The Backstreet Kitchen (已結業)

已經第二次再過嚟依度食燒牛肉，記得上一次食燒吉列牛，略嫌佢外層有點厚，有點保留。今次再嚟試佢石燒牛肋肉，有驚喜，牛肉切得不薄有口感👍🏾再配埋佢個套餐，個飯不錯。整個餐食完夠飽！可以再encore!

前排好興石板自行燒牛肉但間間都大排長龍今日係元朗 經過一間隱世小店終於都食到啦！店面唔大 但好彩我地都好早 唔洗排隊大概坐到25人左右鋪仔細細但服務一流會不停睇有無野幫到你 同有咩需要身為芝士控既我 嗌左份水牛芝士條無諗過細細一份係咁多條主菜分別嗌左吉列牛同埋牛肋肉飯 湯 同蛋都要加40蚊望住佢舊油係滋滋滋滋咁 好幸福舊豆腐整得好靚呀每份牛肉 都會跟芥末 薑蓉 同燒汁不過我覺得就咁落鹽 已經好好食總括黎講真係唔錯但鋪頭坐落後行好易會miss左但真係好推薦大家試多d小店價錢亦唔算貴 服務同味道都對得住價錢有餘

依間鋪開咗好耐，一直都好多介紹，今日終於有時間打返食評😎今次叫咗吉列牛小排set有溏心蛋同埋有個飯跟嘅個set會有個鐵版俾你跟自己嘅喜好黎燒啲牛嘅成熟度😋啲牛牛味好重，份量都唔少，有得自己落手落腳燒都過癮🥰🥰個溏心蛋好高質😎流心又夠甜，好食😏至於個飯唔係一般嘅飯，佢係用咗日本珍珠米mb加咗紫菜肉鬆芝麻同醬汁，撈埋食好perfect🥳不過依間餐廳大概得十幾個位，所以食飯時間都會有一大堆人喺門口得位，仲要都等幾耐下，值唔值得就要自己衡量下啦🙈

在門口已經見到很多人排隊，不過平時在日本吃吉列牛都要排隊，所以覺得都沒問題，還有好像有排隊我食店很有信心保證那樣！等了也不是很久，每人入去叫一個餐，果然沒有令我失望，睇得出飯都很有誠意👍🏻吉列牛都很好吃👍🏻推介👍🏻

這間小巷不起眼的小店，鋪面不大，裝修平凡，但着實令人驚喜🌟。.我點了石燒一口牛肋肉，男友就點了石燒吉列牛小排，兩者都是約$100，但套餐要另加，我們都點了c set (橫町飯、豆腐蕃茄湯、糖心蛋)，$40，石燒牛黎講，總體價格都好抵。.牛肋肉油脂紋理分明✨，肉質嫩滑，而每份石燒都會給你一塊牛油燒，燒完的牛真是充滿啖啖牛油脂香，再點上岩鹽🧂真係不得了。吉列牛小排外層的炸物更增加了口感層次。.個人絕對推薦要點套餐，橫町飯和豆腐蕃茄🍅湯完全係精粹所在。紫菜飯用來搭牛肉食已經是必然，加上自家製飯素的香料真是提升了一個層次！至於後者真係不得了！豆腐嘅刀工展現了師傅嘅實力，介到一朵花，令人贊嘆不已！✨淡淡的蕃茄味和豆腐香在味覺上造成的味道超和諧，是非常出色的淡雅湯頭。.加$40就食到如此出色的刀工真不是處處有，真是禾桿冚珍珠啊。

📍$98石燒吉列牛小排今次既食法幾特別😂吉列牛係要由自己續件放上小石爐上燒，去控制生熟程度。C小姐覺得燒至7-8成熟最好味，因為啱啱好食到軟嫩的肉質同埋鎖係入面的肉汁，好正呀😝雖然未去到入口即溶的層次，但都外脆內軟，讚～好味道：🌕🌕🌕🌕🌑性價比：🌕🌕🌕🌕🌑..📍$40 定食（橫町飯、豆腐番茄湯、糖心蛋）額外加的定食，因為淨係食牛一定唔夠飽😂橫町飯即係珍珠米加飯素(櫻花蝦、紫菜、芝麻）加燒汁，味道不錯。豆腐湯好考刀工，因為廚師將中間的豆腐雕花🌼個湯微酸，偏清淡，如果可以濃啲會更好。好味道：🌕🌕🌕🌗🌑性價比：🌕🌕🌕🌗🌑..🥡平時出面晚餐食吉列牛價錢起碼二百蚊起跳，但呢間居然做到百幾蚊配埋定食，而且質素亦不錯，各位牛魔王可以試下😈～

