The Best Burger

營業中

休息中

如果不想再吃連鎖快餐店的漢堡包，建議試試呢間，屯門一向很少手工漢堡包店，所以要珍惜。店家有推出多款漢堡，但是我每一次都是點經典口味，有配過配餐，不過吃不完，如果2 個人食就建議配餐。

屯門gogomall 有好多不同的小食店☺️呢一間burger開業已經好幾年😙有好多款唔同既漢堡可以揀🥰 好多都好吸引❗️🍔 啡菇牛肉芝士漢堡牛肉如圖真係幾厚身，唔算好乾💓啡菇差就好juice 😙 成個包都好多餡，要一口咬晒都有啲難🤣加上好多醬，好食，推薦☺️🍟 黑松露芝士薯條一樣醬汁好多，薯條份量都唔差💓黑松露好香❗️即叫即炸，熱辣辣🥰🥰🥰

咁就見到個沙律有幾大份啦，支冷泡白桃烏龍跟餐另+$8，好香，值得一試。一開就聞到清香白桃味，茶味剛好，不濃不淡。佢寫用7g茶葉做，果然好夠茶味👍。跟餐+$16，冇諗過跟餐個沙律咁大份，呢度有平時跟餐沙律3倍嘅份量，食得好開心❤️呢個係黑醋汁，入面有洋蔥和蕃茄，如果啲菜再乾身啲就更完美。黑松露同芝士都係我至愛，叫呢個啱晒。可能黑松露味濃，唔係好食到牛味，不過食得出係手打，肉質係鬆軟，唔係硬實實，塊漢堡有1吋，好有質感。

晏就去左朋友屋企玩貓(´▽｀)由於朋友住個邊係無野食，只好叫外賣😂朋友推介呢間burger話食過幾次都唔錯，反正我都無乜想食，就試下個burger .禁禁下發現三個餐同四人餐差唔多價錢，所以我哋三個女仔叫左個四人餐，我知係一定食唔哂😂食唔哂留返比朋友夜啲食🤡🤡🤡.家庭分享漢堡套餐 $348套餐包四個burger，八隻辣味雞翼，四份薯條或洋蔥圈同四杯飲品。我哋叫左珍寶鱸魚扒漢堡+經典牛肉芝士堡+黑松露芝士牛肉漢堡(+$9)+黑醋南蠻雞堡。而薯條就叫左一份洋蔥圈+兩份蜜糖芥末薯條(+$9)+一份芝士煙肉薯條(+$9).鱸魚扒漢堡魚柳炸得香脆，正常發揮.經典牛肉芝士堡，牛肉係自家制食落juicy混合洋蔥增加口感，整體味道不過不失.黑松露芝士牛肉漢堡牛肉自家制食落juicy口感鬆化唔實淨，而且大塊又厚身只係混合左洋蔥我唔鐘意食😂可惜黑松露味唔夠濃，不過可以一試.黑醋南蠻雞堡雞扒炸得幾香口但黑醋味唔太夠.洋蔥圈炸到脆卜卜，正常味道.蜜糖芥末薯條朋友勁鐘意食，薯條配蜜糖芥末好難唔好食，不過我一般蜜糖芥末.芝士煙肉薯條完全無芝士味🫠我食返原味薯條會開心啲.飲品叫左兩罐汽水同兩枝白桃烏龍冷泡茶(+$6

今日又做孤獨的美食家，今日唔係好肚餓就想食下漢堡之類既，黎到雅都既food count就有間漢堡專門店就試試啦。先讚一讚收銀既女店員服務態度幾好，係我望餐牌既期間都好耐心咁介紹邊d食品比較熱門同埋有咩分別，所以係落單既過程都幾流暢同幾滿意。黑松露芝士牛肉堡由於唔太肚餓就食個濃味d既包，用既係手打牛肉同黑松露芝士醬，漢堡扒煎得夠熟之餘仲有肉汁，唔會乾柴，黑松露芝士醬落得都幾多，味道都夠濃，配料有d沙律菜同蕃茄絲，都幾新鮮，個包就屬於鬆軟果種，烘得就無咁香口我覺得就爭dd，同埋個包比較細d，就咁食一定唔夠，但味道同用料都唔錯。炸薯寶跟餐加20蚊就有薯條同汽水，可以轉薯寶呢樣野有d驚喜因為都斷貨咁濟，以前細個都好鍾意食可以話懷舊下，就似係一口炸薯餅，份量都唔孤寒數到有23粒，食漢堡唔夠食埋佢就夠晒飽，略慊炸過左少少。白桃烏龍冷泡茶唔想飲汽水就加多5蚊轉冷泡茶，聞到好輕微既白桃味但飲落就無乜，烏龍茶味都不太濃淡淡地，叫做還可以啦唔想飲咁多汽水既選擇。整體黎講野食都唔錯，種類都幾多，價錢就同一般既漢堡店差不多啦，係雅都搵野食都可以試下。

今日食咗個經典牛肉芝士堡配炸薯寶及飲品。自家製牛肉漢堡，非常juicy，配上蕃茄洋蔥生菜，超好味。另外加$20可配炸薯寶及飲品。炸薯寶，即炸超正，有25粒。下次一定會再幫襯。

雅都商場呢個food court最近我都成日去食，入邊都幾多好嘢食，而家講吓呢間漢堡包店，我叫咗個經典漢堡包，一啖咬落去感覺好多汁好Juice，因為佢加咗好多醬料再配合一啲新鮮嘅生菜，令到成塊牛肉水份增加，所以感覺勁Juice

