The Meat Co.

佐敦搵食Eaton Foodcourt,都皓多間食肆，揀咗The Meat Co.，有個午餐🥣意大利🇮🇹脆皮烤豬肉卷🫔（$78），性價比高，俾咗錢攞個圓餅等號碼大約10分鐘，鐵版上，熱🔥辣辣，皮脆，有肥膏，我反而覺得瘦肉一般，12種汁任揀，我揀咗香辣🌶️蒜蓉汁，真係辣🌶️既，隨餐有幼薯條🍟，有粉，好脆，好食，小沙律🥗，雖然有少少🤏沙律🥗醬但我都接受到，仲有汽水🥤，我揀咗忌廉。不過Eaton Foodhall雖然有位冷氣唔太夠🥵

位於逸東酒店food hall，正如其名，餐廳主打招牌安格斯西冷牛扒🥩，整個area高級舒適，價錢亦合理~ .Food Ordered: 安格斯牛扒 180g ($168)松露薯蓉 ($30).kuku食評:叫咗Rare，上菜時再喺熱石燙一燙，肉汁鮮嫩，配搭香濃嘅蘑菇汁，超入味！松露薯蓉冇太大驚喜，但松露lover都不妨一試！#hungrykuuu_hongkong #hungrykuuu_jordan #佐敦美食 #香港餐廳 #香港好去處 #香港美食 #hkfood #hkgoodwest #相機食先 #食好西

餐廳主打USDA 21天熟成安格斯舉扒，即叫即燒，香氣撲鼻😌 11月原來仲有限定龍蝦🦞豬扒海陸套餐採用美國🇺🇸豬扒，配上石烤波士頓龍蝦🦞、烤蔬菜、西式湯及醬汁醬汁一共12款，當中有少見獨特的，如藍芝士、阿根廷🇦🇷香辣醬、法式伯那西醬汁等等😍 好想一次過試哂😋波士頓龍蝦🦞好大隻，肉質彈牙鮮味，豬扒厚身夠juicy，伴碟仲有烤粟米芯、秋葵等，配有自己製有口感嘅蘑菇湯🤩至於招牌 USDA 21天熟成安格斯西冷扒🥩，有三款size 選擇（180克/230克/300克），牛扒軟腍肉汁豐富，牛肉香濃郁仲帶芝士香😌配即炸薯仔及炸蔬果🍅🥦🥕

完全唔似喺美食廣場搵到嘅餐廳裝修風格擺盤都好靚唔講仲以為去咗扒房食扒🍽️呢間餐廳喺酒店嘅美食廣場入面同其他美食廣場唔同 呢度舒服同埋睇落高級好多揀完你想要嘅肉 就可以揀埋你嘅醬汁牛扒肉質Juicy 完全對得住個價錢

上完瑜珈 9點左右嚟food court揾嘢食我朋友諗住喺另一檔嗌個魚生飯再嚟哩間嗌一樣share我地嗌春雞無春雞，豬胺亦都無晒咁我地本身諗住唔食，後尾見佢200g牛扒 $148都ok呀 嗌咗之後個收銀問我地會唔會要厚少少250g我地諗住唔食咁多嘢就話唔使佢問我地幾多成熟 我地話5成然後佢對住廚所個staff做咗個鬼臉意思係話我地夠膽死嗌薄扒但要5成熟鬼做比我地我同朋友都目睹晒佢地啲不禮貌對待客人奈何我地已經碌咗卡比錢塊扒不過不失，不過啲服務態度真係唔要得成間food court咁大就係畀人買唔同嘅嘢嚟食佢憑乜嘢睇唔起我地唔加錢要塊厚啲？佢個臭鬼臉我真係永世難忘佢係一個短髮香港女人 微胖 不高身材至於廚所嗰個應該係菲律賓人性價比幾高都好，一定唔會食第二次！