難得遠道由港島過到新界有事辦，當然不可錯過這邊美食。經住那區的朋友介紹，找到了這間小店。由於店舖不大，排隊大概半個多小時。我們一行二人，分別點了兩個.石燒吉列牛小排 ($98)+配定食(橫町飯，豆腐蕃茄湯，温泉蛋)(+$40)先將熱石上的油脂塗抹在石上，續件放到石上燒到足夠的生熟程度，點上自己喜歡的調味料，外皮酥脆，夾著軟軟的牛肉，不錯不錯。肉旁放了沙律菜，減輕只吃肉的膩感。.石燒一口牛肋肉($88)+配定食(橫町飯，豆腐蕃茄湯，溏心蛋)(+$40)一塊塊牛肋肉燒好放入口，驚喜地，這比吉列牛更加好吃，牛味較重較可口。.餐跟橫町飯，珍珠米上配以燒肉汁，櫻花蝦，黑白芝麻，紫菜，將飯拌匀，味道特別，令飯更好吃。.豆腐蕃茄湯，豆腐形狀像毛毛球般，蕃茄湯底帶微酸，更開胃。.蛋可選温泉蛋或溏心蛋。.炸水牛芝士條($42)芝士味很重，能拉絲，很好吃，芝士愛好者要點這個。.

入開元朗 唸起之前朋友講起呢間小店 成日要排隊突登早左去到泊車 希望唔洗等太耐Menu 都好簡單 豬牛魚 想食咩就叫咩 另外加錢可以做個set dinner 我當然要試佢個吉列牛啦...件牛個面有d吉列feel 入面仲係生肉...放係熱板上面燒熟佢 入口好有牛味 係一間好值得再去的餐廳

第一次食石板燒牛，好玩好食，份量好足我，唔中意食牛仲有其實定食可以叫，不過就唔係自己燒啦，不過直接枱面燒，油煙較大，店鋪細小，座位狹窄，唔中意搭枱的朋友可以跳過。開左咁耐都仲係好多人排隊！

搬咗入嚟幾年都唔知道有間咁好食嘅石燒吉列牛，上網睇到所以就狂媽咪晏晝去食不過覺得有啲難搵，睇Google Maps係搵唔到。因為佢係個後巷入面，如果唔係上網睇都唔知有呢間店。點左兩款唔同牛黎試，我個人鍾意食吉列牛但媽咪反而喜歡另一種牛肋肉。嗰個牛脂一定要燒完放返係個碟度，如果唔係好快冇晒。仲有櫻花蝦紫菜飯加埋溫泉蛋真心一流..好好味🤤最重要係呢個價錢食到呢個質素嘅牛係好抵，所以一定會再去，推介👍🏻

星期六的中午，來到The Backstreet Kitchen，12點鐘不用等位，鋪面不是很大，座位不多。我認識的石燒牛肉大多數是百中至二百以上的價錢，這店相對較平，而且好好食！石燒吉列牛小排$98+横町飯$22石燒一口牛肋肉$88+横町飯$22石燒可以自己控制生熟程度，有得燒又有得食。兩款牛都有牛味，肉汁豐富。完全唔洗點調味料，份量很多，性價比很高。特別推薦要叫横町飯，有生薑燒肉汁配上自家製的飯素，好好味，兩個女仔最初怕食唔哂，點知食食下食哂全部飯！絕對會再encore！

