The BASE (已結業)

估唔到十二月份嘅第二餐聖誕大餐都一樣係喺觀塘食,不過今次係同同事啵~往年嚟過呢間餐廳食過午餐覺得不錯,今次一於嚟試埋佢個晚餐^^如果唔係喺呢區番工,都或者未必可以咁樣捐窿捐罅搵到上嚟,畢竟呢楝豐利中心都係類似工廠式嘅工業大廈,出口入嘅𨋢都係比較舊式工業區嗰種大型貨𨋢,就係因為咁好似更加有探險嘅感覺,一出𨋢轉彎見到有哂聖誕裝飾同埋光亮嘅THE BASE招牌,咁就成功登陸check point喇!兩個女子嚟食飯,散叫始終唔著划,見到餐牌可以嗌二人套餐咁就好啦~大家夠食之餘仲可以試多啲菜式,有齊餐湯配多士+小食+Pasta同主菜,叫餐飲亦都有優惠,一於就叫set。如果怕肥唔叫嘢飲,可以主動問職員提供清水㗎,呢度嘅水用住玻璃樽裝,夠哂方便。成間餐廳面積雖然唔算係好大,但室內擺設同格局都好有house warming嘅感覺,離開公司...當然就係想放鬆一下。餐湯首先送到,今日嘅精選湯品係南瓜湯配牛油法包多士,真係好彩喇,南瓜係我大愛~餐廳不定時會有唔同嘅湯品推出,會唔會遇到自己嘅心頭好就要睇緣份喇~南瓜湯味道甘甜好味,仲有塊多士本身已經搽咗牛油拎去焗,好鬼香一放工已經鬼咁肚餓,唔洗三幾分鐘已經將

之前食過brunch，覺得幾好，一直都好想試埋個晚餐，今日終於食到。見到個Menu選擇都唔太多，咁就決定點左個二人餐就算。<是日餐湯>今日係蕃茄濃湯，蕃茄味濃郁，不錯。仲配上一塊多士，多士好香脆都幾好食。<芝士薯格>呢個芝士薯格賣相好靚，芝士份量都算多，但薯格更份量更多。薯格炸得好香脆，配埋芝士我好鐘意。<松露蟲草花雜菌米形粉配溫泉蛋>呢個米形嘅粉好特別，其實有少少似食緊飯咁。松露味道香濃，但亦不覺得膩。<黑毛安格斯肉眼扒>期待已久既黑毛安格斯肉眼扒，叫左男朋友最愛既五成熟，切岀黎真係岩岩好。肉質好腍又有肉眼既牛味，果然個主打菜係無得輸。<荔枝青檸梳打>味道較為清新，有甜甜既荔枝味道，可以食完重味既食物之後沖一沖返口腔既油膩。<特濃朱古力>之前都有飲過嘅朱古力，都覺得好好味，今次都keep到，而且賣相都係好吸引。。而間餐廳好悠閒，放工覺得攰黎到都會refresh左，同埋食物既質素好好，係工廈既餐廳黎講真係做得唔錯。想食西餐既朋友不妨去試一試，坐埋係室外又多一重享受。

係附近放左工，就同個同事過左來食dinner叫2人餐就最方便，又低食有齊餐湯，多士，前菜，主菜同Pasta甘快又來到12月，見到好多聖誕裝飾，感到好warm♥️今日餐湯係南瓜湯配牛油法包多士特別要讚下個多士，都辣辣，好夠脆，點落南瓜湯到一齊食，甜甜地芝士焗蕃茄莎莎大啡菇焗完既大啡菇仲係好有水份，唔會焗到乾晒加上芝士同蕃茄，生色不少松露蟲草花雜菌米形粉配63度温泉蛋63度既温泉蛋比起太陽蛋質感比較實少少，吉穿個温泉蛋同其他加埋一齊，食落好有口感，所謂既米形粉唔係飯，係似米既形狀，但口感就似係通粉質地，成碟配料都好健康，菠菜，雜菌，仲有係西餐好少見到既蟲草花，另外松露味都幾突出的慢煮澳洲黑毛和牛M6+級西冷肉質鮮嫩，口感十足，唔韌仲好香牛肉味！配菜都好豐富，2款南瓜，紅蘿蔔仔，翠肉瓜，西蘭花，椰菜花，薯仔件，半個蕃茄

