The Hub / The Space (已結業)

雖然開左Openrice Account好耐 但都未試過寫食評 今晚第一次寫 因為呢間餐廳真係好正！！！今晚係我同未婚夫既兄弟姊妹團會議，一行10數人，所以想搵間靜啲又近市區 又可以坐耐啲既地方傾計 傾rundown. 黎呢度真係無揀錯！由於我夠人數，所以book到晚市包場。地方好舒適，就算多人傾得大聲都唔怕嘈親人！好有家的感覺。原本我諗住大家用手機睇住rundown傾, 但原來餐廳有電腦同projector, 咁大家可以一齊睇住projector傾，感覺凝聚好多，唔會好似自己齋望手機咁。食物方面，沙律吧同餐湯都係任食任飲。今晚餐湯係薯仔煙肉忌廉湯，好rich好香好飲。沙律吧蔬菜新鮮，而且個人覺得千島醬味道特別。主菜我叫了牛柳配黑松露醬，牛柳我叫5成熟。牛柳好juicy, 配黑松露醬好夾好香，推介！試過係出面book party room 都唔平 仲要自己準備食物。而呢度完全有party room感覺，唔洗自己預備食物，地鐵站行過黎又只需幾分鐘，好方便。好適合一大班人，真心不錯！

之前試過一次呢度既雞翼buffet, 好好食好多選擇, 今日約一大班朋友聚會諗起呢個地方,專登包左個場。貪佢呢度有個幾正既露台又坐得夠舒服，順便試下呢度既set dinner水準，幾有驚喜wor! Set dinner有salad buffet bar同cream soup，試左個廚師特別推介既truffle配牛柳，最鐘意個crème brulee 甜品，超好食呀！賣單每人兩百幾好抵。因為我地包左個場，仲可以用埋佢地個projector，邊食邊睇Netflix 都仲得。下次private gathering一定會再黎！

係facebook 見到佢嘅雞翼放題嘅promotion，價錢唔貴只係118, 打算去試一試，於是佢一出 promotion就打去訂位。我係12月31號訂左兩位,而到搭正佢都未汁好枱放人入去食。而雞翼無錯係有12種選擇，但其中九款都只係炸完啲雞翼再淋啲好一般嘅醬汁係面，而咁佢地就叫"有汁雞翼"為一個新款。雖然佢係有意粉同飯比你食，但兩樣野都好差，乜味都冇，完全無誠意可言。總結而言，比左130連加一,但一個人都食唔夠十隻，全部都係炸，所有菜式包括雞翼誠意久奉。

118一位，全部雞翼上加醬就叫雞翼放題，仲話試下自家制雞翼，我睇唔出有咩係有創意。除左雞翼就得湯，仲難飲過茶餐廳啲例湯。啲飯同通粉完全係一早整好放左好耐，味道已經變質。

食得放題，都已經有心理準備㗎啦，但本身都好鍾意食雞翼，所以都好期待。上到去，裝修真係幾靚，我諗包場BBQ應該都唔錯。講返雞翼先，一坐底就俾曬12款你試，除左花調之外，其他真係麻麻，瑞士汁同蜜汁基本上無分別，又overcook,鞋口同埋唔知點解會係凍的。其他既都係半溫不熱，只係炸翼上面再塗唔同既汁。講真除左冷盤外，凍左既雞真係好唔好味。最後兩個人連飲品連加一，300埋單，食左大約22隻翼，抵唔抵就見仁見智啦

愛食雞翼的我知道有間雞翼放題即時就book枱試食呢間餐廳位放荔枝角工業大厦，原以為環境一般，點知入去裝潢好靚簡潔，outdoor環境仲舒服但係哲豬又喺度攪攪陣，攪到我無啖好食，好彩老闆好好人，知道VIP 房空左所以俾我地入去，好加分雞翼有十幾種口味，最愛係避風塘雞翼自助部份只有沙律、飯同意粉，略嫌太少