逸東酒店food court｜📍The Meat Co♡秘製香草燒春雞+汽水♡｜💰$78+$10🤔個人覺得賣相麻麻哋😂燒春雞跟餐可以配埋梛菜沙律、炸薯條、任選一款醬料。❶作為主角嘅燒春雞已經好細心咁整成切件唔係全隻上，所以食落方便好多💛肉質正常，但味道過鹹，唔洗額外醬汁都好鹹🥲食得有啲辛苦…❷餐廳提供嘅醬汁款式都幾多，包括有：芥末、煙燻燒烤醬、阿根廷香辣醬、法式伯那西醬汁、藍芝士汁、特濃胡椒汁、紅酒汁、洋蔥燒汁、照燒汁、蘑菇汁、莎莎青醬同埋香辣蒜蓉汁❸炸薯條份量其實唔多只不過係用張紙托住咗，所以望落份量幾多😂薯條嘅調味粉甜甜哋但個味道幾正🫶🏻❹沙律口感爽脆但食落有少少苦雖然呢間餐廳係主賣係牛扒，但食過一次個味道都好普通( ･᷄ὢ･᷅ )個人覺得嚟呢度可以淨食薯條😂

牛扒跟薯條永遠是無敵的組合，星期五下班後就是想吃牛扒！位於佐敦香港逸東酒店裡的「The Meat Co.」主打吃牛扒及薯條，餐牌選項不算多但足夠滿足愛吃牛扒的你。我和友人分別試了和牛肉眼 250g (HKD268)及美國安格斯西冷 300g (HKD198)這兩款牛扒，牛扒會附上帶有煙燻及甜味的薯條和椰菜沙律，兩款牛扒都相當出色，和牛肉眼口感鬆軟鮮嫩又多汁，而西冷牛肉比起肉眼脂肪會較少，但牛肉味道比較濃，另有12款獨特醬汁配牛扒，當中藍芝士、莎莎青醬、香辣蒜蓉汁及洋蔥燒汁都相當出色，增添不少味道層次，我們特別推薦藍芝士醬。有紅肉當然不能少了一杯紅酒，餐廳嚴選兩款紅酒，當中 Château de Marsan (HKD120/half bottle) 的 Cabernet Sauvignon，有羊絨一般的口感，入口比較感覺幼細，呈中等的酒體，帶著一絲朱古力味道，推薦！另外，建議接著品嘗第二支Delas Côtes-du-Rhône (HKD120/half bottle) 口感相對較厚，味道亦較前者香濃，單寧細膩餘味悠長，很搭吃烤肉，承接著上一支酒的餘韻，再將味覺層次提升，是個很好的換酒

係佐敦想食牛扒，見到呢到food court有，價錢又唔貴就試吓⚡️ order咗之後大約等咗15分鐘就即刻有，但結果超失望🫣一食落去塊牛扒凍嘅又無牛肉味，肉質都唔係太好，唔知係咪我唔好彩🫠🥩薯條係有幼身少少脆，但只係微暖🍟配菜就一般冇話好唔好食。其實價錢ok，環境雖然係food court但係都係decent如果佢食物質素好返啲就好啦，希望佢之後會改善。靚景指數：💛💛💛好食指數：💛抵食指數：💛💛

 說來慚愧 完全唔知原來Eaton地庫有成層樓咁大嘅food hall🙀 各國菜式包羅萬有 行完個圈食咗一間價錢親民嘅牛扒店🐮 套餐包椰菜沙律杯 薯條同牛扒醬 有三款扒選擇 👉🏼 美國安格斯西冷 ($168/250g)👉🏼 紐西蘭草飼牛柳 ($178/250g) 👉🏼 澳洲M5和牛肉眼($268/250g)  個人推薦澳洲M5和牛肉眼🤩 雖然M5嘅牛肉唔會話超級重脂肪  但薄煎後食落都幾香口🤤 醬汁方面都有多款選擇 例如有 - Spicy Chimichurri 阿根廷香辣醬 - Bearnaise 法式伯那西醬汁  - Blue Cheese 藍芝士 - Double Peppercorn 特濃胡椒 - Wild Mushroom 蘑菇汁  因為本身係薯條控 但係薯條味道太甜 所以要扣分😛 另外加配咗松露薯蓉($30) 薯蓉都幾滑口

【 美味，卻不起眼 】係鬧市下的一個小food court，出現了一家蠻有水準的小扒房，賣的很簡單，牛扒，薯條，沙律，最多加一點罐裝飲品。雖然選擇不多，但是美味，就足夠了。《USDA Angus Sirloin 200g》($138)200公克安格斯西冷牛扒我選了四成熟的medium rare牛扒雖少，看來細份，但有著整齊的網斑，剛好的肉質，再配上香口的炸薯條。蘸薯雙重黑胡椒牛扒醬，找一個寧靜的小角落享受，都係一番樂趣。

