到超級好食🤤最後甜品🍨綠茶冧酒提子雪糕💚💜食嘅全程有翻譯員詳盡講解晒所有俾我聽餸菜名啊？點樣食啊？點樣食係最好啊？點樣時令法？師傅有咩推薦？全程真係好專業！全店所有人都識講日文由四位師傅製作/準備材料/擺盤/遞給客人坐喺度睇佢哋做嘢簡直好似睇表演咁佢哋合作無間兩個黑色衫兩個白色衫好似黑白廚房佢哋製作非常認真中間黑衫應該係主㕑發號施令真係切好擺上枱爭分奪秒務求最熱最新鮮嘅時候俾客人食到呢度無論係食物質素同埋服務都非常之好👍👍👍👍👍👍👍👍👍👍
繼續閱讀
您可能會有興趣的...