Thainan Chicken ขุนทอง

營業中

休息中

去開中環諗住去grill買串燒食, 發現旁邊有日間食海南雞飯既小店開左, 原來同Grill既野食係一樣既, 仲有位座可以舒舒服服咁食! 要左一個泰式炒飯配串燒, 串燒可要全雞or全豬, $68 中環黎講真係好抵食, 泰式炒飯微辣好香口, 但飯就濕左d, 而雞串燒好大串, 燒得好香, 加埋沙爹醬好惹味, 如果可以雞同豬雙拼會更好~ 另外要左d串燒, 燒牛仔骨好大塊, 啖啖肉, 而Vi就最中意燒菠蘿同燒豬頸肉, 燒菠蘿好甜好多汁, 燒豬頸肉好爽口, 有泰式辣醬好好味~ 而燒魷魚就比較普通~ 食串燒加支apple cider就perfect!

Boyfriend and I are massive fans of Grilled. It's our one stop place when we are in the Lan Kwai Fong area and need a quick bite before we meet up with friends. Recently, we noticed something new next door. Thainan Chicken. Apparently but the same people who brought about Grilled, I guess they decided to open up a sit down place. So, we decided to grab something to eat before, yes meeting up for friends later on in the night.I love this wall. I think I'm the only one who probably sees Rachel Zoe

我之前已到過thianan chicken午餐數次, 餐廳的出品有點飄忽, 希望表達一下意見首先係主打的串燒炒飯, 無疑串燒係好美味, 但炒飯有時會比較硬, 好像昨日食的一份就有此情況之前試食海南雞飯, 雞肉係好滑同好有雞香, 不過部份雞件就比較鬆散, 但另一次去食又好整齊, 雞件碎的時候感覺上份量就少左, 而且唔夠滑另外人多的時候排隊的安排有點混亂, 我被人打尖了.. 因為人多時後面好似有兩條隊, 但原來又只得一條, 餐廳放了排隊帶讓人自己排, 但無人去協助等候的客人, 後面等的人便不夠清悉希望餐廳方面可改善下, 其實你地係唔錯的

今日放假搵住食個下午茶，在朋友介紹中環有個叫傳說中的串燒炒飯，所以來試一試佢有幾傳說，當到達時見到門外有個menu架顯示住泰式串燒炒飯$60，就入去試一試。內裡職員全是講英文，店內環境特別，我最鐘情幅畫，幾特別！落單後5分鐘已奉上食物，上菜速度都幾快。試埋個串燒同飯底，串燒香口內裡肉質滑一滑，正。個炒飯有點辣，不過辣得幾好味。在中環區以這價錢食到這質數食物確係難得。可惜一個人食唔到咁多野，下次一定要來叫雞，試埋這餐廳招牌「去骨泰南雞飯」先。

曾經光顧在一旁的串燒店Grill，和海南雞飯緣慳一面。得知餐廳多了一個鋪位” Thainan Chicken” 可以坐著吃。剛好放工時間早，配合天時地利人和之下，今天和老婆再來一嚐這裡的串燒和期待而久的海南雞飯。門面和上次來的差不多，改善了的地方就是在立食處的街道的去水口用紙皮覆蓋著，雖然還是有污水經過，但這是非戰之罪。幸好在旁有新的鋪位，能夠坐著進食，不用和臭味污水共存。店內光線充足，衛生良好，枱面，椅子和地上也沒有污積，對於串燒店來說是十分難得，值得一贊。食物方面，整體味道不錯，除了部份串燒肉質煙韌外，堂食的食物水準很高。海南雞（1/4隻）去骨的海南雞肉質嫩滑，味道一流，配上泰式辣醬和醬油，可以享受到多重滋味。我倆都對它讚嘆不已，完全是勝於預期的海南雞～泰式串燒配炒飯及雜菜這個飯包括三條串燒：豬，牛和雞各一，和泰式炒飯。炒飯香濃，粒粒分明，咸度適中帶微辣。份量約一碗飯左右，兩個人ＳＨＡＲＥ食再配上其他食物，一個字　＂飽＂。串燒最重要的是肉質嫩滑，易入口，不會太過煙韌。這三條串燒就能體現串燒的完美。入口鬆化，沒有過火了的煙韌，只有嫩滑，是吃過最好吃的串燒。配上咖哩醬，完美的配塔，味道

行去蘭桂𤤁飲野，經過呢間串燒店門外好処人排隊，有人企係度邊食邊傾，有人係店坐低慢慢食串燒由20蚊雞牛豬至貴啲70蚊大蝦都有另有泰式沙律同海南雞兩人分量，四份一隻雞我地好彩，廚師俾到雞脾我地食雞皮爽唔肥，可以食埋，雞肉粉嫩嗌左幾款串燒燒牛仔骨好好食，一路咬一路滴汁，肉香濃郁豬頸肉爽口唔乾雞肉依然有汁嫩滑極推介燒菠蘿，蜜味甜超多汁！食完咁多肉，點返一個青木瓜沙律清下喉嚨好舒服，酸甜汁又解膩，60蚊都幾大份

