Terrace in seaside (MOKO新世紀廣場)

營業中

休息中

睇介紹話係韓國來的餐廳。雖然係foodcourt, 但尚算坐得舒適。👌🏼卡邦尼意粉 撈埋溫泉蛋都有蛋香味同芝士味，起碼唔係平時港式嗰啲忌廉白汁味，味道OK。廚房默默流淚白洋蔥炸雞 $128 半份個名好特別，但其實就係炸雞上邊撈咗一層甜甜地嘅醬，個醬冇乜洋蔥嘅味道。炸雞因為撈埋咗甜甜醬，就唔會特別覺得好脆皮。同埋皮都炸得厚。肉唔算嚡口，但感覺多皮少肉。普通水平。黑芝麻沙律 $85普通嘅沙律菜底，撈埋一個類似黑芝麻汁，賣相唔算討好。個汁甜甜酸酸，其實同黑芝麻冇咩大關係。食到最後，覺得個汁太甜啦。味道麻麻。牛油果泡菜牛肉炒飯 $128泡菜飯少少辣，味道都幾濃郁。加埋蛋同牛油果，有滑滑 & 多一層次嘅口感。算係唔錯。另外有兩碟入座即送的前菜小食，味道勁普通。🤔濟洲柑橘乳酪 $68賣相幾得意，但係其實諗落個飲管插落去個柑橘度，其實係唔會帶嚟咩extra味道。味道唔算太強嘅柑橘味或者乳酪味，普普通通。環境： ★★★☆☆ 食物： ★★★☆☆ 推介度：★★★☆☆

餐廳好闊落，座位都好舒適可以同朋友慢慢食，傾下計。臨近聖誕節仲出左唔少特色食品，幾有心思🥔少少芝士黑松露油薯條加$35就可以無限任刨巴馬臣芝士碎，另外只要Follow餐廳 Instagram同小紅書，就可以參與15秒刨芝士活動。15秒內刨既芝士可以鋪滿整碟薯條即可以免費換領「綠雪奶蓋聖誕西柚綠茶」一杯🍲韓式奶油排骨鍋 呢個排骨鍋嘅湯汁好濃郁，排骨入哂味同好夠稔，用叉輕輕一拮已經可以骨肉分離，下面仲有蘿蔔、年紀同粉絲等等既配菜，非常足料🐙粒粒八爪魚意大利燉飯八爪魚煮得夠晒彈牙，每一粒飯都吸滿哂醬汁🧇不會爬煙囪的聖誕老人朱古力窩夫賣相夠晒吸引，小朋友一定好鍾意。朱古力味香濃，口感鬆軟，如果配埋雪糕就更加完美～🍹綠雪奶蓋聖誕西柚綠茶賣相好有聖誕氣氛，綠色嘅茶底、橙紅色既西柚汁再配上綠色既抹茶奶蓋，睇落去好清新。茶味唔算太濃，甜度適中，加上西柚嘅酸甜味，飲落好解膩

「Terrace in seaside 」這間韓系Cafe我時常都會幫襯，非常喜歡佢哋嘅環境，木糸和花藝設計超級舒服，好友度假feel，而且定時有新的菜式推出，好似即將聖誕節，推出咗幾款聖誕限量美食，而且仲有遊戲玩，梗係即刻約埋朋友嚟試吓先👍▪️少少芝士黑松露油薯條 (挑戰活動推廣)我最鍾意食芝士同埋薯條，加埋一齊嘅組合，簡直係無敵，薯條係識叫即炸熱辣辣，加上玩遊戲可以無限量添加芝士，超開心呢😋⭐️12月份仲有好好玩嘅推廣活動1） 凡點叫「落雪了！刨芝士系列」產品，可加$35於用餐期間，無限任刨巴馬臣芝士碎，一同投入刨芝士帶來的狂歡氣氛吧！2）點叫「少少芝士黑松露油薯條」及 Follow 社交平台，即可以參與15秒刨芝士活動，15秒內刨出芝士，能將所有芝士鋪滿整碟薯條(完全覆蓋所有薯條)，即可以免費換領「綠雪奶蓋聖誕西柚綠茶」一杯！▪️韓式奶油排骨鍋 (原味）意想不到的驚喜美味，醬汁帶有微甜，而且奶油味香濃，配上炆得超級軟腍又入味嘅排骨，真係Juicy又好味，而且仲有煙靭嘅年糕、紅蘿蔔和白蘿蔔，超讚👍▪️粒粒八爪魚意大利燉飯意大利飯軟硬適中，每一粒米粉都被濃濃嘅奶油海鮮醬汁包圍着，拌上蛋黃，

