THE COFFEE ACADEMÏCS (莊士敦道)

營業中

休息中

同個朋友黎食個下午茶，叫左個芒果沙沙配魚柳脆米餅，一上台見到份量都幾大下，佢份炸薯圈系岩岩炸好的，即炸即食先好味，皮夠脆身，本身佢已經夠味有咸味，再配茄汁佢個餅，餅皮超薄，無餡地方系脆的，但有餡地方變林左，芒果醬汁酸酸甜甜的，炸既魚柳皮脆，但肉比較乾身，整體都算唔錯

好熱呀0個日，諗住求其揾間CAFE或者BAR坐下。但真係求其唔到，因灣仔係就係有好多呢類餐廳，但好多入面都好黑，佢地下午唔係好開燈，但又唔係話多窗口位喎。唯有行遠0的比我揾到呢間。我原本好開心打算食個TEA，點知原來三點至開始。當時係兩點半到啦大概，所以我唯有叫件CAKE食住先。呢期好想食綠茶0既甜品，咁啱佢又有個幾靚0既綠茶朱古力蛋糕，我就諗住試下。賣相唔錯，可惜綠茶味唔夠濃，反而朱古力味重0的。雖然同我預期有0的出入，但好在佢個質地夠實，0的CREAM都幾滑，但我本人就鐘意少甜多0的。我都問佢揾左兩柸水，0的水有0的青檸味，幾FRESH。食完都未夠3點，咁我唯有望下景，我一向都鐘意灣仔，0的建築物有新有舊，人來人往但又唔太迫人。同埋欣賞下佢地0的吊燈，幾靚呀！燈光好重要，呢隻色調柔和最啱我。終於可以叫個TEA SET啦，幾好食喎！可能食得太多星X克慣左佢地0的味。而呢到就唔同味，我覺得個波菜批入面0的菇菇好加分，夠香又有咬口。旁邊個沙律都唔錯，0的蔬菜好濕潤，唔似雪左好耐咁。個SET包個DRINK，我叫左個熱茶係LEMONGRASS＋HONEY，飲落幾舒服，唔太濃但好夠熱。

感覺好水，吾會再叫朱古力一樣好水， 吾可以期望太高個pancake 本身吾錯，toppings 有custard & mix berry ice cream , 不過感覺toppings 既份量吾係好夠，如果多d會令成個dish 豐富好多同juicy好多

２：３０特登約朋友聚聚舊傾下計，大家都喜歡飲咖啡，就來試下coffee academics. okay 呀，環境舒服，咖啡不錯，小食也有水準，只是價錢貴了小小，飲下野聚下舊，坐左成個下午，也算OK呀～各叫了杯咖啡，Cappuccino, 夠熱有咖啡香，入口順喉，不酸不澀，有回甘，不用落糖，淨飲己好好味，心心拉花也不錯。Okinawa Coffee, 朋友話有黑糖甜味，順喉易入口，附上清水一小杯，侍應話怕客人話甜，清水用來清喉嚨，夠窩心，朋友話甜度剛好，不用飲水清喉。Mediterranean Seafood Salad, 蔬菜番茄皆用料新鮮，味道鮮甜，黑橄欖及青橄欖增添咸香，提升味道層次，大蝦雖然沒有蝦味是急凍貨，但爽脆彈牙，而且大大隻又挑清了蝦腸，感覺健康純正，青口也大隻，鮮甜，沙津油混入了小小藍芝士，進一步增加口感及飽腹感，正。😋😋😋Curly Fries in Trio Dip, 吾送酒，送咖啡一樣正，紐紐薯條味道口感與麥記無異，金香脆口，沒半點油膩，比麥記更出色的是紐紐薯條大大件，有成隻手指長，不會零碎，大大啖食，開心過癮。共有3隻醬，辣醬微辣，似bbq sauce + buf

一杯靚咖啡, 個人認為最重要是咖啡豆, 水質和温度.相信此店有相當研究, 所以咖啡質素不錯.心癢癢, 深夜時份都要來嘆番杯, 滿足一下.開放式的格局, 秋風送爽, 不時有叮叮…叮叮…電車經過, 好真實的香港, 太美了.咖啡香氣樸鼻而來, 每嚐一口, 都帶有甘苦香醇的口感. 最喜愛那綿綿細滑的奶泡.享受一杯咖啡比起紅酒更能享受其中樂趣^o^

