The Coconut (已結業)

第二次寫食評， 臥病在床都要寫！琴日嗌咗外賣，難食都算，食到我同屋企人又柯又嘔，仲要貼埋錢睇醫生！！！唔係因為佢少人等野食黎得快都唔會食佢依家永世blacklist喱間餐廳！

我們今天吃午餐，冷氣奇大，外面30多度，但係坐喺度仍然感覺似雪房！Order 了青咖哩雞肉飯。青咖啡唔辣，亦無應有的青咖喱香味，可能加了太多椰汁，另外最奇怪的是用珍珠米，係，無錯，竟然唔係用香軟爽口嘅泰國絲苗米，而係用肥潤黏口嘅北方珍珠米，口感極度不配。我真係唔知老闆嘅用意，但係肯定係失敗之作，係我人生中第一次喺泰國餐廳食珍珠米！我不知道老闆有否當食客一樣，到店舖感受一下整個過程，包括溫度及食物質素，是否合格，但若要我給分數，10分滿分，最多只能給5分！

一家人因為疫情已經成年無出去食飯,難得今次掃墓後有時間食個晏就去海之戀行下。因為有老有少，隨便見到間餐廳有位入去坐低，點知就中伏了😑1️⃣海南雞飯啲飯無味，雞都還可以。2️⃣船面既味道都尚可接受。3️⃣青咖哩雞既汁同埋雞柳就好似滾水咁，完全無味。點解可以煮到一啲味都無咁勁🥶4️⃣泰式蝦炒金邊粉😑又係一碟無咩味既炒粉成個lunch我食左幾啖就無哂胃口屋企人都係因為唔想浪費食物先會食哂但已經完全破壞左想食一餐好野既心情同埋一個難得既悠閒星期日😓以後都唔會再幫襯

係呢個餐廳買左冇骨海南雞半隻，係外賣黎，攞番黎只有幾舊，呃人嘅根本冇半隻，唔知係咪因為外賣攞走所以咁少？堂食係咪都係咁少？而且隻雞冇咩味，態度又差，離哂譜，係一間好差既泰國餐廳，幫襯一次就唔會再幫襯第二次，其他泰國餐廳既泰國菜性價比好高。

呢間The Coconut 都開左一段時間la，諗住好耐冇食過泰菜，睇過個lunch menu 好似都幾啱食，就去食下。點知啲嘢食真係又貴又唔好食，點都唔會再食呢間。 1️⃣泰式蝦炒金邊粉（$78）我本身好鍾意食Pad Thai，所以黎食泰國菜點都要嗌翻碟試下。但係真係好失望😞碟金邊粉好大碟，但係成碟就得果三隻蝦。成碟粉，賣相差都算，食落好食最緊要，問題係啲粉仲係好硬...好似未熟咁。仲要每條都唔同軟硬咁㗎wor，有啲零舍硬啲添既。食落完全唔係我想像中既Pad Thai 既味同口感。味道好單調，而且好唔夠味。成碟粉淨係得個“多”字，完全係我食過最唔好食既Pad Thai。  呢一碟野要賣78蚊，仲要加一，完全唔值呢個價。  2️⃣泰式豬肉乾炒河（$78）乾炒河就好啲，起碼個河粉食落唔會太硬，係正常既質感。比起個蝦炒金邊粉，佢炒得有味啲既，但係我覺得都係屬於中下既質素。入面有啲菜啊蛋啊咁，但係炒出黎偏乾左啲，同埋味道都真係麻麻。仲有，佢啲豬肉雖然好大片，但係比既肉好多都好差...勁多肥肉，有啲直頭咬唔斷添既...  3️⃣泰式奶茶（跟餐）成餐飯最好味就係佢la😇味道係正常既泰奶味，幾香茶香。同埋比較

這間泰式餐廳的午餐價格可以接受，加一服務費後大約$75-$97一個飯餐連一杯泰式特飲，坐位頗多客人坐得逼逼的，服務則較一般。食物水準尚可。泰戒雙拼飯(海南雞拼泰式豬髀)豬髀淋且入味，雞件份量較少，跟飯的醬汁正正常常沒有特色。蛋花黃咖喱軟殼蟹飯香口，偏向椰香所以不辣，軟殼蟹比較大隻，搭配咖喱入口美味。泰式咖啡味道較淡，加多一點咖啡及煉奶較佳。青檸梳打不過不失。店舖內近窗邊的坐位應可看到美麗海景，算是平凡美食中帶點趣味。

去到海之戀本身想食ruby tuesday 點知唔可以堂食 咁啱比隔離一間泰式餐廳吸引左😍🍍原隻菠蘿海鮮炒飯 💰108可以見到有兩隻大青口😍好多蝦仁、腰果、魷魚仲有肉鬆🥳真係好鬼豐富 好好食！成個形狀都真係好得意 可能由於青口加持🙈🧆泰式煎蠔仔餅 💰108都係厚身！裹左好多麵粉令到蠔餅漲卜卜！D蠔好新鮮😍完全冇嚴重油味～仲要好大粒 要搵一堆餅包住佢🍖串燒拼盤（雞、牛、豬） 💰128沙嗲醬真係襯曬D串燒🥵D雞肉好嫩、豬唔會太肥、牛肉仲要好有咬口😭可以一串淋一串唔淋醬汁 有唔同風味喔～🌮香葉肉碎生菜包 💰88薄荷葉香味好勁🤭我地用曬D生菜都包唔曬D肉碎🤣太多要拎返屋企食 可見佢用料實在🤪 ps有D辣🤭可以同waiter講唔辣 但係辣會更好食！☕️泰式奶茶 💰22甜～就係泰式奶茶嘅經典 解辣一流！我覺得係必試嘢飲！餐廳可以見到海傍風景🥳野食真係驚艷左我呢啲第一次食嘅客 encore左多次🤪

Tom yum soup was very good with excellent taste and good portion size. the papaya salad was also nice. The beef vermicelli noodle was low average portion with good taste, nothing special overall. Thai milk tea was nice also. good taste overall but disappointed with service charge of 20%.

