The 5B Private Corner

營業中

休息中

之前是的肉桂大多超級甜🙈所以有左陰影但這個顛覆了我的預期!!他用了肉桂粉灑落在暖暖的多士食下去不會滿口粉 而是融為一體🤤加上雲呢拿雪糕融化在多士上真的是完美😆❤️$52💫#荃灣

又到假日搵cafe坐既時間是日去左荃灣揀左間好多食評都話位置好隱蔽既地方其實照住地圖睇都易搵😗係荃灣西站B出口向住工業區方向行就得啦～我地兩個揀左窗口位坐叫做望到海😉不過就要坐高櫈叫左兩個假日套餐有肉食既手打漢堡同海鮮意粉散叫平廿蚊左右不過套戲包湯同飲品咁好自然叫套餐食物方面個burger真係食到好混亂正常無話特別好好食如果想食漢堡 我會揀去burger land🤪 意粉都正常發揮不過環境都算靜食下野過一個輕鬆下午係唔錯仲可以行下海濱可以去支持下既小店.#唯有食是最治癒的

午餐時間12：00-2：30，因為想避開食飯人潮，所以揀咗2：00後先去食，點知原來有8折（2：00-2：30落單）。免加一。蒜香辣椒海鮮意粉（$88）上枱好香蒜香味，而且賣相很好。意粉煮得恰到好處，有口感。第一啖以為冇辣味，但原來係慢慢辣出嚟（但唔會好辣）。海鮮有青口、蝦、八爪魚仔，味道可以。香煎龍利柳菠菜忌廉汁意大利飯（$88）意大利飯煮得幾好，有咬口（外軟內微硬）。但個忌廉汁唔太夠味，比較淡，如果濃厚啲會更好。龍利柳正常（最緊要唔腥）。店內環境幾舒服，因為過咗午市黃金時間，人唔多，所以可以靜靜哋hea咗一粒鐘。

♨️The 5B Private Corner荃灣柴灣角街38-40號銓通工業大廈5樓B室@the5bprivatecorner 💜荃灣工廈上樓Cafe，地點算吊腳，由荃灣西行過去要1x分鐘，不過勝在復活假期都開諗住工廠區應該冇乜人特登黎打算靜靜地relax下，去到坐到窗邊打卡位，轉過頭望吓背後已經全院滿座原來都咁多客捧場，可惜係食物未如理想，性價比低⚠️🔷自家製牛肉手打芝士漢堡好彩個薯條合格，夠脆但唔夠鹹，美國安格斯牛肉有根，啲肉偏鞋同少少霉，仲有陣牛酥味，唔合格的一個漢堡🔷蒜香辣椒海鮮意粉用蒜蓉炒辣辣地嘅意粉係幾惹味，可惜意粉比較乾身冇乜油，應該配凍飲喉嚨會舒服啲🔷海鹽焦糖咖啡比較鹹的咖啡🤣🔷Cappuccino 比較細杯的咖啡🔷南瓜湯比較水汪汪冇乜味嘅湯食物：7/10抵食：7/10環境：7.5/10。。。#荃灣美食 #食在荃灣 #tsuenwanfood #hkcafe #美食日記 #美食推薦 #香港美食 #香港美食指南 #pasta #burger #coffeeshop #coffeeaddict #coffeetime #coffeeart #hkigfood #hkfoodi

平日放假想在荃灣找一間好味的cafe 食個relax lunch!5b cafe 環境休閑舒服，店內環境很好。仲備有各式boardgames及書本比客人隨便係度hea！😍最重要係店員非常親切有禮，真係好欣賞👍🏻😊😊Lunch set 意大利飯及牛柳味道很好👍🏻配餐湯南瓜湯一流。佢lunch set 仲有其他選擇，漢堡，素食都有。一定有一樣岩你。坐窗邊對住窗外風景食lunch真係好chill!推薦大家黎呢度relax 下！

今日同朋友出咗去行街，行到攰攰地想搵個地方坐低傾吓計休息一下，於是就俾我哋搵到呢一間好舒服嘅Cafe啦！我自己叫咗一個先茄香辣海鮮意粉，呢一度嘅鮮茄香辣嘅味道非常之夾，而且賣相都好吸引！海鮮嘅配料亦都係非常之充足，有兩隻紐西蘭青口，四隻虎蝦，魷魚同埋青口都好好食！非常之鮮甜同埋飽滿嘅青口！

叫咗經典咸牛脷egg Benedict，成個擺盤ok。沙律菜係平時好頹嗰啲，亦冇突別較個汁；egg Benedict 有流心，而且佢用咗咸牛脷同平時啲鋪頭用煙肉唔同；估唔到牛脷呢個配搭都幾夾，可惜可能焗得太耐冇曬汁，同平時煎煙肉煎到好乾一樣。佢杯朱古力有驚喜夠曬濃而且個杯靚又有拉花，不錯。仲叫咗自家製牛肉菠羅漢堡，但覺得都係平時正常嘅材料，不過牛肉burger搭咗菠蘿就真係好好食，好似M記咁。呢度另一個好處就係可以對住荃灣海濱個境，但係價錢就一百鬆啲，location都幾隔涉，我就覺得性價比剛剛好啦。