有朋友講左好多次話想食雞翼放題，book左幾個月終於book到有得食，即管睇下有咩咁巴閉我地book左食下午4點個場，$118任食個半鐘，為免遲開餐我地好準時3點50分已經到樓下。先講下地點先，間野係近荔枝角地鐵站，大約行5分鐘左右，附近都係工廠大廈多，我地一早facebook問定曬點去，所以基本上搵位無難度。大廠外形，lift呀各方面都不過不失啦，唔靚，但算企理可接受上到去，已經有人龍排緊，原來要清曬上一場先可以入我地呢埸，加上佢又要逐台客入，所以我地都遲左大約10分鐘先坐得低。之前睇到有食評話唔夠時間食，我地本身都擔心驚蝕底，但最後餐廳都算均爭，入座起計都真係比足1.5小時我地食，我地覺得時間都算充足。好喇，入正題喇，一坐低每人有一隻碟&碗去食出面個沙律bar，無得無限供應餐具，呢方面我地都覺得真係有少少唔方便。不過算啦，主力都係食雞翼姐~本身睇左食評都對沙律巴無乜期望，但估唔到D菜都幾新鮮wor，雖然選擇唔多。值得一讚係個湯，好好飲，唔係講笑，好似酒店水準咁，超正！但我驚飲飽個肚，所以忍住無refill待應好快手就怜左個全餐黎，嘩~~好多款呀~~拿，利申先，我自己就真係麻麻地雞翼

$118雞翼放題，限時1.5小時。約左1點鐘，準時到達後，但仲未執好個場，結果遲左15分鐘先開始食。一黎就送上每種味都有一隻既全餐，最好味既係瑞士汁同埋避風塘味。其他都好一般。食完個全餐想加單，職員比左張紙我自己劃，但無筆提供。問左兩個職員都話無，又唔去處理，就禁行開左。心唸其實係咪策略黎架，唔想人加單？結果要問隔離檯客人借佢支私火筆。全場客人都不斷穩筆😓好快就過左70分鐘（遲左15分鐘開始）就叫我地last order. 成個過程好趕，食得好急。穩筆又浪費左d時間。宣傳單寫有沙律，餐湯，粉面少到離普。連水都無提供，焗你加$20飲汽水。完全無服務，連筆都唔提供，都仲要收10% service charge。好唔抵囉其實係gimmick 野，唔係好食，唔係特別。唔會再食，亦建議要去試既朋友考慮清楚。

我張神搵食團又嚟介紹。今日去咗呢間全城熱話個雞亦放題，我已經早一星期訂位的，服務員問我想訂邊段時間，我即刻二話不說，要最早嗰段，早食早享受嘛。total有12款雞亦，一埋位已經準備好每款一隻俾你試食，我total食咗30隻已經好飽，我見到有人一叫叫50隻，到最後食唔晒，浪費晒啲食物。除左雞亦之外仲有沙律、飯、意粉同中湯，其實嚟之前都預咗118 1位都唔會有好多好貴嘅食物，但如果有多個西湯更好。而雞亦都算ok，冇雪藏味，算幾好。睇開我嘅食評應該都知我比較著重服務的，今次幾好，服務員有講解邊隻打邊隻，同都有解釋，唔洗一次叫太多，寧願入多幾次單又可以確保夠熱同唔會浪費，整體嚟講值得嘉許。

3個人幫襯雞奕放題，環境舒適，但服務態度有待改進。話明放題，但花雕食左兩隻就話賣晒！每人一隻都食唔到！成個放題最好味主要係花雕同瑞士雞翼。但兩隻最後都話賣晒,其餘果d味道平平，最難食麥脆雞奕，得陣粉味。最過份係臨完場前半個鐘佢地俾張點雞奕紙俾我地話last order, 我地點完，到雞奕上碟時個員工同我地講幫我地減左量，話怕我地食唔晒嘥野，話我地食晒時可以再點。咁最後我地食得晒，仲有10分鐘時間，諗住再追加瑞士雞翼8隻（3人食），點知同我講賣晒!!!!做得放題，如果怕人食剩嘥野其實可以好似人地食放題/任食火鍋咁寫明食淨幾多隻每隻收幾多錢囉。而唔係自動減人地量！減完再點又話賣晒！嬲爆！呢間野絕對冇下次！！