午飯時間的中環人多, 約朋友我都盡可能不在中環午飯, 今日來了灣仔。要較近地鐵站的, 選擇不算很多, 我們多數來Coffee Academics。我第一次試這個他常吃的beef in soft taco, 薄薄的皮, 包著牛肉, 大量的牛油果醬, 少少rocket, 感覺健康, 醬汁惹味, 我喜歡用手吃, 感覺很raw, 哈哈。我的熱情果凍飲少少酸, 消滯。 他的latte, 香濃。 sell環境的餐廳, 價錢是難免不平民的。

下午比較空閑，經過灣仔道，和友人進了這間cafe. 一入內很驚喜，地方很寬敞舒適，感覺選擇這間餐廳沒有錯。找了一個較安靜的位置坐下來，便開始點飲品。餐牌有甜品、午餐、特色飲品(有不同咖啡及特別牌子的啤酒)，選擇種類多。點了這杯玫瑰花凍茶，微甜，一吸有透明啫喱，幾過癮，夏天飲消暑又解渴。服務員態度友善，又不會催落單，讚。很愉快的一個下午。由於剛吃完午飯，未有試甜品及其他食物，下次來再試吧！感覺應該都好味。

Came here for lunch hoping to satisfy my craving for good coffee. Arrived at around 12:20 pm and there was no queue. the atmosphere overall was cozy and spacious. there's a la carte menu as well as lunch set. the lunch sets are priced between $128 to $158, which includes a coffee. there were a couple meal options, such as salad, all day breakfast, beef and cheddar soft taco, pasta or tandoori chicken pizza. I wanted to get the all day breakfast, but they were quite inflexible in substitution of

兩個人的晚餐，只想搵個好坐嘅餐廳傾下偈,原來都唔易，因為已經晚上差不多十時，好多餐廳都截數！呢間係第三間，食過銅鑼灣分店ok,唔使等位，問店員last order係2230，2300關門，時間算鬆動，當時店內無乜客，我們坐近吧枱對出，店內放住歌，又唔太嘈，一張四方枱，兩張有背椅，兩張木椅，燈光昏暗，裝修歐式石牆配木傢私！感覺舒服！餐牌用報紙型式！食物以輕食為主！香辣肉醬芝士焗有機藍粟米片：唔知點解圖片係藍色粟米片，但上菜時唔係藍色的，只係普通黃色粟米片！粟米片有味粉撈過，所以好香口，淨食都好味！加上芝士肉醬更加豐富，肉醬滑滑咁，連埋酸酸蕃茄仔，口感好豐富！食唔停口！意式肉腸pizza:我最愛嘅薄批，焗得香脆，芝士半溶好香，配埋咸香肉腸片，簡單又好味沖繩黑糖咖啡：黑糖只係浮面，份量唔多，唔係好甜，咖啡味濃！易入口！仲有杯水！可能係沖淡口中嘅味道！Cappuccino:朋友飲！佢話好味！店員好悠閒，其實我們只想搵個地方傾偈，食物飲品都係陪襯！店員唔會催促，氣氛好悠閒！地方好坐！食物有啲特色，談心嘅好地方！

有些店平日經過無數次，明明想試都無法成事，The coffee academics 絕對是其中一間。第一次注意到此店，是因為某次到福臨門用餐，飯後經過店外的落地玻璃窗檯，看見擺放了兩個小木箱、一些日式軟墊和牛仔布咕臣，這個小小的空間無論作為等位區，還是吸煙區都很雅緻。心想下雨天坐在門前喝一杯熱咖啡，或許是件很浪漫的事情。也許是天雨關係，今日店內的客人特別少，不復平日熱鬧。店內位置設計呈T 字形，右手邊擺有一張長長的大木桌，配上圓形的高腳椅，有客人戴着耳機，邊聽音樂邊看書，氣氛很像圖書館。左手邊有兩列吧檯，一排靠水吧，一排靠窗，後者可以看街、看人、看名車，有時看路人的同時路人也在看你，挺有趣的。晚飯後的週末總想吃甜品，我們選了有店方推介的鐵板朱古力布朗尼配香草雪糕。令人回味的Brownie總是外脆內sticky，TCA這個更多了一份玩味。由於鐵板相當熱，Browine的底部已經烘得乾脆帶焦香，面頭的雪糕卻意外沒有很快溶掉。店員在我們面前把朱古力醬倒入，落在鐵板的醬汁一下就蒸乾，洗餐具的可頭痛死了。喜歡這個Brownie的甜度和質感，配香草味雪糕雖然無驚喜，但卻無可否認是絕配。不過大家千萬