間唔時就會想起食backstreet, 星期六瞓晏咗起身，又想食，即刻起行！12點鬆d黎到，未係好多人，快快手嗌咗就等食！backstreet 鋪頭好細，得三幾張枱加埋bar枱，裝修簡單，好原始！吉牛餐: 次次都必嗌吉牛，燒到7成熟係最好食！有3隻調味畀，燒汁，蒜，wasabi，中意食邊隻可以自己加！牛肋餐: 牛肋肉餐，超多牛，食到最尾要搵朋友幫手，牛肉都淋，唔洗燒得太熟，7成度啱好！配埋橫町飯同溫泉蛋，好正！豆腐蕃茄湯: 清清淡淡，有小小蕃茄味，最勁係豆腐切到好靚，又睇得又食得！總括黎講，又係趣味大過食嘢，香港依家石燒都開到成行成市，backstreet 嘅價錢絕對係數一數二親民，嘢食又唔差，服務又perfect, 值得幫襯！

朋友話佢一直想試呢間好耐，咁啱又有時間，決定一於try一try😈我地六點幾去到，餐廳已經差唔多滿座我地叫咗一個石燒吉列牛小排🥩（$98)加糖心蛋定食（+40）同芝士黑松露吉列豬扒🐷（$78）加溫泉蛋定食（+40），石燒牛黎講呢個價錢都幾抵食------------------------------1️⃣石燒吉列牛小排石燒吉列牛小排油脂分佈均勻，加埋吉列層食落口感好豐富🤤重點係佢個火夠熱🔥，切得又唔會太厚🙊，唔會好似某啲店咁燒完舊肉咬極咬唔開😂 一份吉列牛小排份量都幾多，有成十一塊😍 2️⃣ 芝士黑松露吉列豬扒本身黎呢間都係諗住食石燒牛為主，但估唔到佢連冇得石燒既吉列豬扒都有驚喜😳 吉列豬扒除咗炸得夠脆外，入面仲要有🧀芝士拉絲‼️ 而且佢比既黑松露醬份量一啲都唔姑寒，夾埋一齊食真係說不出既邪惡🙈 3️⃣ 豆腐蕃茄湯 （跟定食）呢個湯完全係刀功既表現‼️ 廚師將個豆腐切到朵菊花🌼咁，好似成幅畫咁靚🥰望落去顏色好清淡，但撈勻黎飲，又估唔到真係有淡淡既蕃茄味🍅，都幾特別4️⃣ 橫町飯🍚 （跟定食）呢款飯其實係白飯+飯素+紫菜其實我之前都係日本有買過飯素返黎食，但味道真係唔係好識欣賞😓我覺得佢就咁紫菜加白芝麻再加

上openrice搵野食誤打誤撞搵到呢間，決定去去試下，首先因為今日可能係假日，所以等位等左一個鐘，而不接受book枱的，而限walk in，都好多人黎食，鋪頭不是很大，而且位置也不是很好，入去嗌左個牛肋肉同吉列牛小排餐，兩個都好正，加少少海鹽就可以食，個豆腐湯都好好飲，個豆腐介到好靚🥰好有心機。橫町飯都好好食，值得一試，但可以選擇平曰黎食可能會好啲，吾洗等甘耐。同冷氣可以大少少，有啲焗。下次可以試其他牛同埋飲品。

元朗多野食就眾所周知！而呢一間我真心覺得唔錯嘅不過食呢間野 前題首先係唔可以多人...間鋪極細 4人枱都有限所以其實我都係見到2人大軍多多過4人我都唔敢黎 我黎過食幾次 都係2-3人多 唔知有冇得book 位 因為食親都好即興其二啦 想要食到第一輪 就要早啲到我諗已經好多人識呢間 所以當日好似開6半 6點15分大家已經陸陸續續咁排隊 利申 我食個日係星期三lol 第一次黎個陣諗有冇咁誇張 開埋啲咁隱蔽嘅位都門口坐一堆人排隊有一次去到仲要冇開門 Btw 第一輪入唔到 要等就起碼7點令之後啦裡面位少 所以坐落有啲逼嘅講真但佢真心 好！抵！食！一百蚊有找嘅石燒定食我諗真係唔係周街搵到仲要佢質素okay！油脂分布平均仲要好香牛味個豆腐完全係刀工嘅展示呢一間小店佢真係有花到心機落去糖心蛋都好好味成個set完全係好滿意同好滿足不過個飯 個人覺得可能單純紫菜飯已經夠宜家變相味道有啲雜不過無阻我對佢嘅喜愛其實佢另外仲有個吉列石燒牛但我試過會覺得牛味冇咁出所以我都係鐘意食返呢個一石燒牛setYoho我一定會再食！😂