終於終於等到今日啦！可以黎食全城最火熱既雞翼buffet啦！跟住老闆提供既地圖，好快搵到餐廳，雖然門口係好普通既工廈，部lift 仲好暗Tim ,但一出lift 好似去左第二到咁，d裝修以木紋同白色爲主軸，仲靚過好多所謂既文青cafe 仲個露台，不過咁岩今日落雨無得坐出去，吾係都幾正好啦好啦！講返重點先！當然係雞雞雞雞雞雞翼啦！一坐定侍應哥哥就放低一盤咩味都有既比我地試左先，仲好用心咁解釋成件事點運作！仲問埋我地飲咩Tim ;) 忍吾住啦即刻開始！數埋都有多過十隻吾同味道既雞翼，大部份都有炸過加上特制醬汁，有幾種就係浸泡形式既，最最最吸引我既係瑞士汁雞翼，好香好入味仲好juicy!我其實好怕同係茶餐廳一樣食到雪藏味，但e到一d都無食左兩轉自選雞翼之後先發覺，吾記得出去睇有咩其他野食，原來有自選沙律吧，湯同飯同意粉各一，不過我就淨係食左少少菜，怕食左其他食吾落雞翼。無諗過淨食雞翼都可以咁飽，我地二人都係各自食左三十隻到，已經頂到上心口，晚餐都吾洗食啦

參加朋友個Bday party約30人,因BBQ食物自備,只要你個場同啲餐具。你話預備左餐具比我地一人一套，但開party往往用嘅碟同刀刀叉叉可能會多出十隻八隻好正常。我book個場問你有冇多幾隻碟姐都好似割你忽肉咁又話預備左一人一隻，我只係借黎用下唔帶走架！想攞隻匙，又用同一句預左一人一隻。大佬呀，你開餐廳係咪預到咁啱有幾個位就幾套餐具先，點都多十隻八掛備用掛。BBQ時想要多3個碟你好不情願比左我，唔該哂你！但你明知搞BBQ Bday party切蛋糕係指定動作,BBQ完隻碟咁油，朋友問你有冇細碟可以借用食蛋糕都知答案係比左你地一人一隻！其實book嗰陣可以講聲每人限用一隻碟咁我咪自備紙碟囉！真係冇下次！

平日放lunch既時候係公司附近見到呢間開左冇耐既餐廳，上到去見到個環境其實ok（撇除幢大廈搭lift位），有outdoor，有幾張太陽椅，BBQ爐等～lunch係半自助餐形式～有沙律bar同湯個沙律吧選擇唔多當日個沙係南瓜湯，幾好飲的主菜我揀左和牛磨菇burger和牛好juicy，磨菇可以再煎香d份量夠一個OL lunch既份量老板好好人好nice～呢到亦有得包場

今日同同事經過荔枝角，上網睇過話呢間舖頭新開，嘢食唔差，值得一試，咁都諗唔到食乜，就既來之則安之，上去一試。環境整體嚟講係整潔，我叫咗一份澳洲肉眼扒，同事叫咗和牛漢堡。我比較鐘意食生，所以叫咗4成熟，面廚師都做到要求，而偷咗我同事一啖和牛漢堡，呢塊仲正，肉質爽。唯一美中不足係我住港島，呢間太遠了😭

朋友介紹來到這間餐廳一試，一入去感覺像鬧市中的世外桃源，估不到工廠區也有這樣的小清新。我們去的時候是下午茶時間，人不多，環境清幽、寧靜，感覺很舒服。點了下午茶餐，鮮茄三文魚意粉和烤雞凱薩沙律，餐飲點了hazelnut chocolate，待應笑容滿面，沒有半點催趕。兩樣食物味道也不錯，三文魚不會很鹹，鮮茄意粉好味，份量適中，我們也吃光了，剛剛好！再慢慢享受飲品，過了悠閒的下午！老闆很好人，叫我們隨便坐下上下網relax下！真是傾計relax或做下自己野的好地方，還有wifi呢！真心推介！原來晚上可包場BBQ，下次要試試！