最近去食晚餐，餐廳食物有水準有，咁啱有趣味十足嘅小活動，真係食玩一體，成個體驗非常豐富！我哋叫咗少少芝士黑松露油薯條，做緊個挑戰活動。活動只需要點叫一份薯條，再Follow佢哋嘅社交平台，就可以參加15秒刨芝士活動。當時攞住芝士刨，每秒都係緊張又興奮！我努力咁刨咗15秒，成功將芝士鋪滿成碟薯條，順利換領咗一杯「綠雪奶蓋聖誕西柚綠茶」✌🏻芝士同黑松露油嘅香味完美結合，薯條炸得外脆內軟，每一口都係濃郁嘅芝士香，加埋黑松露嘅高級氣息，真係食到停唔到口。主菜方面，我哋點咗原味韓式奶油排骨鍋。呢個排骨鍋真係唔簡單，奶油湯底濃郁香滑，排骨煮得入味，肉質腍身，啱啱好。另一道主菜係粒粒八爪魚意大利燉飯。燉飯嘅米粒煮得軟硬適中，配埋爽彈八爪魚粒🐙好味。甜品不會爬煙囪的聖誕老人朱古力窩夫，個名好搞笑。唔單止造型精緻，仲好啱打卡。朱古力窩夫外脆內軟，配埋濃郁嘅朱古力醬，仲有聖誕老人造型嘅糖霜裝飾，睇得又食得，俾人濃濃嘅節日氣氛。

今個月有新菜式，是聖誕主題，所以我很喜歡這間韓式餐廳，加上餐廳環境很開揚，設計很靚，我都會間唔中係度打卡。少少芝士黑松露油薯條薯條熱辣辣，好香脆，因為係小食，唔會太大條，但一定長過連鎖快餐店。芝士真係好正，好濃味，仲有至愛的黑松露油，香噴噴。韓式奶油排骨鍋我們叫左辣味，排骨很香，煮得夠軟身，夠入味，醬汁辣中帶甜，因為加入蘿蔔。韓式菜式點會無長條年糕，很煙韌，仲有韓國粉絲，正。粒粒八爪魚意大利燉飯燉飯很香軟，醬汁很鮮，有奶油香味，八爪魚切成大大粒，口感爽口彈牙，一定咬得入，仲有新鮮火箭菜，中間仲有溫泉蛋，拌勻食很滑溜。不會爬煙囪的聖誕老人朱古力窩夫很有氣氛，打卡一流。喜歡聖誕老人的裝飾，有香甜又大粒的車厘子，酸甜的雜莓，仲有勁濃味的朱古力窩夫，外面脆脆地，然後又食到蛋糕的鬆軟，淋上cream 很香滑。綠雪奶蓋聖誕西柚綠茶奶蓋係香滑的抹茶味，底層有切件的西柚，很清新，拌勻後，綠茶帶點果香。

我經過咗3次，發現 kitchen 出餐速度超慢，但廳面禮貌好好，值得食!♡同埋廚房有待改善，早餐速度可以快啲，廳面啲人唔錯，雖然廚房出餐慢咗，但係廳面啲人都努力改善返，值得食!