今次已經唔係第一次嚟 The Base，上次去食晚餐今次食brunch。 上次晚餐之後我所有嘅朋友都大贊好食。今次要同男朋友嚟再試下！提供嘅水並唔係一般嘅水，係可以排毒嘅水！感覺非常健康我哋叫咗兩個餐，一個係 egg Benedict,另一個係黑松露炒蛋多士。兩個brunch嘅質素都非常高，有係英國食brunch嘅味道。而且佢環境都好舒服，星期六日同朋友一齊嚟chill簡直一流!呢個多士黑松露味非常之香，再加上有塊芝士係面，好香口，但亦都唔會太膩Egg Benedict 非常滿意，上面有塊煙三文魚，再加埋溶出的蛋醬，簡直係一個完美嘅配合！

觀塘就黎得多, 夜晚上工廈食飯真係少, 餐廳位置係開源道，係觀塘B出口一直行就到  超級方便。不過可能過左7點半關係, 地下保安需要我身份證登記左先上樓..炸雞翼珍寶珠釀松露蝦肉配蛋黃醬 $68 - 炸雞翼個皮做得好脆口, 內裡仲釀左蝦肉 令到入面好彈牙 , 要配埋他他蛋黃醬一齊食..韓式BBQ燒大三角牛肩肉漢堡 $168 - 大大個漢堡醒埋個薯格，睇得出佢個籃特登擺放到甘樣俾我黎影相😂新鮮炸出爐薯格熱辣辣脆卜卜好好食仲有D搶左主角風頭    漢堡包落左韓式醬🍔配有太陽🌞蛋，生菜，洋蔥，牛肩肉。牛肉做到好似肥牛咁, 不過有點兒過熟漢堡包帶有香甜牛油味道，個底有牛油煎過，超級香脆熱特濃朱古力 $38有好靚既拉花，味道比較濃朱古力味 可可成分較高泰式奶茶 $40 - 泰式奶茶正常顏色會係紅紅地色, 餐廳呢杯顏色就同茶記凍奶茶顏色一樣 不過味道方面都做得較似泰式奶茶

今日星期日，同朋友相約來食brunch，觀塘呢間cafe想食好耐，呢次終於有機會來。先看看餐牌，有好多選擇，由牛角包到吐司，由漢堡到中東包，選擇性高😋我叫了7號餐，韓式牛肩肉中東包，呢個搭配好新穎，從來也沒有見過，呢次小妹就try try佢。🤪 套餐搭配蕃薯條，🍠蕃薯自然的甜味經過炸到酥脆之後更加突出，打破一般用薯仔做嘅薯條的傳統，充滿驚喜！👍中東包烘到外脆內軟，內夾爆餡的juicy牛肉加上濃郁燒烤醬同乳酪醬非常惹味👍👍而且大份夠飽肚！餐飲☕有黑糖鮮奶茶，黑糖與鮮奶茶比例剛好，不會過甜！完全不輸比出面的奶茶店！而玫瑰latte也十分出色，玫瑰味好fresh!至於朋友食的漢堡包，賣相已經一百分，佢話味道好好，芝士味濃郁，連個包都好味過人🤤總論而言呢次用餐經歷非常滿意！我一定會在黎呢度食翻個美味brunch😘😋

今日同朋友黎觀塘食brunch，聽聞呢間餐廳風格別緻，於是前來打卡😍😆..9.澳洲草飼牛肉漢堡配炸薯格 $92🍔漢堡超足料，有煙肉、肉碎、芝士、洋蔥、牛肉堡扒。牛肉扒非常鮮味🤤，超級厚，咬落去肉汁隨即在口腔內迸發，好滿足😆。值得一讚既係，漢堡麵包非常鬆軟，毫無顆粒感，入口即溶👍👍.另外炸薯格一定要趁熱食，熱辣辣的薯肉沾上番茄醬，又脆又香🤤🤤.玫瑰latte (+5)latte帶著淡淡的玫瑰🌹香味，超醒神好飲。7.韓式牛肩肉中東烘包配番薯條 $85朋友叫的是中東包，用木砧板送上，原始風。餡料亦超多，肉汁較漢堡濃厚。番薯薯條甜甜地，非常開胃，不知不覺就食多左😆😆 總結而言，性價比極好，果然是週末打卡好地方😆