今次黎到呢間喺工業大廈嘅樓上cafe位置係有少少唔方便由荃灣西站行過去都要花一段時間差唔多聖誕節所以餐廳都佈置咗啲聖誕裝飾增加下氣氛🎄餐湯係羅宋湯🫕唔會太酸又唔會太辣前菜要咗一個西班牙風乾火腿拼蜜瓜🥓一個老是常出現嘅組合所以味道同預期嘅差唔多主菜就係法式羊架配薄荷醬🐑薄荷醬係啫喱狀配落羊架到僻到膻味不過啲羊架好肥好肥🤤食咗2件羊架已經覺得好飽佢仲要有3件甜品就有朱古力芝士蛋糕同心太軟🧀都係好食嘅飲品叫咗杯朱古力牛奶🍫🥛環境幾清靜🍃鐘意靜靜地傾下計嘅不妨一試😋

荃灣地鐵站、荃灣西一向都好多好野食，今次就去荃灣工廠區呢邊睇下有咩食先，通常工廠區環境空間會大啲，坐都舒服啲，所以都係放鬆好地方今次叫咗兩個套餐，分量都好大份，有餐湯同埋野飲All Day Breakfast 全日早餐🥐有牛角包、炒蛋、煙肉、雞肉腸、田園沙津、茄汁豆、薯餅係屬於豐富既All Day Breakfast，牛角包比一般出面既大件，同埋上枱都係熱騰騰自家製手打牛肉芝士漢堡🍔仲配埋薯條及田園沙津賣相好吸引，牛肉配芝士半溶，一定係絕配，同埋係自家製手打牛肉，做到有肉汁唔鞋口，加埋有大大塊波蘿，可以中和啲油膩感薯條係用粗薯條，炸得都好金黃、香脆，仲有醬汁點，唔錯🍟整體黎講，環境舒服休閒，可以休息放鬆下，食物又算高質素，推介一下

黎到荃灣西同朋友搵食 想搵個少啲人 坐得耐又舒服啲嘅地方見佢個名叫’private corner’就決定黎點知佢真係非常隱蔽 附近冇乜其他餐廳 一開始以為搵錯地方不過有佢好處 就係好有私人空間佢有dinner set menu或者可以散叫原本set係抵嘅 有蒜蓉包 湯 甜品 飲品 不過原先諗住叫單叫waffle甜品所以冇要餐 點知佢冇晒waffle😭▶️鮮茄香辣海鮮意粉 ($138)因為本人唔食辣 所以走咗辣🙈佢賣相幾靚 份量正常 不過海鮮就好足料有2隻紐西蘭青口🦪4隻虎蝦🦐魷魚🦑青口肉質煙韌 味道唔腥又好有海鮮味 好好食虎蝦係有尾嘅 咬落少少爽口 好新鮮魷魚係真係連頭 唔係淨係得鬚 咬落好有嚼口 唔會咬唔到🍝意粉質感一般 唔至於好煙韌 好好咬口嗰種 不過唔會過淋🥫醬汁好濃味 有真蕃茄粒 仲有啲蒜味 同埋應該落咗羅勒香草？食落幾香 面頭有少量小豆苗醬汁都比較多 食到最尾成個底都仲有好多醬 但係好在佢調味啱啱好 唔會好鹹 啲醬亦唔會好水▶️抹茶cheesecake呢個係跟餐嘅甜品 有好多口味揀Size都唔细喎 味道都唔錯 唔會好甜 cheese得黎唔膩我唔會期望佢抹茶味好香濃苦澀 好似啲日式

Lunch 去左呢間喺工廈既cafe，樓下都幾up dup, 上到去間cafe都光猛乾淨既。Lunch 價錢$6x- 128, 叫左個香辣海鮮意粉，味道都好濃，多蒜，辣辣地。都有三隻蝦三隻墨魚仔兩隻青口。唔會話無餸。另外叫左個慢煮豬排，我覺得lunch 黎講少貴$128 但伴碟薯條沙律都幾多下。見隔枱叫左個漢堡勁大個，all day breakfast 都唔細份，下次可試。門口見有個凍櫃放cake, 但勁細件唔特別吸引，如果唔係都可能試埋甜品

本身諗住專門去食佢個Tea set，點知去到先知平日先有供應😫⋯不過都唔緊要啦，山長水遠嚟到，照嘆過靚靚下午茶~餐廳位置比較偏僻，喺南豐紗廠後面嘅工廠區，荃灣西行過嚟會近啲🗺。店面位置眾多，週末下午只有4-5檯客人，可以聽住Jazz music，望下海玩下Board Game♟，清靜悠閑地休息下————————————————👅All Day Breakfast 全日早餐（$118）👍🏻 店員姐姐話係最多人叫，係經典配搭嘅ADB，最深刻係好酥脆嘅牛角包🥐，炒蛋都夠滑夠香👍🏻套餐包餐湯同餐飲，轉其他飲品有半價優惠，餐湯係偏向重蘑菇味嘅忌廉蘑菇湯🍄，有一粒粒菇粒唔錯👅 海鹽焦糖比利時窩夫（套餐+$58）🔸 窩夫味道同質地ok啦🧇，配「小鳥屋企」雪糕，擺盤都有小心思👅凍熱情果菠蘿梳打（+$18）👍🏻 用印有店名嘅環保飲筒，值得加分先，菠蘿味比較重🍍，熱情果味就比較薄弱，飲落涼浸浸嘅舒服嘅———————————————— 🚩總結：值得一去！😆———————————————— 🌟注意：另收加一，17:30截單————————————————📍 The 5B Private Corner地址︰荃灣