粒粒魚籽與三文魚蛋黃醬飯卷這道飯卷結合了魚籽和三文魚的鮮美，蛋黃醬的濃郁使整個飯卷更加滑嫩可口，每一口都充滿了海洋的氣息和濃郁的風味。蜂蜜炸雞蜂蜜炸雞外皮酥脆，內裡鮮嫩多汁，甜蜜的蜂蜜醬與鹹香的炸雞完美融合，帶來了甜鹹交織的美妙口感。韓式豬手韓式豬手經過長時間的煮製，肉質軟嫩，配上特製的韓式醬料，味道濃郁且富有層次，讓人每一口都充滿了滿足感。牛油果泡菜牛肉炒飯這道炒飯將牛油果的細膩與泡菜的酸辣結合，再配上鮮嫩的牛肉，使整道菜既有豐富的口感又充滿營養。開心果奶油窩夫這款甜品口感鬆軟，表面酥脆，內裡充滿了奶油的香氣，再加上開心果的堅果香氣和脆感，讓人一吃就停不下來。濟洲金橘乳酪這款飲品結合了濟洲金橘的清香與乳酪的濃郁，酸甜適中，既有水果的清爽，又有乳酪的絲滑，是一款非常特別的飲品。

醬燒牛肉飯卷牛肉飯整體比較乾，飯粒冇吸收到足夠嘅汁，令味道唔夠突出。牛肉本身質感還可以，但調味唔算特別出色，有待改進。泡沫忌廉玫瑰醬烏冬 🍜 呢道烏冬上面有一層輕輕嘅忌廉泡沫，玫瑰醬嘅香味同烏冬非常搭配。烏冬質感爽口彈牙，但配料比較單調，只有幾條菇，食到後來有啲膩。濟洲柑橘乳酪 🍊 呢杯飲品正好幫你清清口，味道微甜，唔會過於甜膩。乳酪嘅口感爽滑，柑橘味道清新，飲完感覺非常舒爽，係整餐嘅亮點，非常推薦！👍🏻整體而言，菜式質素唔算太穩定，但飲品真係值得一試，期待下次有更好嘅體驗。

上星期一行六個女仔食生日飯去咗一個比較就腳嘅地方-旺角新世紀朋友好鍾意食韓國嘢，揀咗一間fusion韓國菜，呢個係連鎖式有幾間分店。講吓食物先，因為我遲咗少少，佢哋食咗個小食拼盤我先到，所以冇影到相，佢啲嘢飲杯杯顏色都好靚，紅蝦意粉都好出色豬手都係！至於炸雞，竟然有酸味，啲雞肉好似變壞咗，我哋幾個都認同，不過每人都咬咗一啖，所以冇同職員講返…另外職員一早同我哋講會有切餅費，除非喺度叫甜品，呢個係一個細心嘅表現，結果我哋嗌咗一個小甜品，就free咗切餅費❤️🧡

最近和朋友們聚會，我們去了新世紀的TERRACE IN SERSIDE，這是一家從韓國來香港開的餐廳。餐廳的裝修非常吸引，充滿了時尚和現代感，讓人一走進來就感覺很清新。而且，最近他們推出的食物主題是芒果，正好合我的口味！我們點了幾樣招牌菜，包括蟹肉飯卷、芒果華夫餅、芒果沙冰和薯條。蟹肉飯卷非常新鮮，蟹肉的鮮味和米飯很有口感, 完美結合，讓人一口接一口。芒果WAFFLE則是另一個驚喜，外脆內軟，上面淋著豐富的芒果醬，吃起來甜而不膩，讓人心情大好。而芒果沙冰清涼解暑，在炎熱的天氣中特別受歡迎，口感滑順，芒果的香甜味道恰到好處。最後，薯條外酥內嫩，簡單卻總是讓人滿意。

