影片
港鐵金鐘站 F 出口
繼續閱讀
電話號碼
25374682
開飯介紹
此店的光線較暗，情調氣氛均適合情侶來撐檯腳。
售泰菜的此店為食客推祟，食物質量佳外，食物做法的意念創新，富心思，喜愛泰菜的朋友不妨一試!
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
大家對米芝蓮這件事都會有很多看法，但幾個不同的看法是可以並存的，比如你可能覺得「米芝蓮星級」有點兒overrated, 但同時間見到有星的又會想去試一試。所以面對同一件事，同時間有多種看法是合理非常。我對米芝蓮其中一個看法就是，有不少有星的餐廳我會報以一個莫名奇妙的微笑，但又對於某些餐廳的出品遠超(係遠超！)米芝蓮星級餐廳水平但又從來不獲星級賞識的感到奇怪、不值。太古廣場的Thai Basil就是一間。這店吃了不知多少年，以前在底層經常要排隊，搬了上地下之後，環境再modern再lifestyle了一點，舒適，服務員態度輕鬆自若，感覺良好。說到出品，那個羊架青咖哩，三件羊架用一大盤偏稀的青咖哩湯汁浸著，用茄子墊底，美味程真係可以同粵菜的羊腩煲分庭抗禮(係，我好鍾意食羊腩煲！)不論味道、擺盤、心思、presentation等等，無一樣不是上等。如果這碟羊架出現在米芝蓮星級餐廳，食客們或KOL或Foodie們都應該會爭相影相打卡。唯獨市場上就有好多這些餐廳，不論是大集團還是小本經營，就是沒有應有的贊許。當然，這只是基於我個人的口味而言，市場和食客的眼睛是雪亮的。其他還有很多好的推介，我特別介紹炒芽菜。實不相瞞，要講特別，炒碟芽菜又可以有幾特別呢？特別就特別在，我應該唔知幾多十年，從來無乜見過有間餐廳有一味餸是炒芽菜。芽菜有益，香口爽口，難得見到，我一定點。當然你可以話好多食小炒的餐廳都有炒芽菜啦，我會答你，咁我依家唔係講緊去其他餐廳，而係講緊呢開餐廳嘛。頭盤方面，我覺得魚餅好味過蝦餅，看你口味。甜品就無敵了：香蕉麵包布甸+雪糕，浸住的應該是煉奶溝出來的source，另一樣是茫果黑糯米飯，用應該是椰奶溝出來的source浸住，茫果和黑糯米層夾層好似三文治的做法，比起傳統食法多了一份層次口感，成件事特別了。又咁講，有星無星，我都係會去幫襯，所以又多了對米芝蓮的另一重看法：有星，都是因為間餐廳佢哋覺得好(但我真唔懂佢哋如何衡量)，即是遇到一間好餐廳，米芝蓮的指標已經不重要了。
繼續閱讀
今天约了舊同事吃中午飯，她選了Thai Basil! 也好自從裝修之後都冇嚟過一於試吓！我覺得而家新嘅舖環境唔錯😻枱以枱之間嘅距離都充足，坐得都幾舒服 🤗朋友鍾意食 泰式炒河粉Pad Thai 我都鍾意，所以呢大家都一齊叫咗Pad Thai跟住就叫咗個蝦餅嚟share😻我覺得佢嘅蝦餅仍然係保持返以往嘅水準啦！佢個泰式炒河粉呢都好味，咁同埋佢都好多大粒原隻蝦肉!喺中環近金鐘區工作嘅上班族，如果想食泰菜，都可以考慮，食下佢嘅Pad Thai 同埋個蝦餅🤗 溫馨提示，如果你係鍾意啲好濃味嘅泰菜，咁依間就未必適合你啦！依間係適合鍾意傾向比較清淡口味嘅泰菜，如果你想食濃味呢，我遲啲再介紹俾大家🤗
繼續閱讀
星期四全日上training，lunch可以同舊同事食飯，殊不知有人請食飯。Lunch無lunch set，只能散叫。慢煮加拿大牛肋骨紅咖喱牛肋骨好軟腍，有大量羽衣甘藍，紅咖哩唔辣，幾好食。燒薄餅食咖哩當然要配薄餅食啦。豬、牛、雞串燒沙嗲醬幾好食，雞肉最嫩滑，豬肉同牛肉就普通。馬拉盞炒泰國嫩芽菜呢個辣過紅咖哩，芽菜無乜特別。香芒黑糯米呢種形式既芒果糯米飯第一次見，好精緻，幾好食，甜甜地，可惜比較細份。
繼續閱讀
久未曾嚐泰北菜餚，一於尋味到此。魷魚青芒果沙律堆得很高，貌似壯觀，實則份量不多：少的是魷魚，多的是芒果。芒果醬加芒果條的味道掩蓋一切，泰式紫蘇的香氣好像消失掉，每口就是芒果味魷魚，芒果控友人激賞。僅有三件羊架的燒澳洲羊架青咖哩，每件羊架都包著勁厚的肥脂層，但因為只有三舊，結果迫於無奈之下甚麼都要吃下肚！青咖哩味道平和，奇怪的是其下的茄子蓉，有點格格不入的感覺。黑毛豬濕炒河較為好些，起碼豬肉爽而對味！無奈又是奇少，只得數片。加入泰式芥蘭、蘑菇、珍珠荀及甘荀同炒，對食味幫助不大。看起來更像是茶記的濕炒河，不過價錢當然矜貴得多！對於小人而言，屬中級水平。
繼續閱讀
我去過很多次這餐廳，食品味道可以，坐位舒服但今晚用餐奇差，埋單將我告訴服務員，我飲Mojito的時候差D比D碎香芽哽死，要到洗手間咳硬物，我話下次你隔渣或提供飲管，個服務員答我Menu寫咗不會提供飲管，我會幫你反映，但係態度係漠不關心,哽死係你因為揀咗Mojito🤬完全沒有為食客食品安全意識，不值得在光顧。
繼續閱讀