The Grove

營業中

休息中

某天，有半日的一個人假，下班後就決定去一個比較少出沒的地方尋食。結果，我去到顯徑落車。尋尋找找之間，來到了食肆林立的田心村。就在村的停車場旁，看中了一間環境算是有點舒適的食店，名字叫《The Grove》。在門口看看是什麼來頭，咦! 原來是一間台式餐廳，就決定試一下。因為餐廳是一間村屋，在外看就感覺到有幾分的寫意。入內，餐廳擺設得公公正正，是一般台灣食店的格局。感覺只是尚可。本來想食牛肉麵的，但是我來晚了，牛肉麵賣晒。所以，我只好改叫一個飯。而我選中的，是滷水拼盤飯。有雞翼，牛腱，豆干同滷蛋，非常豐富的說。台式的滷水汁亦夠香口，而味道也就直接混入了米飯當中，令整個飯的味道都 good。另外，我加了一個甜不辣做伴餐小食。這甜不辣是一份魚餅，香口而且帶煙韌口感。配合豆辦醬來吃，又香又辣，配有沒有酒精的飲料都會非常好。雖有珍珠奶茶，但我不太想喝啊。簡單一點，也看似健康一點。所以我要了一杯台式的紅茶。微微甜的冰紅茶，解辣，解暑，也解油脂。配合台式食品，算是非常之合適。由於是日兩點多才來到，在人流不多的時段，感覺到這是一間舒適的餐廳。當然，食物夠美味也是令我感小開心的原因。這次小試，可以給一個小

話說， 我隻狗狗嘅年紀都開始大，出一陣街都會好攰🐶🥱所以我哋而家都盡量會帶佢去pet friendly嘅餐廳，等佢休息吓🛌然後再帶佢去其他地方探索世界🌏咁當然梗係要搵一間環境舒適，仲要嘢食好味嘅餐廳🥰先至符合我平時嘅要求，就係CP值高📈-今次想為大家介紹嘅就係喺大圍田心村嘅The Grove 🍴我琴日去到餐廳嘅時候，餐廳內外都坐滿咗好多人👤雖然佢唔係一間專門打卡嘅餐廳，但係環境都幾舒適🧘🏻附近都係比較清幽嘅村屋地方，所以我都覺得幾舒服咁因為我帶住狗仔，所以就必須要坐喺戶外嘅地方☀️-我本身個人都幾鍾意食台灣嘢 我覺得呢一間餐廳嘅質素都幾好😻價錢唔會太貴，亦味道都幾唔錯👍🏻👍🏻最緊要就係食物溫度非常之符合 🌡特別係宜蘭蔥肉餡餅 🥙，甜不辣，糖心蛋🥚好符合我嘅口味-佢哋最近餐廳都開咗新分店，位置喺土瓜灣🌏而新分店係非常之打卡able，我一早就已經mark低咗啦 ☑️依家即刻餐廳，但係你嘅狗狗一齊去暢快玩一天❤️🐶-📍 The Grove (大圍)🏠 大圍田心邨269號地下📞 36172868🚇 港鐵大圍站 C出口(步行約8分鐘）🅿️ 大家如果好似我一樣，加私家車過去，附近有咪錶停車場

#小胖遊大圍🐠 —————————————————🔹魯肉貝果拼扭扭薯條 $63意想不到嘅組合😆魯肉Bagel岀奇地好食🥯Bagel揀左🫐味，雖然有少少藍莓但又無乜藍莓甜味，外面烘到脆脆入面軟得黎少少咬口但唔會好韌👍🏽魯肉超冧又入味，略嫌汁有少少太濃同稠，齋食就有啲咸，但配合🥯一齊食就可以接受🙆🏻‍♀️.扭扭薯條🍟份量超多，完全滿足到我🤤因為唔係太多地方有.💡平日去食有套餐價，抵過星期六日所以平日去食就更划算🧮—————————————————🧜🏻‍♂️口水度：🌕🌕🌕🌑🌑🤑CP值💰：🌕🌕🌕🌗🌑🧚🏻‍♀️打卡值：🌕🌕🌖🌑🌑🥰舒適度：🌕🌕🌕🌗🌑👅再食指數：🌕🌕🌕🌗🌑

大圍話大唔大話細唔細,想食好西option其實都唔算多,所以有時候快食的話都唔理其他野,食物ok就算.呢間台式餐廳環境算係咁,我最常食就係個牛肉麵,首先個湯底真係夠濃郁,牛肉都幾厚又多塊,麵條幾夠彈牙,所以一路食一路都feel到唔錯口感,男仔的話確實係會唔係好夠飽,但對我就剛剛好.最正係上面有辣椒粒令牛肉味更出,你見到有D油響面,其實唔係好油,所以快食的話,都ok的.