呢間Terrace in seaside分店開起旺角Moko，3樓位置顯眼，一上樓就看到未試過但係行過成日見佢地d特色飲品幾吸引，今次終於有得試餐廳裝潢正常無話太特別，座位都算闊落坐得舒服，但係要預排一陣隊先有得入座餐牌多圖都幾吸引，風格有d似另外一間連鎖韓餐我兩個人叫左三樣野一杯飲品🐙玫瑰醬海鮮年糕 $92賣相同色水睇落不錯，海鮮有蝦仁，八爪魚仔，蜆，年糕分量正常個醬既濃稠度適中，味道偏奶油creamy 少少，韓式辣醬既佔比較少，適合多數人既口味雖然味道不錯，但除非情有獨鍾，呢可以唔叫🍝🐮韓國烤牛肉奶油闊條麵 $105牛肉分量ok，闊條麵厚身掛到汁，比較有驚喜既繫個烤牛肉醬，creamy 既口感有淡淡鹹鮮味，呢個配搭幾正，可以一試🍊🐔濟州柑橘炸雞 半份 無骨 $108賣相幾有 feel，半份分量大概 8-10件炸雞左右，再有少少薯條同沙律伴碟醬汁酸酸甜甜幾開胃，質地較稠，即使放左陣都唔會整淋左d炸雞炸雞本身應該用左雞腿肉，入面鮮嫩多汁，不過個人覺得外層炸得稍微有少少硬整體水準中上，對得住個價錢🍊濟州柑橘乳酪 $68其中之一既signature，影相一流，味道基本上就係酸奶味，無咩特別

第二次來呢間，三人中其中一個生日，叫咗生日窩夫，賣相都唔錯，窩夫唔會好甜，topping 士多啤梨🍓和藍莓🫐是新鮮水果，飯團都好味，有個服務員Elxxx好好服務熱情又有禮貌，其他就欠缺笑容

朋友英國返來，特登選擇旺角moko 交通方便的餐廳聚會吃飯真實評價如下：環境好靚，食物質量都好好，份量好足夠，叫咗四人套餐六人都食得好飽，用openrice訂位有八折（不計服務費）套餐都抵食，可能我哋比較細食，我自己最中意食布拉塔芝士沙律和墨汁八爪魚燉飯，魚籽三文魚蛋黃醬飯卷都好味，餐廳經理都好好服務不過其中一兩位服務員態度就比較差，可能當日心情唔好？

Dinner @ Terrace in seaside (MOKO)Terrace in seaside, 是一間新派韓國菜館， 一直以來深受年輕一族歡迎，雖然我們是中坑，但也慕名而來，一嚐究竟 ~明太子蟹肉飯卷：賣相美觀，飯卷包得紮紮實實， 吃起來很有韓風，味道也不錯 ~流心芝士豬扒：豬扒大大件，外皮炸得鬆脆，一刀拖下去，內裏的流心芝士立即洶湧澎湃而出，配上味道甜甜酸酸的醬汁，不論是口感和味道都很美妙 ~柑橘窩夫胖雪糕：我並非好甜一族，但眼見如此精緻的甜品，立即垂涎三尺，胃口大開； 也沒想過韓國柑橘配上窩夫，這個 combination 竟然是這樣的匹配，滿足感爆燈 ~本篇完 ~

喺網上望到八月生日優惠窩夫諗住嚟試吓 結果大失所望首先落單嘅時候店員就喺度追問嘢飲飲啲咩已經講咗話唔想飲，仲喺度問結果兩杯嘢飲味道都一般其次個窩夫係照騙！Menu上面嘅圖係有好多士多啤梨同藍莓但實際上係圖二得幾粒對半切嘅士多啤梨個cream真係勁甜勁漏勁難食，全部都係色素只可以講毫無食慾之前已經喺另外一間分行店試過限定嘅紫薯沙冰杯嘢係勁colorful，全部都係色素售價58，一如既往嘅難飲唔知俾啲咩評價好