好耐冇見過啲又抵又好味又可以任坐既cafe🧡 真係唔推介比大家都唔得😚如果小編係住荃灣，真係會有興趣放假去坐下做功課😋😋今次同朋友book左夜晚去食😊叫左佢地既五道菜晚餐！真係一個價錢包5樣野！有牛油法包、廚師餐湯（幾次都係南瓜湯😙）、主菜、精選蛋糕/雪糕、咖啡/茶❤️🍔 蜜糖芥末素牛肉漢堡 $148第一款主菜試下佢地既漢堡，同店員講佢地係可以幫大家分一半既😌 咁就食得比較方便！雖然係素牛肉，但同朋友一樣都覺得同普通漢堡冇咩分別！都係勁juice勁大份😜 仲有啲沙律菜同薯條，真係食完都超飽啦😌🐖 慢煮煮西班牙黑毛豬配自家製蘋果醬 $178呢個黑毛豬係出乎意料地好食😙好驚出面食到既豬排唔鬆軟🤣 咬到牙都攰！放心，呢個絕對唔會😍😍😍 個底仲要有啲新鮮蔬菜做配菜，超欣賞😙🍵 Matcha latte $34(半價)小編今次加左錢配左杯抹茶鮮奶😊 好濃厚既抹茶味😝 仲有埋拉花，洗唔洗咁細心🥰最後食左cheese cake做結尾，雖然冇影相，但都好完滿😍食完第二日都要節衣縮食先搞得掂🤣🤣🤣絕對唔趕客，坐得舒服，可以同朋友無限吹水既cafe，我真係超中意呢度😙Btw因為疫情所以大家坐到10點就好走啦

原來荃灣工廠區都有高質 Afternoon Tea 🫖 喺我平時做野個studio 附近 👍🏻其實佢Menu就寫下午茶只係做到 17:30 , 我哋 5點收工打電話去問 即刻仆過嚟得唔得, 佢哋都好好人話等埋我哋🥰 佢個afternoon tea係新推出, 特價只係 $288 for 2👏🏻 而且份量都唔少, 有好幾款cake都好味又大件, 真係好抵食😋 前面嗰2條嘢, 一路影相都以為係churros, 點知一放入口先發現原來係雞肉條🐔 幾得意又幾好食😂仲有個香芒海蝦紅菜頭撻, 味道又創新又正😋最好味就係其中一件大件嘅 Earl grey mousse cake 🍰 個洛神玫瑰花茶🌹 (半價=$24) 連埋個蠟燭台上, 打卡一流📸 而且味道又冇太酸/太甜, 非常優秀🤩呢度overall都唔錯, 環境又闊落, 仲可以借啲board game嚟玩🎲🃏下次可以再嚟試埋佢啲lunch/dinner🍽

果日6點就到埗，店內暫時未有客人，成功walk in食左個early dinner🍽到我地走果陣已經全店滿座🙈非常旺場🔥Dinner set包左餐湯、蒜蓉包仲有甜品💕超豐富，飲品跟餐都有半價💲🔆意大利黑松露雜菌意粉$𝟙𝟛𝟠 食落好creamy，汁偏稠身掛住係每條意粉上，放耐左又唔會變到硬哂好難夾👍🏼一個人食少少膩，我兩個人叫兩個主菜share就岩岩好🥰🔆香煎西班牙黑毛豬$𝟙𝟟𝟠 睇落唔算大塊但都有一定厚度🐽肉質就乾左d，無咩肉汁😣配搭的烤薯件很喜歡❤️不會很軟爛夠爽但又唔會太硬，口感剛好😚🔆水蜜桃紅茶+$𝟙𝟝好養生嘅味道🤣雖然杯底有一片水蜜桃，但飲落唔算好重水蜜桃味🍑覺得佢嘅飲品價錢都好抵，平時係出面食飯額外叫杯野飲可能都要幾十蚊🙈跟餐甜品如果唔額外加錢可以選擇雪糕/芝士蛋糕🍰我就揀左抹茶芝士蛋糕😍雖然只係跟餐送，但都唔馬虎。口感綿密，茶味香濃，小小一舊唔算太滯，用黎做ending滿足👏🏼🐰餐廳位置比較偏僻，可能因為咁，食物都幾抵食，成個set好豐富，包埋甜品真係加分🤩食物質素唔錯，餐廳環境舒適😚我係坐窗邊，可以望住風景食飯🌉店員殷勤有禮，連服務都係加分加分⭕️