影片
付款方式
其他資料
網上訂座
Wi-Fi
酒精飲品
加一服務費
以上資料只供參考, 請與餐廳確認詳情
有關獎賞計劃
相關文章
睇介紹話係韓國來的餐廳。雖然係foodcourt, 但尚算坐得舒適。👌🏼卡邦尼意粉 撈埋溫泉蛋都有蛋香味同芝士味，起碼唔係平時港式嗰啲忌廉白汁味，味道OK。廚房默默流淚白洋蔥炸雞 $128 半份個名好特別，但其實就係炸雞上邊撈咗一層甜甜地嘅醬，個醬冇乜洋蔥嘅味道。炸雞因為撈埋咗甜甜醬，就唔會特別覺得好脆皮。同埋皮都炸得厚。肉唔算嚡口，但感覺多皮少肉。普通水平。黑芝麻沙律 $85普通嘅沙律菜底，撈埋一個類似黑芝麻汁，賣相唔算討好。個汁甜甜酸酸，其實同黑芝麻冇咩大關係。食到最後，覺得個汁太甜啦。味道麻麻。牛油果泡菜牛肉炒飯 $128泡菜飯少少辣，味道都幾濃郁。加埋蛋同牛油果，有滑滑 & 多一層次嘅口感。算係唔錯。另外有兩碟入座即送的前菜小食，味道勁普通。🤔濟洲柑橘乳酪 $68賣相幾得意，但係其實諗落個飲管插落去個柑橘度，其實係唔會帶嚟咩extra味道。味道唔算太強嘅柑橘味或者乳酪味，普普通通。環境： ★★★☆☆ 食物： ★★★☆☆ 推介度：★★★☆☆
繼續閱讀
和朋友在Moko逛街，就看到這家店在排隊，也去排隊啦！果然很不錯，12月準備聖誕節了，所以店裡的裝修都很聖誕，是韓式fusion菜，環境很好，好適合聊天過節！少少芝士黑松露薯條💰68新鮮炸出來的薯條，黑松露味道很濃烈，還可以參加刨芝士活動！配合芝士吃特別香口，也有番茄醬可以沾！韓油奶油排骨鍋（辣味）💰185冬天吃辣辣的鍋很暖胃喔！份量好多，排骨燉得很軟糯，肉都可以很方便地撕下來，不過還是會比較辣，還有配菜紅蘿蔔和蘿蔔，都已經燉得很熟了，👍粒粒八爪魚義大利燉飯💰132這個好好吃！味道很不錯，奶油味很突出，燉飯的米都是糯糯的，包裹著醬汁，還有八爪魚也好好吃，配合起來也很不錯！甜品：不會爬煙囪的聖誕老人朱古力🍫窩夫💰158這款甜品好好看，好少女！❤️❤️，還有個聖誕老人在旁邊，窩夫真的好像煙囪，好可愛！這個巧克力的窩夫也好好吃，很可口😄飲品：綠雪奶蓋聖誕西柚綠茶 & 濟州柑橘乳酪 飲品也是好少女心，好好看，味道同時也不錯😄👍
繼續閱讀
餐廳好闊落，座位都好舒適可以同朋友慢慢食，傾下計。臨近聖誕節仲出左唔少特色食品，幾有心思🥔少少芝士黑松露油薯條加$35就可以無限任刨巴馬臣芝士碎，另外只要Follow餐廳 Instagram同小紅書，就可以參與15秒刨芝士活動。15秒內刨既芝士可以鋪滿整碟薯條即可以免費換領「綠雪奶蓋聖誕西柚綠茶」一杯🍲韓式奶油排骨鍋 呢個排骨鍋嘅湯汁好濃郁，排骨入哂味同好夠稔，用叉輕輕一拮已經可以骨肉分離，下面仲有蘿蔔、年紀同粉絲等等既配菜，非常足料🐙粒粒八爪魚意大利燉飯八爪魚煮得夠晒彈牙，每一粒飯都吸滿哂醬汁🧇不會爬煙囪的聖誕老人朱古力窩夫賣相夠晒吸引，小朋友一定好鍾意。朱古力味香濃，口感鬆軟，如果配埋雪糕就更加完美～🍹綠雪奶蓋聖誕西柚綠茶賣相好有聖誕氣氛，綠色嘅茶底、橙紅色既西柚汁再配上綠色既抹茶奶蓋，睇落去好清新。茶味唔算太濃，甜度適中，加上西柚嘅酸甜味，飲落好解膩
