Thai-ger (已搬遷) 新店位置

之前經過呢間泰菜都唔少人幫襯呢晚就要試試夜晚7點幾去到都要等一陣位..睇菜單都價錢合錢.可加錢轉套餐咖喱都有2款..今次食青咖哩牛腩 $70可配飯或薄餅個咖哩香 仲有少少辣 點薄餅食唔停口泰式肉碎煎蛋飯 $70雞蛋仲有燶邊流心嫁..好正..船麵 $70好多料 份量好足 整體不錯

泰姐車仔麵，菜包括有有金邊粉，泰式肉碎，豬頸肉，雞翼，睇落好似好好味咁呢，等我食過先知。肉碎味道較淡，不過好有口感，個湯底係唔錯既，蘿蔔嘅味道都啱啱好，而且好多汁，最好食就係豬頸肉，比較彈牙。今天堂比較滑身，同大眾既都差不多。最後，其實雞翼係我最期待嘅，但係都係有啲失望，因為雞翼比較凍，而且啲肉食落去嘅時候好硬身，有可能係放得比較耐，食落去嘅時候無乜口感，不過除雞翼係扣分之後，豬頸肉都係加分嘅其中一樣菜，整體來講，都算唔錯。

撥水節限定泰式菠蘿炒飯加泰式奶茶泰式奶茶呢就沖到啱啱好，佢有呢個煉奶味好重，奶茶嘅色澤比一般奶茶較濃既，飲落去都幾好飲，而且甘露香嘅奶茶味，可以提神。至於呢個菠蘿炒飯呢，賣相都幾好，等我又試吓先。首先啲腰果好不夠脆，菠蘿不太酸，因為我最怕酸的，食落去嘅時候好多汁，但係都幾嘢味。但合埋其他餸一齊食嘅時候呢就好好食同好多汁，加上面頭上有肉鬆，甜甜地，而且啲炒飯炒得比較軟身，又不太硬身，幾開胃，幾好食，呢個價錢都可以食到咁既泰國野食都不錯。

星期日嘅下午，去荔枝角嘅D2 Place隨意走走。臨走嘅時候，覺得有少少口渴，於是就求其搵一間近出口嘅餐廳，想買杯嘢飲。見到有一間泰國餐廳，喺餐牌上面揀咗杯解渴嘅凍青檸水。一飲落去，酸味一擁而上，個人真係醒哂啊！青檸汁嘅份量唔少，味道亦感覺係真才實料，唔係淨係糖水溝出嚟嘅。香港好多泰國餐廳只係注重嘢食，而忽略嘢飲，而呢間餐廳嘢飲都做得咁好，相信嘢食都可以期待。呢杯青檸水淨叫$16 ，跟餐嘅話就$8，下次一定返嚟坐低試吓嘢食！

我成日會行荔枝角D2 place ，每次經過呢間餐廳，都會俾佢傳出黎嘅香味吸引，於是今次就停低腳步，俾一次機會佢試吓，估唔到又比到驚喜我。首先佢個冬陰公麻辣湯，辣得好過癮，酸酸甜甜，好開胃又唔會太辣，飲完唔會覺得太口渴。海南雞，略嫌雞太瘦，皮有點厚，不過味道還可以，油飯算不錯，味道幾香而且不會太油膩。炸春卷最好食，皮炸到好脆，入面嘅肉仲炸到好熱，影埋佢哋嘅酸辣汁，味道就一流。整體感覺還可以，不過餐廳有點細。

上月某個週末晚上，忽然好想食泰菜，就記起之前朋友推介嘅一間小店，於是趁假期去試一試。小店地埋位置方便，去到荔枝角站d2出口搵到D2 place 入口，一上電梯左邊就係啦。入面座位唔多，大約只有20個。不過我地到達嘅時候只係晚上6時多，雖然係星期六，仍然有充足嘅坐位。研究完一輪餐牌，我地決定叫左個2人餐。見佢有湯，有前菜，有兩份主菜，同時亦有甜品及飲品，最驚喜係我可以選擇油飯。我地十分喜歡佢嘅冬蔭公湯 細細碗但都有唔少菇類，很有口感，味道亦足，頗辣。前菜則有幾款選擇，我地就揀左蝦餅同春卷，中規中矩。主菜方面，我地揀選左海南雞飯及黃咖哩豬頸肉飯，一碗白飯一碗油飯。海南雞嫩滑，入味，淡淡咸香一試難忘。而黃咖哩亦十分香濃，朋友讚不絕口，而我就略嫌偏甜，但配上白飯什至油飯都不錯。一頓完美嘅晚宴當然不能缺少蔬菜，小店嘅馬拉盞炒通菜十分惹味，亦極有鑊氣，絕對出色。最後還有甜品，是我最愛嘅椰汁西米糕，為成餐飯畫上完美句號，飲埋酸酸嘅檸檬茶，我又可以叫多一個2人餐啦，哈哈。