［佐敦］高質粉嫩烤美國豬鞍Lunch special 烤美國豬鞍$88配芥末肉汁、薯條和沙律首先豬鞍烤得好香🤩，切開之後，見到粉嫩的肉質😍，真係粉紅色的，可遇不可求🤣。而且好juicy ，肉質好軟滑。因為豬鞍係豬的背部，油脂含量較低，肉質嫩有咬口，肉味比較香濃。👍🏻配上熱辣辣的香脆薯條🍟，正‼️仲有沙律菜🥗，等你減少罪惡感🫢價錢上，無得輸☺️但留意返供應時間：中午12時至下午5時❤️整體味道：🌕🌕🌕🌗🌑環境：🌕🌕🌕🌑🌑地區：#arfan_foodie_佐敦類別：#arfan_foodie_小圈子聚會 #arfan_foodie_獨樂樂 #arfan_foodie_couple——————The Meat Co. (佐敦)佐敦彌敦道380號香港逸東酒店Eaton Food Hall LG樓6號舖——————#hkfoodie #hkfood #hkfoodblogger #hkfoodblog #hkrestaurant #香港美食 #香港餐廳 #香港美食指南 #香港美食日記 #香港美食推介 #食好西 #相機食先 #粉嶺美食 #hongkong # #arfan_foodie #arfan_

逸東 basement 進駐了主打牛扒的扒房，經過其他座位見到牛扒大大塊，賣相很不錯，便決定試試了。餐廳主要賣三款牛扒，安格斯西冷，紐西蘭牛柳，和牛牛扒；當中只有安格斯西冷可以選擇份量，其餘兩款都是固定重量。我選了：250g安格斯西冷配薯條 $168現在只要 like fb or follow ig便送1枝無酒精嘉士伯，都幾抵！西冷雖然大大塊，賣相很不錯，但我點了5成熟，結果最後熟到接近8成，有點失望，由於煮得太熟，因此肉質非常韌，吃不出肉的鮮味，有點可惜！

尋日去食晚飯既時候無意中發現呢間扒房，果刻好想好想食牛一見到就覺得好吸引，果然無失望啊❤️職員全女班，服務態度非常親切。❤️澳洲M5和牛肉眼扒 250g 配紅酒汁 5成 ❤️美國安格斯西冷牛扒 350g 配 BBQ燒烤汁5成肉汁鮮嫩，我基本上係無點到汁都覺得好好食🤭薯條份量都好多同好好食。成個餐份量係好夠食，同價錢好抵🫶🏻我下次會再食多次試左支酒精啤酒🍻仲要低卡路里👍🏻啤酒節：讚好專頁有一支無酒精啤酒咁就試下

呢度以前有檔日式牛扒小檔，大大舊食得好滿足，典知變天後，乜都唔同哂。難得過嚟staycation，咁耐冇嚟咪豪返次囉，係啊，我哋啲低下層，幾舊水食餐好豪𠺢啦陰公。咁我都知，三舊食和牛係好鬼平，我係著得好街坊，自問有小小樣衰，不過你都唔洗俾塊小流氓咁薄，仲係煎定响樹，係煎定响樹！我睇住肥妹好爽手咁夾塊熟咗嘅薄牛扒過去煎爐上面，我心諗唔係我果塊呱⋯⋯，當收錢位冇咁肥嘅肥妹推一推個餐盤望住我，我又望返佢，再用自己隻無力啊手指下自己個鼻，佢又點頭回應嗰一刻，我就幾肯定我人生有幾黑暗。我好卑微咁坐埋一邊，享受呢塊係的確係有油滋，係有多少牛味嘅「和聊」，心諗，住响香港幾好吖，三舊水有禾牛嘆，想死咩，咁我心理就平衡曬，再次期望返工嘅日子。老實講，我唔係怪果兩個肥妹，我係怪檔嘢做乜容許咁樣做生意，怪間酒店咁好名聲，做乜唔小心啲揀食店。畢竟，呢度淨返好嘅嘢已經唔多，唔好咁搞啦好冇！

order 200g 西冷加氣水，要5成熟，但牛扒煎到8-9成熟，吃起來超硬，絕對不合格，基本功無法做到，極度失望，絕無下次!😓😓😓唯一合格是薯條，但係這是The Meat Co，牛是主角吧！環境一流，因為佢在酒店FoodHall其他地方無法比。