屯門gogo mall好多好嘢食同老公晚餐一人叫一樣野食佢叫左魚柳burger 條炸魚柳熱辣辣好好味同埋炸得好鬆軟薯條🍟係粗薯條 味道一般 沒有落鹽 但薯條的份量適中-老公不喜歡菜 所以漢堡走咗菜、沙律醬、蕃茄、洋蔥🧅所以個漢堡細個左d 特別製作-整體來講 價錢適中$60一個晚餐 香港地係咁上下啦

🔖GoGoMall入面都算有好多唔同菜式既餐廳，漢堡就只係一間，今日就試下佢個漢堡先🍔。🍽蘑菇滑蛋豬柳堡 $38🍽蜜糖芥末薯條（跟餐+$22）淨睇外表，呢個漢堡都已經好加勢😆個滑蛋成塊蓋住左個包，豬柳食落多汁，整體唔錯。薯條新鮮炸起，加左蜜糖芥茉醬更加好味。$60 有漢堡薯條野飲都算係咁吧。😋食物：️8/10🤵🏽‍♂️服務：8/10🍴環境：7/10💰消費：$60🤩性價比：8/10

素食人士有時出街都好頭痛有咩可以食！本身打算食米線叫啲菜，咁岩係到行個圈又見到有菇堡。唔確定係咪無肉就問一下職員哥哥。佢話係～而且佢都好有禮貌又問要唔要加小食之類。咁我就點咗一個菇堡。等十分鐘左右就有！熱辣辣！$39一個係抵食嘅！然後啲料都好多，有蕃茄，生菜，洋蔥同大大塊菇！醬汁量我覺得岩岩好，唔會食到成手成嘴都係～下次可以再食！

約左朋友係屯門行下街吹下水，佢建議到新墟新開既food court食下。黎到我睇左好多間，又唔想食飯又唔想食麵🍚🍜，所以簡左呢間The best burger。其實burger🍔應該唔會點伏，叫左一個原隻軟殼蟹芝士漢堡配埋到個芝士煙肉薯條，再送一罐飲品。$58+$22。🍔🍟🥤都唔算平。我朋友話個賣相幾好。首先試左佢既芝士煙肉薯條，其實好難會整到難食，你加一兩塊芝士🧀🧀上去，薯條夠熱溶到塊芝士再加d炸過既煙肉已經好好食。點知呢間鋪用自家製芝士醬，好淡，完全無芝士味，好難食。🤕🤒🥴朋友食左一兩條都話唔知自己食左咩。🤮🤮之後到個漢堡包，菜🍀好大塊，大塊到咬極都未咬到個包。原隻軟殼蟹比佢大力壓實個包個陣壓到扁晒，完全睇唔到個隻蟹。食落完全咬唔到軟殼蟹。漢堡包裡面有塊煎蛋🥚煎隻蛋都可以煎到咁無心機，個煎爐都唔清一清，好多黑色一粒粒既焦痴左去隻蛋到，都幾嘔心。🤮佢既芝士竟然用返自家製芝士唔用一片片既芝士。簡直係一舊無味，再配埋煎燶左既煎蛋既漢堡包。我從來無諗過一個burger可以做到咁差，而且價錢都算貴。無下次。🤦🏻‍♂️🤦🏻‍♂️🤦🏻‍♂️🤦🏻‍♂️

位於屯門GOGOMALL裡面的一間食舖，名叫The Best Burger😃，主打自家製造手打牛肉漢堡，每片牛肉漢堡重150克，肉質豐厚多調味醬汁，小弟今首次點了推介的黑松露芝士牛肉漢堡 + 蜜糖芥末薯條，漢堡包整體比例相當平均，新鮮薯條加上蜜糖芥末真係相當好食👍，小弟一向都十分喜歡有特色的小商戶，呢個算係一間，十分推薦👍。

All day burger meat breakfast with sunny side up & burger bun , deep fried onion ring我覺得佢唔係難食，我可以話唔差，做到burger meat 及炸洋蔥圈所需嘅要求。價錢係非常經濟抵食，而且呢一個價錢去食漢堡扒冇乜嘢可以批評。我希望呢個老細努力去做落去。

用網上外賣平台叫咗個經典牛肉burger 加一份芝士煙肉薯條。Burger都算ok,但份薯條真心唔掂，好似未炸好咁，又濕又軟，都唔知點食好，希望可以有所改善。

之前朋友推介過屯門Go Go Mall個food cout呢邊好多野食，咁啱去開附近睇戲，一於過黎試新野🤪由於真係好鐘意食burger🍔，見到呢間漢堡店價錢實惠，價格為$32-48仲要有野飲包🤩，就算想加小食都係加$10就有，所以最後就揀咗佢喇🤣雖然因為去既時間唔係晚飯時段，所以人流比較少，但因為餐廳真係即叫即整，所以都需要等一等🤭1️⃣忌廉蘑菇煙肉意粉 （$42）幾鐘意佢用扁闊身既意粉，煙肉同蘑菇既份量都恰當2️⃣黑松露芝士牛肉堡 （$48）黑松露味就唔係好重，老實講我覺得似沙律醬多啲😂3️⃣薯條及雞塊 （各加$10）因為即叫即整，所以都好夠脆🥰 可以自己吱啲茄汁同沙律醬黎點