成日經過蘭桂坊都見到有人排買呢間串燒, 所以今次黎中環行街之餘決定黎試下, 佢分兩個區. 一個係買完就即刻係門口到食. 個到有D台比大家放下野咁. 我同朋友都拎住多野所以決定入去堂食!除左串燒之外我見到餐牌都有賣海南雞飯同泰式沙律, 所以決定每樣都叫D!海南雞飯: 肉好鮮嫩, 唔肥同唔乾! 飯唔係普通既油飯, 仲有加少少由醬入去煮! 非常入味. 兩個sauce都非常好. 甜豉油咸甜適中, 另外個個醬送飯一流!豬頸肉沙律: 首先又係勁足料! D 豬頸肉夾勁都有! 非常正宗既泰式沙律. 酸酸辣辣. 如果唔食得太辣既朋友就選擇另外既沙律.最後重頭戲就係串燒啦. 即叫即燒, 新解熱辣. 我地分別叫左豬肉/雞/牛/露荀同菠羅!! 雞肉好鮮嫩, 豬肉好爽脆, 牛肉好香. 都有香既沙嗲味帶少少花生有咬口! 露荀好新鮮. 菠羅非常鮮甜! 係勁甜!!好好味, 如果唔係食飽左一定會再叫多一串!!叫左杯lime soda 同lime sprite, 就係甜同唔甜既分別! 但係食串燒一定要黎杯野飲~邊食串燒邊飲野! 好爽~

近幾次去蘭桂芳飲野，都會先去Grill 食少少串燒墊一墊個胃~今次經過，見到隔離開多左一間姐妹鋪~而且有位坐，方便入去慢慢嘆~~串燒方面，餐牌同Grill 一樣~更添加幾款飯類、小食等~先點左一客1/4隻海南雞小妹一向唔食雞皮~只食雞肉，真係好嫩滑~而且有淡淡雞味，唔沾醬汁亦美味~好好彩，送上係雞脾部份~ 所以真係好滋味~大食老公，當然要點上一個飯類~小店名物串燒炒飯~炒飯夠乾身~最亮眼係3串串燒~~豬、牛、雞各一，單點已經值45蚊~依個炒飯好抵食呢！重點雞肉燒完都好Juicy~而且3串都無燒得過火~ 唔會乾哂柴~豬頸肉沙律~豬頸肉多過菜@.@餐廳咁豪氣 XD沙律夠哂開胃~ 又酸又辣~ 勁惹味~豬頸肉沾滿辣汁，亦好吸引！燒白繕~肉厚肥美~ 燒得邊邊微焦~入口油脂感足~連魚骨都燒脆~另外點左少少串燒~最亮眼係燒菠蘿~黃咖哩醬表現太突出！好重香料~ 好濃味~ 配上多汁又甜的菠蘿~真係好出色！

晌蘭桂坊附近新開冇耐嘅Thainan Chicken,同隔離嘅Grill原來係姊妹店.只係一間係企位同外賣泰式串燒為主,呢間就有堂食同有幾款泰式食品.入面全部都係高身吧檯,裝修都幾有型格,不過店入面啲射燈幾多同好光猛,某啲被直接照射嘅位就顯得有啲悶熱.睇咗午餐餐牌,原本想食串燒炒飯,啖啖肉睇落性價比幾高,不過當日唔算肚餓,於是就試青木瓜手撕泰南雞沙律.以為係簡單輕食,實際份量就比想像中多非常非常非常非常非常多,入面有唔少手撕泰南雞,切絲青瓜,甘筍,青木瓜,薄荷葉等,蔬菜量多又醒胃,雞肉唔嚡,醬汁酸酸甜甜,好似有少少青檸汁嘅味道.另外仲試咗幾款泰式串燒,大花蝦嘅蝦身比我嘅手仲要長,蝦殻硬身易拆,蝦肉肉厚彈牙,燒得剛好唔韌,同埋已經淋咗醬汁提味.有機露筍燒完之後仍然翠綠,口感爽兼冇渣.有機粟米冇燒到過乾,味道輕甜脆口.菠蘿就每件都切得厚身,香甜多汁又美味.午餐仲包一杯飲品,叫咗Iced Milk Tea,飲起上嚟有紅茶香,甜味亦唔過高.仲額外叫咗杯Lime Soda試試,入面有多片鮮青檸,都幾清香解渴.只要選擇正確,食串燒都可以健康嘅.