星期五晚同朋友去咗荔枝角D2place食泰國菜。餐廳地點都幾就腳，一出地鐵站，過條馬路，喺D2place入口上條電梯就到。我哋book咗7點，餐廳話只可以幫我哋留五分鐘枱 ， 放工時間地鐵太多人我哋差啲趕唔切，好彩都有其中一兩個成功到咗先。餐廳雖然幾細有啲逼，點餐要出返去門口，但整體都好乾淨企理。啲嘢食好快就送到，而且無出錯，抵讚！我叫咗冬蔭功金邊粉， 配料要牛腩、燒雞肉、豬頸肉。一嚟就即刻試個湯底，啲湯落到喉嚨都有少少辣。之後試埋啲肉，幾入味不過就凍咗啲，要用湯浸返熱佢。我個人就最鍾意個豬頸肉，夠爽口。成碗粉勝在夠大份好飽肚，粉多、每款肉都起碼有三四嚿、仲搭多兩條菜，$70嚟講算係好抵食嘅晚餐。

我一向都非常熱愛泰菜，呢間係住附近既朋友介紹我黎食，於是就帶男朋友黎食晚餐小店店面好細，座位唔多，坐得其實有啲迫，但裝潢幾有feel。食物選擇唔算好多，但睇落對我黎講都幾岩食我同男朋友叫左個二人set, 有飯食有小食有野飲有甜品有湯有菜，好豐富！先上菜係冬陰功湯，正呀！我至愛！好濃好香而且十分辣跟餐有碗通菜，即炒非常香而且入味又唔太油，好快就食哂主食揀左海南雞同埋黃咖哩，配左一碗油飯一碗白飯。主食份量唔算多，不過成個set咁多野食，一定夠飽！海南雞去左骨，幾滑而且香，唔錯。黃咖哩唔辣，椰香味重，感覺好rich，撈飯食一流。豬頸肉份量幾多，口感唔錯。再來係小食，叫左蝦餅同春卷，一人每樣一件，剛剛好。鮮炸起，幾好食。最後西米糕細細碗都幾好食！總結呢餐相當唔錯，覺得佢地煮得幾有心機，價錢適中。

將近8：30,剛剛先扮完工，我同老婆決定食d重口味既泰國菜。D2 place 有好多特色小餐館，中西日韓意泰都有，呢間泰國餐廳系D2 place 一期電梯一上黎就見到，門面雖小但食物卻出奇地好。我地點左二人餐，餐湯小食主菜甜品飲料都包曬，連白飯都可以揀轉油飯冬陰公香茅味濃，夠辣炸蝦餅同雞翼食落口仲系熱辣辣，有誠意泰式炒通菜頗新鮮，炒得幾爽脆我地要左海南雞同肉碎，海南雞雞肉都叫嫩滑，醬汁就略嫌淡味。老婆叫左走辣，肉碎凈返醬油味，我覺得呢個菜始終都要辣既先好味。老婆加錢叫個椰靑，一啖冬陰公一啖椰靑都既適合食唔到辣既佢今時今日小本經營真系唔容易，好既野大家都要多多支持啊 !

今日去到荔枝角唔知食咩好，就去左附近既D2 place食泰國菜。個人覺得D2 Place既餐廳定價都比較高，一個午餐都要$80起跳。我就嗌咗我最鍾意食嘅船麵作為lunch~呢個船麵包括仲有肥牛同牛腩，當然唔少得船麵必有既炸豬皮！船麵湯底幾重味，味道亦有層次感，金邊粉條條分明，口感軟稔，吸收到湯底既味道。而肥牛同牛腩都入味，整體係ok既！而且份量亦都適中！而鹹檸七都幾重鹹檸味～個人覺得呢度嘅食物同飲品都不錯，但價錢就比較貴，未必會再黎。