難得星期六唔駛加班。 一個人煲完劇就走左去the base relax下。飲返杯薄荷水, 清甜, 滋潤。 我鍾意。飲返杯黑糖奶茶, 如果可以自己落糖就好d, 可以控制返個甜度。 茶香甘甜。 屬上品。 未來素食漢堡宜家好輕食未來素食漢堡, 話完全冇肉, 比較環保同健康。 食落真係食唔出唔係肉。 牛油果入口即溶好新鮮, 薯格熱辣辣好正。 今日愈食愈多人。 好多一家大細或三五知己係度傾計。 下次我要再早d黎擺定個露台位先得。期待新餐廳同新menu.

懶洋洋既星期日一起身就已經黃朝百晏好多地方已經冇早餐食跟住上OpenRice近近地睇吓有咩好食就搵到呢一間the base位於觀塘嘅豐利中心地鐵站B2出口一路直行五分鐘就到非常方便 一坐低店員就比支水連水樽袋都入型入格柑橘香橙冰茶茶味好香濃柑橘香橙🍊份外清新解渴好適合香港咁濕悶嘅天氣已經叫左少冰都仲有涼透心既感覺果然係冰茶嘅作用緩解假日既鬱悶心情叫左個full day breakfast 因為好多選擇樣樣都有啲先講下個沙律西柚沙田柚沙律酸酸甜甜好開胃蔬菜好新鮮牛角包好酥脆入口帶有濃郁牛油香將溫泉蛋同煙肉夾埋一齊放入口口感更佳素蟹餅一d 都唔素好有口感仲有個沙律醬係上面薯餅非一般麥記薯餅感覺好有薯味大啡菇上面配左隻63度溫泉蛋大啡菇好多汁

叫做The base既餐廳名俾人一種很清新既感覺。 今日約左朋友去食brunch.星期六的二點鐘, 餐廳同我預期不同, 幾乎全滿。 有家庭, 也有情侶, 朋友。。我同朋友點了個虎蝦牛油軟包同櫻花野莓芝士蛋糕虎蝦牛油軟包 $82日式加西式的配搭, 很清新。 放了量很多的沙律菜, 大虎蝦加上明太子醬。 加上烤到脆身的麵包, 很甜很惹味。櫻花野莓芝士蛋糕 $65外表睇落個份量唔算大, 但係好吸引。 中間有冰凍既紅莓醬, 上下層係芝士蛋糕, 最底層既餅底好軟熟。 黑糖奶茶香濃既黑糖味, 配上茶香。 好夾好正。

一田大減價，難得來到了很少踏足的觀塘，當然要吃個晚飯。朋友介紹The Base，是工廈的餐廳。其實我很怕工廈黑媽媽的環境，The Base有點驚喜，因為是很乾淨很光猛的餐廳。星期日的晚上也有很多人客，一班朋友、家人、三五知己、情侶也有。黑松露大啡菇雜菌米形粉配63度溫泉蛋 $138，大啡菇可轉雞肉，不想吃太多肉的關係，所以點了大啡菇，菇香之餘有很多汁。餐牌上有米形粉的介紹，口感彈牙，有別於意粉，亦沒有意大利飯的黏稠，配以濃郁黑松露白汁。很欣賞這個米形粉，實在不多餐廳有，一粒粒很分明，不會很膩；黑松露香得來不會影響米形粉的口感，有在意大利吃新鮮意粉的口感，回味。韓式BBQ燒大三角牛肩肉漢堡 $168，配薯格。賣相十分好，盛著薯格的籃子應該是裝飾用，影相美，擺設的心思。漢堡包很鬆軟，有太陽蛋，配上洋蔥及牛肉 ，新鮮的配搭，很不錯。冰搖荔枝鮮紅茶 $40，mocktails，味道是甜中帶點苦澀，荔枝果肉好甜，喝到最後苦澀味又少了，變了鮮紅茶的香味。見到餐牌很新，我相信是因為即將開分店而改裝的。裡面有餐廳的簡介，Base 有雙重意義，解作基本和簡約，以在基礎作變化為核心創作理念。經營一間餐廳不