每年平安夜都有到教堂參加子夜彌撒的習慣，往年都是到離家最近的教堂，今年想試試到俗稱「大堂」的聖母無原罪主教座堂。趁過開來中環，就早一點來蘭桂芳感受街頭的節日氣氛，晚飯時間的蘭桂芳雖然未到最多人的時候，但已有不少行人。在街角處，見到一間泰式串燒店，發光的招牌在晚上非常eye catching。但由於串燒店只設外賣，我們就到了旁邊有堂食的Thainan Chicken。＊＊＊＊＊＊＊＊＊＊＊＊＊＊＊＊＊＊＊Thainan Chicken店面不大，採開放式設計，食客坐到臨街的座位上邊吃串燒邊吹水都頗有氣氛，而店內的座位也全是高桌高椅。食店採自助點餐，點餐只要到收銀枱就可以，侍應大部份都是菲藉，所以只可用英語點餐。點餐後會分發一個號碼牌，只要放到枱上，食物準備好就有侍應送到。餐牌選擇不算多，只有工款主食和四款前菜，但一般較多人吃的泰菜也有提供。餐牌另一面其實就是旁邊串燒店Grill的餐牌，原來只要點任何一款或多款Thainan Chicken餐牌內的食物，之後再點Grill的串燒，都可在店內堂食，但如果只點串燒，則只可以外賣。食串燒不可以沒有飲料，食店也有數款選擇。S. Pellegrino

呢間串燒鋪頭好香好正 行過已經問到好香既串燒味 晏就黎到都好多人叫外賣 我就諗住食個lunch 係中環黎講 佢價錢好平 我就叫左個沙律同飯黎食泰國酸辣豬頸肉沙律呢個其實都幾辣 不過好香好開胃 勁多豬頸肉 同埋佢係燒完已經好香 又林 再加埋d汁好特別泰式串燒配炒飯佢個飯真係一流 好似用檽米飯咁 好煙煙un un 超好味 再加上串燒 真係好正 同埋佢既串燒好大舊肉 又燒得岩岩好 再配埋佢自己整既沙嗲汁 真係好值得一試 位就唔算多 不過都坐得好舒服

不是蘭桂坊常客，平日亦極少會去蘭桂坊夜蒲，不過自從品嘗過和安里街角一間泰式串燒店《GRILL ขุนทอง》嘅出品後，每次心癮起，都會拉老公陪我過去食番一兩串惹味串燒。早前透過網頁得知，店子在隔壁舖位開了間姊妹店，取名《Thainan Chicken ขุนทอง》，據說店內除了以去骨泰南雞作主打外，還有好幾款泰式食品供應，而且仲要有位坐，無須立食，所以趁周日假期，就和老公來八卦一吓。原來店子地方不大，室內以長木桌和高腳櫈為主，細心一數，連埋門外一排向街的黑色摺櫈，約有二十來個座位，不過由於用餐區其中一面牆身用咗玻璃鏡作裝飾，令視覺上增添了不少空間感。午市餐牌很簡單，只有四款選擇，包括有去骨泰南雞飯、泰式串燒配炒飯及雜菜、泰式青咖喱牛腩飯、青木瓜手撕泰南雞沙律，全部連餐飲，定價一律為 $60，另外客人亦可以點選隔壁《GRILL ขุนทอง》的串燒食品，服務員會代為送上。揀了兩客飯再加幾串串燒，先上桌的去骨泰南雞飯 ($60)，以一隻闊身長碟盛載，雞件和油飯分左右兩邊擺放，而托盤就另附上黑色豉油和泰式酸甜醬。雞件分量比想像中多，底下墊了些煮得腍甜的椰菜，雞肉香嫩滑溜、皮彈而脂肪少，有嚼勁，入

這間新開的串燒店簡直是"蒲精" 恩物! 從前蒲完之後要特登到旺角吃, 現在蒲蒲下肚餓過來吃兩串又可繼續蒲過lol 更不得了的是這間店用的醬汁跟外面的很不同! 有很多種醬汁, 每款醬汁都十分惹味、開胃，食過番尋味。 之前吃過一兩串, 就愛上了他們的醬汁。這晚我跟朋友們下班後到lkf 吃飯 + chill下，預祝聖誕，便一心就打算過來大快朶頤。這晚我們一行四人, 點了挺多款式,  串燒方面, 我比較喜歡他們的牛，很juicy，雞我不太好，覺得有點乾，但喜歡雞的朋友卻覺得不錯。另外，雖然他們這家是賣串燒，可是他們的小菜卻是意料之外的好。串燒雞太亁, 這個卻很滑, yummm這個清清地, 好fresh，好健康，亦好好味。依個鳳爪沙律係愛鳳爪和辣的朋友必點之選!!

今日經友人介紹黎試呢間泰國野，味道真心唔錯。我地嗌左1/4 隻海南雞，雞肉好滑冇骨，再點埋佢既秘制sauce都好好食仲嗌左青木瓜手撕泰南雞沙律味道十分清新，幾特別，值得一試之後不得不提佢啲串燒真係好正😆我地要左小辣，唔係好食得辣既我都覺得幾辣，不過十分惹味，特別中意佢既燒雞翼，大花蝦同燒波羅，令人回味，而且係即叫既燒，上既時候熱騰騰，要襯熱吃呢十分滿意，會推介俾朋友再黎食

Normally on Friday after work, I will meet up with friends for some drinks and dinner. My friends suggested to us that we go over to Lan Kwai Fong for dinner and drinks. Just along the slope up towards Lan Kwai Fong is a restaurant that captures our attention. Their signboards were very bright and fiery, easily capturing one’s attention. Since it was just stone’s steps away from Lan Kwai Fong, we decided to give it a try.The seating arrangements were all in high table bar. The staff told us that