繼續閱讀
「Terrace in seaside 」這間韓系Cafe我時常都會幫襯，非常喜歡佢哋嘅環境，木糸和花藝設計超級舒服，好友度假feel，而且定時有新的菜式推出，好似即將聖誕節，推出咗幾款聖誕限量美食，而且仲有遊戲玩，梗係即刻約埋朋友嚟試吓先👍▪️少少芝士黑松露油薯條 (挑戰活動推廣)我最鍾意食芝士同埋薯條，加埋一齊嘅組合，簡直係無敵，薯條係識叫即炸熱辣辣，加上玩遊戲可以無限量添加芝士，超開心呢😋⭐️12月份仲有好好玩嘅推廣活動1） 凡點叫「落雪了！刨芝士系列」產品，可加$35於用餐期間，無限任刨巴馬臣芝士碎，一同投入刨芝士帶來的狂歡氣氛吧！2）點叫「少少芝士黑松露油薯條」及 Follow 社交平台，即可以參與15秒刨芝士活動，15秒內刨出芝士，能將所有芝士鋪滿整碟薯條(完全覆蓋所有薯條)，即可以免費換領「綠雪奶蓋聖誕西柚綠茶」一杯！▪️韓式奶油排骨鍋 (原味）意想不到的驚喜美味，醬汁帶有微甜，而且奶油味香濃，配上炆得超級軟腍又入味嘅排骨，真係Juicy又好味，而且仲有煙靭嘅年糕、紅蘿蔔和白蘿蔔，超讚👍▪️粒粒八爪魚意大利燉飯意大利飯軟硬適中，每一粒米粉都被濃濃嘅奶油海鮮醬汁包圍着，拌上蛋黃，口感好Creamy味道濃郁，八爪魚軟腍腍又大一點彈牙，再配合巴馬臣芝士碎和火箭菜，好美味嘅一個燉飯▪️綠雪奶蓋聖誕西柚綠茶好有聖誕氣氛的飲品，西柚綠茶清甜可口，而且有好大塊西柚肉，配上厚厚的綠茶奶蓋，味道原來好合拍，Creamy中帶清新，而且面層有士多啤梨脆乾，好有口感▪️不會爬煙囪的聖誕老人朱古力窩夫有一個小可愛聖誕老人伴着窩夫，賣相靚到完全唔捨得食 ，朱古力窩夫外脆內軟，而且朱古力味特濃又唔太甜，配上糖粉、奶蓋、車厘子、藍莓、紅莓和底部的脆脆，精緻又好味嘅甜品⭐️食完飯仲有小驚喜，餐廳為每位客人送上聖誕限量版香味掛衣包
繼續閱讀
最近去食晚餐，餐廳食物有水準有，咁啱有趣味十足嘅小活動，真係食玩一體，成個體驗非常豐富！我哋叫咗少少芝士黑松露油薯條，做緊個挑戰活動。活動只需要點叫一份薯條，再Follow佢哋嘅社交平台，就可以參加15秒刨芝士活動。當時攞住芝士刨，每秒都係緊張又興奮！我努力咁刨咗15秒，成功將芝士鋪滿成碟薯條，順利換領咗一杯「綠雪奶蓋聖誕西柚綠茶」✌🏻芝士同黑松露油嘅香味完美結合，薯條炸得外脆內軟，每一口都係濃郁嘅芝士香，加埋黑松露嘅高級氣息，真係食到停唔到口。主菜方面，我哋點咗原味韓式奶油排骨鍋。呢個排骨鍋真係唔簡單，奶油湯底濃郁香滑，排骨煮得入味，肉質腍身，啱啱好。另一道主菜係粒粒八爪魚意大利燉飯。燉飯嘅米粒煮得軟硬適中，配埋爽彈八爪魚粒🐙好味。甜品不會爬煙囪的聖誕老人朱古力窩夫，個名好搞笑。唔單止造型精緻，仲好啱打卡。朱古力窩夫外脆內軟，配埋濃郁嘅朱古力醬，仲有聖誕老人造型嘅糖霜裝飾，睇得又食得，俾人濃濃嘅節日氣氛。
繼續閱讀
您可能會有興趣的...