今日放假終於可以休息下啊！放假最岩就係去食個brunch，享受下生活！朋友介紹觀塘一間cafe，星期六日有brunch set，價錢唔貴而且環境好大好靚，brunch選擇又多，我就去試下！我叫左灸燒三文魚黑松露流心蛋配法式牛油多士！超欣賞三文魚有燒香，入口魚味濃郁，咸香滋味！流心蛋流心度非常高，加上香甜荷蘭醬，酸酸甜甜好開胃，完全唔會膩，黑松露味濃菌香重，增加味道啊！多士好香牛油味，旁邊配上黑醋沙律，夠哂新鮮！餐飲叫左柑橘香橙冰茶，香甜開胃，甜度唔高，岩哂我口味！環境好舒服，可以坐低enjoy下囉！見到好多人叫左burger，下次再黎試下先！

鐘意食西餐但以前食飯時都會經過豐利中心但未有為意原來有間西餐 係留上 ！ 今晚就上左5樓的 《the base》了。位於觀塘地鐵 B 出口步行 約5分鐘。進入去後，地方很開揚！最來也提供戶外，這個不凍不熱時候最適合不過！ 餐牌上有很多選擇 - 再 set 好 2 、 3-4 人等等，加錢還可加 鴨肝自己買了棒棒 slow cook , 但好耐冇用了，今日見到就立即點啦！ 慢熟澳洲草飼和肉M 2-3 西冷扒 HKD 288 起初猶豫為何職員沒問西冷扒幾成熟，原來上菜時己呈現紅卜卜但沒有血水流水。 而且用慢熟方法烹調，煮出嚟特別均勻。 由於餵食草飼所以這個肉質味不重不蘇，小許根。 醬汁特別地用了酸酸地很開胃。

香港工商區裏面嘅工廈越來越多好品質的樓上餐廳，今次黎到位於觀塘豐利中心5樓的The Base，原來佢係一間隱細高質素既西餐廳！由於係樓上鋪嘅關係，所以餐廳面積都比較大同闊落，座位與座位之間有一定距離，增加左私隱度。而餐廳嘅裝潢同氣氛都讓人好悠閒放鬆當日就點左以下兩個主菜：60度慢煮手撕雞漢堡🍔慢煮雞肉果然好嫩滑，配埋煎蛋同燒烤大啡菇，口感層次都好豐富，味覺都一流啊！漢堡包本身帶有香甜奶香同牛油香好味道哦珍寶大虎蝦馬來喇沙海鮮孖辦粉🍝虎蝦大大隻好厚肉！用馬來喇沙湯底黎煮意式孖辦粉真係第一次試，孖辦粉掛湯效果佳，喇沙湯底好香辣惹味，帶有咖喱香，味道非常棒啊！！

Blue Monday 今晚收工夜左，就去左公司附近既工廈樓上餐廳食番個晚餐先，呢度裝修好有文青cafe 既味道！店員安排左卡位比我，個menu設計都好特別，最得意既地方佢比左支水比我，支水內有棵薄荷葉，好解喝。我就叫左個經典水果茶，黑松露雞肉雜菌米形粉配63度溫泉蛋！個水果茶有支細細地既蠟燭🕯️點住，等客人一路飲住都唔會覺得凍！好窩心！💕到個主菜上場啦！黑松露雞肉雜菌米形粉好特別，黑松露味好突出；雞肉都好嫩滑，首次品嚐米形粉好有新鮮感，味道都唔錯！最後甜品🍮梗係不可缺少！揀左金箔朱古力蛋糕配石板街雪糕，簡直係視覺同味覺既享受，一切開朱古力醬流晒出黎，蛋糕都好鬆軟，愛食朱古力既我簡直停唔到口！😋😋😋+++++++++++++++++如果大家喜歡💕我寫既食評，麻煩比個❤️我，我會努力💪寫更多更好既食評比大家😊