早前嚟過兩三次，食物招呼都ok，價錢雖然貴一點，但好食也沒有問題， 今天再幫襯食質素下跌 服務又唔好， 勁失望 ，牛肉麵牛肉硬到咬唔開， 鹵水拼盤超難食香芋奶茶 唔係紫色堅唔好飲， 以後也不會再回頭幫襯。

依間餐廳位於大圍啲村屋入面，揸車去可以有錶位泊好方便。午餐都幾平，五六十蚊。叫咗個魯肉bagel同鹽酥雞飯，鹵肉bagel得翻原味，夾埋又幾好食，bagel夠煙韌。特別推薦佢地個芋香奶，雖然個樣好頹，但其實好香濃，好耐無飲過咁thick嘅芋頭飲品。

第一次幫襯是平日午餐，有套餐，滷肉飯只需50蚊仲有飲品。覺得都唔錯於是一個星期六再幫襯，我二人坐戶外，坐了一陣無人理我，自己行入去叫人過來，waitress帶D晦氣話等陣來。當時人唔多，等了5分鐘人無來，隔離枱呀伯都話點解無人看戶外的客。 我再走入去叫人，先有人過來星期六無套餐，只能單點，飲品亦不會有特價，滷肉飯都已經58元，飯今次亦煮得太爛。牛肉面的肉可以，但湯底一般。到埋單，我都係自己走入去，費事等，點知仲要加一服務費！！呢種服務質素重要加一，結果無叫飲品，一杯水都無比我的情況下，盛惠128蚊。我去隔離茶餐廳食好過啦！無下次！

一入到去就覺得好舒服餐牌都有好多幾吸引既食物但因為午餐所以叫左兩個飯鹽酥雞肉燥飯同椒鹽排骨肉燥飯野飲就係凍朱古力奶茶同熱薄荷奶綠鹽酥雞肉質唔乾，味道同賣相都ok椒鹽排骨就比黑，賣相欠奉少少肉燥又無想像中咁油，撈飯一流但係成個飯最差就係個飯，好濕好淋仲會痴埋一舊舊以野飲方面呢間鋪頭係相對淡口味，我個人就好鍾意用鐵飲管係環保既，眼見都乾淨，但真係會擔心衞生朱古力奶茶就飲唔到奶茶味飲落去仲有少少朱古力粉既感覺杯底都有好多粉未溶薄荷奶綠我就無飲，但聽講都係偏淡所以鍾意甜或重口味者就唔太適合呢間餐廳

話說之前幫襯過一次，雖然比同區貴，食物質素又一般，但因為疫情期間，貪佢就係冇乜人，所以今天想再去。但一推門入內，店員同我哋講未開門，咁我哋問吓幾點開，佢好大聲回答九點，叫我哋返出去等，但我睇下手機當時係8:59。首先係想講，如果你未開到門，就應該鎖住門唔好比客人入內。只差1分鐘，又要出返去門口等。對於咁嘅服務態度，真係冇嘢講😪

今日同老公經過呢間台式餐廳見到餐牌好多嘢食就入嚟試吓！我就叫咗個牛肉麵牛肉好淋唔癡呀！個湯底又唔會太辣甜甜地！最啱想食辣但又唔食得辣嘅人食！先生就叫咗個滷肉飯！個滷肉飯唔會太肥！佢個環境幾精緻！本來想坐露天但因為天氣實在太熱最終都係坐入邊嘆冷氣！呢兩款食物值得推介好好味！員工有禮貌！見佢個餐牌有好多飲品好想試！可惜我今日個肚仔唔舒服無得叫嚟飲！我先生就叫左杯椰子奶茶佢話幾特別！個員工好細心囉見我無叫飲品主動送上暖水一杯！👍👍👍👍

