The Coconut (已結業)

有一日放晏晝飯，一個人睇吓有咩食。行行吓就行咗過嚟呢間餐廳。睇吓個餐牌好多食物揀，價錢又夠抵，所以走咗入去。我嗌左一個火車頭河粉。送上嚟嘅時候個碗大到我不能形容。仲大過我塊面。個湯好濃郁，而且仲有豬軟骨，好正。俾錢嘅時候都淨係要40幾蚊。再有一日放晏晝飯又走咗嚟食。今次就叫菠蘿炒飯。顏色金黃，好靚。紅蘿蔔一粒粒好得意。擺落口酸酸甜甜，好開胃，食完都仲想繼續食。俾錢埋單都係50幾蚊。呢度啲奶茶都好好飲，大家可以試吓。