下午茶時段，吃的份量好比一個午餐。本以為下午茶的價錢便宜了，份量應該會少一點。可是食物到了，驚訝它的份量如同午餐一樣。有點驚喜是，連例湯都有。好好飲的例湯，非常足料，可惜飲光了才想起應該要拍照⋯⋯⋯至於其他食物，份量足，味道就一般。海南雞飯，雞不是特別嫩，肉質比較硬和乾。濕炒河用的河粉不是港式的一條條，而是一片片四方的，挺特別！炒河可選雞肉、豬肉和牛肉，我選了牛肉，這裡用的是肥牛，肥牛少，反而配菜很豐富。味道偏淡，沒有什麼泰式風情⋯而濕炒河果然很濕⋯加了$32 要了一個泰式鳳爪，味道也偏淡，鳳爪算多⋯作為一個下午茶，吃到午餐的份量、晚餐的價格😂

彩虹粉:有蘿蔔，豬紅，肉丸，魷魚，肥牛，一塊脆皮，紅色嘅河粉，湯底味道可以。清甜嘅味道。分唔清楚係味精嘅甜定係材料本身嘅鮮甜，但係我覺得兩樣都有。整體湯嘅味道可以比7分。唯一美中不足嘅就係湯嘅熱度唔夠。作為一個粉面同埋一個大型品牌唔應該有咁嘅效果。但係材料嘅應用同埋份量都10分充足。下午茶$52來講還算可以但係有+1服務費。海南雞飯.飯入邊有放脆皮片，但係同樣飯嘅溫度唔夠，本身係油飯。飯既溫度會有影響食慾。但係海南雞本身嘅肉質同埋配嘅醬料都係滿意。同一般喺出邊食嘅海南雞飯差唔多。冇咩特別嘅驚喜酸辣去骨鳳爪沙律:味道唔夠。份量都係大概三隻即係開邊六隻。以呢個價錢來講。性價比唔值得推薦。但係貼心抵讚嘅係有配備其他嘅醬料包括陳醋。調味料。泡椒。可以自己去加味。加完之後還算接受。整體來講都係唔錯，以品牌同埋連鎖來講，可以達到滿意嘅要求。

海之戀近期也有很多新開的食肆，行下行下見到有間開咗好耐的泰國菜，我從來都未幫襯過，今日就去試個午餐。客人不太多，防疫也做足。泰式蝦炒金邊粉 好惹味，蝦都有好幾隻，金邊粉伴以乾蔥，果仁碎及牙菜，好醒胃，很不錯，連小朋友也愛吃。泰式去骨海南雞飯 加了$5轉雞脾，雞肉爽口嫩滑，有濃香的雞味，有嚼口，套餐還附送一個清甜的雞湯。另外叫了兩款小食 香茅雞翼和春卷，熱辣辣炸得很好，雞翼外脆內嫩，好味。泰式奶茶 有點香料味道，同伴不太喜歡，我就覺得有它的特色。小女孩愛飲漂亮的飲品，香茅蝶豆花檸檬梳打賣相漂亮，但係比較清淡。

下午茶時段購買，$68一個餐有香葉肉碎炒飯配泰式凍奶茶，加$32有酸辣冇骨泰式鳳爪沙律。剛剛好$100 ，用上了之前商場送贈的這家店的$100現金卷，這個套餐完全免費，哈哈。香葉肉碎炒飯炒得好香口，很好味道，米飯用了日本米，個人很喜歡這樣的質感。酸辣無骨鳳爪沙律很大一盒，酸辣味道適中，非常爽口。泰式奶茶點了少冰，甜度剛好，茶香不錯。

濕炒雞河濕到係一碟湯，河粉係一pat pat嘅。雪糕窩夫就好似上咗樓上嘅超市買一啲現成嘅擺喺度就算，咬到牙都攰。檸檬薏米水冇味道；檸檬、薏米，同水是但溝埋就算。奶茶唔夠奶，好「鞋」。酸辣鳳爪得鹹而唔辣。魚餅裏面只係一團橙色嘅物體。海南雞金邊粉尚算可以接受。生平食過唔少泰國菜，呢間簡直係「極品」之中嘅「極品」。服務都可以接受但係食物就唔可以，難怪唔使等位就可以入去。Worst Thai food I have ever had. $271 would have been better spent on used toilet paper than this meal.

今日行街，行吓行吓嚟到呢一間，就好隨意入去食下午茶，叫咗個香葉肉碎炒飯，30秒唔夠就到咗，我問職員是否裝出嚟？職員竟然同我講是炒出嚟，味道一般，唔會有下一次，講多無謂（完）。

有一日放晏晝飯，一個人睇吓有咩食。行行吓就行咗過嚟呢間餐廳。睇吓個餐牌好多食物揀，價錢又夠抵，所以走咗入去。我嗌左一個火車頭河粉。送上嚟嘅時候個碗大到我不能形容。仲大過我塊面。個湯好濃郁，而且仲有豬軟骨，好正。俾錢嘅時候都淨係要40幾蚊。再有一日放晏晝飯又走咗嚟食。今次就叫菠蘿炒飯。顏色金黃，好靚。紅蘿蔔一粒粒好得意。擺落口酸酸甜甜，好開胃，食完都仲想繼續食。俾錢埋單都係50幾蚊。呢度啲奶茶都好好飲，大家可以試吓。