放工先紅雨...仲要去睇Musical...不過都要搵o野食...一日plan o左去呢度食...因為好近地鐵站~ 唔知係咪因為落雨關係...無乜人...兩個人大把位揀~呢度d setting好靚好舒服...氣氛好好~d檯燈光又o岩...總之坐得好舒服~ 非常適合傾計飲o野~ 不過我地有下一場...所以唔可以坐太耐...叫o左兩個main dish...兩杯咖啡~ Pizza餅底超薄超脆~ 仲有一片片青蘋果~夠晒清近~ 不過如果多d芝士會開心d~ Fish Tacos d 配料真係超多~ 滿晒~ 芒果同蕃茄加埋d汁~ 味道酸酸地好開胃~ 不過d餅皮就唔夠脆...有少少韌...薯條真係唔錯~ 熱辣辣又唔太咸~ 正~ Latte好滑好creamy~ d拉花都好工整好靚~ 見過太多求求其其o既"拉花"啦...呢度貴幾蚊起碼杯咖啡個樣都真係靚d~Iced mocha係自己落糖~ 不過太滿都係要原味飲兩啖先~又係好滑~ 朱古力味可以多返少少~ 同埋少返d冰就最好啦...哈哈...望住出面o既大雨...都慢慢嘆o左個幾鐘...食物係唔錯但係偏貴...反而咖啡就真係唔錯~ 今日飲咖啡睇musical

呢杯野乜都無淨係冰同糖水，完全無左smoothie既意思，根本就係沙冰，一啲都唔幼滑，勁多碎冰，凍到頭痛。另外menu少左好多選擇, coffee方面都係同平時差唔多, 但朋友叫的coffee 略嫌唔夠熱.....-___-

試新野~哩杯特色咖啡係常溫嘅，飲完第一啖感覺唇邊嘅啡糖味，之後係一啖泡，咖啡味夾集住奶味淡淡的，有少許苦味有餘韻之中。還真喝不出製作方法。 八卦之後才知道原來是2Shot Espresso 加凍奶泡再加焦糖面。幾特別嘅口感。。。配合返店名嘅學院派~ Nachos 配料和醬料豐富，粟米片好脆而且附味的！雜莓班㦸二人份由於是日友人生日，我又趕唔切準備生日蛋糕，還好可以用這個代替，而且店員非常窩心，準備了靚靚Birthday Candle 之外仲同我夾埋 timing, So sweet!班㦸餡料豐富，而且雜莓相當新鮮，班㦸仲熱辣辣嘅！好味~

I came here with friends for a mid-afternoon tea break. We shared cinnamon sugar churros with hot fusge sauce and espresso ice cream- they were sugary, warm, crunchy, and had lots of the fudgy sauce on they which was sweet and hot! The espresso ice cream was soft, creamy, and cold, which went really well with the churros. My velvet drinking chocolate was great (especially because of the cute design it had- really helps to make it feel more homely and welcoming) and was rich, chocolately, and you

今日同朋友係附近做完野，肚餓想食下午茶，本來想去食茶餐廳，不過經過見到coffee academics朋友話想飲佢地咖啡就衝左入去，又咁好彩星期六下午都有位，雖然三個人坐兩人枱有d迫，但係勝在最入面ge枱環境唔糟而且好cozy，所以我地三個女仔坐落都ok。出面我地走個時發現音樂比較大聲，傾計比較難。其實之前自己去過幾次銅鑼灣分店，記得佢d cake無咩特別，所以今次試左其他小食。3個人食左$400幾，老實講，值唔值呢個價就見仁見智，不過我地都係搵個地方食野同傾計，起碼坐左2個鐘service同地方都唔錯，會唔會再來就睇下次經過使唔使等位啦（一定唔會特登來）。