影片
更多
2019-02-27
795 瀏覽
星期五晚同朋友去咗荔枝角D2place食泰國菜。餐廳地點都幾就腳，一出地鐵站，過條馬路，喺D2place入口上條電梯就到。我哋book咗7點，餐廳話只可以幫我哋留五分鐘枱 ， 放工時間地鐵太多人我哋差啲趕唔切，好彩都有其中一兩個成功到咗先。餐廳雖然幾細有啲逼，點餐要出返去門口，但整體都好乾淨企理。啲嘢食好快就送到，而且無出錯，抵讚！我叫咗冬蔭功金邊粉， 配料要牛腩、燒雞肉、豬頸肉。一嚟就即刻試個湯底，啲湯落到喉嚨都有少少辣。之後試埋啲肉，幾入味不過就凍咗啲，要用湯浸返熱佢。我個人就最鍾意個豬頸肉，夠爽口。成碗粉勝在夠大份好飽肚，粉多、每款肉都起碼有三四嚿、仲搭多兩條菜，$70嚟講算係好抵食嘅晚餐。
餐廳地點都幾就腳，一出地鐵站，過條馬路，喺D2place入口上條電梯就到。
我哋book咗7點，餐廳話只可以幫我哋留五分鐘枱 ， 放工時間地鐵太多人我哋差啲趕唔切，好彩都有其中一兩個成功到咗先。
餐廳雖然幾細有啲逼，點餐要出返去門口，但整體都好乾淨企理。
啲嘢食好快就送到，而且無出錯，抵讚！
我叫咗冬蔭功金邊粉， 配料要牛腩、燒雞肉、豬頸肉。一嚟就即刻試個湯底，啲湯落到喉嚨都有少少辣。之後試埋啲肉，幾入味不過就凍咗啲，要用湯浸返熱佢。我個人就最鍾意個豬頸肉，夠爽口。成碗粉勝在夠大份好飽肚，粉多、每款肉都起碼有三四嚿、仲搭多兩條菜，$70嚟講算係好抵食嘅晚餐。
張貼