跑完步經過田心村搵到間台式小店，入去睇吓有冇好嘢食，間餐廳都坐滿人嘅，心情都好D，因為多D人氣，熱鬧啲囉！😜食台灣野一定要食鹽酥雞同肉躁飯，先至啱👍椒鹽排骨肉燥飯$58，份量都幾多又大碗喎，兩個人都夠食！賣相吾錯，肉燥味香濃，鹵水蛋好入味，但D椒鹽排骨好似炸得有點過火，韌左少少😌鹽酥雞$38要襯熱食，D炸醬又吾厚，略帶少少椒鹽，雞塊又大又入味，推介必食一餐一百蚊倒都算係平，不過平時幫襯會抵啲，有得跟餐，可以包埋杯嘢飲🥤

呢間台式小店之前仲喺顯徑邨嗰邊的舊村屋時間中都會幫襯，店長是來自台灣的女生，所以味道真心唔錯，阿Roy牛肉麵、魯肉飯、鹵水小食拼盤等都好食，衣家新店在田心村，地點係方便咗好多，但係味道就差咗好多。今次去幫襯，都係一如既往叫咗阿Roy牛肉麵同埋魯肉飯，個牛肉麵個湯底同個麵都ok，不過啲牛肉嘅質素就明顯差咗，無咗以前香濃嘅牛肉味，至於個魯肉飯，以前嘅豬肉肥瘦適中，雖然要有肥肉先至香，不過今次真係太肥，要係咁夾走先掂，另外個飯亦太乾，感覺仲衰過連鎖快餐店嘅台式飯。PS：今次去見唔到台灣女店長，究竟會唔會呢間野已經轉咗老闆？

今日在大圍意外發現一間台式料理，中午到田心村覓食，平時慣常去幫襯泰菜今日發現在另一邊角落位置有間餐廳便去試試，這家是台灣菜主打有牛肉麵當然要試試。😘由店內設計及餐牌開始已感受到台灣風格。🥢阿 Roy 牛肉麵 $58要做一碗牛肉麵最難處理是牛腩工序繁多，故但凡到台灣料理地方我都會點一碗牛肉麵試試。先嚐一口湯底清甜味美，再試一口牛肉鬆化且肉汁豐盛，牛根軟滑入味黏口油潤，個人口味99分。😋👍🥢肉燥拌麵 $58閨密愛吃拌麵點了肉燥拌麵，目測不錯肉燥色澤深濃，試了一口醬油恰好鬆化入味，拌麵柔軟有麵香。👍🍹冰凍紅 / 綠茶 跟餐指定飲品。胖胖很可愛😍😂環境清幽恬靜

餐廳格局不大，有室內和室外。與友人吃了招牌的牛肉面和麻醬雞絲拌麵。牛肉麵湯底濃郁，麵低有咬口。雞絲拌麵中規中矩，就像一般的冷拌麵。加多兩杯飲品，有百合果綠茶和鳳梨綠茶，味道不錯，不會太甜。推介

本來想去吃附近的日式料理，不過要等位，所以轉戰其他餐廳。雖然呢間台式料理冇乜人，但都算乾淨企理，而且見好幾個人都吃小火鍋吸引到我！老公仲要懶有情調坐室外，本身覺得好凍，好彩個爐一開就暖晒。兩個人叫咗個牛肉湯底嘅一人火鍋、滷水拼盤飯，兩個都有配飲品，要咗凍珍珠奶茶加熱綠茶。滷水飯嘅雞翼、豆腐、牛𦟌就例牌野，都係大碗飯上盤就冇乜擺碟可言，不過勝在飯夠多，一定飽！火鍋可以牛肉或雞肉湯底，我地呢個牛肉湯底應該係紅燒牛肉麵果個湯，帶點惹味，係幾特別！最後配埋個夠煙韌嘅麵其實好正！可惜，最敗筆係佢個肥牛！老公最初話好韌我仲話佢咁高要求，點知自己一試，真係未食過咁韌嘅打邊爐肥牛！我唔係要求日本和牛，只係想有返大家樂火鍋質素啫。作為火鍋嘅最重要嘅肉類都咁，本身覺得幾好但即刻扣分！希望店家可以改善。不過見佢openrice咁多針對服務嘅comment，都要幫佢平反，因為當日serve我地嘅侍應都好有禮貌，態度好好。