係呢度返工，同事提議左食呢間。呢間鋪有別一般泰式餐廳，清新木系傢具，牆身用咗大葉，似一間cafe多啲，襯番D2 place呢個地方。黎到就黎食飯時間，開始多人。我地叫外賣，要等一啲時間，我地去對面鋪頭逛下。（幫襯個陣已經係11月中，唔知依家仲有無）同事叫咗泰式炒金邊粉，炒得幾入味，幾均勻，有青檸係無咁dry。另外一個同事叫咗泰式雞扒，皮唔算厚，肉是嫩。我就叫咗海南雞飯，油飯唔算太油，雞出奇地嫩，點佢嘅汁當然係提昇咗啦。

D2 place最出名既唔係行街，而係商場佈置今個聖誕主題係螢火蟲森林，感覺好特別專登黎左影相結果又黑又無嘢睇，唔洗10分鐘就行完同朋友誤打誤撞搵到尼間Thai-ger店面好似cafe，原來係食泰國野兩個有選擇困難症既人廢事諗，就叫左個乜都有齊既二人餐結果好有驚喜😍又好食又抵又飽肚要去cashier比錢先人均110有咁多款食物真係好抵冬陰功無咩材料酸酸辣辣好開胃炸物有幾款選擇，我地揀左蝦餅同墨魚餅正常炸物，無特別兩個味道好似，應該揀款雞翼個菜好夠鍋氣又惹味！好好食全晚最好食就係佢，我平時唔鍾意食菜都食曬海南雞夠嫩滑，好食！雞肉老左D，最後食唔曬但係咖喱夠椰香，撈飯食一流跟餐唔洗加錢都可以叫油飯但係唔夠油香味，乾左D，同白飯無咩分別咁跟餐仲有兩杯飲品同兩份甜品西米糕甜甜地好滋味一路食一路重複好抵好抵🤣$218有齊飲品、湯、小食、三個主菜、甜品真係超值！份量細細份，但係夠兩個仔女仔食有突食到收舖見到全部職員都係年輕人價錢抵味道好，又有心機一定會再黎支持

今日同同事A一齊出去見客，見客前快食個 Lunch ，同事覺得近排無咩胃口，於是我就建議下不如食泰菜，夠香口惹味，相信胃口應該可以增添不少的。我就揀左碟「去骨海南雞飯」，識揀一定揀油飯，去骨海南實在無揀錯，雞味非常香濃，肉質幼嫩細滑，連皮食就最岩不過，再配埋自家秘製辣椒醬，真係錦上添花。同事揀左。「冬蔭公肥牛車仔湯粉」配金邊粉，小店特意用蝦頭先煎一煎再煮，然後打成濃湯，所以湯底味道更濃郁，再加上泰式辣椒膏和各式蔬菜煮成既湯底，食到我同事咀郁郁咁，胃口立即大增，隨即再叫添加左一碟炸魚皮，因為佢話個冬蔭公湯底實在丸正，唔想浪費左。最後同事A 仲全部清晒，一滴不漏咁。 

朋友特登抽時間出黎搵我食Lunch係D2 Place求其搵間舖快食叫左個小食拼盤，金邊粉，肉碎煎蛋飯，另外加左馬拉盞炒通菜最中意小食拼盤特別係個蝦餅幾彈牙 其餘雞翼，春卷都幾好食金邊粉甜酸岩岩好馬拉盞炒通菜都好正但重手左少少咸左D肉碎煎蛋飯就不過不失

小小的餐廳包含左好多泰式菜色同小食。除左海南雞同泰式炒河，再有自選配搭嘅船麵。還有泰式拼盤⋯店舖雖小，但是包羅萬有😊餐廳內仲播住輕鬆嘅泰文歌曲，雖然唔知佢唱乜，不過旋律好聽，並無因為唔明白語言而覺得抗拒😚食物方面今日點左海南雞飯&泰式炒河。海南雞份量都算係大，雞肉嫩滑又唔肥👍🏻但係油飯就太淡，雞油太少，有少許失色😅另外泰式炒河有三種，可以揀蝦、豬頸肉、雞肉。點左一份配蝦。泰式炒可味道唔錯，只係濕咗少少，不過甜酸辣嘅味道都齊全；炒蛋同芽菜熟嘅程度都剛剛好，沒有太老。但係蝦本身就無乜味道，可能跟河粉一起炒嘅時間唔夠🙄仍有進步空間。能夠輕輕鬆鬆係依間小店食飯，聽住輕快嘅泰式歌曲，又飲住杯鹹檸七配泰菜，心情都放鬆得多雖然食物未能盡善盡美，但是仍值得推介☺️